ဲငြိမ်းချမ်းစွာ အတူယှဉ်တွဲ နေထိုင်ရေး အလုပ်ရုံ ဆွေးနွေးပွဲ ကလောတွင်ပြုလုပ်

မေ-၁၆၊၂၀၁၃
M-Media
သတင်း/ဓါတ်ပုံ-ဘုန်းမင်းခန့်

“ကလောမြို့နယ် ဘာသာပေါင်းစုံ စည်းလုံး ညီညွှတ်ရေးနှင့် ငြိမ်းချမ်းစွာ အတူ ယှဉ်တွဲနေထိုင်ရေး ဆွေးနွေးပွဲနှင့် ဘာသာပေါင်းစုံ ကူညီ စောင့်ရှောက်ရေးအသင်း ဖွဲ့စည်းခြင်း”

ရှမ်းပြည်နယ်တောင်ပိုင်း၊ ကလောမြို့နယ် ဘာသာပေါင်းစုံစည်းလုံး ညီညွှတ်ရေးနှင့် ငြိမ်းချမ်းစွာ အတူယှဉ်တွဲနေထိုင်ရေး အလုပ်ရုံဆွေးနွေးပွဲနှင့် ချစ်ကြည်ရင်းနှီးစွာတွေ့ဆုံပွဲကို ၂၀၁၃ခုနှစ် မေလ (၁၀)ရက်နေ့နှင့်(၁၁)ရက်နေ့တို့တွင် ကလောမြို့၊ မြို့နယ်ခန်းမတွင် ကျင်းပပြုလုပ်ခဲ့ကြောင်း သတင်း ရရှိပါသည်။

ရတနာမြေလူမှုဖွံ့ဖြိုးရေးအသင်းမှ ကြီးမှူးကျင်းပပြုလုပ်သော ကလောမြို့နယ် ဘာသာပေါင်းစုံ ငြိမ်းချမ်းစွာအတူယှဉ်တွဲနေထိုင်ရေး အလုပ်ရုံဆွေးနွေးပွဲသို့ ကလောမြို့ပေါ်ရှိ ကျောင်းတိုက်များမှ ဆရာတော် သံဃာတော်များ ၊ ခရစ်ယာန်ဘာသာ၊ အစ္စလာမ်ဘာသာနှင့် ဟိန္ဒူဘာသာတို့မှ ကိုယ်စားလှယ် နှင့်ဘာသာရေးခေါင်းဆောင်များ၊ ရတနာမြေလူမှုဖွံ့ဖြိုးရေးအသင်းမှ တာဝန်ရှိအဖွဲ့ဝင်များ၊ ဌာနဆိုင်ရာတာဝန်ရှိသူများ၊ အခြားဧည့်သည်တော်များ၊ ငြိမ်းချမ်းစွာအတူနေထိုင်ရေးကို စိတ်အားထက်သန်သူများ တက်ရောက်ခဲ့ကြပါသည်။

အခမ်းအနားတွင် ရတနာမြေလူမှုဖွံ့ဖြိုးရေးအသင်းမှ စီမံကိန်းဒါရိုက်တာ ဒေါက်တာဒေါ်နှင်းအေးကိုမှ ဘာသာပေါင်းစုံချစ်ကြည်ရေး၊ စည်းလုံးညီညွှတ်ရေးနှင့် ငြိမ်းချမ်းစွာ အတူယှဉ်တွဲနေထိုင်သွားရေး စီမံကိန်းနှင့်ပတ်သက်ပြီး ရှင်းလင်းပြောကြားခဲ့ပါသည်။

