ဗြိတိန်နိုင်ငံတွင် ဗလီကျောင်းတော် တည်ဆောက်ခွင့်ပြု

ဇွန်-၂၆၊ ၂၀၁၃
M-Media

ဗြိတိန်နိုင်ငံ West Midlands ဒေသရှိ ရှရောပ့်ရှိုင်းယား(Shropshire) တွင် ဗလီကျောင်းတော် ဆောက်လုပ်ခွင့်လျှောက်ထားချက်ကို မြို့တော်ကောင်စီမှ အတည်ပြုလိုက်ပြီဖြစ်သဖြင့် လူနည်းစု မွတ်စ်လင်မ်များမှာ အလွန်ကို ပျော်ရွှင် ၀မ်းမြောက်နေကြကြောင်း သိရသည်။

“ သင့်တော်တဲ့ အဆောက်အဦတစ်ခုကို စောင့်မျှော်ခဲ့တာ ၁၀နှစ်နီးပါးရှိခဲ့ပါပြီ။ ဒီနိုင်ငံဟာ ဒီမိုကရေစီနိုင်ငံဖြစ်တယ်၊ ဒီတော့ လူတွေမှာ (ကျွန်တော်တို့ကို)ကန့်ကွက်ပိုင်ခွင့်ရှိပါတယ်။ သို့သော်လည်း ကျွန်တော်တို့ကတော့ အဲလိုကန့်ကွက်သူတွေနဲ့ အဆင်ပြေအောင်နေထိုင် သွားမှာပါ။ ကျွန်တော်တို့ကို ပံ့ပိုးကူညီခဲ့ကြသူများကိုလည်း အထူးပင် ကျေးဇူးတင်ပါတယ်” ဟု ဇွန်လ ၂၁ ရက်နေ့၊ သောကြာနေ့က ရှရော့ပ်ရှိုင်းယားရှိ ဘင်္ဂလားဒေ့ရှ် လူမှုဖူလုံရေးအဖွဲ့ (Shropshire Bangladeshi Welfare Society)၏ ဥက္ကဋ္ဌ ဂျော့မီရာဟ် (George Miah) မှ Shropshire Star သတင်းဌာနသို့ ပြောကြားခဲ့သည်။

ကြာသပတေးနေ့က ရှရော့ပ်ရှိုင်းယား ကောင်စီတွင် ပရက်စတင် (Preston Street) လမ်းရှိ မှတ်ပုံတင်ရုံးဟောင်းအား ဗလီကျောင်းဆောင်အဖြစ် ပြောင်းလဲအသုံးပြုရေး မွတ်စ်လင်မ်များ၏လျှောက်ထားချက်ကို  မဲခွဲဆုံးဖြတ်ခဲ့ကြသည်။

လျှောက်လွှာတင်သွင်းခဲ့ကြသော ရှရော့ပ်ရှိုင်းယားရှိ ဘင်္ဂလားဒေ့ရှ် လူမှုဖူလုံရေး အဖွဲ့ဝင်များက လက်ခံအသိမှတ်ပြုရေးကို ၄င်းတို့အနေနှင့် ၁၀ နှစ်တိုင်တိုင်စောင့်ဆိုင်းနေခဲ့ရမှုကို နိဌိတံစေခဲ့သည် ဟု ဆိုသည်။

လွန်ခဲ့သော ၁၀ နှစ်ကတည်းကပင်  English Bridge ရှိ United Reformed Church တွင် ၄င်းကို ဆွေးနွေးနေခဲ့ကြသည်။ ဒေသခံတစ်ချို့မှကန့်ကွက်ခဲ့သော်လည်း နောက်ဆုံးတွင်မူ လက်ခံအတည်ပြုခံရသည်။

(Far-right English Defence League) ၏ အဖွဲ့ဝင်များသည် တာဝန်ရှိသူများထံသို့ ယင်းအဆိုပြုမှုအပေါ် ကန်ှု့ကွက်စာ အစောင် ၅၀၀ ကျော်ပို့ဆောင်ခဲ့ကြပြီး၊ ၄င်းနေရာ၏အရှေ့တွင်လည်း ဆန္ဒပြခဲ့ကြသည်။

