“ဦးရွှေယွန်း(မြိတ်)နှင့် သူ့စာပေရေစီးကြောင်း”

ပသီကိုကိုလေး

စာပေဟူသည် လူ့သမိုင်းတလျှောက် လူ့ယဉ်ကျေးမှုနဲ့ မြင့်မားတဲ့အတွေးအခေါ်များကို အထောက်အကူပြုခဲ့တဲ့ အနုပညာတစ်ရပ်ဖြစ်သည်မှာ ငြင်းဆိုနိုင်ဖွယ်မရှိ။ ဥပမာ အနန္တသူရိယအမတ်ကြီးသည် သေရအံ့ဆဲဆဲတွင် သူတည်းတစ်ယောက်ကောင်းဖို့ရောက်မူ သူတစ်ယောက်မှာ ပျက်လင့်ကာသာ ဓမ္မတာဟူ၍ ရေးခဲ့တယ်။ လက်ဝဲသုန္ဒရအမတ်ကြီးသည် မဲဇာတောင်ခြေရတုကြောင့် မင်းပြစ်ဒဏ်လွတ်ခဲ့ရတယ်။ အနောက်နန်းမိဖုရား မမြကလေးရဲ့ တေးထပ်ကြောင့် ရွှေဘိုမင်းရဲ့ အမျက်ဒေါသကို ပြေစေခဲ့တယ်။ လှိုင်ထိပ်ခေါင်တင်မင်းသမီးသည် တေးထပ်ဘောလယ်တို့ဖြင့် ကနောင်မင်းသားကြီးရဲ့ အမျက်ဒေါသကို ပြေစေခဲ့တယ်။ ရှေးအထက်ထက်က စာဆိုရှင်တို့ဟာ အကြောင်းခံတစ်ခုခုကို အခြေခံပြီး စာပေရေစီးကြောင်းကို စီးဆင်းစေခဲ့ကြတယ်။ ရတုဘုရင် နတ်သျှင်နောင်ရဲ့ရတုတွေဟာ ဒီကနေ့အထိ ရေစီးကြောင်းအတွင်း စီးဆင်းလျက်ရှိတယ်။ စာပေသည် သူ့ခေတ်သူ့အခါနဲ့ လိုက်လျောညီထွေ ဖြတ်သန်းကျော်လွှားစီးဆင်းခဲ့ကြတယ်ဆိုတာ စာပေသမားတိုင်းအသိပါ။ ရှေးခေတ်စာဆိုရှင်တို့ရဲ့ စာပေရေစီးကြောင်းတို့ကို လေ့လာရင် သူ့ခေတ်သူ့အခါရဲ့ သရုပ်သကန်ကို ပေါ်လွင်စေခဲ့ကြတယ်။

သို့သော် ယနေ့စာပေရေစီးကြောင်းတို့ဟာ ရှေးခေတ်စာပေရေစီးကြောင်းတို့ကို ကျော်လွှားခဲ့ပါပြီ။ ဒါပေမယ့် ရှေးခေတ်စာဆိုရှင်ကြီးများရဲ့ စာပေတို့ကို ပစ်ပယ်လို့မရကောင်းတာတွေလဲ အများကြီးပါ။ သို့သော် ရှေးခေတ်စာပေတို့အကြောင်းကိုလေ့လာရင် ရွှေနန်းတော်အကြောင်း၊ ဘုရင်တို့အကြောင်း၊ မိဖုရားတို့အကြောင်း၊ မှူးမတ်သေနာပတိတို့အကြောင်း စတဲ့စတဲ့အကြောင်းအရာတွေအပေါ်မှာသာ အခြေခံခဲ့ကြတယ်။ တိုင်းသူပြည်သားအများစုကြီးရဲ့ ဘ၀ဖြစ်စဉ်ကို ဖော်ထုတ်ခဲ့ကြတဲ့အကြောင်း မပါသလောက်ပါ။ ဘယ်ပုံဘယ်နည်းနဲ့ စာပေပြုစုခဲ့ကြသည်ပဲဖြစ်ပါစေ စာပေရေစီးကြောင်းကတော့ ဘယ်ခေတ် ဘယ်အခါကမှ ရပ်ဆိုင်းမသွားခဲ့ပါဘူး။ ချဉ်ပေါင်ရွက်သည် မောင်မှိုင်းဝတ္ထုကြီး ထွက်လာတဲ့အခါမှာတော့ ရှေးခေတ်အဆက်ဆက်က စာပေရေစီးကြောင်းတွေနဲ့ ခွဲထွက်လာခဲ့တယ်။ ဆင်းရဲသား တောသူတောင်သားတွေဘက်လှည့်ပြီး ရေစီးကြောင်းပြောင်းလာတယ်။ ဒီနောက်မှာတော့ ခေတ်အကြောင်း စနစ်အကြောင်းပြောင်းပြီးဆင်းလာတဲ့စာပေရေစီးကြောင်းဟ တသွင်သွင် စီးဆင်းလျက်ပါ။

