မွတ်စလင် ကစားသမားများ နှင့် ပရိတ်သတ် အတွက် ဘိုင်ယန်မြူးနစ်မှ ဗလီ တလုံး တည်ဆောက်မည်

မေ-၁၃၊၂၀၁၃
M-Media

မြူးနစ်။ ။ ဂျာမနီ ဘောလုံးအသင်းကြီးတစ်သင်းဖြစ်သည့် ဘိုင်ယန်မြူးနစ်အသင်းသည် အသင်းရှိ အစ္စလာမ်ဘာသာဝင်ကစားသမားများ ဆွလာသ်ဝတ်ပြုနိုင်ရန်အတွက် ဗလီဝတ်ကျောင်းတော်တစ်လုံး ဆောက်လုပ်ပေးရန် ဆုံးဖြတ်ခဲ့သည်။

အသင်းရှိ မွတ်စလင်ကစားသမားများနှင့် မွတ်စလင်ပရိတ်သတ်များ ဆွလာသ်ဝတ်ပြုရန်အတွက် အသင်းပိုင်ကွင်း Allianz Arena တွင် ဗလီဝတ်ကျောင်းတော်တစ်လုံး ဆောက်လုပ်ရန် သဘောတူခဲ့ပြီး အသင်း၏ ပြင်သစ်ကွင်းလယ်ကစားသမားဖြစ်သူ ဖရန့်ရီဘာရီ(Franck Ribery) က မွတ်စလင်ကစားသမားများ စုပေါင်း၍ ဆွလာသ်ဝတ်ပြုရန် သီးသန့်အခန်းတစ်ခု တောင်းဆိုခဲ့ခြင်းကြောင့်ဖြစ်သည်။

အဆိုပါဗလီတွင် အစ္စလာမ့်ရေးရာ စာကြည့်တိုက်တစ်ခု၊ အစည်းအဝေးခန်းတစ်ခုနှင့် ငါးကြိမ်ဆွလာသ်ဝတ်ပြုရန်အတွက် အချိန်ပြည့် အီမာမ်(ရှေ့ဆောင်ဆရာတော်) တစ်ဦး ပါဝင်မည်ဖြစ်သည်။

ထိုဗလီဝတ်ကျောင်းတော်ဆောက်လုပ်မှု ကုန်ကျစရိတ်၏ ၈၅ ရာခိုင်နှုန်းကို အသင်းမှကျခံမည်ဖြစ်ပြီး ဗလီဝတ်ကျောင်းတော်ဆောက်လုပ်မှုတွင် ထည့်ဝင်လှူဒါန်းလိုသည့် ကစားသမားများ၊ ပရိတ်သတ်များအတွက် ကျန်ရှိသည့် ၁၅ ရာခိုင်နှုန်းကို ဖယ်ထားခြင်းဖြစ်သည်ဟု အသင်းအုပ်ချုပ်ရေးအဖွဲ့မှ ကြေညာထားသည်။ ဗလီဝတ်ကျောင်းတော် ဆောက်လုပ်မည့်သတင်းကို အသင်း၏ ၀ဘ်ဆိုဒ်တွင် လွှင့်တင်ဖော်ပြထားသည်။

ဘိုင်ယန်မြူးနစ်အသင်းကို ၁၉၀၀ ပြည့်နှစ်က စတင်တည်ထောင်ခဲ့ပြီး ဂျာမန်အမှတ်ပေးဇယား၏ ထိပ်ဆုံးတွင်ရှိကာ ဂျာမနီနိုင်ငံတွင် အအောင်မြင်ဆုံး ကလပ်အသင်းတစ်သင်းလည်းဖြစ်သည်။ ၁၉၃၂ ခုနှစ်တွင် ပထမဆုံး ဘွန်ဒစ်လီဂါ ချန်ပီယံဖြစ်ခဲ့သည့် ဘိုင်ယန်မြူးနစ်အသင်းမှာ ဂျာမန်ဘွန်ဒစ်လီဂါ ချန်ပီယံ ၂၃ ကြိမ်၊ ဂျာမန်ရှုံးထွက်ဖလား ၁၅ကြိမ် ဆွတ်ခူးရရှိထားသည်။

၂၀၁၂ ခုနှစ် စာရင်းကောက်ယူမှုအရ ဂျာမနီ၏ အချမ်းသာဆုံး ကလပ်အသင်းဖြစ်ပြီး၊ ကမ္ဘာ့အချမ်းသာဆုံး ကလပ်အသင်းများစာရင်းတွင် အဆင့်လေးနေရာရှိသည်။

အသင်းရှိ မွတ်စလင်အသင်းသားများအတွက် ဆွလာသ်ဝတ်ပြုရန် နေရာစီစဉ်ပေးခြင်းမှာ ဘိုင်ယန်မြူးနစ်အသင်းသည် ဥရောပဘောလုံးအသင်းများတွင် ပထမဆုံးမဟုတ်ဘဲ အင်္ဂလန်ကလပ် နယူးကာဆယ်အသင်းကလည်း မွတ်စလင်ကစားသမားများ ဆွလာသ်ဝတ်ပြုရန် သီးသန့်အခန်းတစ်ခုကို စီစဉ်ပေးခဲ့ဘူးသည်။

အစ္စလာမ်ဘာသာဝင်များမှ တစ်နေ့လျှင် အချိန်အပိုင်းအခြားအလိုက် ဆွလာသ်ငါးကြိမ်ဝတ်ပြုရပြီး နံနက်အရုဏ်တက်ဝတ်ပြုမှု(ဖဂျရ်)ဖြင့် တစ်နေ့တာဆွလာသ်ဝတ်ပြုမှုကို စတင်သည်။