မြန်မာမွတ်ဆလင်တို့ရဲ့ စိုးရိမ်သောက

သြဂုတ်လ- ၁၂ ရက်၊ ၂၀၁၃

လင်းလက်ကြယ်စင် အင်တာဗျူးကို M-Media မှ စာ၇ိုက်ဖော်ပြပါသည်။

လားရှိုးမြို့ကနေ လင်းလက်ကြယ်စင်တို့ တင်ဆက်တဲ့ မြန်မာမွတ်ဆလင်တို့ရဲ့ စိုးရိမ်သောက နားဆင်နိုင်ပါပြီ။

လိုင်းမကောင်းသော M-Media စာဖတ်ပ၇ိတ်သတ် Download ယူ၇န်
Google Dive =>http://goo.gl/3ELjS9
File Size = 37 MB

တိုက်၇ိုက် နားဆင်ရန်။ https://soundcloud.com/m-media/qvfrvim5szsy

အသံဖိုင် နားထောင်၇န် အခက်အခဲရှိသူများအတွက် စာ၇ိုက်ပြီးဖော်ပြပေးလိုက်ပါတယ်။

မြန်မာနိုင်ငံမှာ မကြာသေးခင်ကာလက ပဋိပက္ခတွေဖြစ်ပွားခဲ့တာ အားလုံးသိပဲ အသိပါ။

ရခိုင်ပြည်နယ်က စတင်ခဲ့တဲ့ ပဋိပက္ခတွေဟာ မိတ္ထီလာ၊ ဥက္ကံ၊ လားရှိုးနဲ့  တခြားမြို့တွေမှာ ဆက်တိုက်ဆိုသလို ဖြစ်ပွားခဲ့တယ်။
ရခိုင်ပြည်နယ်မှာလည်း ဒီပဋိပက္ခတွေကြောင့် လူ (၂၀၀)သေဆုံးပြီး လူပေါင်း ၁-သိန်းကျော် အိုးမဲ့အိမ်မဲ့ ဖြစ်ခဲ့ရပါတယ်။

အခုတော့ ပဋိပက္ခတွေ ငြိမ်သက်သွားခဲ့ပါပြီ။ ဒီပဋိပက္ခတွေအလွန်မှာရော လူတွေရဲ့ဘ၀တွေအပေါ်မှာ ပဋိပက္ခလှိုင်းတွေ သက်ရောက်နေဆဲလားဆိုတာကို နားဆင်နိုင်ပါတယ်။

ယခုလို ပဋိပက္ခတွေဟာ အခုမှ ရှိခဲ့တာမဟုတ်ပဲ ဘူးသီးတောင် မောင်တောမှာ ၁၉၄၅-၅၀ တ၀ိုက်မှာ ဒီလိုမျိုး ဘာသာရေးပဋိပက္ခတွေရှိခဲ့တယ်။ ပြီးတော့ ၁၉၈၀ တ၀ိုက်လောက်မှာလည်း တောင်ကြီးနဲ့ ပြည်မြို့တွေမှာ ဖြစ်ခဲ့ဖူးတယ်။

ဒါဆိုရင်တော့ အခု ရခိုင်မှာဖြစ်သွားခဲ့တဲ့ ပဋိပက္ခတွေက ပထမဦးဆုံးလို့ ပြောလို့ မရတော့ဘူးပေါ့။
ရခိုင်အပြီး မိတ္ထီလာနဲ့ တခြားမြို့တွေမှာဖြစ်နေတဲ့ချိန် ရန်ကုန်ကို ကူးမလာလုိ့တော်ပါသေးတယ်လို့ ပြောရမယ်ဗျ။

ရန်ကုန်လိုမျိုး ပဋိပက္ခတွေ ကူးစက်မခံရတဲ့ မြို့တွေရှိနေပေမယ့် စိုးရိမ်စိတ်တွေရှိနေကြတယ်။

အစ္စလာမ်ဘာသာဝင်တွေရဲ့ ဘာသာရေးအထွဋ်အမြတ် ဗလီကြီးရဲ့ပတ်လည်မှာ CCTV ကင်မရာတပ်ဆင်ထားတာကို တွေ့နေရပါတယ်။
ဒါကတော့ ရန်ကုန် တာမွေမြို့နယ် မအူကုန်းရပ်ကွက်က ဗလီတစ်ခုဖြစ်ပါတယ်။ ဥပုသ်လကြီးဖြစ်နေတော့ ည ၉-နာရီကျော်နေပေမယ့်လည်း ဗလီကြီးမှာ ၀တ်ပြုတဲ့သူတွေနဲ့ စည်ကားနေတာကိုတွေ့ရပါတယ်။ ဒီလုံခြုံရေးအတွက် ကင်းစောင့်ရမယ့်သူတွေကိုလည်း ဗလီကြီးရဲ့ရှေ့မှာ ကုလားထိုင် ၅-လုံးချပြီး နေရာပေးထားပါတယ်။

