ရမဿွာန် ၀ါဖြေပွဲအား အိုဘာမားမှ ဦးစီးကျင်းပပြီး အမေရိကန် မွတ်စ်လင်မ်များကို အလေးပြု

ဇူလိုင်-၂၆၊၂၀၁၃
M-Media

ဝါရှင်တန်။          ။ အမေရိကန်နိုင်ငံတည်ထောင်ရာ၌ စွန့်ဦးလုပ်ငန်းရှင်များ၊ နည်းပညာ ဆန်းသစ်သူများ၊ ဆေးပညာရပ်ဆိုင်ရာ ဦးဆောင်တီထွင်သူများအဖြစ် ပါဝင်ပေးဆပ်ခဲ့ကြသည့် အမေရိကန်မွတ်စ်လင်မ် လူ့အဖွဲ့အစည်းအား သမ္မတဘားရက်ခ်အိုဘားမား (Barack Obama) သည် ကြာသာပတေးနေ့က ကျေးဇူးတင်စွာ အလေးပြုခဲ့ပါသည်။

အိမ်ဖြူတော်တွင် ပြုလုပ်ခဲ့သော အစ္စလာမ့်ဥပုသ်လ ရမဿွာန်အား ဂုဏ်ပြုသည့်ညစာစားပွဲ၌ အိုဘားမားက ၄င်းကဲ့သို့ပြောကြားခဲ့ခြင်းဖြစ်သည်။ နေ၀င်ချိန်အပြီးတွင် မွတ်စ်လင်မ် အသိုင်းအ၀ိုင်းများ နှင့် မိသားစုဝင်များသည် စားသောက်ပွဲ(သို့) ၀ါဖြေပွဲကို အတူတကွ စားသောက်ပါဝင်ခဲ့ကြသည်။

အိုဘားမားက “ ရမဿွာန် ဆိုတာ ကိုယ့်ကိုယ်ကို ပြန်လည်သုံးသပ်ရတဲ့ အချိန်ကာလတစ်ခုပါ၊ ဘုရားဝတ်ပြုမှုများနှင့် ဥပုသ်စောင့်တည်မှုများအားဖြင့် ထာဝရဘုရားသခင်အပေါ် ကိုင်းရှိုင်းခြင်းကို ဖော်ပြရာရောက်တဲ့လဖြစ်ပါတယ်။ အလားတူစွာ  မိသားစုဝင်တွေ၊ မိတ်ဆွေသူငယ်ချင်းတွေနဲ့ စည်းစည်းလုံးလုံးရှိရမယ့် အချိန်လည်း ဖြစ်ပါတယ်။

အိမ်ဖြူတော်မှာ ဘာသာတရား အသီးသီးရဲ့ နေ့ထူးနေ့မြတ်များကို ဂုဏ်ပြုဆင်နွှဲတဲ့ အစဉ်အလာ ရှိပါတယ်။ ဒီလို မတူညီကွဲပြားတဲ့ အခမ်းအနားကျင်းပတာဟာ နိုင်ငံတော်ဆိုတဲ့ ပုံဟန်ကို ပေါ်လွင်စေပြီး လွတ်လပ်စွာ ကိုးကွယ်ခွင့်ကိုလည်း ထပ်ဆင့် ခိုင်မာသမှု ဖြစ်သွားစေလိုက်တာပါဘဲ။ အမေရိကန်များ နဲ့ အရှေ့အလယ်ပိုင်းဒေသသားတွေဟာ စီးပွားရေးဆိုင်ရာအခွင့်အလမ်းများ နဲ့ စီးပွားရေးလုပ်ငန်းများအတွက် ဘုံရည်မှန်းချက်တစ်ရပ် ရှိထားပါတယ် ” ဟု ပြောကြားခဲ့သည်။

“ ကျွန်တော်တိုတစ်တွေအနေနဲ့ အလုပ်ကို ဒီ့ထက်အနည်းငယ်ပိုကြိုးစားမယ်၊ ရည်မှန်းချက်ကို ဒီ့ထက်အနည်းငယ် ပိုပြီးမြှင့်တင်မယ်ဆိုယင် ကျွန်တော်တိုရဲ့ ကလေးတွေ၊ အနာဂတ်မျိုးဆက်တွေအတွက် အခွင့်လမ်းများကို ပိုမိုတိုးပွားအောင် ဖန်တီးအားထုတ်ရာရောက်မှာ ဖြစ်ပါတယ်။ ဒါဟာ အမေရိကန်နိုင်ငံတစ်ခုထဲက အိပ်မက် မဟုတ်ပါဘူး၊ ကမ္ဘာတစ်ဝှန်းလုံးမှာရှိတဲ့ လူတိုင်းရဲ့ဆန္ဒပါ။ ဒါဟာ လူသားရဲ့တိုးတက်လိုတဲ့ အာသီသပဲ ဖြစ်ပါတယ်။ အလုပ်ဟူသမျှ ဂုဏ်ရှိစွ ဆိုတာကို ကျွန်တော်တို့ရဲ့ကလေးတွေ အခြေခံကျကျ သိလာအောင် ဖော်ဆောင်ပေးကြရပါလိမ့်မယ်။ စီးပွားရေးလွတ်လပ်ခွင့် နဲ့ အခွင့်အလမ်း ဆိုတာကို နိုင်ငံရေးလွတ်လပ်ခွင့်လိုမျိုး ပိုမိုများပြားစွာ မျှော်လင့် တမ်းတထားပါတယ်။ လွန်ခဲ့တဲ့နှစ်အနည်းငယ်က မြောက်အာဖရိက နဲ့ အရှေ့အလယ်ပိုင်းဒေသတွင်း အပါအ၀င် အပြောင်းအလဲအများအပြားရဲ့ရေသောက်မြစ်အဖြစ်  ဒီအချက်တွေကို ကျွန်တော်တို့ တွေ့မြင်ခဲ့ကြပါပြီ ” ဟုလည်း ထပ်လောင်း တင်ပြသွားခဲ့၏။

အိုဘားမားသည် သူ၏ အုပ်ချုပ်ရေးအဖွဲ့ဝင်များ၊ လက်ရွေးစင်အရာရှိများ၊  ဘာသာရေးခေါင်းဆောင်များ နှင့် သံတမန်ရေးအသင်းအဖွဲ့များနှင့်အတူစားသောက်ခဲ့ပြီး၊ ဤသည်မှာ နိုင်ငံတော် ဧည့်ဝတ်ပြုဂေဟာ၌ အိုဘားမားမှ တည်ခင်း ကျင်းပသော ပဉ္စမမြောက် ၀ါဖြေပွဲ ဖြစ်ကြောင်းသိရသည်။