ကျွန်ုပ်နှင့် ပွဲပျက်သွားသော ဂျင်ဂလိစံ

မားဆိုး

ဤသို့ဖြင့် ကျွန်ုပ်တို့မိတ်ဆွေနှစ်ဦးသည် ဓာတ်ရထားအား သက်တောင့်သက်သာစီးနင်းလိုက်ပါလာခဲ့ရာ ဂျူဗလီဟော ခန်းမကြီးသို့ ရောက်ရှိခဲ့ချေသည် တမုံ့။ ဂျူဗလီဟောကြီးသည် လွန်စွာမှ ခန်းနားလှပလှချေ၏။ များစွာသော မင်းပရိသတ်များဖြင့်လည်း စည်ကားလျက်ရှိချေ၏။ ခန်းမကြီး၏ ဝင်ပေါက်တွင်မူ ကဗျာဆရာကြီး ဂျင်ဂလိစံ၏ ပုံတူပန်းချီကားကြီးကို ဗီနိုင်းပိုစတာကြီးဖြင့် ချိတ်ဆွဲထားလေရာ ကဗျာချစ်သူလူအများက ရပ်တန့်ငေးမောလျက် ရှိချေသတည်း။

ကဗျာဆရာကြီး ဂျင်ဂလိစံ မှာ အရပ်အမောင်းခပ်ပြတ်ပြတ်ဖြင့် လွန်စွာမှ ယောင်္ကျားပီသသောရုပ်ရည်ကို ပိုင်ဆိုင်လေ၏။ သူသည် ဂျပန်ရိုးရာ ဟိုက္ကူကဗျာအမျိုးအစားကိုသာ တစိုက်မတ်မတ်ရေးဖွဲ့တတ်ပြီး ကမ္ဘာ့အလည်တွင်လည်း ထင်ရှားသောအနုပညာရှင်တစ်ဦးဖြစ်ချေ၏။ တစ်ကြိမ်က သူရေးဖွဲ့ခဲ့သော ဟိုက္ကူကဗျာတစ်ပုဒ်ကြောင့် ဥရောပတိုက်ရှိ တွေးခေါ်ပညာရှင် အသိုင်းအဝိုင်းတွင် များစွာမှ ဂယက်ရိုက်သွားခဲ့ဖူးပေ၏။ အနှီကဗျာနှင့်ပတ်သက်ပြီး မျိုးစိတ်တို့၏ မူလအစ ဟူသည့် ကျမ်းကြီးကို ရေးသားဖော်ထုတ်ကာ Revolution Theory ကို ချပြခဲ့သည့် ချားလ်းဒါဝင်က အလွန်တရာနှစ်သက်လှသောကြောင့် မွန်ပါနာဆေ၌ ညစာဖြင့် ဂုဏ်ပြုဧည့်ခံသည်ဟူ၏။ (ကဗျာကို အောက်တွင်ရှု )

 ကြောက်မနေပါနဲ့

မျောက်ရယ်လို့ ဖြစ်လာမှတော့

ငှက်ပျောသီးဘဲစား။

ဂျင်ဂလိစံ (အေဒီ ၂၀)

ကျွန်ုပ်နှင့် ဆားပုလင်းယင်ကောင် တို့နှစ်ဦးသည် စီအိုင်ဒီ ပုလိပ်အဖွဲ့ကြီး၏ အထူးကိုယ်စားလှယ်တော်များဖြစ်သည်နှင့်အညီ ရှေ့ဆုံးတန်းပွဲကြည့်ခုံရှိ VIP ခုံများတွင် နေရာရကြလေ၏။ ခမ်းမကြီးထဲတွင်ကား နိပွန်နိုင်ငံထုတ် မစ်ဆူရှီဘီ လေအေးပေးစက်များ တပ်ဆင်ထားသောကြောင့် ဆောင်းတွင်းတမြအေးမြလှပေတော့သည်။ ထိုင်ခုံများ၏ လက်တန်းပေါ်တွင် စက်ဝိုင်းပေါက်လေး ဖောက်ထားသော သစ်သားပြားတစ်ခုစီ ရှိလေ၏။ ထိုစက်ဝိုင်းပေါ်က်လေးများအတွင်း၌ လက်ဖက်ရည်ကြမ်းတစ်ခွက်၊ ကွာစိလှော်တစ်ခွက်တို့ကို ချထားရာ ၊ ကျွန်ုပ်တို့လည်း အခြားပရိသတ်များနည်းတူ ကွာစိလှော်အား ဖျောက်ခနဲ ဝါး၊ လက်ဖက်ရည်ကြမ်းကို ရှုးးခနဲ မှုတ်သောက်လိုက်ကြပေ၏။

