ချစ်ကြည်ရေးအတွက် ဘာသာပေါင်းစုံရဲ့ အထွတ်အမြတ်ထားရာများကို ဘာသာပေါင်းစုံမှ လူငယ်များ လည်ပတ်

ဇူလိုင် ၈၊၂၀၁၃
M-Media
အိမေ
ဘာသာပေါင်းစုံ မှလူငယ်များချစ်ကြည်ရေး(Interfaith Youth Tour Myanmar 2013)၏ ခရီးစဉ်အဖြစ် ပန်းဘဲတန်းမြို့နယ်ရှိ သျှီရီကာရီ ဟိန္ဒူဘုရားကျောင်းသို့လည်းကောင်း၊ဗဟန်းမြို့နယ်ရှိ ရွှေတိဂုံစေတီတော်မြတ်ကြီး သို့လည်းကောင်း၊ပုဇွန်တောင်မြို့နယ်ရှိ ရုံးလေးဗလီသို့လည်းကောင်း၊ဒဂုံမြို့နယ်ရှိ Methadist English Church သို့လည်းကောင်း ၂၀၁၃-ခုနှစ်၊ ဇူလိုင်လ (၇) ရက်တွင်  သွားရောက်လည်ပတ်ခဲ့ကြောင်း သတင်းရရှိသည်။

“ကျွန်တော်တို့ကဒီလို ဘာသာရေးချစ်ကြည်ရေးပွဲတွေလုပ်တာ အရမ်းဝမ်းသာပါတယ်။သမ္မတကြီးကိုယ်တိုင်ကလည်း ဘာသာပေါင်းစုံငြိမ်းချမ်းရေး ဆွေးနွေးပွဲတွေ လုပ်ပါလို့ပြောကြားထားပါတယ်။မြန်မာနိုင်ငံမှာနေထိုင်ကြတဲ့ သူတွေအားလုံးဟာ တစ်မြေတည်းနေ တစ်ရေတည်းသောက်ကြတဲ့အတွက် ရင်းနှီးချစ်ကြည်စွာ နေထိုင်သင့်ပါတယ်။ ဘာသာရေးကို ခုတုံးလုပ်ပြီး Hate Speech တွေဖြစ် နေမယ်ဆိုရင် မလိုလားအပ်တဲ့ ဆိုးကျိုးတွေဖြစ်လာနိုင်ပါတယ်။ ကျွန်တော်တို့ဟာ လူသားတွေ ဖြစ်တဲ့အတွက် လူသားဆန်တဲ့ အတွေးတွေ ထားရှိပြီး တစ်ဦးနဲ့တစ်ဦး လေးစားချစ်ခင်စွာနဲ့ အချင်းချင်းရိုင်းပင်း ကူညီကြမယ်ဆိုရင် အမုန်းတရားဆိုတာ ရှိမှာမဟုတ်ပါဘူး။ အားလုံးမေတ္တာတရားနဲ့ လက်တွဲကူညီကြပါ။”ဟု ပန်းဘဲတန်းမြို့နယ်ရှိ သျှီရီကာရီ ဟိန္ဒူဘုရားကျောင်းမှ ဂေါပက ဒေါက်တာဦးအောင်နိုင်က ပြောကြားသည်။

“ကျွန်တော်တို့ ဟိန္ဒူဘုရားကျောင်းမှာ မယ်တော် ကိုးပါး ရှိတယ်။ မယ်တော် ကိုးပါး ကိုဘယ်လို ရှိခိုးရမယ်၊ဘယ်လို အကျိုးကျေးဇူးတွေ ရနိုင်တယ် ဆိုတဲ့ ဘာသာတရားရဲ့နက်နဲမှုတွေကို တခြားဘာသာဝင်တွေ နားလည်လက်ခံအောင် ရှင်းပြပေးတဲ့ ဟိန္ဒူဘုန်းတော်ကြီး မိရ်ှရှားလ်ကို အထူးကျေးဇူးတင်ပါတယ်။ ဘာသာပေါင်းစုံ ချစ်ကြည်ရေးပွဲတွေကို လက်ကမ်းကြိုဆိုတဲ့ ဂေါပကဒေါက်တာ ဦးအောင်နိုင်ကိုလည်း ကျေးဇူးတင်ပါတယ်။ဒီလိုဘာသာပေါင်းစုံက လူငယ်တွေစုစည်းဖြစ်အောင်လုပ်ပေးတဲ့ Smile Education & Development Foundation က ဒေါက်တာ ကိုအောင်နိုင်ဝင်း ကိုလည်းအရမ်းကျေးဇူးတင်ပါတယ်။”ဟု ဟိန္ဒူဘာသာဝင် လူငယ်တစ်ဦးက M-Media သို့ပြောသည်။

