သစ်လွင်တို့၏ ရင်ဖွင့်နန်း (M-Media စာအုပ်အညွှန်း ကဏ္ဍ)

သြဂုတ်-၁၊ ၂၀၁၃
M-Media
အမ်တူးအေ

သစ်လွင်တို့၏ ရင်ဖွင့်နန်းစာအုပ်သည် သြရသရေချမ်း မှ ဘာသာပြန်ဆိုထားသော စာအုပ်ဖြစ်သည်။ ဤစာအုပ်သည် Muslim Coverts’ Association of Singapore -Darul Arqam မှ ၂၀၁၀-၂၀၁၁ ခုနှစ်တွင်ထုတ်ဝေခဲ့သော Following Faith အား(အမှာစာနှင့် အယ်ဒီတာ မှတ်စုမှအပ) မြန်မာနိုင်ငံ ဘာသာသို့ ပြန်ဆိုထားခြင်းဖြစ်သည်။

ထိုစာအုပ်၌ အပတ်စဉ်/လစဉ်ထုတ် The Muslim Reader စာစောင်များ အစ္စလာမ် သာသနာသို့  သက်ဝင်လာသော မွတ်စလင်မ် သစ်လွင်တို့၏ ရင်ဖွင့်ခံစားချက်နှင့် အတွေ့အကြုံဆိုင်ရာ လက်ရွေးစင် ဆောင်းပါး(အတို/အရှည်)များ အနက် ၂၆-ပုဒ်ကိုတင်ပြထားသည်။ ၎င်းတို့မှာ Stories ခေါ်ဇာတ်လမ်း သက်သက် မဟုတ်သဖြင့် ဘာသာပြန် ကျင့်ဝတ်နှင့်အညီ မူရင်းအကြောင်း အရာအတိုင်း မခြွင်းမချန် ဆီလျော်အောင်ပြန်ဆို ရေးသားထားသည်။

မွတ်စလင်မ်သစ်လွင်တို့၏ အစ္စလာမ် သာသနာသို့  ကူးပြောင်း သက်ဝင်ရသည့် အကြောင်းခံတရားများ၊ ၎င်းတို့၏ လောကဓံများ၊ စိတ်နေစိတ်ထား၊ အတွေးအမြင်၊ အားထုတ်မှု စသည်ဖြင့် ရသစုံ ခြုံငုံပါဝင်နေသည်။ သစ်လွင်မွတ်စ်လင်မ်များနှင့် မိရိုးဖလာ မွတ်စလင်မ်များ အကြားရှိ ကွက်လပ်များ၊ သက်ဆိုင်ရာ အားသာချက်များကို ပြက်ပြက်ထင်ထင် မြင်နိုင်ကောင်းမည်၊ ကိုယ်စီကိုင ပြုပြင်နားလည် စာနာမှုတို့ဖြင့် လက်တွဲမြင့်တင် မွမ်းမံနိုင်ကောင်းမည်ဟု အရိုးခံ ယူဆချက်ကြောင့် လည်းကောင်း၊” ဒုက္ခ ပင်လယ်ထဲမှ သုခ စမ်းရေများ” အား စာရှုသူတို့ထံတွင် ဝေငှပေးလိုသောကြောင့် ကြိုးစား တင်ဆက်ထားခြင်းဖြစ်ပါသည်။ အစ္စလာမ် အတွင်းစည်းမှဖြစ်စေ၊ ပြင်ပမှဖြစ်စေ သစ္စာတရားကို မျက်မှောက်ပြုလိုသူ အားလုံးအတွက် အုတ်တစ်ချပ် သဲတစ်ပွင့်မျှ အထောက်အကူဖြစ်သွားလျှင်ပင် ကျွှန်ုပ်တို့အားလုံး အဖို့ ကြိုးစားရ ကျိုးနပ်ပါပြီဖြစ်ပါကြောင်း ကို စာရေးသူမှ ပြောပြထားပါသည်။