အစ္စလာမ်ဘာသာရေးဆိုင်ရာ smartphone ထုတ်လုပ်

သြဂုတ်-၈၊ ၂၀၁၃
M-Media

မွတ်စ်လင်မ်များကြား အစဉ်တစိုက် ဆက်သွယ်မှု မပြတ်တောက်စေရန် ရည်ရွယ်၍ အစ္စလာမ်ဘာသာရေးဆိုင်ရာ smartphone အမျိုးအစားအား ရမဿွာန်နောက်ဆုံးအပတ်အတွင်း ထုတ်လုပ်မည် ဖြစ်ကြောင်း ဆော်ဒီအခြေစိုက် Arab News မှ စနေနေ့တွင် ထုတ်ပြန်ခဲ့သည်။

၎င်း “Peace Mobile” သည် နိုင်ငံတကာတွင် လူသိများသော အစ္စလာမ် နှင့် အခြားသောဘာသာများအကြောင်း  နှိုင်းယှဉ်ဟောပြောသူ ဒေါက်တာ ဇာကိရ် နိုက်ခ် (Dr.Zakir Naik – အရဗီအခေါ် ဇကီးရ် နာအိခ်) ၏ ပင်ကိုယ်စိတ်ကူး ဥာဏ်တစ်ခုဖြစ်၏။ ဒေါက်တာ ဇာကိရ်နိုက်ခ်သည် Islamic Research Foundation (IRF) ၏ ဥက္ကဌဖြစ်သလို ဒူးဘိုင်းအခြေစိုက် အစ္စလာမ့်တီဗီလိုင်းတစ်ခုဖြစ်သည့် Peace TV ကိုလည်း တည်ထောင်ပိုင်ဆိုင်ထားသူဖြစ်သည်။

ယင်း Smartphone ကို ယခုလက်ရှိအသုံးပြုနေသော နိုင်ငံကျော်တံဆိပ်များ၏အရည်အသွေးနှင့်အပြိုင် ပစ္စည်း အစုံအလင်ထည့်သွင်းတပ်ဆင်ထားပြီး၊ ၄င်း၌ ၄.၆ လက်မ ဖန်သားပြင် နှင့် 5 megapixel ကင်မရာ အပြင်၊ 4GB memory လည်းပါရှိသည်။

အခြား စမတ်ဖုန်းများနှင့် မတူညီသည်မှာ Peace Mobile သည် ဒေါက်တာ ဇာကိရ်နိုက်ခ်၏ အစ္စလာမ်နှင့်အခြားဘာသာရေး နှိုင်းယှဉ်ဟောပြေမှုဆိုင်ရာ ဗီဒီယိုများ နှင့် သူ၏ကျမ်းဂန်များကို ဘာသာစကားမျိုးစုံနှင့် ထည့်သွင်းထားခြင်းသာမက အစ္စလာမ်နှင့်ပတ်သက်သော wallpapers, apps နှင့် ringtones များလည်း ပါရှိသည် ဟုသိရသည်။

ဆော်ဒီအာရေဗျရှိ ထောင်နှင့်ချီသောလူတို့သည် ထိုဖုန်းအား အွန်လိုင်းမှတစ်ဆင့် မှာယူထားပြီးဖြစ်ကြောင်း Arab News က ဆိုသည်။

တယ်လီဖုန်း၏ကြော်ငြာတွင် ပြောကြားထားသည်မှာ ၄င်းတယ်လီဖုန်းသည် နေ့စဉ်ဘ၀၌ အစ္စလာမ့်စိတ်ဓာတ်နိုးကြားလာစေရန် ကြိုးစားဆောင်ရွက်ပေးမည့်အရာဖြစ်ကြောင်း သိရသည်။

ဒေါက်တာ ဇာကိရ်နိုက်ခ်သည် အစ္စလာမ်ဘာသာအား ခေတ်သစ်သိပ္ပံ၊ အသိပညာတို့နှင့်အချိုးညီစွာ ကျိုးသင့်ကြောင်းသင့် ရှင်းပြတတ်သောကြောင့်  လူသိများကျော်ကြားလှသူတစ်ဦးဖြစ်သည်။ သူသည် လွန်ခဲ့သောလက ဒူဘိုင်းတွင် သိပ္ပံ နှင့် ကုရ်အာန် အကြောင်း ဟောပြောရာ လူရာချီတက်ရောက်နားထောင်ခဲ့သည် ဟု Gulf News မှ တင်ပြထားသည်။