လွှတ်တော်ကို အကြံပြုတဲ့ ဥပဒေမူကြမ်း အကြောင်း ရှေ့နေ ဦးခင်မောင်ချိုနှင့် အင်တာဗျူး

ဇူလိုင် ၁၅၊ ၂၀၁၃
M-Media
တွေ့ဆုံမေးမြန်းသူ – ဆူးထက်

လွှတ်တော်သို့ အကြံပြုပေးပို့တဲ့ ငြိမ်းချမ်းစွာ အတူယှဉ်တွဲ နေထိုင်ရေး ဥပဒေမူကြမ်းနှင့် ပတ်သက်ပြီး ရှေ့နေ ဦးခင်မောင်ချိုနှင့် အင်တာဗျူး

ရန်ကုန် ။      ။         လူမျိုးရေး၊ ဘာသာရေး ပဋိပက္ခများ တားဆီးကာကွယ်ရေးနှင့် မတူကွဲပြားသည့် ဘာသာဝင်များအကြား ငြိမ်းချမ်းစွာ အတူယှဉ်တွဲနေထိုင်ရေး ဥပဒေမူကြမ်း အကြံပြုတင်ခြင်းကို သူရဦးရွှေမန်း၊ ပြည်သူ့လွှတ်တော် ဥက္ကဌ၊ နေပြည်တော်သို့ ငြိမ်းချမ်းရေးနှင့် တရားမျှတမှု တည်ဆောက်ရေးကွန်ရက် [Peace and Justice Network (PJN)]မှ ဇွန်လ (၇)ရက် ရက်စွဲဖြင့် ပေးပို့ခဲ့ကြောင်းသိရသည်။

အဆိုပါ အကြံပြုစာနှင့်ပတ်သက်ပြီး ဦးခင်မောင်ချို(တရားလွှတ်တော်ရှေ့နေ)ကို ဇူလိုင်လ (၆)ရက်နေ့က တွေ့ဆုံမေးမြန်းချက်ကို တင်ဆက်ပေးလိုက်ပါသည်။

“ပုဒ်မ ၁၆၄ အရ ဘာသာရေးကို နိုင်ငံရေးမှာ အလွဲသုံးစား မလုပ်ရ။ လူမျိုးတစ်မျိုးနဲ့ တစ်မျိုး၊ ဘာသာတစ်ခုနဲ့ တစ်ခု ပဋိပက္ခ ဖြစ်အောင် ရန်ပွားအောင် ရန်တိုက်တာ မလုပ်ရဘူး။ အဲဒါဆိုရင် ဥပဒေအရ ပြဌာန်းနိုင်တယ်။ ပြစ်ဒဏ်ပေးနိုင်တဲ့ ဥပဒေ ပြဌာန်းနိုင်တယ်လို့ ဖော်ပြထားပါတယ်။

ရခိုင်ကိစ္စဖြစ်ပြီးတဲ့နောက် စပြီးတော့ တစ်ဦးချင်း တစ်ယောက်ချင်းရော၊ အဖွဲ့အစည်းတွေရော အားလုံးသည် ၃၆၄ ကို တောင်းဆိုကြတယ်။ ဒါကတရားဥပဒေ စိုးမိုးရေးကို လိုလားတဲ့ သဘောပေါ့။ ဒီလို ဥပဒေတစ်ခု ပြဌာန်းထားလို့ရှိရင် ဒါမျိုးတွေ မဖြစ်နိုင်ဘူးပေါ့။  တားဆီးကာကွယ်တဲ့ ဥပဒေတွေပေါ့။ အဲဒါကြောင့် တောင်းဆိုကြတယ်။

၂၀၀၈-ခုနှစ်၊ ဖွဲ့စည်းပုံ အခြေခံ ဥပဒေ ပုဒ်မ-၃၆၄ ပြဌာန်းပေးပါ၊ ၃၆၄ ပြဌာန်းပေးပါလို့ စာတွေ ရေးတယ်။ အစည်းအဝေးတွေမှာလည်း ပြောနေရာ ကနေ ကျွန်တော်တို့ Peace and Justice-building Network (PJN) ငြိမ်းချမ်းမှုနှင့် တရားမျှတမှု တည်ဆောက်ရေး ကွန်ရက် အနေနဲ့ ” လူမျိုးရေး ဘာသာရေး ပဋိပက္ခများ တားဆီးကာကွယ်ရေးနှင့် မတူကွဲပြားသည့် ဘာသာဝင်များအကြား ငြိမ်းချမ်းစွာ အတူယှဉ်တွဲ နေထိုင်ရေး ” ဥပဒေမူကြမ်းကို ပြုစုပြီး ၂၀၁၃-ခုနှစ်၊ ဇွန် (၁၇)ရက်နေ့က လွှတ်တော်သို့ အကြံပြု တင်ပြခဲ့ပါတယ်။ ဒါက အကြံပြုချက် အနေနဲ့ ကျွန်တော်တို့ တင်ခဲ့တာ ဖြစ်တယ်။ ဥပဒေ မူကြမ်းဆိုတာဟာ လွှတ်တော်မှာ လွှတ်တော်ကိုယ်စားလှယ်တွေကသာ တင်ရတာ ဖြစ်တယ်။

