အမေရိကန်၏ ထောက်လှမ်းရေး အချက်အလက်များကို အစ္စရေးက ခိုးယူနိုင်သည်ဟုဆို

သြဂုတ်လ ၁၅၊ ၂၀၁၃
M-Media

အမေရိကန်ထောက်လှမ်းရေးဝန်ထမ်းဟောင်း အက်ဒ၀ပ်စနိုးဒင်၏ ဖွင့်ထုတ်မှုများအရ ကန်ထောက်လှမ်းရေး အသိုင်းအ၀ိုင်းတွင် ယိုပေါက်တစ်ခုရှိနေပြီး ထိုယိုပေါက်မှတဆင့် ထောက်လှမ်းရေးအေဂျင်စီများ စုဆောင်းထားသည့်အချက်အလက်များကို အစ္စရေးက ခိုးယူသွားနိုင်သည်ဟု Veterans Today၏မန်နေဂျင်းအယ်ဒီတာနှင့် ပင်တိုင်ဆောင်ပါးရှင် ဂျင် ဒဗလျူ ဒီန်းကပြောဆိုလိုက်သည်။

တနင်္လာနေ့က Press TV နှင့် ဖုန်းအင်တာဗျူးတွင် ဒီန်းက အကယ်၍ အမေရိကန်အမျိုးသား ထောက်လှမ်းရေး အေဂျင်စီ၏ လုပ်ထုံးလုပ်နည်းများနှင့်ပက်သက်သည့် ထိပ်တန်းလျို့ဝှက်ချက်များကို စနိုးဒင်ယူနိုင်ခဲ့လျှင် အစ္စရေး ထောက်လှမ်းရေးအဖွဲ့မှာလည်း ထိုကဲ့သို့သောအလုပ်မျိုးကို မလုပ်နိုင်ဟူသော အချက်မှာ ယုံကြည်နိုင်စရာမဟုတ်ကြောင်း ပြောကြားခဲ့သည်။

ကန်ထောက်လှမ်းရေးအသိုင်းအ၀ိုင်း၏ ယိုပေါက်မှတဆင့် အစ္စရေးက၀င်ရောက်နိုင်ပြီး အချက်အလက်များကို ခိုးယူသွားနိုင်ကာ ဥပဒေကခွင့်မပြုထားသည့် အရာများကို အစ္စရေးဘက်က လုပ်ဆောင်သွားနိုင်သည်ဟု ဒီန်းက ထပ်လောင်းပြောကြားခဲ့သည်။

အချက်အလက်များစုဆောင်းရာ၌ အမေရိကန်နိုင်ငံသားမဟုတ်သူများ အမေရိကန်ပြင်ပမှ နိုင်ငံရပ်ခြား ပစ်မှတ်များ၏ ဆက်သွယ်မှုများအပေါ် အမိန့်မလိုဘဲ သတင်းစုဆောင်းနိုင်ရန် အမေရိကန်အမျိုးသားထောက်လှမ်းရေးအေဂျင်စီအား အမေရိကန်ဥပဒေက ခွင့်ပြုထားသည်။ ၎င်းအပြင် “incidental collection”ဟု သတ်မှတ်ခေါ်ဝေါ်သည့် လုပ်ငန်းစဉ်မှတဆင့် အမေရိကန်မြေပေါ်ရှိ ပြည်တွင်းဆက်သွယ်မှုများကို အမေရိကန်အမျိုးသားထောက်လှမ်းရေးအေဂျင်စီက မှတ်တမ်းတင် သိမ်းဆည်းထားနိုင်သည်။

ဇွန်လက စနိုးဒင်ထုတ်ဖော်ပြောဆိုခဲ့သည့် လျို့ဝှက်ချက်များအရ အမေရိကန် ထောက်လှမ်းရေး အေဂျင်စီသည် အမေရိကန်နိုင်ငံသားများ၏ ဖုန်းခေါ်ဆိုမှုများအား ထောက်လှမ်းခြင်း၊ အမေရိကန်အခြေစိုက် ၀ဘ်ဆာဗာများကို အသုံးပြုကြသည့် ကမ္ဘာတစ်ဝှမ်းမှ လူများအား စောင့်ကြည့်ခြင်းများကို ပြုလုပ်ခဲ့ကြောင်း တွေ့ရှိရသည