ဒီနေ့ ရောက်ရှိနေတဲ့အချိန်ရဲ့ ၄-လ လောက်ကို နောက်ပြန်ရစ်ကြည့်မယ်ဆိုရင် မြန်မာပြည်မှာ ဗုဒ္ဓဘာသာနဲ့ အစ္စလာမ်ဘာသာဝင်တွေကြားမှာ ဘာသာရေးဆန်တဲ့ ပဋိပက္ခတွေဖြစ်သွားခဲ့ပါတယ်။ အဲဒီ ဖြစ်စဉ်တွေအပြီးမှာတော့ လူနည်းစုဖြစ်တဲ့ အစ္စလာမ်ဘာသာဝင်တွေက သူတို့လုံခြုံရေးအတွက် ရတက်မအေးတာကို တွေ့နေရပါတယ်။

ဒီပဋိပက္ခတွေဟာ ဗုဒ္ဓဘာသာနဲ့ အစ္စလာမ်ဘာသာရေး ၂-ခုလုံးကို ကိုယ်စားပြုပါသလားဆိုတဲ့  မေးခွန်းကိုတော့ မနွယ်နီက ကိုယ်စားပြုတယ်လို့ မယူဆပါဘူး။ ဖြစ်သွားတဲ့အထဲမှာ အများစုက ပြောကြတယ်။ တခြားက လာတဲ့လူတွေက ဦးဆောင်ပြီးတော့မှ သေချာ သဘောမပေါက်ပဲနဲ့ ရောယောင်ပြီး ပါသွားတဲ့လူတွေကြောင့် ဒီလိုဖြစ်သွားတယ်လို့ မြင်ပါတယ်။

အစ္စလာမ်ဘာသာဝင်တွေ လုံခြုံဖို့ဆိုရင် အစိုးရရဲ့ အခန်းကဏ္ဍကလည်း အင်မတန်အရေးကြီးတယ်လို့ ကိုညီညီက ဆိုပါတယ်။ နိုင်ငံတော်အစိုးရ ကနေပြီးတော့ ပြစ်မှု ကျူးလွန်တဲ့သူတွေကို ပြစ်မှုနဲ့ ပြစ်ဒဏ် မျှတအောင် ထိရောက်တဲ့ အရေးယူဆောင်ရွက်မှုတွေဖြစ်လာမယ်။ နောက်တစ်ချက် ဒီဘာသာရေးအရ သွေးထိုးလှုံ့ဆော်နေတဲ့ ဒီကိစ္စတွေကို ဥပဒေအရ အရေးယူမယ်။ နောက်တစ်ချက်ဆိုရင် လူမှုဘ၀တွေမှာ ကြုံတွေ့နေရတာတွေကို တရားဥပဒေစိုးမိုးရေးအရ ကျောသားရင်သားမခွဲခြားပဲ လုပ်ပေးမယ်။ တရားဥပဒေ စိုးမိုးရေးကို အာမခံပြီး စနစ်တကျ လုပ်ပေးမယ်ဆိုရင် သင့်ပါမယ်။

ဗလီကြီးကတော့ ကိုညီညီတို့ လုံခြုံရေးယူထားလို့ မားမားမတ်မတ် ရပ်တည်နေပေမယ့် ကိုညီညီတို့ လုံခြုံရေးကိုတော့ ဘယ်သူတွေများ တာဝန်ယူကြပါမလဲဆိုတဲ့ မေးခွန်းကို ကျွန်မတစ်ယောက်တည်း အသံတိတ်မေးမြန်းရင်း အိမ်ပြန်လမ်းဆီသို့ ဦးတည်လိုက်ပါတယ်။