စာပေရေစီးကြောင်းကို လက်လွှတ်မခံ လိုက်ပါခဲ့တဲ့ စာဆိုရှင် ဦးရွှေယွန်း(မြိတ်)အကြောင်း ရေးချင်ပါတယ်။ ဒီပုဂ္ဂိုလ်ကြီးက ဥပဒေပညာရှင်တစ်ဦးပါ။ ဥပဒေရှုထောင့်က ဦးရွှေယွန်း(မြိတ်)ပြုစုခဲ့တဲ့ စာပေဟာ သူ့ခေတ် သူ့အခါအလျောက် အလွန်တန်ဖိုးရှိလှတဲ့ စာပေရေစီးကြောင်းတစ်ရပ်ပါ။

ဦးရွှေယွန်း(မြိတ်)အကြောင်း ၁၉၇၄-ခုနှစ်တုန်းက ထုတ်ဝေခဲ့တဲ့ မြိတ်မဂ္ဂဇင်းမှာ စာရေးဆရာ အေးခန့်(မြိတ်)က ရေးခဲ့ဖူးပါတယ်။ အချိန်အခါကလဲ နှစ်အလိုအရ (၁၃)နှစ်နီးပါးရှိနေပါပြီ။ ဖတ်ခဲ့ဖူးသူများလဲ မေ့လောက်ပါပြီ။ ထိုစဉ်ကပင် ကျွန်တော် ဦးရွှေယွန်းအကြောင်းကို စိတ်ဝင်စားခဲ့သူပါ။ ၁၉၇၄-ခုနှစ်တုန်းက အသက်(၅)နှစ် (၆)နှစ်သား အရွယ်တို့ဟာ ဒီကနေ့ (၁၈)နှစ် (၁၉)နှစ်သားအရွယ်ရောက်ကြပါပြီ။ ဒီအချိန်မှာ သူတို့တစ်တွေလဲ ပုဂ္ဂိုလ်ကျော် ဦးရွှေယွန်းအကြောင်းသိစေချင်လို့ ဒီဆောင်းပါးကို ရေးခြင်းပါ။

နောင်သောအခါ ကျော်ကြားလာမည့် ဥပဒေပညာရှင်ကြီး ဦးရွှေယွန်းကို မြိတ်မြို့ ကံကောင်းရပ်မှ သူကြီးမျိုးရိုးမှ ဆင်းသက်လာတဲ့ (အဘ)ဦးထွန်း (အမိ)ဒေါ်မင်းမိုးတို့မှ ၁၂၃၆-ခု၊ ၀ါဆိုလဆန်း(၆)ရက်၊ အင်္ဂါနေ့မှာ သားဦးအဖြစ် မွေးဖွားခဲ့ပါတယ်။ အဲဒီနှစ်ကို တွက်ရင် အထက်မြန်မာနိုင်ငံမှာ မင်းတုန်းမင်းတရားကြီး နန်းစံနေတုန်းပါ။

ဦးရွှေယွန်း(မြိတ်)ရဲ့ မိဘအဆက်အနွယ်တို့ဟာ အစ္စလာမ်သာသနာ ကိုးကွယ်ယုံကြည်ကြသူများဖြစ်ကြလို့ ဦးရွှေယွန်းကိုယ်တိုင်လည်း အစ္စလာမ်သာသနာသက်ဝင်ယုံကြည်သူဖြစ်ခဲ့ပါတယ်။