ထို့နောက် ကလောမြို့နယ်၊ ဗောဓိကုန်းဆရာတော်မှ ဗုဒ္ဓဘာသာနှင့်ငြိမ်းချမ်းရေးတရားကို ဟောကြား သြ၀ါဒပေးရာတွင် “ သမဂ္ဂါနံ တပေါ သုခေါ – ဟူသည်နှင့်အညီ ညီညွတ်မှ ငြိမ်းချမ်းနိုင်ပါတယ်။ တစ်ဦးနှင့် တစ်ဦး နားမလည်နိုင်ခြင်းသည် သံသယစိတ် အမြင်မကြည်လင်မှုကို ပေါ်ပေါက်စေပါတယ်။ သံသယစိတ်သည် ညီညွတ်မှုကို ပျက်ပြားစေပြီး သွေးစည်းချစ်ခင်မှုကိုပါ လျော့ပါးစေပါတယ်။ သံသယစိတ်ကြောင့် အထင်လွဲများခြင်း၊ သဘောထားကွဲလွဲခြင်း၊ ရန်သတ္တရုပြုခြင်းစသော မကောင်းသော အပြစ်များစွာကို ဖြစ်ပေါ်စေနိုင်ပါသဖြင့် ထိုသံသယစိတ်သည် အလွန်တရာမှ ဆိုးဝါးလှပါတယ်။ သံသယများသောသူသည် ပဋိပက္ခကို လမ်းကမ်းကြိုဆိုနေသူတွေလို ဖြစ်တတ်ပါတယ်။ သံသယကင်းမှ အသိအမြင်ရှင်းပြီး နားလည်မှုအားကောင်းလာမှာဖြစ်ပါတယ်။ နားလည်နိုင်မှု ဟူသည်မှာ အရာရာကို ဝေဖန်ပိုင်းခြား ခွဲခြားစိတ်ဖြာတတ်သေ အသိဥာဏ်ပညာရှိမှုကို ဆိုလိုပါတယ်။ အသိဥာဏ်ပညာဟာ ယုံမှားသံသယကို ပယ်ဖျောက်နိုင်ပြီး သံသယပျောက်မှ အမှန်ဘ၀သို့လည်း ရောက်ရပါတယ်။ သည်းခံခွင့်လွှတ်မှု နည်းပါးခြင်းသည်လည်း ပဋိပက္ခကို ဦးတည်နေပါတယ်။ သည်းခံခွင့်လွှတ်ပေးနိုင်မှုသည် ပြဿနာကို ကျေအေးစေနိုင်ပါသည်။

ဗုဒ္ဓမြတ်စွာဘုရားရှင် ကိုယ်တော်တိုင်  “ ခန္တီ ပရမံ တပေါ တိတိက္ခာ” ဟူ၍ သည်းခံခြင်းသည် အမွန်မြတ်ဆုံး ကျင့်စဉ်နည်းဖြစ်ကြောင်း ဟောကြားခဲ့တော်မူခဲ့ပါတယ်။ လူပျော့လူညံ့များသည် သည်းခံခွင့်လွှတ်နိုင်စွမ်းရည် အားနည်းကြပြီး သည်းခံခွင့်လွှတ်ခြင်းသည် မြင့်မြတ်သော စိတ်ထားရှိကြကုန်သော လူကောင်းလူတော် လူရည်မွန် လူရည်ချွန်တို့၏ လုပ်ရပ်သာဖြစ်ပါတယ်။ ရန်ကို ရန်နှင့် တုံ့ပြန်ခြင်းဖြင့် ဘယ်သောအခါမှ မငြိမ်းအေးနိုင်ပါ။ ရန်ကိုရန်ခြင်း မတုံ့ပြန်ပဲ မေတ္တာဖြင့် တုံ့ပြန်မှသာလျှင်
ငြိမ်းအေးနိုင်ပါကြောင်း  နားလည်မှု ဥာဏ်ပညာတရားနှင့် သည်းခံခွင့်လွှတ်နိုင်မှု ခန္တီတရားတို့သည် ပဋိပက္ခ အဓိကရုဏ်း ပြဿနာများကို မဖြစ်ပေါ်စေပဲ ငြိမ်းအေးစေပြီး အေးချမ်းမှုဆီသို့ လျှောက်လှမ်းရာ၌ အရေးကြီးဆုံးသောအကြောင်းအရာများဟု ဆိုနိုင်ပါကြောင်းဖြင့်” ငြိမ်းချမ်းရေးလမ်းစဉ်ကို မိန့်တော်မူခဲ့ပါသည်။

ထို့နောက် မြန်မာနိုင်ငံခရစ်ယာန်အသင်းတော်များကောင်စီ အမှုဆောင်အတွင်းရေးမှူး ဆရာတော်ဦးစောဂျော့ရှေမှ

