ဇေယျကျော်ထင် ဗိုလ်မှူးကြီးဘရှင်၏ (၉၈) နှစ်မြောက်မွေးနေ့ အထိမ်းအမှတ် ကျင်းပ

ဇန်နဝါရီ ၁၀၊ ၂၀၁၃
M-Media
ဆောင်းနှင်းမှုံ

ကမ္ဘာသိ မြန်မာ့သမိုင်းပညာရှင်ဇေယျကျော်ထင် ဗိုလ်မှူးကြီးဘရှင်၏ (၉၈) နှစ်မြောက်မွေးနေ့ အထိမ်းအမှတ် ဂုဏ်ပြုအခမ်းအနားကို ဇန်န၀ါရီလ ၁၀ရက်နေ့ ရန်ကုန်မြို့ ၊ရွှေဂုံတိုင်တော်ဝင် နှင်းဆီခန်းမ၌ နေ့လယ် ၃နာရီတွင် စည်းကားသိုက်မြိုက်စွာ ကျင်းပခဲ့သည်။

အခမ်းအနားသို့ တက်ရောက်လာကြသူများ

ယင်းအခမ်းအနားသို့ နိုင်ငံရေးနယ်ပယ်မှ ခေါင်းဆောင်ကြီးများ၊ ဘာသာပေါင်းစုံမှ ဆရာတော်ကြီးများ၊ သမိုင်းပညာရှင်များ၊ တိုင်းရင်းသား ကိုယ်စားလှယ်များ၊ ရွှေမင်းသားဖေါင်ဒေးရှင်းမှ ဥက္ကဌ အပါအ၀င် ဖိတ်ကြားထားသော ဂုဏ်သရေရှိ ဧည့်သည်တော်များ တက်ရောက်ခဲ့သည်။

အဆိုပါ အခမ်းအနားကို ဖွင့်လှစ်ကြောင်းကြေညာပြီးနောက် နိုင်ငံတော်အလံ အားအလေးပြုခြင်း၊ ကျဆုံးလေပြီးသော ဗိုလ်ချုပ်အောင်ဆန်းနှင့်တကွ အာဇာနည်ခေါင်းဆောင်ကြီးများ အားအလေးပြုခြင်း၊ ခေတ်အဆက်ဆက် ဒီမိုကရေစီ တိုက်ပွဲတွင် ကျဆုံးခဲ့သော ရဟန်း ပြည်သူ ကျောင်းသားလူငယ် အပေါင်းတို့ အား တစ်မိနစ် ညိမ်သက်၍ ဂုဏ်ပြုခြင်း၊ အခမ်းအနား ကျင်းပရေး ကော်မတီမှ သဘာပတိ ဒေါက်တာလှမြင့် မှအမှတ်တရ စကားပြောကြားခြင်း၊ ကျင်းပရေးကော်မတီမှ ရှေ့ နေဦးခင်မောင်ချိုမှ အခမ်းအနားကျင်းပရခြင်း ရည်ရွယ်ချက်ကို ရှင်းလင်းတင်ပြခြင်း၊ သမိုင်းပညာရှင် ဒေါက်တာ ခင်မောင်ညွန့်မှ အမှာစကားပြောကြားခြင်း၊ ဗုဒ္ဓဘာသာမှ ဆရာတော်ကြီးနှစ်ပါး မှ  အမှတ်တရ အမှာစကား ချီးမြှင့်ခြင်း၊ နိုင်ငံရေးနယ်ပယ်မှ ခေါင်းဆောင်ကြီးများဖြစ်သော သူရဦးတင်ဦး (NLD အဖွဲ့ချုပ် နာယက) ဆရာကြီး ဟံသာဝတီ ဦးဝင်းတင်၊ အစ္စလာမ်ဘာသာမှ ဆရာဦးအေးလွင်၊ ဒေါက်တာမြင့်သိန်း တို့ မှအမှာစကားပြောကြားခြင်း၊ ခရစ်ယန်ဘာသာမှ ဖါသာဂျော့ရှ် (ရွှေထွန်း)၊ ဟိန္ဒူဘာသာမှ ဆရာတော် ဦးမောင်မြင့် (မြန်မာနိုင်ငံလုံးဆိုင်ရာ ဟိန္ဒူ ဘုန်းတော်ကြီးများ အဖွဲ့ ချုပ် ဥက္ကဌ)၊ ရွှေမင်းသား ဖောင်ဒေးရှင်း ဥက္ကဌ တို့မှ ဂုဏ်ပြုစကား ချီးမြင့်ခြင်း၊ တိုင်းရင်းသား ကိုယ်စားလှယ် တစ်ဦးမှ ဂုဏ်ပြုစကားပြောကြားခြင်း၊ ကျင်းပရေးကော်မတီ ကိုယ်စား ဦးတင်ဦး (ကဗျာဆရာ တင်ငြိမ်းဦး) မှ ကျေးဇူးတင်စကားပြောကြားပြီးနောက် အခမ်းအနားကို ည ၇ နာရီကျော်တွင် အောင်မြင်စွာ ပြီးဆုံးကြောင်း ကြေညာခဲ့သည်။ အခမ်းအနားသို့ ၆၀၀ ကျော် တက်ရောက်ခဲ့သည်။