အာရဗ်ကုန်သည်တွေဟာ အနောက်ဘက် ဒမစကမတ်ကျွန်းစုမှ အရှေ့ဘက် တရုတ်ပြည်အထိ ကူးသန်းသွားလာကြရာမှ မြိတ်မြို့ ဆိပ်ကမ်းကို စခန်းထောက်အဖြစ် အသုံးပြုခဲ့ကြတယ်ဆိုတဲ့ သမိုင်းတွေ ရှိနေပါတယ်။ အာရဗ်ကုန်သည်တွေ အ၀င်အထွက်များခဲ့ရာမှ မြိတ်မြို့မှာလဲ အစ္စလာမ်သာသနာ အမြစ်တွယ်ခဲ့တယ်ဆိုတဲ့ သမိုင်းကြောင်းတို့ရှိခဲ့ပါတယ်။

ဦးရွှေယွန်း(မြိတ်)ဟာ အစ္စလာမ်သသနာကိုးကွယ်ပေမယ့် အခြေခံပညာကိုတော့ ဘုန်းတော်ကြီးကျောင်းနေပြီး သင်ခဲ့ရတယ်။ နောက်တော့ အင်္ဂလိပ် – မြန်မာ အထက်တန်းကျောင်းပြောင်းပြီး ခေတ်ပညာသင်ခဲ့တယ်။

ကျောင်းမှာ စာကြိုးစားတယ်။ တော်တယ်။ ဒီတော့ ကျောင်းဆရာ ဆရာမတို့က ချစ်ခင်ကြ၊ စာကြိုးစားမှုအားကောင်းလို့ ပညာရည်ထူးချွန်ဆု အကြိမ်ကြိမ်ရခဲ့သူပါ။

ဦးရွှေယွန်း အထက်တန်းပညာ ကုန်ဆုံးချိန်မှာ မြန်မာနိုင်ငံမှာ တက္ကသိုလ်မရှိသေးလို့ အိန္ဒိယပြည် ကာလကတ္တားတက္ကသိုလ်သွား ပညာသင်ကြားပြီး ပြန်လာတော့ ကျောင်းဆရာအလုပ်ဝင်လုပ်တယ်။ အသက်(၂၂)နှစ်မှာ အထက်တန်းရှေ့နေစာမေးပွဲဝင်ဖြေတယ်။ အောင်ခဲ့လို့ ကျောင်းဆရာဘ၀က ထွက်ပြီး ရှေ့နေလုပ်ငန်းကို ဇောက်ချလုပ်ကိုင်ခဲ့သူပါ။

ရှေ့နေလုပ်ငန်းလုပ်တော့ လူမျိုးပေါင်းစုံ၊ ဘာသာပေါင်းစုံတို့နဲ့ ဆက်သွယ်ရတယ်။ ငယ်စဉ်က ဘုန်းတော်ကြီးကျောင်းလည်းနေခဲ့ဖူးတော့ ဗုဒ္ဓသာသနာကိုလည်းလေ့လာတယ်။ မိမိကိုယ်တိုင် အစ္စလာမ်သာသနာ ကိုးကွယ်သူဖြစ်တာကြောင့် အစ္စလာမ်သာသနာကိုလည်း လေ့လာတယ်။ သာသနာဝင်ချင်းမတူပေမယ့် သာသနာဝင်ချင်းချစ်ကြည်ရေး၊ စိတ်ဝမ်းမကွဲရေးကြိုးပမ်းခဲ့တယ်။ ပါဠိ – ပေါရာဏတို့ကို ကျွမ်းကျင်အောင်ကြိုးစားခဲ့တယ်။ မြို့ရွာအရေး၊ ရပ်ရွာအရေးတို့မှာလည်း ဦးရွှေယွန်းပါခဲ့ရတာများပါတယ်။