လူတွေရဲ့စိတ်ထဲက လုံခြုံမှုကို ဒီလို အစောင့်တွေချ ကင်းတွေစောင့်နေရုံနဲ့တော့ လုံလောက်နိုင်ပါ့မလားဆိုတာ စဉ်းစားစရာပါပဲ။
ဒါ ပဋိပက္ခမဖြစ်တာတောင် သူတို့စိတ်ထဲမှာ စိုးရိမ်နေကြတာပါ။ တကယ် ပဋိပက္ခတွေဖြစ်ခဲ့တဲ့ ဒေသတွေမှာ သူတို့တွေရဲ့ စိုးရိမ်စိတ်က ဘယ်လိုရှိမလဲ။

လားရှိုးမြို့မှာက ဟိုးအရင်ကတည်းက ရှမ်းလူမျိုးတွေအပြင် လူမျိုးပေါင်းစုံ လာရောက်နေထိုင်ကြတဲ့ မြို့ဖြစ်ပါတယ်။ ဒါကြောင့် ဟိုတယ်အပေါ်ထပ်က ကြည့်လိုက်မယ်ဆိုရင် လားရှိုးမြို့က မဟာမြတ်မုနိဘုရားကိုလည်း လှမ်းမြင်နိုင်တယ်။ ဒီဘက်ကို ကြည့်လိုက်မယ်ဆိုရင်လည်း ဗလီဝတ်ပြုကျောင်းလည်း ရှိတယ်။ ဒါ့အပြင် အမိုးချွန်ချွန်နဲ့ ခရစ်ယာန် ချာ့ခ်ျကျောင်းတွေလည်း လားရှိုးမြို့ထဲမှာ အများအပြားရှိတယ်။ တရုတ်ဘုံကျောင်းတွေလည်းရှိတယ်။ ဒီလို လူမျိုးပေါင်းစုံနေထိုင်ကြတဲ့ လားရှိုးမြို့မှာလွန်ခဲ့တဲ့ မေလ ၂၈နဲ့ ၂၉ ရက်နေ့တွေမှာ ဘာသာရေး လူမျိုးရေးနွှယ်တဲ့ ပဋိပက္ခတွေဖြစ်ပွားခဲ့ပါတယ်။ ဘာပြဿနာမှ မရှိပဲ အေးချမ်းစွာနေလာခဲ့ပေမယ့် ဒီလို ပဋိပက္ခတွေ ကိုယ့်မြို့လေးကို ကူးစက်လာတဲ့အခါမှတော့ မြို့သူမြို့သားတွေရဲ့စိတ်ထဲမှာ ဘယ်လိုများ ရှိနေမလဲခင်ဗျာ။

မနန်းအေးဆေးတစ်ယောက် သူရဲ့ အိမ်နေရာကို လိုက်ပြနေပါတယ်။ သူကတော့ ဒါက အိပ်ခန်း၊ ဒါက ရေချိုးခန်းလို့ ခွဲခြားပြောနေပေမယ့် တွေ့လိုက်ရတာက မီးလောင်ပြင်ပါပဲ။

လားရှိုးမြို့မှာ မေလကုန်ပိုင်းလောက်က ဗုဒ္ဓဘာသာ အမျိုးသမီးတစ်ဦးကို အစ္စလာမ်ဘာသာဝင်ဆိုသူ အမျိုးသားတစ်ဦးက မီးရှို့ခဲ့ရာကစပြီး ပဋိပက္ခတွေ ဖြစ်ပွားခဲ့ပါတယ်။ အစ္စလာမ်ဘာသာဝင် အများစု တိုက်ခိုက်ခံရပြီး မနန်းအေးဆေးလိုပဲ အစ္စလာမ်ဘာသာဝင်တွေရဲ့အိမ်တွေ မီးရှို့ခံရတာ တွေ၊ ဖျက်ဆီးခံရတာတွေ ရှိခဲ့ပါတယ်။

မနန်းအေးဆေးတစ်ယောက် ပြောနေရင်းနဲ့ ၀ဲတက်လာတဲ့ မျက်ရည်တွေကို မျက်တောင် လေးငါးချက်လောက်ခတ်ပြီးဖယ်ရှားလိုက်ပါတယ်။ ခင်ပွန်းဖြစ်သူက လွန်ခဲ့တဲ့ အနှစ်(၂၀)ကျော်ကတည်းက ဆုံးပါးသွားခဲ့တာကြောင့် စက်ကလေးချုပ်ပြီး သူတစ်ယောက်တည်း ဘ၀ကို ရုန်းကန်ခဲ့ရတာပါ။ ဒီလိုမျိုး ရှာဖွေ ရုန်းကန်ခဲ့သမျှဟာ အခုအချိန်မှာတော့ ….. ။