လွှတ်တော် ဆိုတာက မီဒီယာတွေမှာ ရေးတာက အစ ဂျာနယ်တွေ၊ သတင်းစာတွေ အကုန်ရေးသားချက်တွေကို ပြည်သူအသံ၊ လွှတ်တော် အသံ အဖြစ် ဂရုစိုက်ပြီး နားထောင်နေတာ ဖြစ်တယ်။ ဒါကို ကျွန်တော်တို့က တာဝန်ရှိတဲ့ ပုဂ္ဂိုလ်တွေဆီကို ပို့ခဲ့တာ ဖြစ်ပါတယ်။
ကျွန်တော်တို့ လွှတ်တော်ကို အကြံပြု တင်ပြခဲ့တဲ့မူကြမ်းဟာ  ဥပဒေမူကြမ်းအဖြစ် အဆင်သင့် လုပ်ပြီး ပေးထားပါတယ်။ ဒါကို လိုအပ်တာလောက်ပဲ ပြုပြင်ပြီးတော့ လိုအပ်တဲ့ ဘယ်လို ကိစ္စတွေကို ကျူးလွန်ရင်တော့ဖြင့် ပြစ်ဒဏ်မြောက်တယ် ဆိုတာကို ဖြော်ပထားတဲ့ တားမြစ်ချက်တွေကို အလေးပေးပြီး ဖော်ပြဖို့ လိုပါတယ်။ ဥပဒေကြမ်းကို အကြံပြုတာတာ ဖြစ်ပါတယ်။ နိုင်ငံသားတိုင်းမှာ အကြံပြုနိုင်တယ်။ တင်ပြနိုင်တယ်။ တောင်းဆိုနိုင်တယ် ဒီလို အခွင့်ရေးတွေ ရှိတာကိုး။ အဲဒီ ဥပဒေမူကြမ်းကို သက်ဆိုင်ရာ တာဝန်ရှိတဲ့ ပုဂ္ဂိုလ်တွေဆီကို အမြန်ချောနဲ့ ပို့ခဲ့တာ ဖြစ်ပါတယ်။

အဲဒီနောက် လွှတ်တော် ကျင်းပတဲ့ အခါမှာ အဲဒီ့ အသုံးအနှုန်းနဲ့ ပတ်သက်ပြီး ဘာသာရေး ပဋိပက္ခများနှင့် ပတ်သက်ပြီးတော့ လောလောဆယ် ဥပဒေပြဌာန်းဖို့ မရှိသေးပါဘူး၊ မလိုသေးပါဘူးလို့ ဒီလို ဖော်ပြထားခဲ့ပါတယ်။ အကြောင်းပြချက်က နှစ်ချက်နဲ့ပါ။ တစ်ချက်က ဥပဒေ နည်းလမ်းနှင့် အညီ ထိန်းသိမ်း အရေးယူခဲ့ကြောင်း၊ အရေးပေါ် အခြေအနေပါ  ကိုင်တွယ်နိုင်တယ်ဆိုတာကို အရေးပေါ် အခြေအနေတွေ ကြေညာတယ်။ ဥပဒေတွေ ရှိတယ်။ ကိုင်တွယ်နိုင်တယ်လို့ ဖော်ပြထားပါတယ်။  ဒုတိယ အချက်က အဲလို ဥပဒေတစ်ရပ် ထပ်တူ ပြဌါန်းလိုက်မယ် ဆိုရင် ရှိပြီးသား ဥပဒေတွေနဲ့ ရောထွေးသွားမှာ စိုးတဲ့အတွက် ဖြစ်တယ်” ဟု အချက်နှစ်ချက်နဲ့ အကြောင်းပြခဲ့ပါတယ်။