အလုပ်ကလည်းလုပ်၊ လူချစ်လူခင်ကလဲများလာလို့ မြိတ်မြို့ရဲ့ မြူနီစပါယ်လူကြီးဖြစ်လာတယ်။ တစ်ဆင့်တက်ပြီး မြူနီစပါယ်အဖွဲ့ဥက္ကဋ္ဌဖြစ်လာတယ်။ ဒိစတြိတ်ကောင်စီဥက္ကဋ္ဌလည်းဖြစ်လာတယ်။ အဆုံးအဖြတ်ပေးနိုင်တဲ့နေရာတွေကို ကိုင်လာရတော့ မြို့ရွာစည်ပင်သာယာရေး၊ လမ်းများတိုးချဲ့ဆောက်လုပ်ရေး၊ စာသင်ကျောင်းများတိုးချဲ့ဖွင့်လှစ်ရေးတို့ကို လုပ်ခဲ့တယ်။ အောင်မြင်မှုတွေလည်း ရခဲ့တယ်။ အလုပ်ကလည်းလုပ်၊ မြို့သူမြို့သားတွေကလည်း ချစ်ခင်ကြလို့ ၉၁-ဌာန အုပ်ချုပ်ရေးမှာ မင်းတိုင်ပင်အမတ်ဖြစ်တယ်။ မင်းတိုင်ပင်အမတ်ဘ၀နဲ့ မြိတ်၊ ကျောက်ဖြူတောင်တန်း၊ တနင်္သာရီကားလမ်းဖောက်လုပ်ရေးစီမံကိန်း၊ ကျောက်ဖြူတောင်တန်းမှ မြိတ်မြို့ ရေရရှိရေးစီမံကိန်းတို့ကို တင်ခဲ့တယ်။ ဒါပေမယ့် အဲဒီခေတ် အဲဒီကာလက တိုင်းရေးပြည်ရေးထက် ရာထူးလုပွဲတွေကသာ အဓိကဖြစ်နေလို့ သူ့စီမံကိန်းတွေဟာ မအောင်မြင်ခဲ့ပါဘူး။

ရနိုင်သမျှ၊ ရတတ်သမျှတွေကို အများပြည်သူတွေအတွက် ထာဝစဉ်အာရုံစိုက်နေသူဖြစ်လေတော့ လူခွန်တော်ဖျက်သိမ်းရေး၊ လယ်ယာမြေ နှစ်ရှည်ငှားရမ်းရေး၊ လယ်သမားများဘ၀ တိုးတက်ရေးနဲ့ မြို့ရွာစည်ပင်သာယာမှုတို့ကို အစဉ်တစိုက်လုပ်နေတာတွေကြောင့် အမ်-ဘီ-အီး ဘွဲ့နဲ့ ကေ-အိုင်-အိပ်ခ်ျ ဘွဲ့ တို့ကို အင်္ဂလန်ပြည့်ရှင် ဘုရင်မက ချီးမြှင့်ခဲ့တယ်။

ဘုရင်မက ဘွဲ့တွေပေးထားပေမယ့် ဒုတိယကမ္ဘာစစ်ပြီးပြီးလို့ ဗိုလ်ချုပ်အောင်ဆန်းခေါင်းဆောင်တဲ့ ဖ-ဆ-ပ-လ ပေါ်လာတဲ့အခါ မြိတ်မြို့ ဖ-ဆ-ပ-လ အဖွဲ့မှာ ခေါင်းဆောင်တစ်ဦးဖြစ်လာပြီး၊ ဖ-ဆ-ပ-လ စင်မြင့်ပေါ်ကနေပြီး အင်္ဂလိပ်နယ်ချဲ့သမားကို စိန်ခေါ်ခဲ့တယ်။ ဒါကြောင့် မြိတ်မှာ ထူးခြားတဲ့ ကြယ်တစ်ပွင့်ဖြစ်လာတယ်။

အစ္စလာမ်သာသနာနဲ့ ဦးရွှေယွန်း

မြို့ရေး ရပ်ရေးတို့ကို မအားမလပ်ဆောင်ရွက်ရင်း မိမိယုံကြည်ကိုးကွယ်ရာ အစ္စလာမ်ဓမ္မများကို နှိုက်နှိုက်ချွတ်ချွတ်လေ့လာခဲ့တယ်။ လေ့လာတော့လည်းတတ်ကျွမ်းလာတယ်။ ဒီတော့လည်း အစ္စလာမ်သာသနာဝင်ချင်းဖြစ်ကြရတဲ့ကိစ္စတွေကို တရားဓမ္မနဲ့ အဆုံးအဖြတ်ပေးနိုင်တဲ့ ဂိုဏ်းသခင်ကြီးဖြစ်လာတယ်။

