မိတ္ထီလာမြို့ရောက် ဘီဘီစီ သတင်းထောက်ရဲ့ မတ် ၂၁ ညပိုင်း မျက်မြင် တွေ့ရှိ သတင်းပို့ချက်

မတ်လ ၂၁၊ ၂၀၁၃

BBC Burmese

မိထ္ထီလာမြို့ မြင်ကွင်းတခု ဓါတ်ပုံ ဧရာဝတီ

မိတ္ထီလာမြို့ရောက် ဘီဘီစီ သတင်းထောက်ရဲ့ ဒီကနေ့ညပိုင်း (မတ် ၂၁ ညပိုင်း) မျက်မြင် တွေ့ရှိချက်တွေအပေါ် အခြေခံထားတဲ့ နောက်ဆုံး အခြေအနေ သတင်းပေးပို့ချက်

မိတ္ထီလာအခြေအနေကတော့ မြို့ပျက်ကြီးလိုဖြစ်နေတယ်ဗျာ။ ဆိုင်တွေအားလုံးကလည်း ပိတ်ထားတယ်၊ မြို့ထဲမှာလည်း တချို့ ဆိုင်ကယ်တွေနဲ့ သွားလာနေတဲ့လူတွေကလည်း ဓားတွေ တုတ်တွေနဲ့ လွယ်ပြီး၊ ကိုင်ပြီးတော့ ယောက်ျားတွေပဲ သွားနေတာများတယ်။ အခုညနေပိုင်းလောက်မှာ မြို့ထဲကဗမာတချို့ကလည်း ဒီဘက်မြို့အစွန်ဘက်ကို ထွက်ပြေးလာတာတွေရှိတယ်။ သီရိမင်္ဂလာဆိုတဲ့ မွတ်စလင်ရပ်ကွက်က လူအုပ်ကြီးချီလာတာကို ကျွန်တော်မျက်စေ့နဲ့ တွေ့တယ်။ ကြားထဲမှာတော့ ရဲတွေကရှိနေပြီး ဒီဘက်က ဗမာတွေကလည်း အဲဒီလူအုပ်ကြီးကို ပြန်တိုက်ဖို့ဆိုပြီးတော့ သံချောင်းခေါက်တာတို့ အချက်ပေးတာတို့လုပ်နေကြတာ နောက်ဆုံးတွေ့ခဲ့တယ်ဗျ

>ကြားထဲမှာရဲတွေရှိနေတယ်ဆိုတော့ လုံခြုံရေးအရရော သူတို့ဒီအမိန့်တွေထုတ်ထားပြီးတော့ ဘာဆက်လုပ်လဲ၊ ဘယ်လိုလုပ်နေကြလဲ။

ကျွန်တော်မြင်တာတော့ အဲဒီလုံခြုံရေးအဖွဲ့တွေကတော့ လောလောဆယ်တော့ ရပ်နေတာတို့ နေရာယူထားတာတို့ကလွဲလို့ တိတိကျကျဘာမှတော့ မတွေ့ဘူး၊ ညနေ ၄ နာရီလောက်ကတော့လုံခြုံရေးကားတွေက၊ ကားလေးငါးရှစ်စီးလောက်ကမြို့ကိုလှည့်နေတာတွေ့တယ်။ အဲဒီလှည့်နေတဲ့အချိန်မှာလည်း ဗမာတွေဘက်က ဆိုင်တွေ၊ မွတ်စလင်အိမ်တွေကို ဖျက်ဆီးနေတဲ့ ဘေးကနေပြီးတော့ ဒီအတိုင်းဖြတ်သွားတာပဲ။ တောက်လျှောက်ပေါ့နော် ဆိုင်တွေဖျက်နေတယ်၊ အိမ်တွေဖျက်နေတယ်၊ မီးတွေရှို့နေတယ်၊ ဒါကဒီဘက်ခြမ်းမှာပေါ့။ ဟိုဘက်ခြမ်းမှာလည်း မိတ္ထီလာမြို့ကလည်း မီးလောင်နေတယ်ပေါ့။ မွတ်စလင်တွေနေတဲ့ဘက်မှာလည်း မီးခိုးလုံးတွေကတစ်မြို့လုံးကမြင်နေရတဲ့အနေအထားရှိတယ်။

>မိတ္ထီလာဟာ တပ်မြို့ပေါ့နော်၊ လေတပ်အခြေစိုက်စခန်းတွေရှိတော့ ဒီလိုအရေးကြီးတဲ့မြို့မှာ တပ်ကရော ဘာမှမလုပ်ဘူးလား။