ပထမ အချက်နဲ့ကြည့်ရင် ဥပဒေနည်းလမ်းနဲ့ အညီ ထိန်းသိမ်းနိုင်သလား ဆိုတော့ တော်တော်များများ နေရာတွေမှာ မထိန်းသိမ်းနိုင်ခဲ့ဘူး။ အထောက်အထားနဲ့ ပိုပြီးတော့ သေချာ သိရတာကတော့ ခေတ္တ ပြည်ထဲရေးမှာ ၀န်ကြီး အဖြစ်ဲ့ လွှတ်တော်မှာ ဆောင်ရွက်နေတဲ့ အချိန်  ၀န်ကြီးဦးဆန်းဆင့်က မီဒီယာတွေနဲ့ တွေ့ဆုံချိန်မှာ မိထ္တီလာ ပဋ္ဋိပက္ခတွင် ရဲတပ်ဖွဲ့ဝင်များက လုံခြုံရေး ထိထိရောက် ဆောင်ရွက်နိုင်ခဲ့ခြင်း မရှိပါဘူးဟု ၀န်ခံထားတာ ရှိပါတယ်။ ဒါက မလုံလောက်လို့ ဒီလို ဖြစ်တာပေါ့။ အုပ်ချုပ်ရေးနဲ့ ရဲတွေနဲ့ ပတ်သက်ပြီးတော့ လုံခြုံရေး ထိရောက်စွာ မဆောင်ရွက်နိုင်ဘူးလို့ ခေါင်းစဉ်နဲ့တွေ့ရတာ ဖြစ်တယ်။ ” ရဲတပ်ဖွဲ့ဝင်များ ကြားမှပင် ၀င်ရောက၍် သတ်ဖြတ်မှုများကို မျက်မြင် တွေ့ခဲ့ရကြောင်း “ဒါက ပြည်သူ့ လွှတ်တော်ကိုယ်စားလှယ် တစ်ယောက်က အဲဒီ့ အချိန်တုန်းက ပြောလိုက်တာ ဖြစ်တယ်။

ဒီလို ရဲတွေဟာ ကြည့်နေမယ်၊ ဒီလို တားဆီးခြင်း မရှိဘူးဆိုရင် ပြစ်မှုမြောက်ပါတယ်။ ဥပဒေ ပုဒ်မ ၁၁၉ မှာ တားမြစ်ရန် တာဝန်ရှိသော ပြည်သူ့ ၀န်ထမ်းက ပြစ်မှုကျူးလွန်ရန် စီစဉ်ချက်ကို ထိန်ချန်ခြင်း၊ ရဲတွေ၊ တာဝန်ရှိတဲ့ ပုဂ္ဂိုလ်တွေ အဲလို စီစဉ်တာကို သိရဲ့နဲ့ ထိန်ချန်ထားလို့ မရဘူး။ အဲဒီ့ကျူးလွန်လိုက်တဲ့ ပြစ်မှုရဲ့ ထောင်ဒဏ် အမျိုးမျိုးရဲ့ တစ်ဝက်ထိ ပြည်သူ့ဝန်ထမ်းတွေကို အရေးယူလို့ရတယ်။

ပုဒ်မ ၂၂၁ ဖမ်းဆီးရန် တာဝန်ရှိသော ၀န်ထမ်းသည် မဖမ်းဆီးဘဲ တမင်ပျက်ကွက် ရင် ပြစ်မှုမြောက်ပါတယ်။ အဲဒီ့ ပြစ်မှုက သေဒဏ်ထိုက်တဲ့ ပြစ်မှုမျိုး ကျူးလွန်မယ်ဆိုရင် ပြည်သူ့ဝန်ထမ်းက ထောင်ဒဏ် (၇)နှစ်ထိ ထောင်ဒဏ်ချနိုင်ပါတယ်။ တစ်ခြား ပြစ်မှု အမျိုးအစားလည်း သူ့ အတိုင်းပဲ သတ်မှတ်ချက်တွေ ရှိနေတယ်။ အဲဒီတော့ ပုဒ်မ (၁၁၉)တို့ (၂၂၁)တို့ဆိုတာက ပြည်သူ့ ၀န်ထမ်းတွေဟာ အဲဒီလို ထိန်ချန်ထားလို့၊ တာဝန်ကို ပျက်ကွက်လို့ မရဘူး။

အခု နိုင်ငံတော်မှာ လူကြီးတွေ ပြောကြတယ်။ ဥပဒေကို လေးစားဖို့၊ တည်ဆဲဥပဒေကို လေးစားဖို့၊ တရားဥပဒေကို လေးစားဖို့ ပြောနေပါတယ်။ အဲဒါတွေက တရားဥပဒေ စိုးမိုးရေးပဲ။ ဒီလို ဥပဒေတွေ ရှိရဲ့သားနဲ့ ဒီဥပဒေက လုံလောက်ပါတယ်ဆိုရင် ဒီလို လုံခြုံရေးနဲ့ ပတ်သက်ပြီး ထိထိရောက်ရောက် မဆောင်ရွက်နိုင်တဲ့ ကိစ္စတွေ ဘယ်ဖြစ်ပါ့မလဲ။အဲဒီ့အတွက် နံပါတ်တစ် အကြောင်းပြချက်က ခိုင်လုံမှု မရှိပါဘူး။