“ပြဿနာတစ်ရပ်၏ရင်းမြစ်ကို အမှန်ခွဲခြားသိရန် အရေးကြီးပြီး၊ လက်တွေ့ကျသော အဖြေကိုရှာပေးနိုင်သည့် ရှင်းလင်းသော အတွေးအခေါ်ရှိရန်လည်း လိုအပ်ကြောင်း၊ လူ့နှလုံးသားတွင် ငြိမ်းအေးခြင်းရှိမည်ဆိုပါက ဌင်းလူသား၏ ဘ၀တစ်သက်တာတွင် လှပသောအကျင့်စာရိတ္တရှိမည်။ ထိုလူ၏ အကျင့်စာရိတ္တလှပပါက သူ၏ မိသားစုအတွင်း ညီညွတ်မှုတရားရှိမည်။ မိသားစုညီညွတ်မှုရှိပါက နိုင်ငံတော်အတွင်း သင့်မြတ်ခြင်းရှိမည်။ နိုင်ငံတွင် သင့်မြတ်ခြင်းရှိပါက ကမ္ဘာလောကတစ်ခုလုံး ငြိမ်သက်အေးချမ်းခြင်းရှိမည်” ဟူ၍
ခရစ်ယာန်ဘာသာနှင့်ငြိမ်းချမ်းရေးတရားကို တင်ပြခဲ့ပါတယ်။

အခမ်းအနားအစီစဉ်အရ မြန်မာနိုင်ငံ ဘာသာပေါင်းစုံ ငြိမ်းချမ်းရေးအဖွဲ့အတွင်းရေးမှူး ဆရာဦးအောင်နိုင်မှ ဟိန္ဒူဘာသာနှင့်ငြိမ်းချမ်းရေးတရားကိုဟောကြားရာတွင်
“ မိမိ၏သိက္ခာ၊ မိဘ၊ ဆရာနှင့် လူသားထု၏သိက္ခာကို မည်သည့်အခါမျှ မထိခိုက်မိစေရန် နှလုံးသွင်းထားရပါမယ်။ သူတစ်ပါးအား ထိခိုက်စေသော လုပ်ရပ်ကို မည်သည့်အခါမျှ မလုပ်မိစေရန် ရှောင်ကျဉ်ရပါမယ်။ ကိုယ်ကျင့်သိက္ခာနှင့် ကျင့်ဝတ်ဆိုင်ရာများ အကျင့်စာရိတ္တဆိုင်ရာ စည်းမျဉ်းများကို စံပြ အဓိဌာန်တစ်ရပ်အနေဖြင့်ထားပြီး၊ နေ့စဉ်ဘ၀၌ ကိုယ်ကျင့်သိက္ခာကို အကျိူးရှိရှိသုံးစွဲတတ်ရန် အထူးကြိုးစားမှုနှင့် ၀ိရိယရှိရန်လည်း အဓိကကျသလို၊ ခန္တီပါရမီ သည်းခံနိုင်မှုရှိရန် ပညာပါရမီဥာဏ်ကို အသုံးပြုရမှာဖြစ်ပါတယ်။ အကောင်းမြင်တတ် ကြည့်တတ်တဲ့ စေတနာထားပြီး သူတစ်ပါးအား ကောင်းမှုပြုနိုင်တဲ့ သတ္တိကိုမွေးဖွားရန်လည်း မဖြစ်မနေလိုအပ်ပါတယ်။ သီလ သိက္ခာ သမာဓိ ရှိ၍ ယုံကြည်မှု သဒ္ဒါတည်မြဲစေရန် စောင့်ထိန်းပြီး ကရုဏာနှင့် အကြင်နာတရားထားရှိကာ ငြိမ်းချမ်းသော လူမှုဘ၀ဖွံ့ဖြိုးတိုးတက်မှုမှ တဆင့် ငြိမ်းအေးသာယာ တိုးတက်သော နိုင်ငံတော် အဖြစ်သို့ လျှောက်လှမ်းရမည်ဖြစ်ကြောင်း” ငြိမ်းချမ်းစွာအတူယှဉ်တွဲနေထိုင်ရေး တရားဟောကြားခဲ့ပါသည်။

