မွတ်စလင်မ် ၃၅ နိုင်ငံမှ သံအမတ်ကြီးများကို ရမဿွန် ဥပုသ်လ ဂုဏ်ပြုညစာစားပွဲ ဂျပန်ဝန်ကြီးချုပ် ကျင်းပ

သြဂုတ်-၁၊ ၂၀၁၃
M-Media

ဂျပန်နိုင်ငံ၏ ၀န်ကြီးချုပ် ရှင်ဇိုအာဘေးသည် မွတ်စလင်နိုင်ငံ ၃၅ နိုင်ငံမှ ကိုယ်စားလှယ်တော်များနှင့် သံအမတ်များအား ဖိတ်ကြားကာ ရမဿွန် ဥပုသ်လ ဂုဏ်ပြုညစာစားပွဲတစ်ခုကို ဗုဒ္ဓဟူးနေ့က ကျင်းပပြုလုပ်ခဲ့သည်။

အစ္စလာမ်သာသာဝင်များ ဥပုသ်ထွက်ချိန်၌ ကျင်းပပြုလုပ်ခဲ့သည့် အဆိုပါ ညစာစားပွဲမှာ ဂျပန်နိုင်ငံနှင့် အစ္စလာမ်ကမ္ဘာတို့ အပြန်အလှန် ချစ်ကြည်ရင်းနှီးမှုကိုတိုးပွားစေရန် ရည်ရွယ်ပြုလုပ်ခြင်းဖြစ်သည်ဟု ဂျပန်နိုင်ငံခြားရေး ၀န်ကြီးဌာနမှ ထုတ်ပြန်ခဲ့သည်။

ဂျပန်ဝန်ကြီးချုပ်ရှင်ဇိုအာဘေးမှာ ဆော်ဒီအာရေဗျ၊ ယူအေအီးနှင့် တူရကီနိုင်ငံများသို့ ဧပြီလနှောင်းပိုင်းနှင့် မေလဆန်းပိုင်းက သွားရောက်လည်ပတ်ခဲ့ပြီး အနာဂတ်တွင် အခြားမွတ်စလင်နိုင်ငံများသို့ သွားရောက် လည်ပတ်ချင်သည်ဟု ပြောကြားခဲ့သည်။

“ကျနော်လည်ပတ်ခဲ့တဲ့ခရီးစဉ်တစ်လျှောက်မှာ ဂျပန်နိုင်ငံနဲ့ အစ္စလာမ်ကမ္ဘာရဲ့ဆက်ဆံမှုကို ပိုမိုခိုင်မြဲစေခဲ့ပါတယ်။ များမကြာမီမှာလည်း အခြား မွတ်စလင်နိုင်ငံများကို သွားရောက် လည်ပတ်ချင်ပါတယ်။ ပြီးတော့ ကျနော်တို့ရဲ့ရင်းနှီးမှုကို ပိုမိုခိုင်မြဲချင်ပါတယ်။” ဟု သူ၏ခရီးစဉ်အပြီးတွင် အာဘေးက ပြောကြားခဲ့သည်။

အလ်ဂျီးရီးယားသံအမတ်ဖြစ်သူ အလီကူထရန်ဂျီက အပြန်အလှန်နွေးထွေးသောဆက်ဆံရေးအား ကြိုဆိုခဲ့ပြီး “ဒီည ညစာစားပွဲဟာ အချင်းချင်း ရင်းနှီးမှုကိုတိုးပွားစေပြီး နှစ်ဦးနှစ်ဖက် အကျိုးရှိတဲ့ပူးပေါင်း ဆောင်ရွက်မှုတွေကိုမြှင့်တင်ဖို့ ဘုံ သဘောထားတစ်ခုကို အတည်ဖြစ်စေတဲ့ အခမ်းအနား တစ်ခုအဖြစ် ကျနော်တို့ရှုမြင်ပါတယ်။” ဟု ပြောဆိုခဲ့သည်။

အဆိုပါညစာစားပွဲတက်ရောက်သူများတွင် ဆီးရီးယားနိုင်ငံမပါဝင်ဟုသိရသည်။ ဆီးရီးယားနိုင်ငံ၌ ဖြစ်ပွားနေသော ပဋိပက္ခများ အတွင်း အာဏာရှင် ဘရှာရ် အလ် အာဆဒ်၏ လက်မခံနိုင်ဖွယ် လုပ်ရပ်များကြောင့် ဂျပန်အစိုးရသည် ၂၀၁၂ခုနှစ်ကတည်းက ဆီးရီးယားသံအမတ်ကြီးအား ဖိတ်ကြားခြင်း မပြုခဲ့ပေ။ ၂၀၀၅ခုနှစ်ကတည်းက ဂျပန်ဝန်ကြီးချုပ် ဂျူနီချီရို ကိုအိဇုမိက စတင် ကျင်းပလာခဲ့သည့် ရမဿွန် ဂုဏ်ပြု ညစာစားပွဲမှာ ယခုအကြိမ်နှင့်ပါဆိုလျှင် ၉ ကြိမ်မြောက် ရှိပြီဖြစ်သည်။