မြ၀တီမင်းကြီး ကျောင်းတိုက် ဆရာတော် ဦးအရိယ၀ံသာဘိဝံသမှ “ဗိုလ်မှူးဘရှင်ရဲ့ အကြောင်းကို အရင်က နာမည်မျှသာကြားဖူးရုံကနေ အခုလေ့လာကြည့်တဲ့အခါမှာ ဗိုလ်မှူးဘရှင်ဟာ အရမ်းတော်ကြောင်းကိုတွေ့ရတယ်။ ကိုယ့်မြန်မာ့သမိုင်းကိုလည်း ဆရာကြီးဟာ အပတ်တကုတ် ကြိုးစားခဲ့တယ်။ ကိုယ့်အမျိုးသား နိုင်ငံကို ချစ်မြတ်နိုးသူ ဖြစ်တယ်။ မြန်မာနိုင်ငံအတွက် သမိုင်းစာပေတွေကို ရေးသားဖြန့်ချီခဲ့တယ်။ သူများနိုင်ငံက ဘာကြောင့် တိုးတက်လဲဆိုတာကို စိတ်ဝင်တစားလိုက်စားပြီး သူဟာစာအုပ်အဖြစ်ရအောင် လုပ်ခဲ့တယ်။ ဒါဟာသူ့နိုင်ငံ အပေါ်မှာ ဘယ်လောက်ချစ်လဲဆိုတာကို ဘုန်းကြီးအနေနဲ့ မြင်တွေ့ ရပါတယ်။ သူဟာတိုင်းပြည်အပေါ်မှာ ဘာသာလူမျိုးမခွဲခြားပဲ သူချစ်တယ်။ ဆရာကြီးဟာ တကယ့်သမိုင်းပညာရှင်ပါ” ဟုဆိုသည်။

ဆရာတော်ဦးက္ကုဿရိယ (ဘုန်းဘုန်းဂျောင်းဂျောင်း) မှ “ဗိုလ်မှူးဘရှင်ဟာ သမိုင်းပညာရှင်ပါ ၊ သမိုင်းကို သိမှသာ ဘုန်းဘုန်းတို့တွေဟာ သမိုင်းထဲက သင်ခန်းစာတွေကို ရယူနိုင်မှာဖြစ်တယ်၊ ဆရာကြီးဟာ ဦးဇင်းရဲ့ သူရဲကောင်းတစ်ယောက်ပဲ နောက်ပြီး ဒီပွဲစီစဉ်တဲ့ သူတွေကိုလည်း ကျေးဇူးတင်ပါတယ်၊ ဘာဖြစ်လို့လဲဆိုတေ့ာ ငါတို့ အစ္စလာမ်ဘာသာထဲက နာမည်ကြီးတဲ့ ကမ္ဘာကသိတဲ့ တစ်ယောက်ပဲဆိုပြီး ကိုယ့်ဘာကိုယ် တိတ်တိတ်ပုန်းမလုပ်ခဲ့ဘူး ဘာသာပေါင်းစုံက ခေါင်းဆောင်တွေ၊ ပညာရှင်တွေပါ ပါဝင်နိုင်အောင် လုပ်ပေးထားတာကို တွေ့ရပါတယ် နောက်ထက်ပြီး ဘုန်းဘုန်းအနေနဲ့ ပြောချင်တာတစ်ခုကတော့ ဘာသာပေါင်းစုံ တိုင်းရင်းသားပေါင်းစုံ အားလုံးဒီအချိန်မှာ ညီညီညွတ်ညွတ် ရှိနေမှသာ နောက်ကြောင်း ပြန်လည့်ခြင်းကို မခံရမှာပါ။ ဒါကြောင့်အားလုံး ညီညီညွတ်ညွတ် စုစုဝေးဝေး ချစ်ခင်မှုတွေ ယုံကြည်မှုတွေ နဲ့ နေကြပါလို့ ဦးဇင်းအနေနဲ့ နောက်ဆုံးမှာချင်ပါတယ်” ဟု M-Media သို့ ပြောကြားခဲ့သည်။

အခမ်းအနားသို့ တက်ရောက်လာသော NLD ပါတီ၏ နာယကကြီး ဦးတင်ဦးမှ ဗိုလ်မှူးကြိးဘရှင်မွေးနေ့ အခမ်းအနား အမှတ်တရ စာအုပ်တွင်လက်မှတ်ရေးထိုးနေစဉ်

အခမ်းအနားသို့ တက်ရောက်လာသော NLD ပါတီ၏ နာယကကြီး ဟံသာဝတီ ဦးဝင်းတင်မှ ဗိုလ်မှူးကြီး ဘရှင်မွေးနေ့ အခမ်းအနား အမှတ်တရ စာအုပ်တွင်လက်မှတ်ရေးထိုးနေစဉ်

မြ၀တီမင်းကြီး ကျောင်းတိုက် ဆရာတော် ဦးအရိယ၀ံသာဘိဝံသ

မြန်မာ မွတ်စလင်မ် ခေါင်းဆောင် တစ်ဦးဖြစ်သော ဒေါက်တာမြင့်သိန်း မှ ဂုဏ်ပြုစကားပြောကြားနေပုံ

မြန်မာမွတ်စလင်မ်ခေါင်းဆောင် တစ်ဦးဖြစ်သော ဓမ္မကထိက ဦးအေးလွင်မှ ဂုဏ်ပြုစကားပြောကြားနေပုံ