တပ်ယူနီဖောင်းနဲ့ သွားလာနေတာမျိုးကိုတောင် လုံးလုံးမတွေ့ရပါဘူး။ သက်ဆိုင်ရာရုံးတွေအားလုံးက အကုန်လုံးပိတ်ထားတယ်ပေါ့လေ၊ တွေ့ရတာတော့ ရဲတပ်ဖွဲ့ဝင်တွေကလည်း မိမိတို့ရဲ့ရုံးတွေမှာ အကာအကွယ်ယူတာတွေ့သလို နောက် လူအုပ်စု လူအုပ်စုတွေက လိုက်ပြီးတော့ဖျက်ဆီးနေတဲ့နေရာတွေမှာ ရဲတပ်ဖွဲ့ဝင်တွေကျွန်တော်မတွေ့ရသလောက်ပါပဲ။

>လူထုရဲ့အခြေအနေကရော လမ်းပေါ်မှာရှိတဲ့ အိမ်ထဲမှာနေတဲ့ သူတို့တွေဘယ်လောက် စိုးရိမ်ထိတ်လန့်မှုတွေအဲလိုဟာတွေရော သတိထားမိလား။

ဟုတ်ကဲ့ခင်ဗျ လူတွေကတော့ အကုန်လုံးက ကြောက်နေကြတယ်၊ ဒီဘက်ဗမာတွေဘက်ကလည်း တအားကြောက်ကြတယ်၊ ကြောက်ပြီးတော့ အားလုံးက ဘယ်လိုခေါ်မလဲဆိုတော့ လမ်းထိပ်မှာ ကင်းတွေစောင့်တယ်၊ လူတွေအားလုံးက ထွက်နေကြတယ် အိမ်ရှေ့တွေမှာ၊ တံခါးတွေအားလုံးပိတ်ထားကြတယ်၊၊ ဆိုင်တွေအားလုံးပိတ်ထားကြတယ်၊ ဒါပေမဲ့ ကလေးတွေဘာတွေရှိတဲ့မိသားစုတွေက တချို့နီးစပ်ရာ ရွာတွေကိုပြေးကြတယ်။ အခုကျွန်တော့်မျက်စေ့ရှေ့မှာကိုပဲ ပြေးလွှားပြီးသွားနေတဲ့ ဗမာလူထုရှိသလို၊ နောက် ဟိန္ဒူဘာသာဝင်တချို့ကိုလည်း ကျွန်တော်တွေ့ရတယ်၊ သူတို့ ဘုရားရုပ်ထုလေးတွေကိုင်ပြီးတော့ ငိုပြီးတော့ ပြေးပြီး ဘုန်းကြီးကျောင်းတွေဘက်ပြေးလာကြတာလည်း ကျွန်တော်တွေ့ရတယ်ဗျ။

>အဲတော့ အားလုံးခြုံကြည့်ရင် အခြေအနေက မနေ့ကနဲ့စာရင် ၁၄၄ ထုတ်ပေမယ့်လို့ ပိုပြီးတော့ မထိန်းနိုင် မသိမ်းနိုင်ဖြစ်နေတော့ ဒီကနေဘယ်လိုဆက်သွားမလဲ၊ ဘယ်လိုဆက်ဖြစ်နိုင်လဲ။

မြို့ရဲ့အခြေအနေကတော့ လုံးဝဗရမ်းဗတာဖြစ်သွားပြီပေါ့နော်။ အခြေအနေက ဘယ်လိုမှလည်း ထိန်းတဲ့အနေအထားမရှိတော့ဘူး။ အခုဟာက ဘယ်လိုထိန်းကြမလဲဆိုတာတောင် မသိတော့ဘူး။ ဖြစ်ဖြစ်ချင်းကတော့ မနေ့ကဘုန်းကြီးတစ်ပါးမီးရှို့ခံရတယ်ဆိုပြီး သတင်းထွက်လာပြီးတဲ့အချိန်မှာ ပိုဆိုးတယ်။ မနက်ကလည်း ဒီ မွတ်စလင်တွေနေတဲ့ ရပ်ကွက်တစ်ခုမှာ မျက်မြင်တွေ့တဲ့လူပြောတာတော့ လူခုနယောက်လောက်ကို ဝိုင်းရိုက်တယ်၊ ဝိုင်းဓားနဲ့ထိုးတယ် အဲဒါမျိုးတွေအထိရှိနေတော့ သွေးထွက်သံယိုမှုတွေ အများအပြားဖြစ်နေတော့ အခုညနေတွေ့ခဲ့တဲ့ အခြေအနေဆို လူအုပ်စုကြီးနှစ်စုက ပြန်ပြီးတော့ တိုက်ခိုက်မယ့် သဘောတွေရှိနေတော့ ဒီအခြေအနေက ဆက်ပြီးတော့ ဆိုးသွားနိုင်တဲ့အနေအထားရှိတယ်လို့ပဲပြောရမယ်ခင်ဗျ။