ထို့နောက် မြန်မာနိုင်ငံ အစ္စလာမ်သာသနာရေးရာကောင်စီဌာနချုပ်မှ ဓမ္မသတ်မှူး ဆရာဦးမြင့်နိုင်မှ အစ္စလာမ်ဘာသာနှင့် ငြိမ်းချမ်းရေးတရားကို တင်ပြရာတွင်
“  လူဟူသည် အစုအဝေး အသိုင်းအ၀ိုင်းနှင့်ကင်းကွာ၍မရသလို လူသားအားလုံးတို့ဟာလူ့အဖွဲ့အစည်းတစ်ခု၏ အဖွဲ့ဝင်ညီနောင်များဖြစ်ပြီး ‘လူသားတို့အားလုံးအနက် အမြတ်ဆုံးသောသူမှာ ကိုယ်ကျင့်သီလ အမွန်မြတ်ဆုံးသူဖြစ်သည်’ ဟူ၍ ကျမ်းမြတ်တွင် အမိန့်လာရှိထားပြီး – ‘ အလ္လာဟ်အရှင်မြတ်သည် လောကအလှဆင်သူ ကောင်းကျိုးပြုသူ ကုသိုလ်တရားပွားများသူများကို နှစ်သက်တော်မူသည်’ ဟူ၍လည်း ကုရ်အာန်ကျမ်းမြတ်တွင် မိန့်ဆိုထားပါတယ်။ အစ္စလာမ့်အမြင်အရ လူကို တန်ဖိုးသတ်မှတ်ရာတွင် ဥစ္စာဓန၊ ရုပ်ရည်ရူပကာ၊ ရာထူးဌာနတို့ဖြင့် တန်ဖိုးမဖြတ်ပါ။ လူ၏အကျင့်သီလ၊ သိက္ခာ၊ သမာဓိ၊ ပညာကိုသာ အရင်းခံထား၍ တန်ဖိုးထား၍ တန်ဖိုးသတ်မှတ်ပါတယ်။

အစ္စလာမ့်တရားတော်လာ တမန်တော်မြတ်သခင်၏ သြ၀ါဒတော်များတွင်လည်း  ‘လူသားတို့အား ကြင်နာသနားမှု မထားရှိသူကို အလ္လာဟ်အရှင်မြတ်မှလည်း သနားကြင်နာတော်မူမည် မဟုတ်’ ဟူ၍လည်းကောင်း ‘ငယ်သူကို မသနား၊ ကြီးသူကို မရိုသေ၊ ကောင်းမူကို မညွှန်ကြား၊ မကောင်းရာကို မတားမြစ်သူသည် ငါတမန်တော်၏ အုပ်စုဝင်မဟုတ်’ ဟူ၍လည်းကောင်း ဆုံးမထားပါတယ်။

အစ္စလာမ်သာသနာဟူသည်မှာ ငြိမ်းချမ်းခြင်း အမိန့်နာခံခြင်းဟု အဓိပ္ပါယ်ဖော်ဆောင်ပြီး နိစ္စထာဝရတည်ရှိတော်မူသော တစ်ပါးတည်းဖြစ်တော်မူသော အလ္လာဟ်အရှင်မြတ်၏ အမိန့်တော်နှင့် နောက်ဆုံးတမန်တော်မိုဟမ္မဒ်သခင်၏ စံနာမူနာတော်များကို လူ့ဘ၀တည်ဆောက်ရေးလမ်းညွှန်အဖြစ် နာခံကျင့်သုံး လိုက်နာခြင်းဖြင့် အမိန့်နာခံကာ ငြိမ်းချမ်းမှုကိုရရှိနိုင်စေခြင်း၊ ငြိမ်းချမ်းမှုကိုဖော်ဆောင်ခြင်းဖြစ်ပါတယ်။ ထိုအသိတရားကို အစ္စလာမ်သာသနာက အမိန့်နာခံခြင်းနှင့်ငြိမ်းခြမ်းမှုကိုဆောင်ရွက်ခြင်းဖြင့်
ဆုံးမထားပြီးဖြစ်ပါတယ်။ သာသနာဟူသည်မှာ အဆုံးအမပင်ဖြစ်ပါတယ်။ အစ္စလာမ်ဘာသာဝင်တိုင်းသည် ကျမ်းမြတ်ကုရ်အာန်က ညွှန်ကြားဆုံးမ ပြသပေးထားသောတရား၏ အသိပညာဖြင့် မိမိ၏ စိတ်အလိုကို မလိုက်ပဲ ဘ၀ပြဿနာများ၊ အမှားများ၊ မကောင်းမှုများကိုတွန်းလှန်ကာ အေးအတူ ပူအမျှ တရားမျှတမှုနှင့် ငြိမ်းချမ်းမှုရရှိအောင် အခြားသူများနဲ့ လက်တွဲ ပူးပေါင်းဆောင်ရွက်သွားရမှာဖြစ်သလို အစ္စလာမ်ဘာသာဝင်တိုင်းသည် မိမိနေထိုင်ရာ ဇာတိ၊ တိုင်းပြည်၊ နိုင်ငံနှင့်လူသားအားလုံးတို့ အမှီပြုရာ မြေကမ္ဘာ စိုပြည်သာယာ ငြိမ်းချမ်းအောင် အတူယှဉ်တွဲနေထိုင်ရေးအတွက် ဘာသာတရား၏ လမ်းညွှန်ဆုံးမမှုများအတိုင်း   ကြိုးပမ်းဆောင်ရွက် လိုက်နာရန် အထူးတာဝန်ရှိပါတယ်။” ဟူ၍ ငြိမ်းချမ်းစွာအတူယှဉ်တွဲနေထိုင်ရေးကို တင်ပြပေးခဲ့ပါသည်။

