အာဇာနည်ခေါင်းဆောင်ကြီးများအား ရည်စူး၍ သံဃာတော်များ ကို နေ့ဆွမ်းကပ်ခြင်းနှင့် ဘာသာပေါင်းစုံ ဆုတောင်းမှု ပြုလုပ်

ဇူလိုင် ၁၉ ၊ ၂၀၁၆

ယနေ့ တွင် ကျရောက်သည့် ၆၉ နှစ်မြောက်အာဇာနည်နေ့တွင် ကျဆုံးလေပြီးသော အာဇာနည်ခေါင်းဆောင်ကြီးများအား ရည်စူး၍ ဘာသာပေါင်းစုံ ဆုတောင်းမှုကို နိုင်ငံတော်၏အတိုင်ပင်ခံပုဂ္ဂိုလ်၏ တက္ကသိုလ်ရိပ်သာလမ်းနေအိမ်၌ ယနေ့ မွန်းလွဲ ၃ နာရီခွဲအချိန်တွင် ကျင်းပ ပြုလုပ်ခဲ့ကြောင်း သိရှိရပါသည်။

ဆုတောင်းပွဲသို့   မြန်မာနိုင်ငံလုံးဆိုင်ရာ ဟိန္ဒူအဖွဲ့ချုပ် အတွင်းရေးမှူး ဦးကျော်သူ၊ အစ္စလာမ် ဓမ္မဗိမာန်ဦးဆောင်ဆော်သြရေးမှူး အယ်လ်ဟာဂ်ျဦးအေးလွင်၊ ဂျူးဘာသာ ခေါင်းဆောင် ဦးဆယ်မီ၊ ဘဟာအီသာသနာရေးအဖွဲ့ချုပ် အဖွဲ့ဝင် ဦးကြည်ဝင်းနှင့် ရန်ကုန် ကက်သလစ် သာသနာ့ဂိုဏ်းချုပ်ဆရာတော် ကာဒီနယ်ချားလ်စ်ဘို တို့က မေတ်္တာစကား ပြောကြားခြင်းနှင့် ကိုးကွယ်ရာဘာသာများအလိုက် ဆုတောင်းမေတ္တာ ပို့သကြသည်။

ဆက်လက်၍ မြန်မာနိုင်ငံခရစ်ယာန်အသင်းတော် သာသနာပိုင်ချုပ် စတီဗင် သန်းမြင့်ဦး က တိုက်တွန်းအားပေးစကားပြောကြားပြီး တက်ရောက်လာကြသူများက ဓမ္မဂုဏ်တော်ချီးမွမ်း ကြသည်။

ထို့နောက် သိက္ခာတော်ရ ဆရာ ဦးကျော်ညွန့်က ကောင်းချီးမင်္ဂလာမျှဝေသည်။

ဆုတောင်းပွဲအပြီးတွင် နိုင်ငံတော်၏အတိုင်ပင်ခံပုဂိ်္ဂုလ်သည် တက်ရောက်လာ ကြသည့် အဖွဲ့များအလိုက် စုပေါင်း၍ မှတ်တမ်းတင်ဓာတ်ပုံရိုက်ကြသည်။

ဆုတောင်းပွဲသို့ ဒုတိယသမ္မတ ဦးဟင်နရီဗန်ထီးယူ၊ နိုင်ငံတော်အတိုင်ပင်ခံရုံး ၀န်ကြီးဌာန ပြည်ထောင်စုဝန်ကြီး ဦးကျော်တင်ဆွေ၊ ပြည်ထောင်စုငြိမ်းချမ်းရေး ညီလာခံ- (၂၁)ရာစု ပင်လုံညီလာခံ အကြိုပြင်ဆင်ရေးကော်မတီ ဥက္ကဋ္ဌ ဒေါက်တာ တင်မျိုးဝင်း၊ အမျိုးသား ဒီမိုကရေစီအဖွဲ့ချုပ် နာယက ဦးတင်ဦး၊ ဖိတ်ကြားထားသည့် ဘာသာပေါင်းစုံမှတာဝန်ရှိသူများ၊ ဧည့်သည်တော်များ တက်ရောက်ကြသည်။

မနက်ပိုင်းတွင် နိုင်ငံတော်၏ အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်နှင့် ခေါင်းဆောင်များဟာ ဗိုလ်ချုပ်အောင်ဆန်းနှင့် တကွ ကျဆုံးလေပြီးသော အာဇာနည် ခေါင်းဆောင်ကြီးများအား ရည်စူး၍ သံဃာတော် ၁၇ ပါးအား နေ့ဆွမ်းဆပ်ကပ် လှူဒါန်းပြီး ကောင်းမှုအစုစုတို့ကို အမျှဝေခြင်း ပြုခဲ့သည်။

ဓါတ်ပုံ နှင့် သတင်း – Yawainew Inn Ma && Myanmar State Counsellor Office