ဒဂုံမြို့နယ်ရှိ Methadist English Church မှ Father က“လူတိုင်းဟာ ကိုယ်ယုံကြည်ရာကို ကိုးကွယ်နေကြတာပါ။လူတိုင်းလွတ်လပ်စွာ ကိုးကွယ်ခွင့်ရှိပါတယ်။ဒါပေမယ့်လူသားတိုင်း သနားကရုဏာစိတ်လေးတွေ နဲ့ဘာသာအချင်းချင်းလေးစားမယ်၊ဘယ်သူ့ဘာသာ ကိုမှထိခိုက်ပျက်စီးစေမယ့် အမုန်းတရားတွေကို ရှောင်ရှားပြီး ရင်းနှီးချစ်ကြည်စွာ နေထိုင်မယ်ဆိုရင် ငြိမ်းချမ်းမှုတွေရဲ့ သာယာမှုတွေကိုခံစားရမှာပါ။ဒီလို  ဘာသာပေါင်းစုံ ချစ်ကြည်ရေးပွဲတွေ၊ ဘာသာပေါင်းစုံ ငြိမ်းချမ်းရေးဆွေးနွေးပွဲတွေ လုပ်တာကို လက်ကမ်းကြိုဆိုပါတယ်။”ဟု ပြောကြားသည်။

“ညီမက ခရစ်ယာန်ဘာသာဝင်တစ်ဦးဖြစ်ပေမယ့် ညီမနေထိုင်တဲ့ ပတ်ဝန်းကျင်မှာ သူ့ယုံကြည်ချက်နဲ့သူ ကိုးကွယ်နေတဲ့ တခြားဘာသာဝင်တွေ အများကြီးရှိပါတယ်။လွတ်လပ်စွာ ကိုးကွယ်ခွင့်ရှိပေမယ့် တစ်မြေတည်းနေ  တစ်ရေတည်းသောက်ကြတဲ့ တိုင်းရင်းသားညီအကိုမောင်နှမတွေအားလုံး ဘာသာတရားကြောင့် ခွဲခြားမှုမရှိဘဲမေတ္တာ တရားရှေ့ထားပြီး နွေးထွေးစွာ ပေါင်းသင်းဆက်ဆံကြပါလို့  ညီမပြောပါရစေ။ ဒီခရီးစဉ်လေးဟာ အရမ်းစိတ်ဝင်စားစရာကောင်းပါတယ်။ ကိုယ်မသိသေးတဲ့ ဘာသာတရားတွေရဲ့ သဘောတရားတွေကို နက်နဲစွာသိရတယ်။ ဘာသာတစ်ခုနဲ့တစ်ခုကြား ပိုပြီးတော့လည်းနားလည်မှုတွေ ရရှိလာတယ်။ဒီလို ဘာသာပေါင်းစုံက လူငယ်တွေ တစ်ဦးနဲ့တစ်ဦး ချစ်ကြည်ရင်းနှီးခွင့်ရအောင် ဆောင်ရွက်ပေးတဲ့ Smile Education & Development Foundation က ဒေါက်တာ ကိုအောင်နိုင်ဝင်းကို အရမ်းကျေးဇူးတင်ပါတယ်။”ဟု အင်းစိန်မြို့နယ်တွင် နေထိုင်သူ မ၀င်းဝင်းထွေး က M-Media သို့ပြောသည်။

အဆိုပါခရီးစဉ်ကို  မနက် ၉ နာရီတွင် Smile Education & Development Foundation ရုံးခန်းတည်ရှိရာ ရှိုင်း တာဝါ၊ သိမ်ဖြူလမ်း၊ မင်္ဂလာတောင်ညွန့်မြို့နယ်မှ စတင်ထွက်ခွာခဲ့ပြီး၊ ညနေ ၅နာရီတွင် ခရီးစဉ် အဆုံးသတ်ခဲ့ကြောင်းသိရသည်။

ဓါတ်ပုံများ ကြည့်ရန်။ Click Here