သံတွဲတွင် အကြမ်းဖက် မီးရှို့ခဲ့သူများ ရုံးထုတ်အမိန့်ချမည့် အပေါ် လူစုလူဝေးဖြင့် စုရုံးနေကြ

ဇူလိုင် ၁၅၊ ၂၀၁၃
M-Media
ထွန်းတောက်

သံတွဲမြို့ အံတော်တွင် အကြမ်းဖက် မီးရှို့ခဲ့သူများကို ယနေ့ တရားရုံးထုတ်ပြီး အမိန့်ချမည့်အပေါ် လူစုလူဝေးဖြင့် စုရုံးနေကြ

သံတွဲ ။           ။            ရခိုင်ပြည်နယ်၊ သံတွဲမြို့ အံတော်မြို့သစ်တွင် လွန်ခဲ့သောရက်ပိုင်းများက ဖြစ်ပွားခဲ့သည့် အကြမ်းဖက်မီးရှို့မှုတွင် စတင်လုပ်ဆောင်ခဲ့သူများအား တရားစွဲဆိုထားသူများထဲ ၄-ဦးအား ယနေ့ တရားရုံးထုတ်မည်ဖြစ်သဖြင့် တရားရုံးရှေ့တွင် လူအစုအဝေးဖြင့် စုရုံးနေကြသဖြင့် သံတွဲမြို့ခံများ စိုးရိမ်ပူပန်မှုများရှိနေကြောင်း သိရသည်။

အံတော်တွင် အကြမ်းဖက်မီးရှို့မှုများပြုလုပ်ခဲ့သူများအနက် ၄-ဦးအား တရားရုံးထုတ်ပြီး အမိန့်ချမည်ဆိုသည့်အတွက် တောင်ကုတ်နှင့် ဂျိတ်တောမှ ကား ၄-စီးခန့်စီခန့် ရောက်လာပြီး တရားရုံးရှေ့တွင် စုရုံးနေကြပြီး လူဦးရေ ၁၀၀-၀န်းကျင်ခန့်အထိ ရှိနေကြောင်းသိရသည်။ ပုဒ်မ ၁၄၄ ထုတ်ထားပြီး လူ ၅-ဦးထက် ပို၍ မစုရဟု အမိန့်ထုတ်ထားသော်လည်း ဤကဲ့သို့ လူဦးရေ ၁၀၀ ခန့်ရှိနေပြီး တရုန်းရုန်းဖြစ်နေသည့်အချိန်ထိ လူစုခွဲမှု မရှိသေး၍ မြို့နေလူထုမှ စိုးရိမ်နေကြကြောင်းလည်း သိရသည်။

လက်တလော အခြေအနေများနှင့်ပတ်သက်၍ “အံတော်မှာဖြစ်တဲ့ မီးရှို့တဲ့ပြဿနာနဲ့ပတ်သက်ပြီးတော့ ဗုဒ္ဓဘာသာထဲက ၄-ယောက်ကို အမိန့်ချမယ်ဆိုပြီး ပြောတယ်။ အဲဒါကြောင့် တောင်ကုတ်က ကား ၄-စီး၊ ဂျိတ်တောက ကား ၄-စီး ရောက်လာပြီး တရားရုံးရှေ့မှာ စုရုံးစုရုံးနဲ့နဲ့ ဖြစ်နေတာ။ ပုဒ်မ ၁၄၄-ထုတ်ထားပြီး ၅-ယောက်ထက် ပိုမစုရဘူးပြောထားပေမယ့် ဒီလောက် တရုန်းရုန်းဖြစ်နေတာကို အခုထိ ဘာမှ မလုပ်ဘူး။

အခုက အကြမ်းဖက်တဲ့သူတွေကို အမိန့်ချမှာ။ မုဒိမ်းမှုကျူးလွန်တယ်လို့ စွပ်စွဲထားတဲ့ ၂-ယောက်ကလည်း ဆရာဝန်က တရားဝင်ဆေးစာထုတ်ပေးထားတယ် မုဒိမ်းမှု မမြောက်ဘူးဆိုတာကို။ ဒါကြောင့် အဲ့ဒီ ၂-ယောက်ကိုတော့ ရမံပဲ ယူနေရတာ။ အမိန့်မချသေးဘူး။ အဲလိုမျိုး တဘက်ကို ရမံပဲယူနေရတယ်။ တဘက်ကို အမိန့်ချမယ်ဆိုတဲ့အခါ အဲဒီအပေါ် လူစုနေကြတာ။ အဲဒါအတွက် မြို့ခံတွေက စိုးရိမ်နေတယ်။

အခု အမိန့်ချမှာက ၄-ယောက်ပါ။ နာမည်တွေကိုလည်း ကျွန်တော် သေချာပြန်ပြောပြပါ့မယ်။”လို့ သံတွဲမြို့ခံက M-Media ကို ဆက်သွယ်ပြောပြလာပါတယ်။