သြစတေးလျ နိုင်ငံရေးသမားများက ဆစ်ဒနီမွတ်စ်လင်မ်တို့အား မဲဆွယ်နေ

သြဂုတ်-၇ ရက်၊ ၂၀၁၃
M-Media

အတိုက်အခံခေါင်းဆောင် တိုနီ အက်ဘော့သည် ရွေးကောက်ပွဲမဲဆွယ်ရေးအတွက် ရမဿွာန်လ၊ ၀ါဖြေပွဲတစ်ခု၌ ဆစ်ဒနီအနောက်ပိုင်းရှိ မွတ်စ်လင်မ် အသိုင်းအ၀ိုင်းခေါင်းဆောင်များနှင့် တွေ့ဆုံခဲ့သည်။ လာမည့်ရွေးကောက်ပွဲတွင် သူ့အား မဲထည့်စေရန် ကြိုးပမ်း ဆွဲဆောင်မှု တစ်ရပ်ဖြစ်သည်။

“ ကျွန်တော်တို့ရဲ့ လူမျိုးဘာသာ ယဉ်ကျေးမှုစုံ စံနစ်ဟာ ခွဲခြားတတ်တဲ့လောကတွေအတွက် မီးရှူးတန်ဆောင်တစ်ရပ် ဖြစ်ပါတယ်။ ဒီကမ္ဘာမြေရဲ့လေးဖက်လေးတန်ကလူတွေဟာ ကျွန်တော်တို့နိုင်ငံကို ရောက်ရှိလာကြတယ်။ ကျွန်တော်တို့ကလည်း ကြိုဆိုပြီး သူတို့နဲ့သူတို့မျိုးဆက်တွေအတွက် အကောင်းဆုံးသော လွတ်လပ်မှုဘ၀ကို တည်ဆောက် ခွင့်ပေးထားကြပါတယ် ” ဟု အက်ဘော့က Lidcombe ရှိ Westella Renaissance Hotel အတွင်း ၀ါဖြေ ညစာစားပွဲ၌ ပြောကြားခဲ့ကြောင်း Stawell Times မှ သြဂုတ်လ ၅ ရက်၊ တနင်္လာနေ့က တင်ပြခဲ့သည်။

ပရိသတ်မှာ လူ ၁၀၀ ကျော်ရှိပြီး သြစတေးလျ၏ ဓမ္မသတ်မှူးချုပ် အီဗ်ရာဟီမ် အဗူ မုဟမ္မဒ် အပါအ၀င် သြစတေးလျ မွတ်စ်လင်မ် ခေါင်းဆောင်အများအပြား ရှိနေကြသလို အာဖဂန်နစ္စတန်၊ ပါကစ္စတန်၊ ဆီးရီးယား၊ အိန္ဒိယ နှင့် လက်ဘနွန်မှ သံကိုယ်စားလှယ်များလည်း တက်ရောက်ခဲ့ကြသည်။

သြစတေးလျ လစ်ဘရယ်ပါတီ အတိုက်အခံခေါင်းဆောင် အက်ဘော့က မွတ်စ်လင်မ်အများစုရှိရာ ဆစ်ဒနီအနောက်ပိုင်းကို အထူး အလေးထားပါကြောင်း၊ ရွေးကောက် တင်မြှောက်ခံရပါက ယင်းဒေသ၏ အခြေခံ လိုအပ်ချက်များ၌ အကောင်းဆုံးမြှုပ်နှံ ဆောင်ရွက်သွားမည်ဖြစ်ကြောင်း ပြောကြားသည်။ အဘယ်ကြောင့်ဆိုသော် ဆစ်ဒနီ အနောက်ပိုင်းသည် မဲဆွယ်မှု၌ မဟာဗျူဟာကျသည့် ဒေသတစ်ခုဖြစ်နေ၍ပင်။ ထိုရပ်ဝန်း၏ အနောက်ပိုင်းနှင့် အနောက်တောင်ပိုင်းတွင် မွတ်စ်လင်မ်များ၊ လုပ်သားများ တအုံတကျင်းရှိနေကြရာ မဲအရေအတွက် အားလုံး၏ ၃ % နီးပါး ရှိနေပေသည်။

ဓမ္မသတ်မှူးချုပ်အပါအ၀င် သြစတေးလျ မွတ်စ်လင်မ် ပရိသတ်များကလည်း တက်ရောက်လာသူ အက်ဘော့သည် မွတ်စ်လင်မ်လူ့အဖွဲ့အစည်းကို အလေးထားပြီး လက်ရည် တစ်ပြင်တည်း ညစာအတူ စားသုံးသည့်အပေါ် ချီးမွှမ်းခဲ့ကြသည်။

သြစတေးလျရှိ မွတ်စ်လင်မ်တို့၏ သက်တမ်းမှာ နှစ်ပေါင်း ၂၀၀ အထက်ရှိနေပြီး နိုင်ငံ့လူဦးရေ သန်း ၂၀ ၌ ၁.၇ % ပါဝင်နေသည်။ ခရစ်ယာန်ဘာသာသည် ပထမ၊ အစ္စလာမ်သည် ဒုတိယ အကြီးမားဆုံး သာသနာ ဖြစ်လျက်ရှိသည်။