မွတ်စလင်များအား နှိပ်ကွပ်နေသော ဦးသိန်းစိန်အစိုးရ

မေ-၉၊ ၂၀၁၃
M-Media
ရေးသူ- ညီညီလင်းဇော်

အစ္စလာမ် မုန်းတီးရေး လုပ်ဆောင်နေသည့် မတူကွဲပြားခြင်းနှင့် ငြိမ်းချမ်းရေးပါတီ ဥက္ကဌ နေမျိုးဝေ နှင့် သမ္မတ ဦးသိန်းစိန်တို့ (၅-၅-၂၀၁၃) တွေ့ဆုံ စဉ်က  နေမျိုးဝေ၏ FB စာမျက်နှာ https://www.facebook.com/naymyowai

ရခိုင်အရေးအခင်းမှစ ယခုထက်ထိ မွတ်စလင်များအပေါ် ပြုကျင့်နေသည့် ဦးသိန်းစိန်အစိုးရ၏ မူဝါဒများသည် မွတ်စလင်များ၏ နှိပ်ကွပ်နေခြင်းသာဖြစ်ကြောင်း ပို၍သာ ထင်ရှားလာနေ သည်။ သမ္မတဦးသိန်းစိန်၏ မွတ်စလင်များကို ကာကွယ်ပေးမည်ဆိုသော မိန့် ခွန်းမှာလည်း လိမ်ညာနေခြင်းဖြစ်ပြီး ရှေ့ လာမည့် နှိပ်ကွပ်မှုများအတွက် ကြိုတင် ကာဗာယူထားခြင်းသာဖြစ် သည်။

တောင်ကုတ်တွင် အပြစ်မဲ့ ခရီးသွားမွတ်စလင် ၁၀ ဦး ရက်ရက်စက်စက် ရိုက်သတ်ခံရသည်။ ရိုက်သတ်သည့် မည်သူ့ ကိုမျှ တရားစွဲသည်ဟုမကြား။ နေ့ ခင်းကြောင်တောင် လူ ရာနဲ့ ချီဝိုင်း ရိုက်ခဲ့သည့်တိုင် မျက်မြင်သက်သေမရှိဟုဆိုကာ ပယ်ချခဲ့သည်။

ရခိုင်အမျိုးသမီး မသီတာထွေးအား အဓမ္မပြုကျင့်သူဟု စွပ်စွဲခြင်းခံရသည့် ၂ ဦးကို သေဒဏ်ချ ခဲ့သည်။ သူတို့ အမှန်တကယ်ကျူးလွန်မကျူးလွန်ဆိုသည် မည်သူမျှ အသေအချာမသိ။ စွပ်စွဲခံရသူများကိုသာ ကွပ်မြက်ခဲ့သည်။ အဓိကစွပ်စွဲခံရသည့်တယောက် အချုပ်ခန်းထဲတွင် မိမိကိုယ်တိုင် အဆုံးစီရင်သွားသည်ဟုဆိုသည်။ ထောင်တွင်း ကြိုးဆွဲချသေနိုင်သည့် မယုံနိုင်ဖွယ်ဇာတ်လမ်းမှာ အစိုးရက အမှန်တရားဖုံးအုပ်ထားပြီး မွတ်စလင်များကို တမင်ရန်ရှာမှန်းသိသာသည်။

ရခိုင်အရေးအခင်းအတွင်း ပညာတတ်မွတ်စလင်များကိုဖမ်းဆီးလိုက်သည်။ မွတ်စလင်များ ထံမှ မိမိကိုယ်မိမိကာကွယ်ရန်လိုအပ်သည့် ပစ္စည်းများကို သိမ်းဆည်းပြီး အကာအကွယ် မဲ့ဖြစ် နေချိန်တွင် သတ်ဖြတ်နှိပ်ကွပ်ခဲ့သည်။

မိတ္ထီလာ၊ ပဲခူးရိုးမ အနောက်ဘက်တခြမ်း၊ ဥက္ကံအပါအ၀င် ယခင် ကံမ္မ၊ စိုင်းတောင် တွင် ဗလီဖျက်ခြင်း၊ ကျောင်းများ ဖျက်ခြင်း၊ အိမ်များဖျက်ခြင်း၊ လူအရှင်လတ်လတ် မီးရှို့ သတ်ဖြတ်ခြင်းများတွင် ပါဝင်သော ဗုဒ္ဓဘာသာဝင်များစွာကို ဖမ်းဆီးအရေးယူခြင်းမရှိသေး။ ဟန်ပြဖမ်းထားသူများရှိသော်လည်း အရေးယူခြင်းမရှိ။

