ယနေ့ ဖြစ်ပွားခဲ့သော မန္တလေးမှ ကောလဟလများနှင့် ပတ်သက်ပြီး ဆက်သွယ်မေးမြန်းချက်

ဇွန် ၅၊ ၂၀၁၃
M-Media
သုတ

မန္တလေးမြို့တွင် ယနေ့နံနက်ပိုင်းက ဖြစ်ပွားခဲ့သော ကောလဟလများနှင့် ပတ်သက်၍ ကျောင်းသားမိဘတချို့နှင့် ဆက်သွယ်မေးမြန်းချက်

မန္တလေး ။ ။ မန္တလေးတိုင်းဒေသကြီး၊ မန္တလေးမြို့တွင် ယနေ့နံနက်ပိုင်းက ပေါ်ထွက်ခဲ့သော ကျောင်းတချို့တွင် မီးရှို့နေသည်၊ ကျောင်းသားများကို သတ်ပြစ်နေသည်ဆိုသော ကောလဟလများနှင့် ပတ်သက်၍ အဆိုပါကျောင်းများတွင် စာသင်ကြားနေသော ကလေးငယ်များ၊ ကျောင်းသား မိဘတချို့နှင့် ဆက်သွယ်မေးမြန်းထားတာ ဖြစ်ပါတယ်။

Photo Credit t- Irrawaddy

“မနက်က ၁၀-နာရီဝန်းကျင်လောက်မှာ ဖြစ်သွားတာ။ အမှတ်(၃) အထက်တန်းကျောင်းအနီး ၃၆-လမ်းအနား မှာ ဆိုင်ကယ်နဲ့ လူတစ်စုက လာအော်တယ်။ ဘုန်းကြီးတွေလာနေပြီ။ မီးရှို့တော့မယ်ဆိုပြီးအော်တယ်။ အဲလို လာအော်လိုက်တော့ ရပ်ကွက်ထဲက လူတွေလည်း ရုတ်ရုတ်သဲသဲ ဖြစ်သွားတယ်။ ပြီးတော့ အနားဝန်းကျင်က ကျောင်းသား မိဘတွေကလည်း ကျောင်းကိုပြေးပြီး ကျောင်းရှေ့မှာ စုပြုံသွားကြတယ်။ ကျွန်တော်လည်း ကျွန်တော့်သားသမီးတွေရှိတဲ့ ကျောင်းရှေ့ရောက်သွားတယ်။ ဒါပေမယ့် ကျောင်းမှာ ဘာမှမဖြစ်ဘူး။ ရဲတွေလည်း ရောက်လာပြီး ကျောင်းရှေ့မှာ စောင့်ပေးနေကြတယ်။ ရဲက ၃၀-လောက်ရှိပါတယ်။ ကျောင်းက ချက်ချင်းဆင်းပေးလိုက်တာမဟုတ်ပါဘူး။ ထမင်းစားကျောင်းဆင်းချိန်မှ ဆင်းပေးလိုက်တာပါ။ ကျောင်းကိုလည်း ပိတ်လိုက်တာမဟုတ်ပါဘူး။ ကလေးတွေ လာချင်လည်း လာလို့ရတယ်။ ဖွင့်ပါတယ်။ ဒါပေမယ့် မိဘတွေက စိတ်ပူပြီး ကလေးတွေကို ကျောင်းကို ပြန်မလွှတ်တော့ဘူး။ ကျောင်းလည်းဘာမှ မဖြစ်ဘူး။ ကလေးတွေလည်း ဘာမှ မဖြစ်ပါဘူး။ တမင် ပဋိပက္ခတွေဖြစ်အောင် ကောလဟာလတွေ လွှင့်ပြီး ဖန်တီးနေကြတယ်။ ဒါပေမယ့် ဘာပဲဖြစ်ဖြစ်ပေါ့ဗျာ အပြစ်မဲ့တဲ့ ကလေးတွေ စာသင်ကြားနေတဲ့အချိန်ကာလမှာတော့ ဒီလိုမျိုး မလုပ်သင့်ပါဘူး။ ကျောင်းသားမိဘအနေနဲ့ ကျွန်တော်လည်း ကလေးတွေအတွက် စိုးရိမ်ပါတယ်။” လို့ ကျောင်းသား မိဘတစ်ဦးမှ ပြောပြပါတယ်။

