၁၅-၈-၂၀၁၃ နိုင်ငံတကာ သတင်းစုစည်းမှုအကျဉ်း

M-Media
သြဂုတ်- ၁၅ ရက်၊ ၂၀၁၃

နစ်မြုပ်ခဲ့သည့် ရေငုပ်သင်္ဘောမှ သင်္ဘောသား ၁၈ ဦး သေဆုံးဖွယ်ရှိသည်ဟု အိန္ဒိယပြော

အိန္ဒိယနိုင်ငံ မွမ်ဘိုင်းမြို့တွင် ဆိုက်ကပ်ထားသည့် ရေငုပ်သင်္ဘောမှာ မီးလောင်မှုဖြစ်ပွားပြီး ယမန်နေ့က နစ်မြုပ်ခဲ့ရာ သင်္ဘောပေါ်တွင် တာဝန်ထမ်းဆောင်လျက်ရှိသည့် သင်္ဘောသား ၁၈ ဦးမှာ အသက်ရှင်နိုင်ရန် အလားအလာမရှိတော့ဟုသိရသည်။ ကယ်ဆယ်ရေးအဖွဲ့ဝင်များက  အလောင်းများအား ရှာဖွေတွေ့ရှိခြင်း မရှိသေးသော်လည်း ရေငုပ်သင်္ဘော အတွင်းပေါက်ကွဲမှုနှင့် မီးလောင်မှုအနေအထားအရ သင်္ဘောသားများမှာ အသက်ရှင်နိုင်ရန် မည်သည့်နည်းလမ်းမှ မရှိဟု အိန္ဒိယ ရေတပ်ကပြောဆိုလိုက်သည်။ ၎င်းတို့သေဆုံးမှုမှာ

တိုင်းပြည်အတွက်ဆုံးရှုံး နစ်နာမှုသာဖြစ်ကြောင်း၊ တိုင်းပြည်တာဝန်ထမ်းဆောင်ရင်း ကျဆုံးသွားခဲ့သည့် အဆိုပါ စစ်သားများအတွက် အလွန်ဝမ်းနည်းမိပါကြောင်း အိန္ဒိယ ကာကွယ်ရေးဝန်ကြီး အေ ကေ အန်တိုနီက ပြောဆိုသည်။
______________________________________
မွတ်စလင်ညီအကိုများအဖွဲ့ဝင်များ ကိုင်ရိုသို့ ချီတက် ဆန္ဒပြရန်စီစဉ်

အီဂျစ်နိုင်ငံရှိ မွတ်စလင်ညီအကိုများအဖွဲ့က ဆန္ဒပြသူများအား အကြမ်းဖက် နှိမ်နင်းခဲ့သည့် အီဂျစ်စစ်တပ်၏လုပ်ရပ်အား ရှုတ်ချရန်အတွက် ကိုင်ရိုမြို့သို့ ချီတက်ဆန္ဒပြရန် စီစဉ်နေသည်ဟု သိရသည်။ အာဏာရှင်လက်အောက်မှလွတ်မြောက်လာခဲ့ပြီး ဒီမိုကရေစီနည်းကျ  တင်မြှောက်ထားသည့် အီဂျစ်သမ္မတ မိုဟာမက်မော်စီအား အီဂျစ်စစ်တပ်ကဖြုတ်ချပြီးနောက် နိုင်ငံတစ်ဝှမ်း ဆန္ဒပြမှုများဖြစ်ပွားခဲ့ပြီး စစ်တပ်မှပြင်ပြင်းထန်ထန်နှိမ်နင်းခဲ့ကာ လူပေါင်းရာချီသေဆုံးခဲ့သည်။ အီဂျစ်စစ်တပ်၏ လုပ်ရပ်အား ကုလသမ္မဂ္ဂအပါအ၀င်  ကမ္ဘာ့နိုင်ငံအသီးသီးကလည်း ပြင်းထန်စွာ ဝေဖန်ရှုတ်ချထားသည်။ ဆန္ဒပြမှုအတွင်းစစ်တပ်မှ ပစ်ခတ်နှိမ်နင်းမှုကြောင့် ယခုအချိန်အထိ သေဆုံးသူ လေးရာကျော်ရှိပြီဟုသိရသည်။
______________________________________
ဆုံးရှုံးသွားသော နယ်နမိတ် ပြန်ရရန် နီပေါတက်ကြွ လှုပ်ရှားသူတစ်ဦး ဆန္ဒပြ

