ရမည်းသင်းမြို့ မွတ်စလင်မ် သုဿာန်(ကဘာရ်စတာန်) အားရွေှ့ပြောင်းရန် အတွက် သင်္ချိုင်းကော်မတီအား အာဏာပိုင်မှ ခေါ်ယူတွေ့ဆုံ

ဇူလိုင် ၃၁၊ ၂၀၁၃
M-Media
ဇာဏီ

ရမည်းသင်း ။ ။ ရမည်းသင်းမြို့ရှိ မွတ်စလင်မ်သုဿာန် (ကဘာရ်စတာန်)အား ရွှေ့ပြောင်းရန်အတွက် အိုလမာ(သာသနာ့ပညာရှင်များအဖွဲ့)နှင့် သင်္ချိုင်းကော်မတီအား ရမည်းသင်းမြို့နယ် စည်ပင်သာယာမှ မနေ့က မနက်ပိုင်းတွင် ခေါ်ယူတွေ့ဆုံခဲ့ကြောင်း သိရသည်။

အဆိုပါကိစ္စနှင့်ပတ်သက်၍ ရမည်းသင်းမြို့သို့ ဆက်သွယ်ခဲ့ရာ – “ဟိန္ဒူရယ်၊ ဗုဒ္ဓရယ်၊ တရုတ်ရယ်က အရင်တုန်းကတည်းက ပေါင်းပြီး သဂြိုဟ်ကြတာ။ လွန်ခဲ့တဲ့ ၂၃-ရက်နေ့ကတော့ သူတို့က ရွှေ့သွားပြီ။ မီးသဂြိုဟ်စက်ရော။ မြို့ရဲ့ အနောက်ဘက် ၅-မိုင်လောက်ဝေးတယ်။ မနေ့ကတော့ စည်ပင်ကခေါ်ပြောတယ်။ မွတ်စလင်မ်သင်္ချိုင်းကို ရွှေ့ဖို့ပြောတယ်။ ဇွတ်တော့ မတိုက်တွန်းဘူး။ စည်ပင်ဥပဒေ အရ ရွှေ့ရမယ်လို့ပြောတယ်။ မြို့နယ် အုပ်ချုပ်ရေးမှူးလည်း ရှိနေတယ်။ ကျွန်တော်တို့က လက်မခံနိုင်ဘူးဆိုတာတော့ ပြောပြခဲ့တယ်။ မွတ်စလင်မ်သင်္ချိုင်းက နေရာ အကျယ်ကြီးကျန်သေးတယ်။ ကျွန်တော်တို့တွေက မြေမြှုပ်သဂြိုဟ်တာမှာ အုတ်ဂူနဲ့မဟုတ်တော့ နေရာအများကြီး ဆန့်တယ်။ ပြီးတော့ ကျွန်တော်တို့ မွတ်စလင်မ်တွေက သုဿာန်ကို အလေးအမြတ်ထားကြတယ်။ အခုလို နေရာရွှေ့ခိုင်းတာက မဖြစ်သင့်ပါဘူး။ လွှတ်တော်နဲ့ နိုင်ငံတော် သမ္မတကြီးဆီကိုလည်း ဒီအကြောင်းအရာ ထပ်တင်မှာပါ။

ဒီသုဿာန်က လွန်ခဲ့တဲ့ နှစ် ၅၀၀ ကျော်ကတည်းက ရှိနေတာပါ။ ပတ်ဝန်းကျင်မှာလည်း မွတ်စလင်မ်တွေများတယ်။ နောက်တစ်ခုက သန့်သန့် ရှင်းရှင်း သပ်သပ်ရပ်ရပ်၊ အုတ်တံတိုင်းနဲ့ ဘာအနှောက်အယှက်မှမဖြစ်ပါဘူး။ လက်ရှိ ရှိတာက ဗမက အနောက်ရပ်ကွက်မှာ အခုရွေှ့ခိုင်းတဲ့နေရာက မြို့ အနောက်ဘက်မှာ မြေမြှုပ် သဂြိုဟ်လို့ အဆင်ပြေတဲ့နေရာမဟုတ်ပါဘူး။ လယ်မြေတွေဖြစ်ပြီး မြို့နဲ့လည်း ဝေးတယ်။ သုဿာန်ကို တန်ဖိုးထားကြတဲ့ ကျွန်တော်တို့တွေ အတွက် သုဿာန်ဆိုတာ အဲဒါ ရွှေ့ပြောင်းလို့ မဖြစ်နိုင်ပါဘူး။ ဒါကြောင့် ရွေှ့ဖို့အတွက် ကျွန်တော်တို့ လက် မခံတာပါ”လို့ ရမည်းသင်းမြို့ခံမှ M-Media ရဲ့ ဆက်သွယ်မေးမြန်းချက်ကို ဖြေကြားခဲ့ပါတယ်။