အမေရိကန်တွင် ၂ နှစ်သားကလေး သေနတ်ဖြင့်ဆော့ရာမှ ကိုယ့်ဦးခေါင်း ကိုယ် ပစ်ခတ်မိ၍ သေဆုံး

မေ-၁၀၊၂၀၁၃

M-Media

အမေရိကန် တောင်ပိုင်း တက်စစ် (Texas) ပြည်နယ်တွင် အသက် ၂ နှစ်အရွယ်ကလေးငယ် သည် သူ၏ ဖခင်၏ သေနတ်ကို ဆော့ကစားရာမှ ကိုယ့်ဦးခေါင်းကိုယ် သေနတ်ဖြင့် ပစ်မိပြီး သေဆုံးသွားခဲ့သည်။

မတော်တဆ ပစ်ခတ်မိမှုသည် ဗုဒ္ဓဟူးနေ့ ည ၈:၄၆ အချိန် (GMT အရ ကြာသာပတေးနေ့ ၀၂:၄၆) တွင် ကော်စီကာနာ(Corsicana) မြို့ ၌ ဖြစ်ပွားခဲ့သည်။

သေဆုံးသူ ကလေးငယ်သည် ကင်စလာ အယ်လန် ဒေးဗစ်(Kinsler Allen Davis) ဟုခေါ်ပြီး၊ သူ၏ ဖခင်ဖြစ်သူ အသက် ၃၄ နှစ် သည် ၄င်း အခန်းအတွင်းရှိ ဗီဒိုထဲတွင် တစ်စုံတစ်ရာ ရှာဖွေနေခိုက် ကလေးငယ်သည် သေနတ်ကိုတွေ့ရှိကာ ကိုယ့်ဦးခေါင်းကိုယ်ပစ် ခတ်မိခြဲ့ခင်းဖြစ်သည် ဟု ရဲများက ပြောကြားခဲ့သည်။

ကလေးငယ်အား နာဗာရို နယ်ပယ်ဒေသ ဆေးရုံ(Navarro Regional Hospital) သို့ တင်ခဲ့ပြီး၊ ၄င်းဆေးရုံမှ အသက်ကယ်လေယာဉ်ဖြင့် ဒါလာစ်(Dallas) တွင်ရှိသော ကလေးအထူးကုဌာနသို့ ခေါ်ဆောင်သွားစဉ် သေဆုံးသွားသည် ဟုသိရသည်။

၎င်း မတော်တဆမှုကို ယခုတွင် စုံစမ်း စစ်ဆေးဆဲဖြစ်ကြောင်းနှင့်၊ အမေရိကန်နိုင်ငံတွင် မတော်တဆ ပစ်ခတ်မှုကြောင့် ကလေးငယ်သေဆုံးရသော အမှုခင်းများထဲမှ ၄င်းအမှုသည် နောက်ဆုံးဖြစ်ပေါ်ခဲ့သော အမှုခင်းဖြစ်သည်။

ယခုဖြစ်ပေါ်ခဲ့သော မတော်ဆမှုသည်၊ တန်ပ ဘေး(Tampa Bay) မြို့တွင် သေဆုံးခဲ့သော အမှုအပြီးတွင် ဆက်လက်ဖြစ် ပေါ်လာခဲ့သော အမှု ဖြစ်သည်။ တန်ပ ဘေး(Tampa Bay) မြို့တွင် အသက်သုံးနှစ်အရွယ် ကလေးငယ်သည် သူ၏ ဦးလေး၏ ကျောပိုးအိတ်ထဲမှ သေနတ်ကို ရှာတွေ့ခဲ့ပြီး ဆော့ကစားပစ်ခတ်ခဲ့ရာမှ သေဆုံးခဲ့သည် ဟုသိရသည်။

မေလ ၄ ရက်နေ့က အုပ်ခ်လန်ဒ် ပါ့ခ်(Oakland Park) တွင် ဆယ်ကျော်သက် အစ်ကို၏ သေနတ်ဖြင့် ဆော့ကစားပစ်ခတ်မှုကြောင့် အသက် ၆ နှစ်အရွယ် ညီမငယ် သေဆုံးခဲ့ရသည်။