မြိတ်မြို့ ကံကောင်းရပ်မှာရှိတဲ့ ထုံးဖိုဗလီ ထရပ်စ်စတီ(ဂေါပက)အဖွဲ့ ဥက္ကဋ္ဌဖြစ်လာတယ်။ မိမိစရိတ်မိမိစားပြီး ဗလီရှေ့ဆောင်အဖြစ် တာဝန်ယူခဲ့တယ်။ လောကီဘုံသားတို့မှာဖြစ်လေ့ဖြစ်ထရှိတဲ့ မွတ်စလင် လင်မယားကွာရှင်းမှု၊ အမွေမှုတို့ကို ဆုံးမသြ၀ါဒပေးပြီး ဖြေရှင်းပေးခဲ့နိုင်တာရှိသလို တချို့ကတော့လည်း ရုံးပြင်ကန္နားရောက်ကြတာတွေလည်း ဒုနဲ့ဒေးပေါ့။ မွတ်စလင်မ်အချင်းချင်းဖြစ်ပွားကြတဲ့ လင်ကွာ မယားကွာ အမွေမှုတွေကလည်း အစ္စလာမ်ဓမ္မသတ်နဲ့ ဆုံးဖြတ်ရတာမျိုးကလည်း အများသား။

ဦးရွှေယွန်းနဲ့ စာပေရေစီးကြောင်း

လင်မယားကွာရှင်းမှု၊ အမွေမှုတို့နဲ့ဆက်နွယ်လာတဲ့ ကိစ္စတွေ၊ ရုံးပြင်ကန္နားရောက်ကြရင် ဖြေရှင်းပေးကြတဲ့အခါ အထောက်အကူပြုကြရတာက မဟာမေဒင်လော(ဥပဒေ)။ ရောက်လာကြတဲ့ အမှုတို့ကို ကိုင်တွယ်ဆုံးဖြတ်ပေးကြရတဲ့ တရားသူကြီးတိုင်း မွတ်စလင်မ်များမဟုတ်။ မွတ်စလင်မ်မဟုတ်ကြလို့ မဟာမေဒင်လောကို ပယ်လို့မရ။ ဒီအခက်အခဲမျိုးတွေပြေလည်စေဖို့ အင်္ဂလိပ်လိုမှ မြန်မာလို ဘာသာပြန်ခဲ့တယ်။ ဦးရွှေယွန်းရဲ့ စာပေရေစီးကြောင်းကို မြန်မာနိုင်ငံတရားရုံးများသို့ စီးဆင်းစေခဲ့တယ်။ သူ့စာပေရေစီးကြောင်းကို ပိုမိုလေးနက်စေလိုတဲ့ဆန္ဒနဲ့ ဖ-ဆ-ပ-လ ခေတ်၊ တရားလွှတ်တော်ချုပ်၊ တရားရေးဝန်ကြီးများဖြစ်ကြတဲ့ ဒေါက်တာဘဦး(နောင်သောအခါ သမ္မတဖြစ်လာသူ)၊ ဒေါက်တာဦးအေးမောင် (နောင်သောအခါ တရားရေးဌာန၀န်ကြီးဖြစ်လာသူ)နဲ့ တစ်ချိန်မှာ တရားလွှတ်တော် တရားရေးဝန်ကြီးဖြစ်လာသူ ဦးသောင်းစိန်တို့ထံ ပို့ခဲ့တယ်။

ဦးရွှေယွန်းဆက်သွယ် ပိုခဲ့သူများကလည်း တလေးတစား သူ့ဆီပြန်ကြားခဲ့ကြတယ်။

အဆွေတော်ဦးရွှေယွန်း …

၁၉၄၉-ခု၊ ဇူလိုင်လ (၁၁)ရက်နေ့စွဲဖြင့်ပေးပို့သော အဆွေတော့်စာကို ရရှိပါသည်။ အဆွေတော်က မိမိစီရင်ရေးသားသော မိုဟာမက်ဘာသာ လက်ထပ်ခန်း၊ ကွာရှင်းခန်း အစရှိသည့်ကျမ်းကို ကျွန်ုပ်အား ဆက်သလိုသည့်အချက်ကို အမှန်အားဖြင့် ဂုဏ်ယူမိပါသည်။

