ဒါဂျစ္စတန်၌ မွတ်စ်လင်မ် ပညာရှင်တစ်ဦး သတ်ဖြတ်ခံရ

သြဂုတ်-၇ ရက်၊ ၂၀၁၃
M-Media

ရုရှနိုင်ငံ၏ ဒါဂျစ္စတန်ဒေသတွင် မွတ်စ်လင်မ် ပညာရှင်တစ်ဦးအား သေနတ်ဖြင့်ပစ်ခတ် သတ်ဖြတ်မှု ထပ်မံဖြစ်ပွားခဲ့သည်။ အလွန်အေးဆေး တည်ငြိမ်သောဒေသအတွင်း အစွန်း မရောက် ဘာသာရေး ပုံဟန်အား ပစ်မှတ် ထားပြီး ဆက်တိုက် သတ်ဖြတ်နေမှုများ အနက် နောက်ဆုံးဖြစ်ရပ်ဖြစ်၏။

ပြီးခဲ့သည့်စနေနေ့က အသက် ၆၆ နှစ်အရွယ် အ်ိလ်ယပ်စ် အိလ်ယာဆော့ဗ်သည် မိမိနေအိမ်အနီး မိမိကားအတွင်း ၀င်ရောက်နေစဉ် သေနတ်သမားများက ပစ်ခတ်သွား ခဲ့ခြင်းဖြစ်သည်။ အိလ်ယပ်စ်သည် ယင်းဒေသ၏ အကြီးဆုံးမြို့တော် Makhachkala အနောက်ပိုင်းရှိ ဗလီဝတ်ကျောင်းတော်မှ နာမည်ကျော် ရှေ့ဆောင် (အိမာမ်)ဆရာ တစ်ဦးဖြစ်သည်။ အိမာမ်သည် အခင်းဖြစ်ပွားရာ၌ပင် ကွယ်လွန် သွားပြီး ကားမောင်းနှင်သူမှာ ဒဏ်ရာရရှိသွားခဲ့သည်ဟု ရုရှ စုံစမ်းစစ်ဆေးရေးကော်မတီက ဆိုသည်။ အိလ်ယပ်စ်သည် ခြိမ်းခြောက်စာများ ရရှိခဲ့သော်လည်း မည်သူမည်ဝါတို့ထံမှ ဟူသည်ကိုမူ မပြောပြနိုင်ခဲ့ပါ ဟု စုံစမ်းစစ်ဆေးရေးမှူးများက ပြောပြသည်။ သူသည် ကျွမ်းကျင်ပညာရှင်၊ စကားပြောကောင်းသူ၊ တရားရှုမှတ် ကျင့်ကြံသူဖြစ်ကာ ဒေသတွင်း ပြဿနာ အကြီးစားတို့ကို ဖြေရှင်းပေးခဲ့သူဖြစ်သည့်အပြင် အစိုးရ၏ မူဝါဒရေးရာများကိုလည်း ရဲရဲဝံ့ဝံ့ဝေဖန်သူ တစ်ဦးဖြစ်သည်။

ဤတစ်ကြိမ်နှင့်ဆိုလျှင် တစ်နှစ်အတွင်း ရုရှ၌ အသတ်ဖြတ်ခံရသည့် အိမာမ်ပေါင်း ၇ ဦးအထိ ရှိသွားပြီဖြစ်သည်။

Russian republic of North Ossetia နယ်အတွင်း ပြီးခဲ့သည့် ဒီဇင်ဘာလတွင် လက်ထောက်ဓမ္မသတ်မှူး အိဗ်ရာဟီမ် ဒျူဒါရော့ဗ်သည် သေနတ်ဖြင့် ပစ်သတ်ခံခဲ့ရသည်။ ၂၀၁၂ ခုနှစ်၊ သြဂုတ်လတွင် ဒါဂျစ္စတန်၏ကော့ကေးဆပ်မြောက်ပိုင်း၌ ထင်ရှားကျော်စောသည့် ဆွူဖီပညာရှင် စအီးဒ် အတ်စယက်ဗ်မှာ အသေခံ တိုက်ခိုက်မှုအားဖြင့် သတ်ဖြတ်ခံရသည်။ ၄င်းမတိုင်မီ တစ်လအလို မွတ်စ်လင်မ် အများစုနေထိုင်ရာ တာတာရ်စတန်ဒေသ၌ မွတ်စ်လင်မ်ခေါင်းဆောင်များကိုသာ ပစ်မှတ်ထား တိုက်ခိုက်မှုတွင် ဓမ္မသတ်မှူးမှာ ဒဏ်ရာရရှိသွားပြီး လက်ထောက်ဖြစ်သူ သေဆုံးခဲ့ရသည်။ ဧပြီလတွင် မော်စကို၌ ရုရှမွတ်စ်လင်မ် လူမှုလှုပ်ရှားသူ တစ်ဦးအား လည်ပင်းတွင် လှီးဖြတ်ဒဏ်ရာဖြင့် သေဆုံးနေကြောင်းတွေ့ခဲ့ကြရသည်။

ရုရှနိုင်ငံတွင် မွတ်စ်လင်မ်လူဦးရေပမာဏမှာ ၂၃ သန်းရှိပြီး၊ အများစုသည် ကော့ကေးဆပ်မြောက်ပိုင်း၊ ချေချင်းညာတောင်ပိုင်း၊ အင်ဂူရှက်တီးယား နှင့် ဒါဂျစ္စတန်တို့၌ နေထိုင်ကြသည်။ အစ္စလာမ်သည် ရုရှနိုင်ငံတွင် ဒုတိယ အကြီးမားဆုံး သာသနာဖြစ်ကာ အော်သိုဒေါ့ခ်စ်အများစု နိုင်ငံ့လူဦးရေ ၁၄၅ သန်းအနက် ၁၅ % ပါဝင်နေသည်။