သမ္မတဦးသိန်းစိန်နှင့် ဘာသာပေါင်းစုံတွေ့ဆုံ၊ လူနည်းစု ဘာသာဝင်များ အတွက် အာမခံချက် မတွေ့ရသေး

M-Media
ဇူလိုင် ၂၂၊ ၂၀၁၃

သမ္မတဦးသိန်းစိန်နှင့် ဘာသာပေါင်းစုံတွေ့ဆုံ၊ နိုင်ငံတကာ အမြင်ပြောင်းဖို့ ကြိုးစားကြရန်သာ တိုက်တွန်းသော်လည်း နိုင်ငံသား ဘာသာခြားများ အတွက် ထိရောက်မည့် အပြုသဘောကို မဖော်ပြထား

သမ္မတ ဦးသိန်းစိန်ဟာ ဥရောပ ခရီးစဉ်က ပြန်လာပြီးနောက် မနေ့က ရန်ကုန်တိုင်း လွှတ်တော်မှာ ဘာသာ ပေါင်းစုံ ချစ်ကြည် ညီညွတ်ရေး အဖွဲ့၊ လူ့အခွင့်အရေး ကော်မရှင် တို့နဲ့ တွေ့ဆုံ ပြီး ပြည်တွင်းက ပဋိပက္ခ တွေကို ပြည်ပက လူ့အခွင့်အရေး ရှုထောင့်ကနေ သဘောထားပုံ တွေ့ဆုံ ပြောကြား ခဲ့ပါတယ်။

ဘာသာရေး ပဋိပက္ခတွေကို နိုင်ငံတကာက လူမျိုးတုံး သတ်ဖြတ်မှုလို့ ဝေဖန် ပြောဆိုမှု ရှိသလို ဘာသာ တခုကို အပျောက်ရှင်းတဲ့ လုပ်ရပ်လို့ ဝေဖန် တာတွေ ရှိကြောင်း သမ္မတက ရှင်းလင်း ပြောကြား ခဲ့တယ်လို့ အဲဒီ အခမ်းအနားကို တက်ရောက်တဲ့ ဘာသာ ပေါင်းစုံ ချစ်ကြည် ညီညွတ်ရေး အဖွဲ့ ဒုဥက္ကဋ္ဌ ဦးညွန့်မောင်ရှိန် က ဘီဘီစီကို ပြောပါတယ်။

ဘာသာ ပေါင်းစုံ ချစ်ကြည် ညီညွတ်ရေး အဖွဲ့နဲ့ မြန်မာနိုင်ငံ အမျိုးသား လူ့အခွင့်အရေး ကော်မရှင်တို့ ပူးပေါင်းပြီး နိုင်ငံတကာ အမြင်တွေကို ချေဖျက် ဖို့လည်း သမ္မတက တိုက်တွန်း သွားတယ်လို့ ဆိုပါတယ်။

ဘာသာပေါင်းစုံ ချစ်ကြည် ညီညွတ်ရေး အဖွဲ့နဲ့ လူ့အခွင့်အရေး ကော်မရှင်တို့ ပူးပေါင်းပြီး ကော်မတီ တရပ် ဖွဲ့စည်း သွားမှာ ဖြစ်ပြီး အဲဒီ ကော်မတီက နိုင်ငံတကာရဲ့ မြန်မာ အစိုးရ အပေါ် အမြင်ကို ပြောင်းလဲနိုင်ဖို့ ဆောင်ရွက် သွားမယ် လို့လည်း ဦးညွန့်မောင်ရှိန် က ဆိုပါတယ်။

ဒီကိစ္စနဲ့ပတ်သတ်ပြီးတော့ မြန်မာအစိုးရအပေါ်မှာ ပြည်တွင်းနေ ဘာသာခြားများ (အစ္စလာမ်နှင့် ခရစ်ယာန်)က အစိုးရအနေနဲ့ သူတို့အပေါ်မှာ ထိရောက်တဲ့ ကတိက၀တ်ပိုင်းဆိုင်ရာ ဖြည့်ဆီးပေးမှု မလုပ်ပေးသေးဘဲ အခုလိုမျိုး မျက်နှာဖုံးကိုသာ ကောင်းအောင်လုပ်ဖို့ တိုက်တွန်းတာဟာ နည်းလမ်းမကျဘူးလို့ ဝေဖန်နေကြပါသေးတယ်။

(သတင်း – ဘီဘီစီမြန်မာပိုင်း၊ သုံးသပ်ချက်- အမ်မီဒီယာ)

ဓါတ်ပုံ- DVB