မြန်မာပြည်တွင် မွတ်စလင်မ်အမျိုးသား အမြောက်အမြားရှိသည့်အပြင် ၎င်းတို့အရေအတွက်သည်လည်း တစ်နေ့တစ်ခြား တိုးပွားလျက်ရှိသဖြင့် မြန်မာဘာသာဖြင့် ရေးသားသော မိုဟာမက်ဘာသာတရားဥပဒေသည် အရေးအကြီးဆုံးဖြစ်သည်။ မွတ်စလင်မ်အမျိုးသားတို့ ကြာမြင့်စွာကပင် အလိုရှိအပ်သောကျမ်းဖြစ်သည်။ ဤကျမ်းသည် လူအများအလွယ်တကူ ၀ယ်ယူသုံးစွဲကြလိမ့်မည်ဟု ယုံကြည်ကြောင်း။ (ဤကျမ်းကို ကျွန်ုပ်အား ဆက်သခွင့်ပြုလိုက်ကြောင်း)။

နေ့စွဲ ။ ၁၉၄၉-ခု၊ ဇူလိုင်လ (၁၅)ရက်။

ပုံ/ ဒေါက်တာဘဦး

တရားဝန်ကြီးချုပ်။

ပြည်ထောင်စုမြန်မာနိုင်ငံ

တရားလွှတ်တော်ချုပ်။

* * * * *

အဆွေတော် ဦးရွှေယွန်း ….

အဆွေတော် စီရင်ရေးသားသည့် မွတ်စလင်မ် လက်ထပ်ခြင်းတရားဥပဒေ ပထမတွဲကို ပေးပို့လိုက်၍ ရရှိသဖြင့် အထူးကျေးဇူးတင်ပါကြောင်း။

အဆွေတော်၏စာကို ပြန်ရာ၌ နှောင့်နှေးရခြင်းအကြောင်းမှာ ဤစာအုပ်ကို သေချာစွာဖတ်ရှုလို၍ဖြစ်ပါကြောင်း။ ထိုစာအုပ်ကို သေချာစွာဖတ်ရှုပြီးနောက် ကျွန်ုပ်ထင်မြင်သည်မှာ ဤစာအုပ်သည် မွတ်စလင်မ်လက်ထပ်ခြင်းနှင့်ဆိုင်သည့် အမှုအခင်းများကိုဆောင်ရွက်ရသည့် တရားသူကြီးများ၊ ရှေ့နေ ရှေ့ရပ်များအတွက် အများဆုံး အကူအညီပေးနိုင်သောစာအုပ်ဖြစ်ကြောင်း၊ ဤတရားဥပဒေ အချက်အလက်များသည် ထိုအရာ၌ မကျွမ်းကျင်သူများအတွက် ရံဖန်ရံခါ အလွန်ရှုပ်ထွေးနက်နဲစေသော်လည်း အဆွေတော်က ထိုအရာများကို စိတ်ဝင်စားစွာဖတ်ရှု၍ အမှုအခင်းများဆုံးဖြတ်ရာ၌ လေးလေးနက်နက် ရှေ့ကို ဆက်လက်၍ လေ့လာပြီး အသုံးပြုနိုင်စေရန် စီစဉ်ထားသည့်အတွက် ကျွန်ုပ်အထူးဝမ်းမြောက်မိပါကြောင်း။

နေ့စွဲ ။ ၁၉၅၀-ခု၊ ဇန်န၀ါရီလ(၃၀)ရက်။

ပုံ/အေးမောင်

တရားဝန်ကြီးချုပ်။

ပြည်ထောင်စုမြန်မာနိုင်ငံ

တရားလွှတ်တော်ချုပ်။

* * * * *

အဆွေတော်ဦးရွှေယွန်း …

အဆွေတော်၏ မြန်မာဘာသာဖြင့် ရေးသားစီရင်သော မွတ်စလင်မ် လက်ထပ်ထိမ်းမြားခြင်း တရားဥပဒေကျမ်းကို ရရှိသည့်အတွက် အမှန်ပင် အထူးကျေးဇူးတင်ပါကြောင်း။