နီပေါအမျိုးသားတပ်ဦးမှ တက်ကြွလှုပ်ရှားသူ ဖာနင်ဒရာမှာ ကသ်မန်ဒူမြို့ရှိ အိန္ဒိယသံရုံးရှေ့တွင် ယနေ့ ဆန္ဒပြခဲ့သည်ဟုသိရသည်။ ၁၈၁၆ ခုနှစ်တွင် ဗြိတိသျှအုပ်ချုပ်သည့် အိန္ဒိယနှင့် ချုပ်ဆိုခဲ့သော  Sugauli စာချုပ်အရ ပေးခဲ့ရသော နီပေါပိုင်နက် ၅၇၇၃၆ စကွဲကီလိုမီတာအား  ပြန်လည်တောင်းဆိုခြင်းဖြစ်သည်။ ထိုဆန္ဒပြမှုမှာ ယနေ့ကျရောက်သည့် အိန္ဒိယနိုင်ငံ၏ လွတ်လပ်ရေးနေ့နှင့်လည်း တိုက်ဆိုင်နေသည်။ ယခုအချိန်တွင် အိန္ဒိယနိုင်ငံမှာ လွတ်လပ်သောနိုင်ငံတစ်နိုင်ငံဖြစ်နေပြီဖြစ်ကြောင်း၊ လွတ်လပ်သောအိန္ဒိယနိုင်ငံမှ နီပေါ၏ ပိုင်နက်တစ်ချို့အား သိမ်းပိုက်ထားသည်ဆိုသည်ကို အမှတ်ရစေရန် ဆန္ဒပြခြင်းဖြစ်ကြောင်း ဖာနင်ဒရာကပြောကြားခဲ့သည်။
______________________________________
တာလီဘန်များနှင့် အာဖဂန်ရဲများ တိုက်ခိုက်မှုဖြစ်ပွား တာလီဘန်ခေါင်းဆောင်တစ်ဦသေဆုံး

ကဘူလ်းမြို့ အရှေ့မြောက်ဘက် ၃၁၅ ကီလိုမီတာအကွာတွင်ရှိသည့် ဘာဒက်ရှန်ပြည်နယ် ဂျာမ်ခရိုင်တွင် တာလီဘန်အဖွဲ့ဝင်များနှင့် အာဖဂန်ရဲတပ်ဖွဲ့ဝင်များ အပြန်အလှန် တိုက်ခိုက်မှုများဖြစ်ပွားခဲ့သည်ဟု သိရသည်။ ယနေ့နံနက်စောစောပိုင်းတွင် ဖြစ်ပွားခဲ့သည့် အဆိုပါတိုက်ခိုက်မှုအတွင်း တာလီဘန်ခေါင်းဆောင်တစ်ဦးသေဆုံးခဲ့ပြီး တာလီဘန်တိုက်ခိုက်ရေးသမား ငါးဦးနှင့် ရဲတပ်ဖွဲ့ဝင်နှစ်ဦး ဒဏ်ရာရရှိခဲ့သည်ဟု အာဖဂန် ရဲတပ်ဖွဲ့က သတင်းထုတ်ပြန်ထားသည်။ ရဲတပ်ဖွဲ့ဝင်များစောင့်ကြပ်နေသည့်စစ်ဆေးရေးဂိတ်အား တာလီဘန်များက  တိုက်ခိုက်ခဲ့ခြင်းကြောင့် အပြန်အလှန်ပစ်ခတ်မှုဖြစ်ပွားခဲ့ရသည်ဟု သိရသည်။
______________________________________
ဗလီဝတ်ကျောင်းတော် တိုက်ခိုက်ခံရမှုတွင် အချိန်မီအရေးယူရန် ပျက်ကွက်ခဲ့သော ရဲတပ်ဖွဲ့ဝင်များအား သီရိလင်္ကာဝန်ကြီး ပြင်းထန်စွာဝေဖန်

ပြီးခဲ့သည့် သီတင်းပတ်က ကိုလံဘိုမြို့ဆင်ခြေဖုံးဒေသတွင် ဖြစ်ပွားခဲ့သည့် ဗလီဝတ်ကျောင်းတော်အကြမ်းဖက်တိုက်ခိုက်ခံရမှုအတွင်း အလျင်အမြန်အရေးယူရန် ပျက်ကွက်ခဲ့သည့် ရဲတပ်ဖွဲ့ဝင်များအား သီရိလင်္ကာထိပ်တန်း ၀န်ကြီးတစ်ဦးက ဝေဖန်ပြောဆိုလိုက်သည်။

စက်မှုလက်မှုနှင့်ကုန်သွယ်မှုဝန်ကြီးဌာန၀န်ကြီး ရရှစ် ဘာသီအူဒင်က ရဲချုပ် အန် ကေ အီလန်ဂါကွန်ထံသို့ ဗလီဝတ်ကျောင်းတော် အကြမ်းဖက်ဖျက်ဆီးခံရမှုကို လုံခြုံရေးကင်မရာမှ မှတ်တမ်းတင်ထားသည့် ဗီဒီယိုဖိုင်နှင့်စာတစ်စောင်ပေးပို့ခဲ့ပြီး ထိုစာတွင်  အကြမ်းဖက်ဖျက်ဆီးသူများအား ရဲတပ်ဖွဲ့ဝင်များက အရေးယူရန်ပျက်ကွက်ပုံကို ဝေဖန်ရေးသားထားသည်။