မြန်မာနိုင်ငံမှာ နိုင်ငံရေးပြုပြင်ပြောင်းလဲမှုတွေလုပ်ပြီး မကြာခင်မှာပဲ ရခိုင်ပြည်နယ်ကစလို့ ဒီလိုမျိုး ပဋိပက္ခတွေဖြစ်ပွားခဲ့ပါတယ်။ လားရှိုးမြို့က ဒေသခံ တော်တော်များများကတော့ ဒီလိုမြို့လေးမှာ ဒီလို ပဋိပက္ခတွေ ကူးစက်လာလိမ့်မယ်လို့ ထင်မထားကြပါဘူးတဲ့။ မျှော်လင့်မထားတဲ့ကြားပဲ မမျှော်လင့်ပဲ ဖြစ်သွားတဲ့ အခုလို အကြောင်းကိုတော့ အမျိုးမျိုး ပြောနေကြပါတယ်။

မွတ်စလင်မ်ဘာသာဝင်တွေနဲ့ ဗုဒ္ဓဘာသာဝင်တွေ ၂-ဘက်စလုံးက ပြောပြသွားခဲ့ပါတယ်။ ဒီလိုမျိုး ပဋိပက္ခတွေဖြစ်ဖို့အတွက် ကြိုတင်ကြံစည်မှုတွေ ရှိနိုင်တယ်လို့ တချို့က ခန့်မှန်းကြပေမယ့် ဘယ်သူက ဒီလိုကြံစည်တယ်ဆိုတာကိုတော့ ထင်မြင်ချက် မပေးနိုင်ကြပါဘူး။ လားရှိုးမြို့က မွတ်စလင်မ်ဘာသာရေးခေါင်းဆောင် ဒေါက်တာတင်အောင်ကတော့ ဒီပဋိပက္ခတွေနဲ့ပတ်သက်ပြီး အခုလို သုံးသပ်ပါတယ်။

‘ပထမဦးဆုံးအနေနဲ့ပြောချင်တာက ပဋိပက္ခမဟုတ်ဘူး။ ဒါဟာ အကြမ်းဖက်မှု၊ ပဋိပက္ခဆိုတာ နှစ်ဦးနှစ်ဘက်ဖြစ်တဲ့ဟာမျိုးကို ပဋိပက္ခလို့သုံးတာ။ ဒါက တဘက်က လာပြီး အကြမ်းဖက် မီးရှို့ဖျက်ဆီးတာကြောင့် ကျွန်တော့်အနေနဲ့ အကြမ်းဖက်မှုလို့ သုံးချင်ပါတယ်။ ဒီနေ့ အကြမ်းဖက်တဲ့သူတွေသည် ဗုဒ္ဓဘာသာ ဖြစ်သော်ငြားလည်း ဗုဒ္ဓဘာသာနဲ့ မသက်ဆိုင်ဘူး။ အကြမ်းဖက်တဲ့သူက အကြမ်းဖက်သူပဲ၊ ဗုဒ္ဓဘာသာက ဗုဒ္ဓဘာသာပဲ။ တကယ့်တကယ် ဒီအရေးအခင်းတစ်ခုလုံးကို ပြေလည်အောင် ဖြေရှင်းသွားတာသည် သံဃာတော်တွေ၊ လားရှိုးမြို့ သံဃာ့မဟာနာယက အဖွဲ့ဖြစ်တဲ့ မန်ဆူဆရာတော်ကြီးဦးဆောင်ပြီး ငြိမ်းချမ်းအောင်၊ လူအုပ်ကွဲအောင်၊ အကြမ်းဖက်မှုတွေ ဆက်မဖြစ်အောင် ဆရာတော်ကိုယ်တိုင် ထိန်းသိမ်းတယ်။ အင်မတန်မှ ၀မ်းသာစရာကောင်းတဲ့ အပြုအမူပေါ့။’
ဒေါက်တာတင်အောင် ပြောပြသွားတာပါ။ သူပြောသွားတဲ့ မန်ဆူကျောင်းမှာ ပဋိပက္ခတွေအတွင်း ဒုက္ခသည်ပေါင်း ၁၀၀၀-ကျော်ကို ခေါ်ယူ စောင့်ရှောက် ထားခဲ့ပါတယ်။

