ရုံးပေရွာ နောက်ဆက်တွဲ သတင်း (မတ် ၂၃၊ ၃နာရီ ၁၅)

မတ်လ ၂၃၊ ၂၀၁၃

M-Media

ထွန်းတောက်

နေပြည်တော်   ။        ။     ၂၃-ရက်နေ့ မနက် (၁)နာရီက ရုံးပေရွာတွင် ဗလီနှင့် နေအိမ်များ မီးရှို့မှုဖြစ်ပွားခဲ့တာကြောင့် ရုံးပေရွာမှ ရွာခံတချို့အား ဆက်သွယ်မှုရခိုက်မေးမြန်းဖြစ်ခဲ့ပါတယ်။

“မနေ့က ၂၂.၃.၂၀၁၃ ရက်ညက ၁၀-နာရီ လောက်ကစပြီး လူစုလူဝေးဖြစ်လာတယ်။ ည ၁၁-နာရီလောက်မှာ ပိုဆိုးလာတယ်။ ၂၃-ရက် မနက် ၁-နာရီကျော်ကျော်လောက်မှာတော့ မီးစရှို့တယ်။ မီးရှို့တာက ဗလီထဲက စာသင်ကျောင်းဆောင်ကို ရှို့တာပါ။ စာသင်ကျောင်းက အောက်ထပ်မှာ စာသင်ပြီး၊ အပေါ်ထပ်မှာ ဆရာနေပါတယ်။ ည ၁၁-နာရီလောက် လူစုလာကတည်းက ဆရာကတော့ အဲဒီမှာ မနေတော့တာပါ။ စာသင်ကျောင်းက လုံးဝမီးလောင်သွားပါတယ်။ ဗလီကတော့ တံခါးတွေမီးလောင်သွားတယ်။ ဗလီထဲက တရားဟောစင်မြင့်ခုံတွေရယ်၊ ပန်ကာတွေရယ်လည်း ရိုက်ချိုးဖျက်ဆီးသွားကြတယ်။ ရွာထဲက အိမ်တွေကိုတော့ မီးရှို့တာမအောင်မြင်လိုက်ဘူး။ ဒါပေမယ့် အိမ် (၆)အိမ်လောက်တော့ ဖျက်ဆီးခံရလိုက်ရတယ်။ လုံခြုံရေးရောက်လာတော့ သူတို့ဆက်ပြီးမဖျက်ဆီးတော့တာ။ တိုင်း ရဲက လုံခြုံရေးပေးထားပါတယ်။ အမျိုးသမီးနဲ့ ကလေးတွေကိုတော့ ပျဉ်းမနားဘက်ကို ပို့ထားတယ်။ တချို့လည်း တခြားရွာတွေဘက်သွားနေကြတယ်။ အခု ရုံးပေမှာတော့ မွတ်စလင်မ်အမျိုးသားတွေပဲ ကျန်တော့တာပါ။ အခုတော့ အားလုံးအေးဆေးဖြစ်သွားပါပြီ။”လို့ M-Media ကို ပြောပြလာပါတယ်။