မကြာမီတွင် အခမ်းအနားမှူး မှ နိပွန်ဘာသာဖြင့် တစ်စုံတစ်ခုကို ကြေငြာလေရာ ကျွန်ုပ်မှာ နားမလည်နိုင်သဖြင့် နိပွန်ဘာသာစကား တတ်ကျွမ်းသော ကိုယင်ကောင့်ကိုပင် မေးရလေသည်။

ကျွန်ုပ် ။ ။ “ အိုင်ဆေး ကိုယင်ကောင်၊ ယူးဝါရှုးဝါး အီးရှုးဝါ .. အာဂျီနိုမိုတို .. ဆိုပါလားဗျ။ ဘယ့်နှယ့်အဓိပ္ပာယ်ကြီးတုန်း”

ကိုယင်ကောင် ။ ။ “ ပိတ်တတ်ကြီးအားလုံး မင်္ဂလာအပေါင်းနှင့် ခညောင်းသော ညနေခင်းပါ လို့ ဆိုလိုတယ်အိုင်ပီ”

နုပ် ။ ။ “ ရွှေ့ … နိပ်ဟ။ အံမယ်.. အံမယ် .. ပြောနေပြန်ပြီ ။ နိပွန် ဘီရုမာ အိုးနားဂျိ ၊ အိုးနားဂျိ ဆိုပါ့လား။ လင်းပါဦး ကိုယင်ကောင်”

ကိုယင်ကောင် ။ ။ “နိပွန် နဲ့ ဗမာ အတူတူဘဲ ၊ ညီအကိုတွေလို ချစ်ချစ်ခင်ခင်နေကြမယ်လို့ ဆိုလိုပါတယ် အိုင်ပီ ”

ဤမျှလောက်ဆိုလျှင် ကျွန်ုပ်သည်လည်း နိပွန်စကားကို နားရည်ဝပြီမို့ ကိုယင်ကောင့်အား အနှောက်အယှက်မပေးချင်တော့ပါ။ အခမ်းအနားမှူး ပြောသည့် နိပွန်စကားအား မိမိကိုယ်တိုင် ဖြည့်စွက် နားလည်ရချေသည်တမုံ့ ။ ထိုအခိုက် အခမ်းအနားမှူးမှ “ဂျင်ဂလိ .. စံ …. ” ဟူ၍ အသံပြဲကြီးနှင့် အော်လိုက်ရာ ကျွန်ုပ်တို့ ပရိသတ်ကြီးကာ ဘာမသိ၊ ညာမသိ နှင့် လက်ခုပ်သြဘာပေးကြချေ၏။

ထို့နောက် နိပွန်ကဗျာဆရာကြီး ယာရာတိုဝါ ဂျင်ဂလိစံ စင်ပေါ်တက်လာပြီး ပရိသတ်ကြီးအား နှုတ်ခွန်းဆက်လေသည်။

ဂျင်ဂလိ ။ ။ “ ယူးဝါ ရှုးဝါ အီးရှုးဝါ အာဂျီနိုမိုတို ။ အာရိဂသော ဂိုဇိုင်းမက်၊ ဘန်ဇိုင်း ဘန်ဇိုင်း .. ”

( မြန်မာပြန် – ပရိသတ်ကြီး မင်္ဂလာပါ ။ ကျနော်ကတော့ ဂျင်ဂလိစံ ဖြစ်ပါတယ်။ အခုချိန်က စပြီး ဟိုက္ကူကဗျာများကို ရွတ်ပါတော့မယ်)

ကျွန်ုပ်တို့ ။ ။ “ယောရောရှိ ၊ ယောရောရှိ ”

( ကောင်းပါပြီ … ရွတ်ပါတော့ဗျိူး။ )

ဂျင်ဂလိ ။ ။ “ ဒီလို ပိတ်တတ်ကြီးရေ။ ကျနော်ဒီနေ့မနက် ဘုရားကအပြန် ဗျိုင်းရေအိုးစင်လမ်းအတိုင်း လမ်းလျှောက်လာတုန်း လမ်းဘေးတစ်နေရာမှာ .. သောက်ရေအိုးစင်ကလေးတစ်ခုဗျာ။ ယိုင်နဲ့နဲ့လေး ။ ပြုပြင်မယ့်သူ မရှိရှာဘူးထင်ပါ့။ အဲ့တာ မြင်မကောင်းတာနဲ့ဘဲ ရေတစ်ခွက်သောက်ပြီး တွန်းလှဲပစ်ခဲ့တယ်။ အဲ့တာလည်း ပါဖောင်းမန့်စ်တစ်ရပ်ပေဘဲ မဟုတ်လားခင်ဗျ။ ဒူးချမ့်ရဲ့ သေးခွက်ကြီးတောင် ဆယ်ပေါင်တူနဲ့ အထုခံရသေးတာဘဲ။ အဲ့ဒီအချိန်မှာဘဲ ကျနော့်ရင်ထဲမလည်း ကဗျာတစ်ပုဒ် မွေးဖွားခဲ့ပါရောဗျာ။ ”

