မိတ္ထီလာမြို့ရဲ့ နောက်ဆုံးရသတင်း

M-Media

မတ်လ ၂၁ ရက်၊ ၂၀၁၃

အေးမောင် သတင်းပေးပို့သည်။

မိတ္ထီလာမြို့ခံတွေနဲ့ ဒီနေ့ မနက် ဆက်သွယ်မေးမြန်းထားချက်များအား M-Media သတင်းထောက်သတင်းပေးပို့လာသည့် မူရင်းအတိုင်း တင်ပြအပ်ပါသည်။

“၂၀.၃.၂၀၁၂ မနေ့က မနက်ပိုင်းမှာ ဖြစ်ပွားခဲ့တဲ့ ရွှေဆိုင်က ဈေးရောင်းဈေးဝယ် ပြဿနာပြီးသွားတဲ့နောက် နေ့လည်ပိုင်းမှာ လူစုလူဝေးနဲ့ရောက်လာပြီး ယင်းရွှေဆိုင်နဲ့ ဘေးနားတ၀ိုက်မှာရှိတဲ့ တော်ဝင်၊ တိုင်းချစ်၊ ရွှေနန်းတော် စတဲ့ ဆိုင်တွေအပါအ၀င် ရွှေဆိုင်(၁၀)ခန့်ကို အကြမ်းဖက်သမားတွေကဖျက်ဆီးခဲ့ကြပါတယ်။

မနေ့က ညနေ ၅-နာရီခွဲလောက်မှာတော့ မိတ္ထီလာမြို့ အရှေ့ပြင်ရပ်ကွက် ဈေးကြီးရဲ့အနောက်ဘက်ပေါက်မှာရှိတဲ့ ဂျာမေ့ဗလီ ရှေ့ကဆိုင်ခန်းတွေကို ခဲနဲ့ပေါက်၊ မီးကွင်းပစ်ကြတယ်။ ဂျာမေ့ဗလီကို မီးရှို့တယ်။

ည ၇-နာရီလောက်မှာ သီရိမင်္ဂလာရပ်ကွက်၊ ကားလမ်းဘေးမှာရှိတဲ့ သီရိမင်္ဂလာ(က)ဗလီကို မီးရှို့ခဲ့ကြပါတယ်။ အဲဒီ ဗလီဘေးက မြို့နယ်ပညာရေးမှူးရုံးလည်း မီးလောင်သွားခဲ့ပါတယ်။ အခုမနက် ၆-နာရီလောက်မှာ အဲဒီဗလီထဲကို ၀င်ကြည့်ပါတယ်။ ညက မီးရှို့ခံရတဲ့ဗလီတွေမှာ လုံခြုံရေး၊ မီးသတ်တွေ မရှိနေပါဘူး။”

“မနေ့ညကပဲ သီရိမင်္ဂလာ(ခ)ရပ်ကွက်က သီရိမင်္ဂလာ(ခ)ဗလီ ခေါ် ပါကစ္စတန်ဗလီလည်း မီးရှို့ခံရပါတယ်။ အဲဒီရှေ့က မွတ်စလင်မ်ပိုင် ဆိုင်ခန်း (၄)ခန်းလည်း မီးရှို့ခံရပါတယ်။ နောက်ပြီးတော့ ကိုမျိုးညွန့်ဆိုင်ရယ် ရောင်းဝယ်ရေးက ဆိုင်ကယ်တွေလည်း မီးရှို့ခံထားရပါတယ်။
သီရိမင်္ဂလာလမ်းမကြီးပေါ်က ရွှေဝတ်မှုတိုက်တန်းက မွတ်စလင်မ်ဆိုင်ခန်းတွေလည်း ဖျက်ဆီးခံလိုက်ရပါတယ်။

မနေ့ညနေက ကားကြီးကွင်းနားမှာဖြစ်ခဲ့တာက ကိုဘွလ္လာလ်ဆိုသူက 4-D ၆-ဘီးကား မောင်းလာနေတုန်း လူအုပ်ကြီးက ၀ိုင်းပြီး ပြေးလာတော့ သူလည်း ကြောက်လန့်ပြီး ကားကို ကွေ့လိုက်တာ အဲဒီနားက မွတ်စလင်မ်ဆိုင်တစ်ခုထဲကို ကားခေါင်းဝင်သွားတယ်။ ပြေးလာတဲ့ လူအုပ်က ကားကို မီးရှို့ပြီး ကိုဘွလ္လာလ်ကို ၀ိုင်းပြီးရိုက်လိုက်ကြတာ ကိုဘွလ္လာလ်သေသွားပါတယ်။