ဆုံးဖြတ်ချက်ချမှတ်သည့်နေ့တွင် ကောင်စီအစည်းအဝေးသို့ လူ ၆၀ ကျော်တက်ရောက်ခဲ့သည်။

“ဒီလျှောက်ထားချက်က ဒီနေရာဒေသရဲ့ ယဉ်ကျေးမှုလက္ခဏာများကို မကျိုးပျက်စေဘဲ ဆက်လက် ထိန်းသိမ်းရှင်သန်သွားစေမယ်လို့ကျွန်တော် ယုံကြည်ပါတယ်။ လက်မခံနိုင်စရာလည်း ဘာအကြောင်းမှ မရှိပါဘူး ” ဟု ဒေသခံတစ်ဦးဖြစ်သော စူး ချာလစ် (Sue Challis) က ထိုလျှောက်ထားချက်ထောက်ခံကြောင်းပြောကြားပြီးနောက် လူများက လက်ခုပ်တီးသြဘာပေးခဲ့ကြသည်။

အပြန်အလှန်နားလည်ဆက်ဆံရေး

မွတ်စလင်များသည် ဗလီကျောင်းတော် ပတ်ဝန်းကျင်တွင်နေထိုင်သောသူများ နှင့် ထိုဒေအတွင်းရှိ လူများနှင့်ပါ ပိုမိုကောင်းမွန်သော ဆက်ဆံရေးဖြစ်အောင် ကြိုးပမ်းသွားရန် ကတိပြုခဲ့ကြသည်။

“ကျွန်တော်တို့ဟာ ဒေသခံတွေ၊ ကျောင်းတော်အနီးဝန်းကျင်ကသူတွေနဲ့ အပြန်လှန်ကူညီဖေးမှုတွေ ပြုလုပ်သွားပါမယ်။ ဗလီကျောင်းတော်ဖွင့်ပွဲမှာ လူတိုင်းကိုလည်း ဖိတ်ကြားလိုပါတယ် ” ဟု မီရာဟ် ကဆိုသည်။

ပလီကျောင်းတော် ဂေါပကအဖွဲ့ဝင် မာတင်ကဗီးရ် (Martin Kabir) မှ ၀တ်ကျောင်းတော်အရေးအတွက် ကူညီခဲ့သူများကို “ ကျွန်တော်တို့ အလွန်ကိုဝမ်းမြောက်မိပါတယ်။ လျှောက်ထားမှုကို ထောက်ခံခဲ့သူများ အားလုံးကိုလည်း အထူးပင်ကျေးဇူးတင်ပါတယ်” ဟု ကျေးဇူးတင်စကားပြောကြားခဲ့သည်။

ဗြိတိန်နိုင်ငံတွင် မွတ်စလင်ဦးရေမှာ  ၂.၇ သန်းသာရှိပြီး လူနည်းစုစာရင်းဝင်ဖြစ်သည်။

အနောက်နိုင်ငံတော်တော်များများတွင် ဗလီကျောင်းတော်ဆောက်လုပ်ခွင့်များသည် ကန့်ကွက်ခြင်းကိုခံနေခဲ့ရသည်။ အမေရိကန်နိုင်ငံတွင် ပလီကျောင်းဆောင်ဆောက်လုပ်ရေး စီမံကိန်း ၃၅ ခုအား ကန့်ကွက်သူများ ရှိခဲ့သည်။  ယာဉ်သွားလာမှုပိတ်ဆို့မည်၊ အကြမ်းဖက်မှုကိုစိုးရိမ်သည် စသည့် မခိုင်မာလွန်းသောအကြောင်းပြချက်အမျိုးမျိုးဖြင့် ကန့်ကွက်နေကြသည်။

ပြင်သစ်၊ အီတလီ နှင့် စပိန် စသည့် အခြားသော ဥရောပနိုင်ငံများတွင်လည်း ဗလီကျောင်းဆောင် ဆောက်လုပ်ခွင့်မှာ အတိုက်အခံများနှင့်ကြုံတွေ့နေခဲ့ရသည်။

ဆွစ်ဇာလန်၌ ဆွစ်လူမျိုးများသည် နိုင်ငံတွင်း၏ဗလီကျောင်း မီနာရဟ် မျှော်စင်များ ဆောက်လုပ်ခွင့်ကို ပိတ်ပင်ရန် ပြည်သူ့ဆန္ဒခံယူပွဲကိုပင် ပြုလုပ်ခဲ့ကြပေသည်။

Ref: OnIslam