အရိပ်
____
ဖုန်တထောင်းထောင်းထ

လှည်းလမ်းမနေပူပူမှာ

သောက်ရေအိုးစင်လေး။

ကျွန်ုပ်တို့ ။ ။ “ ရွှီးး .. ဖြောင်း .. ဖြောင်း။ အင်မတန် ကြီးမြတ်တဲ့ အနုပညာတစ်ရပ်ပေဘဲ ။ ယောရောရှိ၊ ယောရောရှိ ။ ”

ဤသို့ ကျွန်ုပ်တို့ ပရိသတ်ကြီးမှ လက်ခုပ်သံတဖြောင်းဖြောင်းဖြင့် သြဘာပေးလိုက်သောအခါ ကဗျာဆရာကြီး ဂျင်ဂလိစံ မှ ဦးညွှတ်၍ အရိုအသေပေးလေသည်။ ထို့နောက် ဟိုက္ကူတစ်ပုဒ် ထပ်ရွတ်ပြန်သည်။

ဂျင်ဂလိ ။ ။ “ဒီတစ်ပုဒ်ကိုတော့ ခင်ဗျားတို့ရဲ့ မဟာရန်ကုန်မြို့ကြီးမှာ ၂ ညတာ နေထိုင်တုန်း မီးပျက်တဲ့ ဒွတ်ခ၊ ရေမလာတဲ့ ဒွတ်ခ၊ ခြင်ကိုက် ဖုံထူ အိပ်မရတဲ့ညတွေမှာ ခံစားပြီးရေးဖွဲ့ခဲ့ရတာပါ။ နားထောင်ကြည့်ပါဦး ”

မဟာရန်ကုန်
_________
မီးမပျက်ပါဘူး

မှောင်နေတာဘာဖြစ်လို့လဲ

လမထွက်တဲ့ည။

ဤတစ်ကြိမ်တွင်တော့ ပရိသတ်ကြီးမှ လက်ခုပ်သြဘာမပေးတော့ပါ ။ မကြာမဏ မီးပျက်လေ့ရှိသော သူတို့၏ ရန်ကုန်မြို့အား သရော်သည့်သဘော၊ ရိ သည့်သဘောဖြင့် “မီးမပျက်ပါဘူး” ဟု လှောင်ပြောင်၍ ကဗျာဖွဲ့ဆိုသော ဂျင်ဂလိစံ အား ပြင်းထန်စွာ ဆဲရေးရှုတ်ချကြလေတော့သည်။

“ ဟေ့.. တို့မြန်မာပြည်ကို မထိနဲ့၊ မီးပွင့်သွားမကွ။ ဘာမှတ်လဲ။ ”

“ ဇာတိပုည၊ ဂုဏ်မာန ကွ။ မဟာသာကီနွယ်မျိုး၊ အရှေ့တောင်အာရှမှာ တန်ခိုးထွားခဲ့တဲ့ ရာဇဝင်များရဲ့ သတို့သမီးကွ” ဟု အခြောက်တိုက် ဘဝင်မြင့်ကြကုန်၏။

“ အမြတ်ခွန်မဆောင်ချင်နေ၊ မြန်မာကိုတော့ မစော်ကားနဲ့ကွ။ မခံနိုင်ဘူး။ ”

“ တို့မြန်မာ … တို့မြန်မာကွ။ မြန်မာ့သတ္တိ ၊ ကမ္ဘာကသိတယ်။ လာမထိနဲ့ မီးပွင့်သွားမယ် ” ဟူ၍ ပလိန်းကြီး ခွပ်ကြကုန်၏။

“ ကမ္ဘာကြေသော်လည်း ဥဒါန်းမကြေဘူးဟေ့ ” ဟု လက်သီးလက်မောင်းတမ်းကြကုန်၏။

“ ကမ္ဘာမကြေ … ဗမာပြည် .. ဒါတို့ပြည် ဒါတို့မြေ .. ဒါ ငါတို့မြေ … ” ဟု မဆီမဆိုင် နိုင်ငံတော်သီချင်း ထဆိုကြကုန်၏။

