တိုင်းမ်မဂ္ဂဇင်းအား သမ္မတကြီးမှ ကန့်ကွက်မှုအား ထောက်ခံကြောင်း ဆန္ဒထုတ်ဖော်ပွဲပြုလုပ်

ဇွန် ၃၀၊ ၂၀၁၃
M-Media
ဆုံမှတ်

ရန်ကုန် ။ ။ ဇူလိုင်လထုတ်မည့် တိုင်းမ်မဂ္ဂဇင်း၏ ဦးဝီရသူမျက်နှာဖုံးပါ သတင်းဆောင်းပါး ပါရှိသောကြောင့် သမ္မတကြီးမှ ကန့်ကွက်မှုအား ထောက်ခံသည့်ဆန္ဒထုတ်ဖော်ပွဲတစ်ရပ်ကို ယနေ့ နေ့လည်(၁း၃၀)နာရီက ရန်ကုန်မြို့ ဗဟာဗန္ဓုလပန်းခြံရှေ့တွင် ပြုလုပ်ခဲ့ကြသည်။

အဆိုပါ ဆန္ဒဖော်ထုတ်ပွဲမှာ တိုင်းမ်မဂ္ဂဇင်းကို သမ္မတကြီး၏ကန့်ကွက်မှုအား ထောက်ခံပွဲနှင့် ဦးဝီရသူအား ထောက်ခံပွဲကို ပူးတွဲပြုလုပ်ခြင်းဖြစ်ကြောင်းသိရသည်။

ယင်းဆန္ဒထုတ်ဖော်ပွဲသို့ လူအင်အား (၆၀၀)ကျော် ပါဝင်ခဲ့ပြီး ၉၆၉ တံဆိပ်ကပ်ထားသော ကားများနှင့် လာရောက်ပြီး စုဝေးခဲ့ကြကြောင်းလည်း သိရသည်။ ဆန္ဒထုတ်ဖော်ပွဲပါဝင်သူတချို့မှ “ဆရာတော် ၀ီရသူသည် အမျိုးဘာသာ သာသနာကို စောင့်ရှောက်သူ၊ အကြမ်းဖက်သမားမဟုတ်” ဟု အော်ဟစ်ခဲ့ကြပြီး ကားပေါ်တွင် ပါရှိသော အသံချဲ့စက်မှ ၉၆၉ သီချင်းများဖွင့်ကာ ကခုန်ခဲ့ကြပြီး ဆန္ဒပြပွဲကို ရပ်နားလိုက်ကြောင်း သိရသည်။