မွတ်စလင်မုန်းတီးရေး တရားဟောနေသော ၉၆၉  ဘုန်းကြီးများ လွတ်လပ်စွာ စည်းရုံးဟော ပြောနေသည်။ ၉၆၉  တရားပွဲများအပြီး အကြမ်းဖက်မှုများဖြစ်ခဲ့သည့် ပဲခူးတိုင်း အကြမ်းဖက်မှုများ သိသာထင်ရှားသောလည်း မည်သူ့ ကိုမျှ တားဆီးခြင်း၊ ဖမ်းဆီးခြင်း၊ အရေးယူခြင်းမရှိ။ ၉၆၉  တံဆိပ်ခွာခဲ့သည့် မွတ်စလင်တစ်ဦးကိုသာ ထောင်ဒဏ် ၂ နှစ်ချခဲ့သည်။

ဥက္ကံအငြင်းပွားမှုတွင် ကိုယ်ရင်နှင့်ပတ်သက်ခဲ့သော အမျိုးသမီး ၂ ဦးကို သာသနာ ငြိုးနွမ်းမှု ဖြင့် ဆွဲဆိုထားသော်လည်း ဥက္ကံအကြမ်းဖက်မှုတွင် ပါဝင်ခဲ့သော ဗုဒ္ဓဘာသာဝင်များဓာတ်ပုံ များ အတိအကျရှိပါလျက်၊ မွတ်စလင် ၂ ဦး အသတ်ခံရပါလျက် မည်သူ့ ကိုမျှ ရုံးတင်စစ်ဆေး ခြင်း၊ အပြစ်ပေးခြင်းမရှိသေး။ မိတ္ထီလာတွင် ဘုန်းကြီးသတ်မှုဖြင့် မွတ်စလင် ၇ ဦးကိုသာ တရားစွဲ ထားသည်။ တရားစွဲထားသည့်ထဲတွင် ဘုန်းကြီးအမှုနှင့် မပတ်သက်သူများလည်းပါနေသည်။ ရွှေဆိုင် တွင် သာမာန်ရန်ပွဲဖြစ်ပွဲခဲ့သည့် ရွှေဆိုင်ပိုင်ရှင် မွတ်စလင်မ် ၃ ဦးကို ထောင် (၁၄) နှစ် ချသည်။ မိတ္ထိလာတမြို့လုံး မီးလောင်တိုက်အသွင်းခံရပြီး လူပေါင်း ၄၀ ကျော် အသတ်ခံရသည့် အတွက် ထင်သာမြင်သာရှိသည့် အရေးယူဆောင်၇ွက်မှုများ မတွေ့ရသေးပေ။

အွန်လိုင်းဆိုရှယ်မီဒီယာများတွင် အဓိကရုဏ်းများ ဖြစ်စေရန်၊ မွတ်စလင်မ်မုန်းတီးရေး လုပ်နေသူများ၊ နိုင်ငံရေးပါတီတခုရဲ့ ဥက္ကဌ နေမျိုးဝေလို လူမျိုးကို မည်သည့်အရေးယူမှုမျှမလုပ် မကြာသေးခင်ကပင် သမ္မတ ဦးသိန်းစိန်ကိုယ်တိုင် ဖက်လှဲတကင်း တွေ့ဆုံနှုတ်ဆက်ခဲ့သည်။

မွတ်စလင်များဖက်မှ ပလီများ၊ ကျောင်းများ၊ အိမ်များ၊ ဆိုင်များဖျက်ဆီးခံရခြင်း၊ ပစ္စည်းများလု ယက်ခံရခြင်း၊ လူအသတ်ခံရခြင်းတို့ ရှိသော်လည်း မည်သူ့ ကိုမျှ အရေးမယူသေး။

မွတ်စလင်များကို ကာကွယ်ပေးမည်ဆိုသော သမ္မတဦးသိန်းစိန်၏ မိန့်ခွန်းသည် အစိုးရ၏ အလိမ်များထဲမှ တခုသာဖြစ်သည်။ အမှန်မှာ မွတ်စလင်များကို မည်သူမျှ အကာအကွယ် မပေး။ အစိုးရ ကိုယ်တိုင် နှိပ်ကွပ်နေခြင်းဖြစ်သည်။

ယခုသမိုင်းအတွေ့ အကြုံသည် မြန်မာမွတ်စလင်များ အတွက် တသက်မေ့မည်မဟုတ်ပါ။ သမိုင်းမှတ်တိုင်းများသာဖြစ်သည်။ အစိုးရမြန်မာမွတ်စလင်များ၏ အသက်၊ သွေးနှင့် မျက်ရည် များသည်သာ မွတ်စလင်များအတွက် သွေးသစ္စာသဖွယ်ဖြစ်စေမည်ဖြစ်သည်။

မှတ်ချက်- ဆောင်းပါးရှင်၏ အမြင်နှင့် အာဘော်သာဖြစ်ပါသည်။