“ မီးတုတ် မီးတုတ် ၊ ရှို့ ရှို့ ၊ ဂျင်ဂလိ ဂျင်ဂလိ ထု … ထု ” ဟု အခြောက်တိုက် ကြိမ်းဝါးကာ ဘယ်ကဘယ်လို ကောက်လာသည် မသိရသော အုတ်နီခဲများ၊ ကွမ်းသွေးထုပ်များ ၊ ပြောင်းဖူးရိုး၊ ခုံဖိနပ်များဖြင့်ပစ်ပေါက်ရာ ကမ္ဘာတစ်ခွင် ပြဲပြဲစင် မျက်နှာပန်းပွင့်ခဲ့သော ဟိုက္ကူကဗျာဆရာ ဂျင်ဂလိစံမှာ ဖနှောင့်နှင့်တင်ပါး တစ်သားတည်းကျအောင် စင်ပေါ်မှ ဆင်းပြေးရလေတော့သတည်း။

ထိုအချိန်တွင် မြန်မာနိုင်ငံလုံးဆိုင်ရာ ကဗျာဆရာများအဖွဲ့ချုပ် ဥက္ကဋ္ဌ ဦးဂေါ်ဂေါ်(လပွတ္တာ) သည် စင်ပေါ်သို့ အပြေးအလွှားတက်လာပြီးသကာလ “မလုပ်ကြပါနဲ့ဗျာ … မလုပ်ကြပါနဲ့ဗျာ … ” ဟု မျက်နှာငယ်လေးနှင့် တောင်းပန်လေ၏။

“အေဘေး ဦးဂေါ်ဂေါ် ၊ ခင်ဗျားကြီး ဖီပါ ( FIPA ) ကမ္ဘာ့ကဗျာအဖွဲ့ချုပ်က အာရကေတွေ မရတော့မှာကြောက်လို့ ကျုပ်တို့ကို လာငိုပြမနေနဲ့။ မြန်မာပြည်ကို စော်ကားတာ ခင်ဗျားခံနိုင်ပေမယ့် ကျုပ်တို့ မျိုးချစ်တွေက မခံနိုင်ဘူး … ” ဟု ဆိုကာ ဥက္ကဋ္ဌကို ခဲ ဖြင့်ဝိုင်းပေါက်ကြလေ၏။ ဥက္ကဋ္ဌ လည်း ထိပ်ပေါက်သွားသဖြင့် စင်ပေါ်မှ ဆင်းပြေးရလေ၏။

ကဗျာကို အနုပညာဟု မရှုမြင်ဘဲ မြန်မာပြည်အား အသလွတ်စော်ကားသည်ဟု အမြင်ကျဉ်းမြောင်းရှာသော ပရိသတ်အချို့က ဆဲမြဲဆဲလျက်၊ တချို့က အုတ်ကျပ်ခဲဖြင့် ပေါက်မြဲပေါက်လျက် လုပ်လေရာ နောက်ဆုံးတွင် ပွဲပျက်ခြင်းသို့ ရောက်ချေတော့၏။

သို့ဖြင့် ကျွန်ုပ်နှင့် ကိုယင်ကောင် မှာ ကဗျာရွတ်သံ ကို ဆက်လက်နားဆင်လိုပါသော်လည်း အခြေမလှသည်နှင့် ခဲပျံ၊ ဖိနပ်ပျံ မထိစေခြင်းငှာ ကုပ်ချောင်းချောင်းဖြင့် ပြန်လာရချေ၏။ ဂျူဗလီဟော အပြင်သို့ရောက်သောအခါ အနုပညာဗီဇ မသေးလှသော ဆားပုလင်းယင်ကောင် မှ အောက်ပါ ဟိုက္ကူကဗျာတစ်ပုဒ်အား ဒေါင်းတိမောင်းတိ ရင့်ကျူးလေ၏။

တလွဲဆံပင်ကောင်း

တကောင်းအဘိရာဇာတို့

အလောင်းဘုရားသွေး

ဘိုးဘေးတို့ထုံးစံ

ဖိနပ်ပျံငနီဝဲလို့

ပြေးးနိုင်မှလွတ်မယ်။

ကျွန်ုပ်မှာ လွန်စွာမှ နှစ်သက်သွားရကား ဆားပုလင်းယင်ကောင်၏မျက်နှာအား တစိမ့်စိမ့်ကြည့်ယင်း မေးခွန်းထုတ်မိချေ၏။

ကျွန်ုပ် ။ ။ “ အိုင်ဆေး ကိုယင်ကောင်၊ ကဗျာလေးကတော့ ဟက်ထ် ထိ သဗျို။ ခေါင်းစဉ် ဘယ့်နှယ့်ပေးမလဲ”

ကိုယင်ကောင် ။ ။ “ ဇာတိပုည၊ ဂုဏ်မာန မဟုတ်လား အိုင်ပီရဲ့။ ဗမာ့သွေး လို့ ပေးမဗျား” ဟု ပြန်ပြောလေတော့သတည်း။

မားဆိုး FB စာမျက်နှာမှ ပိုစ်ဖြစ်ပါသည်။