ထို့နောက် အခမ်းအနားအစီစဉ်များအရ ဌာနဆိုင်ရာ ကိုယ်စားလှယ်များအနက် တာဝန်ရှိသူတစ်ဦးမှ ကလောမြို့နယ်အတွင်း တည်ငြိမ်အေးချမ်းရေးနှင့် တရားဥပဒေစိုးမိုးရေး လုပ်ငန်းစဉ်များ၊ ဆောင်ရွက်ထားရှိမှုများကိုတင်ပြဆွေးနွေးခဲ့ပါသည်။

ထို့နောက် တက်ရောက်လာသော ကလောမြို့ ဘာသာပေါင်းစုံမှ သာသနာရေးခေါင်းဆောင်များ၊ ဌာနဆိုင်ရာ ကိုယ်စားလှယ်များနှင့် ရပ်မိရပ်ဖများမှ –
– ငြိမ်းချမ်းစွာအတူယှဉ်တွဲနေထိုင်နိုင်ရေးအတွက် အုပ်စုဖွဲ့ဆွေးနွေးခြင်းနှင့် ပြန်လည်တင်ပြခြင်း၊
– အဓိကရုဏ်းဖြစ်ပေါ်မှုကြောင့် နိုင်ငံနှင့်ပြည်သူများအပေါ် မည်သို့သော ထိခိုက်နစ်နာမှုများရှိသည်ကို အုပ်စုဖွဲ့ဆွေးနွေးခြင်းနှင့် ပြန်လည်တင်ပြခြင်း၊
– ချစ်ကြည်ရင်းနှီးစွာ နေ့လည်စာမိတ်ဆုံစားပွဲပြုလုပ်ခြင်း၊
– ငြိမ်းချမ်းစွာအတူယှဉ်တွဲနေထိုင်ရေးအတွက် ပူးပေါင်းဆောင်ရွက်နိုင်မည့် ဘာသာပေါင်းစုံကူညီ စောင့်ရှောက်ရေးအဖွဲ့ ဖွဲ့စည်းနိုင်ရန် ၀ိုင်းဝန်းဆွေးနွေးခြင်းများ ပြုလုပ်ခဲ့ပါသည်။

ထို့နောက်
–       ကောလဟာလသတင်းမှားများကို ခြေဖျက်ပြီး သတင်းမှန်များဖော်ထုတ်ဖြေရှင်းရန်၊
–       ဆူပူလှုံ့ဆော်မှုများကို သတိပြုစောင့်ကြည်ရန်၊
–       အကြမ်းဖက်မှုမဖြစ်ပွားစေရန် ဖန်တီးမှုများကို အချိန်မှီထိန်းသိမ်းနိုင်ရန်၊
–       ပဋိပက္ခများကိုကြိုတင်ကာကွယ်တားဆီးနိုင်ရန် စသည်တို့အတွက်
ကလောမြို့ ဘာသာပေါင်းစုံကူညီစောင့်ရှောက်ရေးအဖွဲ့ကို နာယကသံဃာတော်ဆရာတော်များမှ ဦးဆောင်၍ ဘာသာအသီးသီးမှ ကိုယ်စားလှယ်များဖြင့် ဖွဲ့စည်းခဲ့ပါသည်။

