မိထ္တီလာမြို့နေ ဒေသခံတစ်ဦးနှင့် ဆက်သွယ်မေးမြန်းချက် (မတ်လ ၂၂ မနက် ၈ နာရီ)

မတ်လ ၂၂၊၂၀၁၃
M-Media
သတင်း- ၀ါးပင်လေး

ယနေ့နံနက်၈နာရီက မိထ္တီလာမြို့နေ ဒေသခံတစ်ဦးအား M-Media သတင်းထောက်မှ တိုက်ရိုက် အင်တာဗျူးခဲ့ပါသည်။

“ နန်းတော်ကုန်းရပ်ကွက်မှာ ကျွန်တော်နေတာပါ။ ကျွန်တော့်အိမ်ထဲမှာ ရှိတဲ့ အတွင်းပစ္စည်းတွေ အကုန်ထုတ်ပြီး မီးရိူ့ကြတယ်။ဆိုက်ကယ် ၂စီး၊နာရီ ပစ္စည်းသိုလှောင်ထားတာတွေလည်း အကုန်ကုန်ပါပြီ ဗျာ။ဘာမှကို မကျန်တော့ပါဘူး။ကျွန်တော်တို့ ရပ်ကွက်ထဲက မွတ်စလင်ဆိုင်ပဲ ရိုးရိုးလေး စားသောက်ဆိုင်လည်း အဖျက်ဆီး ခံလိုက်ရတယ်။ကျွန်တော့် မိန်းမနဲ့ ကလေးတွေကတော့ မန္တလေးဘက်ကို ထွက်ပြေးနိုင်ခဲ့ပါတယ်။ကျွန်တော်ကတော့ ကျွန်တော်အမေ ဆီးချိုအနာကြောင့် ခွဲစိတ် ရမှာမို့လို့ မိထ္တီလာပြည်သူ့ဆေးရုံကြီးမှာ အမေနဲ့အတူ ကျန်နေခဲ့ပါတယ်။ဆေးရုံကြီးထဲမှာတော့ ရိုက်ခွဲခံရလို့ရောက်လာတဲ့ လူတွေအများကြီးပဲ။ အများစုကတော့ မွတ်စလင်တွေကြီးပဲ အဲဒီမှာ ဘာသာခြား သုံးလေးယောက်ပါတယ်။ အများကြီးပဲ ခုလောလောဆယ် ကျွန်တော့် အတွက်ကတော့ ဆေးရုံကြီးထဲမှာ နေရတာ အပြင်မှာနေရတာထက်စာရင် ပိုပြီးလုံခြုံမူ ရှိပါတယ်။ မွတ်စလင်တွေကြီးပဲနေတဲ့ ရပ်ကွက်တွေမှာ ဆိုရင် လုံခြုံရေး ခုထိ လုံးဝ မရှိပါဘူး။ အဲဒီ ထဲမှာပဲ ပိတ်မိနေပြီး အိမ်မှာမနေရဲကြလို့ အကုန်လုံး တောတွေ လယ်ကွင်းတွေထဲမှာ ထွက်ပြေး တိမ်းရှောင်နေရပါတယ်။သူတို့ အတွက် အကူအညီ လိုအပ်နေပါတယ် ခင်ဗျား” ဟု M-Media သို့ပြောသည်။