မွေးနေ့တူ ဇနီးမောင်နှံ နှစ်ဦး မင်္ဂလာသက်တမ်း ၇၅ နှစ်၏နောက် တစ်ရက်သာခြား၍ ကွယ်လွန်ခဲ့ကြ

ဇူလိုင်-၂၆၊ ၂၀၁၃
M-Media

လောင်းဘိခ်ျ၊ ကယ်လီဖိုးနီးယား။        ။ ကယ်လီဖိုးနီးယားတောင်ပိုင်းတွင် လွန်ခဲ့သည့်နှစ်က ၇၅ နှစ်မြောက် မင်္ဂလာအခမ်းအနား ကျင်းခဲ့သည့် မွေးနေ့တူ ဇနီးမောင်နှံနှစ်ဦးသည် တစ်ရက်သာခြား၍ အသီးသီးကွယ်လွန်ခဲ့ကြသည်။

အသက် ၉၄ နှစ်အရွယ်ရှိ ဟယ်လင်ဘရောင်းသည် ဇူလိုင် ၁၆ ရက်တွင် ကွယ်လွန်ခဲ့ပြီး၊ အသက် ၉၄ နှစ်ရှိ လက်စ်ဘရောင်းက ဇူလိုင်လ ၁၇ ရက်နေ့တွင် ကွယ်လွန်သည်ဟု သားဖြစ်သူ လက်စ်ဘရောင်းဂျူနီယာမှ လောင်းဘိခ်ျ သတင်းဌာနသို့ ပြောကြားခဲ့သည်။ မိခင်မှာ အစာအိမ်ကင်ဆာ၊ ဖခင်မှာ ပါကင်ဆန်ရောဂါ ခံစားနေရသူများဖြစ်သည်ဟု ဆိုသည်။

ထိုဇနီးမောင်နှံမှာ ၁၉၁၈ ခုနှစ်၊ နှစ်သစ်ကူးအကြိုညဥ့်တွင် မွေးဖွားခဲ့ကြ၏။ သားဖြစ်သူအဆိုအရ သူ၏မိဘများသည် အထက်တန်းကျောင်း၌ ဆုံစည်းကြသည်၊ အသက် ၁၈ နှစ်အရွယ်၊ ၁၉၃၇ ခုနှစ်တွင် ခိုးပြေးပေါင်းဖက်ခဲ့ကြသည်။ ၄င်းတို့၏ မိဘများက ကြွယ်ဝသူ အမျိုးသားနှင့် လက်လုပ်လက်စားအမျိုးသမီးတို့၏အိမ်ထောင်ရေးသည် တာရှည်ခံမည် မဟုတ်ဟု အတွေးအမြင်ရှိခဲ့ကြ၍ဖြစ်သည်။ သူတို့သည် ၁၉၆၃ ခုနှစ်တွင် လောင်းဘိခ်ျသို့ ပြောင်းရွှေ့နေထိုင်ခဲ့ကြပြီး၊ အမျိုးသားက ဓာတ်ပုံဆရာ၊ အမျိုးသမီးက အိမ်ခြံမြေအရောင်းအ၀ယ် လုပ်ငန်းများဖြင့် အသက်မွေးခဲ့ကြသည်။ သူတို့၏ ၇၅ နှစ်မြောက်မင်္ဂလာအထိမ်းအမှတ်ကို ယမန်နှစ် စက်တင်ဘာလတွင် ကျင်းပခဲ့ကြသည်။

၎င်းတို့အတွက် အောက်မေ့ဖွယ်အခမ်းအနားကို စနေနေ့တွင် ပြုလုပ်မည်ဖြစ်သည်။