မနေ့ညက မိတ္ထီလာမြို့ပေါ်မှာ အဲလိုအခြေအနေတွေဖြစ်ပျက်နေစဉ်မှာ ထွက်ပြေးကြတဲ့ တချို့မွတ်စလင်မ်တွေကို လမ်းမှာ လူတစ်စုကတားတယ်၊ ကုလားလား ဗမာလာမေးတယ်။ ကုလားဆိုရင် ဆိုင်ကယ်ကို မီးရှို့တယ်၊ လူတွေကတော့ ထွက်ပြေးကြလို့ထင်တယ် လူကို ဘာမှလုပ်တယ်လို့ မကြားဘူး။ ”

“မနေ့ည (၈-နာရီခွဲ ၉-နာရီ)၀န်းကျင်မှာတော့ မန္တလေးဘက်အထွက်ဖြစ်တဲ့ အောင်ဇေယျာရပ်ကွက်က မြို့ဦးဗလီနဲ့ ဗလီရှေ့က ဆိုင်ခန်း(၅)ခန်း မီးရှို့ခံရပါတယ်။ အဲဒီနားက မွတ်စလင်မ်ပိုင် ချိုလက္ဘ်ရည်ဆိုင်ကတော့ ဖျက်ဆီးခံထားရပြီး ပစ္စည်းအပျက်အစီးတွေကို လမ်းမပေါ်မှာ ပုံထားပါတယ်။

SSS ကားကုမ္မဏီရဲ့ ကားအရောင်းပြခန်းမှာ ဘယ်သူမှရှိမနေပဲ ကား ၁၀-စီးလောက်ရဲ့ ကားမှန်တွေ ရိုက်ခွဲခံထားရတာ တွေ့ရတယ်။ ပန်းရိုးမ၊ ရာသက်ပန် စတိုး စတဲ့ မွတ်စလင်မ်ပိုင်ဆိုင်တွေလည်း ဖျက်ဆီးခံထားရတယ်။

မနေ့ည ၉-နာရီလောက်မှာတော့ မိတ္ထီလာမြို့ပေါ်မှာ တစပြင်လိုပဲ ကုလား-ဗမာ ဘယ်သူမှ မရှိကြတော့ဘူး။ ည ၁၀-နာရီမှာ ပုဒ်မ ၁၄၄ ထုတ်တယ်လို့သိရပြီး၊ ၁၀-နာရီခွဲမှာ ကားနဲ့လိုက်ကြေညာတယ်။ ကြေညာတဲ့ကားကို ခဲနဲ့ ၀ိုင်းထုကြလို့ ခဏပဲ ကြေညာပြီး ရပ်လိုက်တယ်။”

“မိတ္ထီလာ မင်္ဂလာဇေယုံရပ်ကွက်မှာရှိတဲ့ ဗလီနဲ့ အာရဗီစာသင်ကျောင်းကိုလည်း မီးရှို့တယ်။ စာသင်ကျောင်းက လွန်ခဲ့တဲ့ ၃-၄ နှစ်က ဖွင့်ခဲ့တာဖြစ်ပြီး စာသင်တဲ့ကျောင်းသား ၁၀၀-ခန့်ရှိပါတယ်။ အခုတော့ သူတို့ ဘယ်တွေရောက်နေလဲ မသိရပါဘူး။

အရှေ့ပြင်ရပ်ကွက် မြို့လယ်မှာရှိတဲ့ မြို့မဗလီလည်း မီးရှို့ခံရပါတယ်။ ဗလီထဲက ပစ္စည်းတွေလည်းအားလုံးပျက်ဆီးနေတာ မျက်မြင်တွေ့ခဲ့ရပါတယ်။ ဗလီရှေ့က မွတ်စလင်မ်ပိုင်ဆိုင်တွေလည်း မီးရှို့ခံထားရပါတယ်။