ဤကျမ်းကို ကျွန်ုပ်သည် အထူးစိတ်ဝင်စားစွာ ဖတ်ရှုခဲ့ပါသည်။ အဆွေတော်အား ဤကဲ့သို့ ပြီးမြောက်အောင် ဆောင်ရွက်သည့်အတွက် အထူးဝမ်းမြောက်ပါကြောင်း မေတ္တာပို့ပါသည်။ မြန်မာဘာသာဖြင့် စီရင်ရေးသားသည့် မွတ်စလင်မ်တရားဥပဒေကျမ်းများကို ဤတိုင်းပြည်၌ အချိန်ကာလကြာမြင့်စွာကပင် လိုလားနေလေရာ အဆွေတော်က ထိုလိုလားချက်ကို ဖြည့်စွက်နိုင်သည့်အတွက် ကျွန်ုပ်များစွာ ၀မ်းမြောက်မိပါကြောင်း။

နေ့စွဲ ။  ၁၉၅၀-ခု၊ ဧပြီလ ၁၂-ရက်။

ပုံ/သောင်းစိန်

(တရားဝန်ကြီး)

ပြည်ထောင်စုမြန်မာနိုင်ငံတော်

တရားလွှတ်တော်ချုပ်။

* * * * *

ဦးရွှေယွန်း၏ စာပေရေစီးကြောင်းသည် မြန်မာနိုင်ငံအတွင်းရှိ အစ္စလာသာသနာဝင်များ၏ လောကတစ်ရပ်လုံးအတွင်းသာ စီးဆင်းခဲ့ရုံသာမက မြန်မာနိုင်ငံအတွင်းရှိ တရားရုံးများသို့တိုင် စီးဆင်းခဲ့ပါတယ်။

ဦးရွှေယွန်း၏ စာပေရေစီးကြောင်းသည် ပျောက်ကွယ်သွားမည့် ရေစီးကြောင်း မဖြစ်နိုင်သည်မှာ ထင်ရှားလှပါတယ်။

စာဆိုရှင်ဟူသမျှတို့ရဲ့ ရည်ရွယ်ချက်မှာ မိမိတို့ပြုစုခဲ့ကြတဲ့ စာပေများ အများပြည်သူတို့ကို အကျိုးပြုကြဖို့ ရည်မှန်းကြရမှာ သစ္စာတရားဖြစ်ပါတယ်။ မိမိတို့ပြုစုကြတဲ့ စာပေတို့ဟာလည်း ပြည်သူအတွင်း အဆိပ်အတောက်မဖြစ်စေဖို့ ကြီးစွာ သတိထားကြရမှာလည်း သစ္စာတရားပါ။

ဦးရွှေယွန်းပြုစုခဲ့တဲ့ ကျမ်းတို့ဟာ ပြည်သူ့အကျိုးပြုစာပေများ၊ အဆိပ်အတောက်ကင်းတဲ့စာပေရေစီးကြောင်းသာဖြစ်ကြောင်း ခြွင်းချက်မရှိယုံကြည်လျက်ပါ။

ဤဆောင်းပါးကို ၁၉၇၄-ခုနှစ်ထုတ် မြိတ်မဂ္ဂဇင်းမှ စာမျက်နှာ ၅၁-၅၂-၅၃ အေးခန့်(မြိတ်)ပြုစုတဲ့ မြိတ်၏ကြယ်တစ်ပွင့် ခေါင်းစဉ်ပါ ဆောင်းပါးကို ကိုးကားမှီငြမ်းပြုပါတယ်။

ဦးရွှေယွန်း(မြိတ်)သည် ၁၉၆၀-ခု၊ ဖေဖော်ဝါရီလ (၂၈)ရက် အသက်(၈၆)နှစ်အရွယ်တွင် အလ္လာဟ်အရှင်မြတ်၏ အမိန့်တော်ဖြင့် တဒင်္ဂမှ နောက်ဆုံးနေ့တိုင်နေရမည့်စခန်းသို့ မြိတ်မြို့နေအိမ်မှ ပြောင်းရွှေ့သွားခဲ့ရှာပါပြီ။

အမိန့်နာခံ – ရှောင်ခွာမရ …

ပြည်သူ့ချစ်ခင် – အသင်သည်လည်း …

မြေတွင် တစ်နေ့ – ဆင်းခဲ့လေပြီ …

ပသီကိုကိုလေး

မိုးသောက်ကြယ်မဂ္ဂဇင်း၊ ၁၉၉၅-ခု ဖေဖော်ဝါရီလ၊ (စာမျက်နှာ ၄၇၊ ၄၈၊ ၄၉၊ ၅၀၊ ၅၁) … မှ ကူးယူပါသည်။