ထို့အပြင် ကလောမြို့ဘာသာပေါင်းစုံ ကူညီစောင့်ရှောက်ရေးအဖွဲ့၏ ဆက်လက် ဆောင်ရွက်မည့် ရှေ့လုပ်ငန်းစဉ်များရေးဆွဲခြင်းကိုလည်း ဆောင်ရွက်ခဲ့ပါသည်။

ထို့နောက် ကလောမြို့ဘာသာပေါင်းစုံ ကူညီစောင့်ရှောက်ရေးအဖွဲ့မှ ချစ်ကြည်ရေးခရီးအဖြစ် ကလောမြို့ အစ္စလာမ်ဗလီဝတ်ကျောင်းတော်၊ ကက်သလစ်ခရစ်ယာန်ဘုရားကျောင်း စေတီတော်နှင့်ကျောင်းတိုက်များသို့ သွားရောက်လေ့လာလည်ပတ်ကြည့်ရှုခဲ့ကျပါသည်။

ထိုသို့ ကလောမြို့ရှိ ဘာသာရေးအဆောက်အအုံများကို ချစ်ကြည်ရေးခရီးကြွရောက်ပြီးနောက် ချစ်ကြည်ရေးခရီးစဉ်အတွင်း လေ့လာခဲ့မှုများနှင့်ပတ်သက်၍ ကလောမြို့ ဂုဏ်ထူးဆောင်တိုက်သစ် ဆရာတော်အား လျှောက်ထား မေးမြန်းရာတွင် “ ကလောမြို့ရှိ အစ္စလာမ်ဂျာမေ့ဗလီဝတ်ကျောင်းနှင့် ကက်သလစ်ခရစ်ယာန်ဘုရားကျောင်းတို့ကို ချစ်ကြည်ရေး အလည်အပတ် ခရီးသွားရောက်ကာ လေ့လာခွင့်ရတဲ့အတွက် တစ်ဦးနှင့်တစ်ဦးပို၍ ခင်မင်ရင်းနှီးမှုရရှိလာပါတယ်။ ဘာသာရေးခေါင်းဆောင်များ၏ စိတ်အသီးသီးတွင် သံသယကင်းပြီး ပြုံးပျော်ကြည်နူးနေတဲ့မျက်နှာတွေ၊ တက်ကြွလန်းဆန်းနေတဲ့အမူအယာတွေကို မြင်တွေ့ရသည်မှာ ကွဲကွာနေတဲ့ ညီတော်နောင်တော်များ ပြန်လည် ဆုံတွေ့ရသကဲ့သို့ ၀မ်းသာပီတီဖြစ်ရပါတယ်။ ငြိမ်းချမ်းရေးပန်းတိုင်၏ ပထမခြေလှမ်းလည်း ဖြစ်ပါတယ်” ဟူ၍ မိန့်ကြားတော်မူသည်။

ဆရာတော်မှ ကလောမြို့ ဘာသာပေါင်းစုံငြိမ်းချမ်းစွာ အတူယဉ်တွဲနေထိုင်ရေး နှင့် စည်းလုံးညီညွှတ်ရေးအတွက် အောက်ဖော်ပြပါ လင်္ကာကဗျာလေးအား ချီးမြင့်ပေးတော်မူခဲ့ပါသည်။

” ရင်းနှီး မေတ္တာ  ပြဿနာရှင်း ဆုံးမသွင်းကာ
ဘာသာပေါင်းစုံ  စည်းလုံးကုန်၍
ညီညွတ်ငြိမ်းချမ်း  ချီတက်လှမ်းဖို့
ရတနာမြေ  ဦးဆောင်လေသော  မြို့ကလောဟု
မည်ပြုသညာ  ခန်းမ-သာဝယ်  လမ်းပြလာသည်
စည်းလုံးညီညာ  နေထိုင်ကြပါစို့။
ငြိမ်းချမ်းကြည်သာ  လက်တွဲကြပါစို့။ ”

ဘဒ္ဒန္တကောဏ္ဍာည
(သာသနဓဇဓမ္မာစရိယ၊ အဂ္ဂမဟာကျော်)
ဂုဏ်ထူးဆောင်တိုက်သစ်
ကလောမြို့။
၁၁.၅.၂၀၁၃