ရတနာမောင်ရပ်ကွက် ရတနာမောင်လမ်းဆုံမှာရှိတဲ့ ငြိမ်းချမ်းရေးဗလီကိုလည်း မနေ့ည (၁)နာရီက မီးရှို့ပါတယ်။ ဟာဂျီအာဒစ်ရဲ့ တိုက်ကိုလည်း ဖျက်ဆီးလိုက်ကြပါတယ်။

မိတ္ထီလာ ပြည်သာယာတိုးချဲ့ရပ်ကွက်မှာ မွတ်စလင်မ်(၂၀၀၀)ကျော်ရှိပါတယ်။ တောင်ကမ်း မြောက်ကမ်းလို့ ခေါ်ကြတယ်။ တောင်ကမ်း(တောင်ပိုင်း)မှာရှိတဲ့ ဘာသာရေးဝတ်ပြုဆောင်ကိုလည်း မီးရှို့ဖျက်ဆီးလိုက်တယ်။ ဘာသာရေးဝတ်ပြုဆောင်မှာနေတဲ့ မောအ်ဇင်(ဘာသာရေးဝတ်ပြုဆောင် တာဝန်ခံ)ကိုလည်း ၀ိုင်းရိုက်လိုက်ကြလို့ သူသေသွားပါတယ်။
မြောက်ကမ်း(မြောက်ပိုင်း)က ၀တ်ပြုဆောင်ကိုလည်းဖျက်ဆီးထားပါတယ်။ အတွင်းမှာရှိတဲ့ ပစ္စည်းတွေ၊ သာရေးနာရေးကိစ္စတွေမှာသုံးတဲ့ ပစ္စည်းတွေအားလုံးလည်း ဖျက်ဆီးပြီးစုပုံထားကြတယ်။

ကျောက်ပန်းတောင်းဘက်သွားတဲ့လမ်းက ချမ်းအေးသာယာဗလီကိုလည်း ဖျက်ဆီးလိုက်ကြတယ်။

ရတနာမောင်ရပ်ကွက်မှာရှိတဲ့ ဗလီကို ဖျက်ဖို့လာကြတယ်။ ဒါပေမယ့် ရတနာမောင်ရပ်ကွက်က ရပ်မိရပ်ဖတွေက ၀ိုင်းပြီး တားဆီးကြလို့ မဖျက်ပဲ ပြန်သွားကြတယ်။”

“မိတ္ထီလာမှာ အခုဖြစ်ပျက်ခဲ့တာတွေမှာ မြို့ပေါ်က လူထုအနေနဲ့မဟုတ်ပဲ တောမ၊ ညောင်ကိုင်း၊ ခမုံခြံ အစရှိတဲ့ သာစည်ဘက်သွားတဲ့ဘက်က ရွာတွေကနေ ချက်ချင်းရောက်လာကြသူတွေဖြစ်တယ်။

အခုတော့ မိတ္ထီလာက ရဲတွေအပြင် ကျောက်ဆည်ခရိုင်၊ ရမည်းသင်းခရိုင်က ရဲတွေပါ ရောက်နေကြတယ်။ ကူမဲက ရဲတစ်ယောက်ကတော့ မနေ့ည (၇)နာရီလောက်ကတည်းက သူတို့ မိတ္ထီလာကိုရောက်တယ် ပြောတယ်။

လူတွေ အများကြီးသေတယ်ဆိုပြီး လျှောက်ပြောနေကြတယ်။ အခုထိ သိရသလောက်တော့ ခုနက ၂-ယောက်သေတာတော့ ကျွန်တော် မျက်မြင်သိခဲ့ရတာပါ။

ဒီပြဿနာတွေစဖြစ်လာရတာက တမင်ကို လှုံ့ဆော်နေတဲ့သူတွေ ရှိနေလို့ပါ။ တူရကီစစ်သင်္ချိုင်းကိစ္စလှုံ့ဆော်တယ်၊ မွတ်စလင်မ်မုန်းတီးရေးစာအုပ်တွေ စာစောင်တွေဖြန့်တယ်၊ ဦးဝီရသူရဲ့ မွတ်စလင်မ်မုန်းတီးရေးဘာသာရေးဟောပြောပွဲကို ဦးဆောင်လုပ်တဲ့ မြစန္ဒာသွပ်ပြားဆိုင်က ဒေါက်တာဦးစန်းလှိုင်နဲ့ ထိန်မင်းခိုင်က ဦးဆောင်တယ်။ ပြီးတော့ ကိုသီဟ၊ မယ်ပ၊ မေသက်ဦး၊ ညွန့်ဝင်းတို့ပါတယ်။ သူတို့က NLD ကနေ ထွက်လိုက်ကြပြီး၊ ၈၈-မျိုးဆက် ကျောင်းသားအဖွဲ့ကို ၀င်သွားတယ်။”