ဥပဒေ ပုဒ်မ ၃၆၄ နဲ့ ပတ်သက်ပြီး ဒီအချိန်မှာ ဒီလိုအခြေအနေမျိုးမှာ ပိုပြီးတော့ ပြဌာန်းသင့်ပါတယ်။ ဒီဥပဒေရဲ့ အဖွင့်မှာကိုက နိုင်ငံရေး ကိစ္စအလိုငှာ ဘာသာရေးကို အလွဲသုံးစား မလုပ်ရ။ အရပ်သဘောနဲ့ နားလည်လွယ်အောင် ပြောရရင် ဘာသာရေးနဲ့ နိုင်ငံရေး ရောလို့မရဘူး။ ဒါက လွတ်လပ်ရေးရပြီး ခေတ်တစ်လျှောက်လုံးမှာ ဒါတွေက နားလည်လာကြတယ်။ ခုချိန်မှာ ဘာသာရေးကိစ္စနဲ့  ပါတီရေး ကိစ္စတွေ ရောထွေးသွားမှာ စိုးရတယ်။ အဲဒါကို  ဒီဥပဒေမျိုးသာ ပြဌါန်းလိုက်လို့၇ှိရင် ပါတီတွေရော ဘာသာရေးနဲ့ နိုင်ငံရေး ရောထွေးလို့ မရဘူးဆိုတာကို သေသေချာချာ နားလည်သွားမယ်။ ခုလိုချိန်ခါမှာ ဘာသာရေးနဲ့နိုင်ငံရေး ရောထွေးမရဘူးဆိုတာကို ဘယ်သူမှ မပြောကြသေးဘူး။ ဥပဒေ ပုဒ်မ ၃၆၄က ပြဌာန်းနိုင်တယ်လို့ ရေးထားလို့ ပြဌာန်းပေးဖို့ ဒါကို ဥပဒေမူကြမ်း ရေးဆွဲပြီး တင်ခဲ့တာ ဖြစ်တယ်။ ဒါက နိုင်ငံတော်ကိုလည်း ကူညီရာ ရောက်တယ်။ တကယ်လို့သာ ဒီဥပဒေ ထွက်လာရင် နိုင်ငံရေးနဲ့ ဘာသာရေး ရောထွေးတာတွေကို တားဆီးနိုင်တယ်။ ဒါ့အပြင် ဘာသာတစ်ခုနဲ့ တစ်ခု၊ လူမျိုး တစ်မျိုးနဲ့ တစ်မျိုး ပဋိပက္ခ တွေကို တားဆီးနိုင်တယ်။ ဥပဒေဟာ အားကောင်းမောင်းသန် နိုင်ငံတော်မှာ တည်ရှိနေတာ တရားဥပဒေ စိုးမိုးရေး အတွက်ကို နိုင်ငံတော်မှာ လုံလုံလောက်လောက် ရှိနေရမယ်။ အဲဒါကြောင့်မို့ ဥပဒေတွေ ရှိပေမယ့် မလုံလောက်လို့ ပြဿနာတွေ ဖြစ်နေတာပေါ့။

ဒုတိယ အချက်အနေနဲ့ ဥပဒေတွေ ရောထွေးသွားနိုင်ပါတယ်လို့ ပြောထားတာနဲ့ ပတ်သက်ပြီး ဒီဥပဒေတွေ ထပ်ပြီး ပြဌါန်းလိုက်လို့ ရှိပြီးသာ ဥပဒေတွေနဲ့ ရောထွေးပြီး ရှုပ်ထွေးသွားနိုင်လားဆိုတော့ မရှုတ်ထွေး သွားနိုင်ပါဘူး။ ရှိပြီးသား ဥပဒေကို ယေဘုယျ ဥပဒေလို့ခေါ်ပြီး ဒီလို ထပ်ပြီး ပြဌါန်းလိုက်လို့ရှိရင် စပယ်ရှယ်လော (အထူးဥပဒေ) ဟုခေါ်တယ်။ အထူးဥပဒေနဲ့ ယေဘုယ ဥပဒေ နှစ်ခု တိုက်ဆိုင်လာလို့ရှိရင် အထူးဥပဒေက ယေဘုယျ ဥပဒေကို လွှမ်းမိုးတယ်။ အဲဒီ့ သဘောတရားကို ဥပဒေ နားလည်တဲ့ သူတွေ အကုန်သိတယ်။ ဥပဒေ ပညာရှင်တွေလည်း နားလည်တယ်။ ဒါကြောင့် ဒုတိယ အချက်ဖြစ်တဲ့ ရောထွေးသွားမှာစိုးလို့ ဆိုတဲ့ အကြောင်းပြချက်သည်လည်း ခိုင်လုံခြင်း မရှိပါဘူး” ဟု M-Media သို့ပြောခဲ့သည်။