ဂျူးဘုရားကျောင်း ပိတ်ရမည့် အန္တရာယ်မှ ကယ်တင်နိုင်ရန် မွတ်စလင်များမှ ဝိုင်းပြီး ကူညီပေး

မတ် ၇  ၊ ၂၀၁၃
M-Media
Ref: (JTA)

ဗြိတိန်နိုင်ငံ ဘရက်ဖို့ဒ်မြို့တွင် ကျန်ရှိနေသော ဂျူးဘုရားကျောင်းတစ်ခုအား ထိန်းသိမ်းစောင့်ရှောက်ရေးအတွက် ရန်ပုံငွေများ ထည့်ဝင်လှူဒါန်းပြီး၊ လူအများသို့လည်း ဆော်သြပေးမည်ဟု အင်္ဂလန်မြောက်ပိုင်းမှ မွတ်စလင်အဖွဲ့တစ်ခုက ကြေညာခဲ့သည်။

ဘရက်ဖို့ဒ် ဗလီဝတ်ကျောင်းတော်များကောင်စီမှ ဘရက်ဖို့ဒ် ဂျူးဘုရားကျောင်း ရန်ပုံငွေတိုးပွားရေးအတွက် ဒေသတွင်းရှိ စည်ပင်သာယာရေးအဖွဲ့နှင့် မကြာသေးမီက စတင် ပူးပေါင်းဆောင်ရွက်ခဲ့ပြီး နောင်လာမည့် မျိုးဆက်များအတွက် အထွတ်အမြတ်ထားရာ နေရာတစ်ခုအဖြစ် ကျန်ရစ်စေရန် ဆောင်ရွက်ခြင်းလည်းဖြစ်သည်။

“ဂျူးဘုရားကျောင်း ဥက္ကဌက ဘုရားကျောင်းကို ထိန်းသိမ်းဖို့အတွက် မွတ်စလင်အသိုင်းအ၀ိုင်းကို အကူအညီတောင်းလာတဲ့အခါ၊ ကျနော်တို့ ပါဝင်ဆောင်ရွက်ဖို့ ဆုံးဖြတ်ချက်ဟာ ကြန့်ကြာခြင်း မရှိခဲ့ပါဘူး။” ဟု ဘရက်ဖို့ဒ် ဗလီဝတ်ကျောင်းတော်များ ကောင်စီ၏ အတွင်းရေးမှူး ဇွလ်ဖီ ကရင်မ်(Zulfi Karim) က ဆိုသည်။

ဘရက်ဖို့ဒ်မြို့၏ သိုးမွှေးနှင့် အထည်လိပ် စီပွားရေးအမြင့်ဆုံးအချိန်က ဥရောပမှ ဂျူးလူမျိုး အများအပြားသည် ဘရက်ဖို့ဒ်မြို့သို့ ပြောင်းရွှေ့ အခြေချခဲ့ကြသည်။ မကြာသေးမီ နှစ်များအတွင်း ဘရက်ဖို့ဒ်မြို့ရှိ ဂျူးလူမျိုးအရေအတွက်မှာ တဖြည်းဖြည်းလျော့နည်းလာခဲ့ပြီး ဂျူးဘုရားကျောင်းမှာလည်း ရန်ပုံငွေ နည်းပါးခြင်းကြောင့် ပိတ်ပစ်ရမည့် အန္တရာယ်နှင့် ရင်ဆိုင်လာ ခဲ့ရလေသည်။ ဘီဘီစီ သတင်းဌာန၏ မှတ်တမ်းအရ ၂၀၀၈ ခုနှစ် ဘရက်ဖို့မြို့တွင် ဂျူးလူမျိုး အနည်းဆုံး ၅၀၀ ခန့်ရှိသည်ဟု သိရသည်။

“ဒေသတွင်းအာဏာပိုင်တွေရဲ့ အကူအညီနဲ့အတူ ဒီ ဂျူးဘုရားကျောင်းကို ထိန်းသိမ်းဖို့အတွက် ကျနော်တို့အားလုံး အတူတကွ လုပ်ဆောင်နေကြပါတယ်။” ဟု ဂျူးဘုရားကျောင်းဥက္ကဌဖြစ်သူ ရူဒီ လိဗ်ဗါ(Rudi Leavor) က ဆိုသည်။

၂၀၁၂ ခုနှစ်က ကောက်ယူခဲ့သော သန်းခေါင်စာရင်းအရ အင်္ဂလန်နှင့် ဝေးလ် တွင်ရှိသည့် အခြားနေရာများထက် ဘရက်ဖို့ဒ်တွင် ပါကစ္စတန်နိုင်ငံသား အများပြားရှိသည်ဟု သိရသည်။