အဲဒါကတော့ မိတ္ထီလာမြို့ခံတွေ ပြောပြခဲ့တာဖြစ်ပါတယ်။

“အန်တီတို့ အခုတော့ မိတ္ထီလာကနေ ထွက်ပြေးလာတာပါ။ သမီးနဲ့ သူ့အမျိုးသားကိုလည်း ဖမ်းထားတယ်ပြောတယ်။ လုံးဝ အဆက်အသွယ်မရဘူး။ အန်တီစိတ်တအားပါတယ်။ မနေ့က မမြင့်မြင့်အေး(ကျွန်မသမီး)ရဲ့ဆိုင်မှာ ပြဿနာဖြစ်တယ်။ သမီးက ၀ိန့်စိန် ရွှေဆိုင်ဖွင့်ထားတာ။ ရွှေအရောင်းအ၀ယ်လုပ်ရင်း စကားများကြရင်း ဈေးဝယ်လာတဲ့ထဲက အမျိုးသားက မမြင့်မြင့်အေးကို ပါးရိုက်ပြီး ပုဆိုးလှန်ပြတယ်။ အဲဒီမှာ သမီးရဲ့ယောက်ျားက ၀င်ပြောရင်း စကားများကြတယ်။ ဒီပြဿနာကလည်း တမင်ဖန်တီးတာလို့ အန်တီသိပါတယ်။ ဘာလို့လဲဆိုတော့ ပြဿနာမဖြစ်ခင် ၃-၄ ရက်လောက်တည်းက ဆိုင်ကို နေ့တိုင်း ဘုန်းကြီးတွေ အလှူလာလာခံတယ်။ တခြားဆိုင်တွေက ထည့်တယ်။ ကုလားဆိုင်ကလည်းထည့်ပါဆိုပြီး၊ အလှူခံရင် သူတို့က ၂၀၀၀ ထည့်ပါ။ ၁၀၀၀ ထည့်ပါ လို့ပြောတယ်။ သမီးတို့ကလည်း အဲလိုတော့ မထည့်ဘူးလေ။ သူတို့ ထည့်ချင်သလောက် ရာဂဏန်းထည့်တာပေါ့။ အဲဒီမှာလည်း ရန်စခံရတယ်။ ပြီးတော့ မော်ကြီး၊ နှင်းနှင်းရီ၊ မလှလှဦး၊ မလှဋ္ဌေး၊ မခင်သန်း၊ ကိုထွန်းထွန်း တို့ကလည်း ပြဿနာတွေဖြစ်အောင် လှုံ့ဆော်တယ်။ ကုလားတိုက်တွေ မျိုးဖြုတ်ပစ်၊ ဗလီတွေကိုအကုန်ဖျက် ဆိုပြီးလည်း ခဏခဏ သွေးထိုးလှုံ့ဆော်တယ်။ ဦးဆောင်တာက မော်ကြီးဆိုတဲ့သူပါ။ မနေ့ကဖြစ်တဲ့အချိန်မှာလည်း သူတို့တွေက ‘တို့ဗမာဟေ့ တို့ဗမာ’လို့အော်ပြီး ၀ိုင်းလက်ခုတ်တီးပေးကြတယ်။ အခုတော့ အန်တီတို့ မိသားစုလည်း တစ်နေရာစီ အကုန်ရောက်နေပြီ။ သမီးမြင့်မြင့်အေးရယ်၊ သူ့ခင်ပွန်းထွန်းထွန်းဦးရယ်၊ သူတို့ဆိုင်က၀န်ထမ်းကောင်လေး ၁-ယောက်ရယ်ကို ရဲ့ ဖမ်းသွားတယ်။ အခုထိ အဆက်အသွယ်လုံးဝမရဘူး။ အန်တီစိတ်တအားပူတယ်၊ တာဝန်ရှိသူတွေက ဘယ်သူမှ ဘာမှ မလုပ်ပေးကြတော့ဘူးလား။”ဟုဆိုကာ ငိုပြီး ပြောပြလာပါတယ်။