ဒါကြောင့် မန်ဆူကျောင်းက ဆရာတော်ကို သွားရောက်လျှောက်ထားခဲ့ပါတယ်။

ဟုတ်ကဲ့ပါ ဘုန်းဘုန်း။ ဒီလိုမျိုး ပဋိပက္ခက ဗုဒ္ဓဘာသာနဲ့ မွတ်စလင်မ် တွေကြားထဲမှာဖြစ်တယ်လို့ပြောကြတယ်။ အဲဒီမှာမှ ဘုန်းဘုန်းက မွတ်စလင်မ်တွေကို ဘာဖြစ်လို့ ကူညီဖြစ်ခဲ့တာလဲ ဘုန်းဘုန်း’

‘ဒါဟာ လူသားချင်းစာနာတဲ့အနေနဲ့ ဘယ်လိုပဲဖြစ်ဖြစ်၊ ဒုက္ခရောက်နေတဲ့အချိန်မှာ မြန်မြန်မထိန်းသိမ်းနိုင်ရင် အားလုံး ကူးစက်မယ်။ ဒါကြောင့် ဘုန်းဘုန်းက သူတို့ကိုနေရာပေးလိုက်တော့ သူတို့လည်း အေးအေးဆေးဆေးနဲ့ ခိုလှုံခွင့်ရတော့ သူတို့လည်း တုန့်ပြန်မှုမရှိတော့ဘူး။ သူများလည်း သူတို့ကို ရန်မမူတော့ဘူး။ ဒီအချိန်မှာ သူတို့ အေးအေးချမ်းချမ်းနဲ့ ဖြစ်သွားကြပြီဆိုတော့ အဲဒါကို ဘုန်းဘုန်းကတော့ အဲ့ဒီ ခံယူချက်နဲ့ ခိုလှုံခွင့် ပေးလိုက်တာပါ။’ မန်ဆူဆရာတော် မိန့်ကြားသွားတာပါ။ ဒီလိုမျိုး ဘာသာလူမျိုး မခွဲခြားပဲ လူသားချင်း စာနာစိတ်နဲ့ ကူညီနေတာဟာ ဘုန်းဘုန်းတစ်ပါးတည်းတင် မဟုတ်ပါဘူး။ တခြား ဗုဒ္ဓဘာသာဝင်တွေလည်း ရှိကြပါတယ်။ ဒီထဲမှာတော့ ကိုစိုင်းထွန်းထိုက်လည်း အပါအ၀င်ပါ။

ကိုစိုင်းထွန်းထိုက်က ပဋိပက္ခဖြစ်ပွားရာ နေရာတွေမှာ ဘာသာလူမျိုး မခွဲခြားပဲ အလှူအတန်းတွေ ပြုလုပ်ပေးနေပါတယ်။ ကျွန်မတို့နဲ့ တွေ့တဲ့အခါမှာလည်း ဒီလို ပဋိပက္ခတွေ မဖြစ်ဖိုိ့ လူငယ်တွေ ဘယ်လိုလုပ်နိုင်မလဲဆိုတဲ့အကြောင်းကို ပြောပြသွားပါသေးတယ်။

‘ကိုယ့်မှာ မွတ်စလင်မ်သူငယ်ချင်းရှိရင် အတွင်းကျကျ ပေါင်းကြည့်ပေါ့နော်။ အတွင်းကျကျပေါင်းကြည့်ရင် သူတို့ဆီမှာ ကောင်းတဲ့အချက်တွေ အများကြီးရှိတာကို တွေ့ရလိမ့်မယ်။ မွတ်စလင်မ်တွေမှာလည်း ကောင်းတဲ့သူတွေ ရှိတယ်။ ဘာသာတိုင်းမှာ မေတ္တာတရားဆိုတာ အချင်းချင်း ကူညီရမယ်၊ မေတ္တာထားရမယ်ဆိုတာ ပါတာပေါ့နော်။ မေတ္တာတရားထားရင် ပိုပြီးတော့ အဆင်ပြေမယ်။’

ဒီလိုမျိုး ကူညီစောင့်ရှောက်တဲ့သူတွေ ရှိနေတာဟာ မနန်းအေးဆေးတို့အတွက်က အားတက်စရာပါ။ ဒီလိုမျိုး ကူညီမှုတွေ ရှိနေပေမယ့် သူတို့ရဲ့စိတ်ထဲက စိုးရိမ်မှုတွေကိုတော့ ဘယ်လိုအရာတွေနဲ့များ ကုစားလို့ ရနိုင်ပါ့မလဲ။