ဧပြီလ ၃၀ ရက်နေ့၊ ကန်တက်ကီ(Kentucky) မြို့တွင် အသက် ၅ နှစ်အရွယ် ကလေးငယ်သည် အသက် ၂ နှစ်အရွယ် သူ၏ ညီမဖြစ်သူအား အိမ်မှုဝေယျာဝိစ္စများလုပ်နေစဉ် သေနတ်ဖြင့် သေစေနိုင်လောက်အောင် ဆိုးရွားစွာ ပစ်ခတ်ခဲ့ကြောင်း သိရသည်။

ဧပြီလ အစောပိုင်း၊ နယူးဂျာစီ(New Jersey) မြို့ တွင် အသက် ၄ နှစ်အရွယ် ကလေးငယ်သည် 22- Caliber ရိုင်ဖယ်သေနတ်အား အိမ်တွင်ရှာဖွေတွေ့ရှိခဲ့ပြီး ပစ်ခတ်မှုကြောင့် အသက် ၆ နှစ်အရွယ် သူ၏ သူငယ်ချင်းမှာသေဆုံးခဲ့ရသည်။

၁၄ ရက်နေ့ ဒီဇင်ဘာလ ၂၀၁၂ ခုနှစ်တွင်၊အမေရိကန်နိုင်ငံရှိ ကော်နဒ်ကဒ်(Connecticut) ပြည်နယ် နယူးတောင်း(Newtown) မြို့ စန္ဒီ ဟွတ် (Sandy Hook) မူလတန်းကျောင်းတွင် သေနတ်သမား ၏ ပစ်ခတ်မှု ကြောင့် ကလေးငယ် အယောက် ၂၀ နှင့် လူကြီး ၆ ယောက်တို့သည် အပစ်ခတ်ခံရ၍ သေဆုံးခဲ့ကြောင်း၊ သေနတ်သမားသည် ပစ်ခတ်ပြီးနောက် ကိုယ့်ကိုယ်ကို သတ်သေခဲ့ကြောင်းသိရသည်။ ထိုနေ့ အစောပိုင်းတွင် သေနတ်သမားသည် သူ၏ မိခင်ဖြစ်သူကို အခြားဒေသ တစ်ခုတွင် သတ်ပစ်ခဲ့သည် ဟုလည်းသိရသည်။

အမေရိကန်နိုင်ငံတွင် နှစ်တိုင်း လူပေါင်း ၃၀,၀၀၀ ကျော်သည် သေနတ်ပစ်ခတ်မှု ဖြင့်သေဆုံးခဲ့ သည်ဟုဆိုသည်။ ချီကာဂို တက္ကသိုလ် ရာဇ၀တ်မှု လေ့လာရေးနှင့် ပပျောက်ရေး ထိန်းချုပ်မှု(Uninversity of Chicago Crime Lab and the Centers for Disease Control) ဌာန ၏ လေ့လာတွေ့ရှိချက်အရ အမေရိကန်နိုင်ငံတွင် တစ်နေ့လျှင် အနည်းဆုံး လူ ၈၇ ယောက် သေနတ်ပစ်ခတ်မှု ဖြင့်သေဆုံးကြောင်း နှင့် ၁၈၇ ယောက် ဒဏ်ရာရကြောင်း လေ့လာတွေ့ရှိရသည် ဟုဆိုသည်။

အမေရိကန်နိုင်ငံတွင် ၂၀၁၂ ခုနှစ်သည် သေနတ်အများဆုံး ရောင်းရသောနှစ်ဖြစ်သည်။ သို့သော်လည်း သေနတ် ထိန်းချုပ်ရေး ဥပဒေများသည်လည်း တဖြည်းဖြည်း ပိုမိုတင်းကျပ်လာပြီး၊ ပြည်သူလူထု၏ စစ်တမ်းများအရ အမေရိကန်နိုင်ငံသား အများစုသည် အန္တရာယ်ဖြစ်စေနိုင်သော လက်နက်များအား သုံးစွဲမှု တားမြစ်ချက်အား ထောက်ခံသည်ဟုသိရှိရသည်။

MP/NN