အစ္စရေး အမျိုးသမီး စစ်သည်များအား ညစ်ညမ်းဓာတ်ပုံများကြောင့် အရေးယူ

ဇွန်-၃၊၂၀၁၃
M-Media

Facebook အွန်လိုင်း မီဒီယာတွင် အမျိုးသမီး စစ်သည်တပ်စုသစ်တစ်စုသည် အတွင်းခံအင်္ကျီများဖြင့် ဓာတ်ပုံရိုက်တင်ထားခြင်းကြောင့် အစ္စရေးစစ်တပ်သည် ၄င်းတို့အား ကြပ်မတ်အရေးယူမည်ဖြစ်ကြောင်း သိရသည်။

ဓာတ်ပုံတစ်ခုတွင် အမျိုးသမီးစစ်သည်များသည် အတွင်းခံအ၀တ်များဖြင့် မိမိတို့၏ ခန္ဓာအနောက်ပိုင်းအလှကို ဖော်ပြထားပြီး၊ နောက်ထပ်ဓာတ်ပုံတစ်ခုတွင် အမျိုးသမီး ငါးယောက်သည် ကာကွယ်ရေးဦးထုပ် နှင့် စစ်တိုက်ရာတွင် အသုံးပြုပစ္စည်းအချို့ကိုသာ ဆင်ယင်ထားကာ မျက်နှာများကိုမူ ထင်ထင်ရှားရှား ဖော်ပြထားခြင်း မရှိကြောင်းသိရသည်။

ယင်းအမျိုးသမီးတို့သည် အစ္စရေးတောင်ပိုင်းစစ်စခန်းတစ်ခုမှ တပ်သားသစ်စစ်သမီးများဖြစ်သည်ဟု  အစ္စရေး သတင်းဌာနတစ်ခုမှ ပြောကြားခဲ့သည်။

အစ္စရေးစစ်တပ်မှပေးအပ်သော မှတ်ချက်တစ်ခုတွင် ယင်းအမျိုးသမီးငယ်များ၏ အပြုအမူသည် အစ္စရေးစစ်သည်တို့၏ ကျင့်ဝတ်သိက္ခာနှင့် မကိုက်ညီကြောင်း၊ စစ်ဖက်ဆိုင်ရာအရာရှိများမှ သက်ဆိုင်သူများကို ထိုက်သင့်သည့် ကြပ်မတ်ထိန်းသိမ်းမှုပြုလုပ်ခဲ့ကြောင်း ၄င်းမှ ဆိုထား၏။

လွန်ခဲ့သော နှစ်အနည်းငယ်အတွင်း  အစ္စရေး စစ်သားအမြောက်အများကို အွန်လိုင်း မီဒီယာများတွင် ညစ်ညမ်းပုံများနှင့်မှတ်ချက်များ တင်ခြင်းအတွက် အစ္စရေးစစ်တပ်မှ စည်းကမ်းချက်ထုတ်ပြန်ခဲ့သည်။

၂၀၁၀ ခုနှစ်တွင်  အစ္စရေး စစ်သားတစ်ဦးသည် မျက်လုံးကိုအ၀တ်စီးထားသော ပါလက်စတိုင်းအမျိုးသမီးအနီးတွင် လိင်စိတ်ဆွအကဖြင့် လှည့်ပတ်ကနေသော ဗီဒီယိုအား YouTube ပေါ်၌ တွေ့ရှိခဲ့ရသည်။ ၄င်းနှစ်အစောပိုင်းမှာပင် အမျိုးသမီးစစ်သည်တစ်ဦးသည် ပါလက်စတိုင်း အကျဉ်းသားများအရှေ့၌ ကိုယ်ဟန်ပြနေသောပုံများသည်လည်း အင်တာနက်ပေါ်တွင် ပျံနှံ့သွားခဲ့သည်။

ယခုနှစ်အစောပိုင်းတွင်လည်း Twitter ၌ ပါလက်စတိုင်းဆန့်ကျင်ရေး  Status များရေးတင်ခြင်း နှင့် အွန်လိုင်းမီဒီယာ အသီးသီးသို့ ၀တ်လစ်စလစ်ဖြင့်  သေနတ်ကိုင်ထားသည့်ပုံများတင်ခဲ့ခြင်းကြောင့် စစ်သားတစ်ဦးအား အရေးယူခဲ့ကြောင်း သိရသည်။

Ref: aljazeera