အဆိုပါကျောင်းတွင် စာသင်ကြားနေသည့် ဆဌမတန်း ကျောင်းသားတစ်ဦးအား မေးမြန်းရာ “သားတို့ ဘာမှ မသိလိုက်ဘူး။ ဆရာမက စာသင်နေတာ။ ခါတိုင်းလိုပဲ ထမင်းစားကျောင်းဆင်းတော့ ခါတိုင်းလိုပဲ အိမ်ပြန်မလို့ ထွက်လာတော့ ကျောင်းပေါက်ဝမှာ လူတွေ အများကြီးဖြစ်ပြီး သားတို့အဖေလည်း သားတို့ကို လာကြိုနေတာ တွေ့လိုက်ရတာ။ ကျောင်းဝင်းထဲမှာလည်း ဘာမှ ဖြစ်တာ မရှိပါဘူး။ အခုတော့ အဖေနဲ့အမေက စိတ်ပူလို့ဆိုပြီး သားတို့ကို ကျောင်းပြန်မလွှတ်တော့ဘူး။ ဟုတ်ကဲ့ ဒီနေ့တော့ နေ့ခင်းကို သား ကျောင်းပြန်မတက်တော့ပါဘူး။ နောက်ရက်ကျရင်တော့ ကျောင်းပြန်တက်မှာပါ”လို့ ဖြေကြားသွားပါတယ်။

အခြားသော ကျောင်းသားမိဘတစ်ဦးအား ဆက်သွယ်မေးမြန်းရာ “ဟုတ်ပါတယ်။ ဒီမနက်က ဖြစ်သွားတဲ့ ကောလဟလပါ။ တမင်သက်သက်ကို လုပ်ကြံနေကြတာပါ။ မန္တလေးမြို့တွင်းက ကျောင်းတော်တော်များများ ပိတ်လိုက်တယ်။ ကလေးတွေကို သတ်နေပြီ၊ ကလေးတွေကို သတ်တော့မယ် ဆိုတဲ့သတင်းကြောင့်ပါ။ ကျောင်းတော်တော် များများဆိုတာ အမှတ်(၃)အထက အပါအ၀င်၊ စိန်ပန်းဘက်ကကျောင်း၊ နောက် ၄၁-လမ်းဘက်ကကျောင်းနဲ့ တခြားကျောင်းတွေလည်း ပိတ်လိုက်ပါတယ်။ ပြီးတော့ မြို့သစ်ဘက်က ကျောင်းတချို့လည်း ပိတ်လိုက်ပါတယ်။ မြို့သစ်ဘက်က တွဲဘက်အလယ်တန်းကျောင်းတစ်ခုမှာဆို ကလေးတွေကို လာသတ်တော့မယ်ဆိုတဲ့ သတင်းကြောင့် ကျောင်းသားမိဘအများစုက တုတ်တွေ၊ ဓါးတွေကိုင်ပြီး ကျောင်းပတ်ပတ်လည်ကို လာစောင့်နေတဲ့အထိဖြစ်သွားတယ်။ ဒါကြောင့် ကျောင်းဆင်းပေး လိုက်ရတယ်။ နောက် စက်မှုမြို့သစ်ဘက်က ကျောင်းတချို့လည်း ပိတ်လိုက်ပါတယ်။ ကောလဟလကြောင့်သာ ပိတ်လိုက်တာပါ။ တစ်ခြား ဘာမှ ဖြစ်ပွားခဲ့တာ မရှိပါဘူး။”လို့ M-Media ရဲ့ ဆက်သွယ်မေးမြန်းချက်များကို ပြန်လည်ဖြေကြားပေးခဲ့ပါတယ်။

မန္တလေးမြို့အား ဆူပူမှုဖြစ်စေရန် ဘက်ပေါင်းစုံမှ သွေးထိုးလှုံ့ဆော်မှုများရှိနေသည့်အတွက် မန္တလေးမြို့ခံများအနေနဲ့ စိုးရိမ်ထိတ်လန့်မှုတွေ ဖြစ်လာခဲ့ရပါတယ်။ မန္တလေးမြို့တွင် အကြမ်းဖက် ကိစ္စရပ်များ မပေါ်ပေါက်လာစေရေးအတွက် မြို့ခံများအနေနှင့်လည်း ၀ိုင်းဝန်းထိန်းသိမ်းနေကြပါတယ်။ ကောလဟလများကို စိုးရိမ်ထိတ်လန့်မှုမဖြစ်စေရန်အတွက် ဘာသာပေါင်းစုံ လူမျိုးပေါင်းစုံပါဝင်သော ပဋိပက္ခဖန်တီးမှုများ ကြိုတင်ကာကွယ်တားဆီးရေး ကော်မတီ(မန္တလေး)မှလည်း လိုက်လံဖြေရှင်း ဆောင်ရွက်နေကြောင်းလည်း သိရပါတယ်။

ပဋိပက္ခဖန်တီးမှုများ ကြိုတင်ကာကွယ်တားဆီးရေး ကော်မတီ၏ နာယကဆရာတော် ရေတော်တိုက်ဆရာတော် ဦးဝိသုတထံ ဆက်သွယ်မေးမြန်းလျှောက်ထားပါသော်လည်း တယ်လီဖုန်းလိုင်း ဆက်သွယ်မှုမရရှိသေးသဖြင့် ရရှိပါက ဆရာတော်၏ သြ၀ါဒမြွက်ကြားချက်ကို ထပ်မံဖော်ပြပေးပါမည်။