၁၇-၈-၂၀၁၃ နိုင်ငံတကာ သတင်းစုစည်းမှုအကျဉ်း

သြဂုတ်လ- ၁၇-၂၀၁၃
M-Media

Idaho တောမီး

အမေရိကန် Idaho အနီးရှိ Sun Valley အပန်းဖြေ အိမ်ခြေ ၁၆၀၀ကို တောမီးများကြောင့် ရွှေ့ပြောင်းထွက်ခွာရန် ညွှန်ကြားထားသည်။ လေတိုက်နုန်း ပြင်းထန်လာသောကြောင့် နိုင်ငံမှ မီးသတ်သမား ၁၀၀၀ ခန့် ဝိုင်းဝန်း ညှိမ်းသတ်လျက် ရှိသည်။
________________________________
Area 51 အမှန်တကယ် တည်ရှိခဲ့

စစ်အေးကာလကတည်းက ဂြိုဟ်သားများ ကို ဖမ်းစီး စစ်ဆေးလေ့လာသော လျှို့ဝှက် နေရာအဖြစ် ကောလာဟလများ ရှိခဲ့ပြီး ယခုအခါ စာမျက်နှာ ၄၀၀ရှိသော CIA ၏ ကန့်သတ် မှတ်တမ်းများကို အများဖတ်ရှုခွင့် ပေးလိုက်ရာ ၎င်း Area 51 သည် U-2 ကဲ့သို့ စပိုင်လေယာဉ်များ စမ်းသပ်ရာနေရာအဖြစ် ဖေါ်ပြထားသည်။ ၎င်းနေရာသည် Las Vegas၏ အနောက်မြောက်ဘက် မိုင် ၈၀ အကွာ Groom Lake အနီးတွင် တည်ရှိသည်။
________________________________
ဖိလစ်ပိုင်တွင် ခရီးသည်တင် သင်္ဘောနစ်မြုပ်

Cebu မြို့အနီး ကမ်းခြေနှင့် ၁.၂ မိုင်အကွာတွင် ကုန်တင်သင်္ဘောနှင့် သောကြာနေ့ ည ၉ နာရီခန့်တွင် တိုက်မိသဖြင့် ၁၀ မိနစ်ခန့်အတွင်း နစ်မြုပ်သွားခဲ့ရာ ၃၁ ဦး သေဆုံကြောင်း သိရပြီး ၁၇၀ ခန့်မှာ ပျောက်ဆုံးနေဆဲ ဖြစ်သည်။
________________________________
အီဂျစ်တွင် ဗလီကို ရဲတပ်ဖွဲက တိုက်ခိုက်

ဆန္ဒပြသူများ ခိုလှုံရာ ကိုင်ရိုမြို့ရှိ ဗလီတစ်လုံးကို ယနေ့ ရဲတပ်ဖွဲက ဝိုင်းဝန်း တိုက်ခိုက်ခဲ့သည်။
________________________________
အင်ဒိုနီးရှား ရဲတပ်ဖွဲ့ဝင်နှစ်ဦး သေနတ်ဖြင့်ပစ်သတ်ခံရ

အင်ဒိုနီးရှားနိုင်ငံ ဂျကာတာမြို့ဆင်ခြေဖုံးဒေသတစ်ခုတွင် အင်ဒိုနီးရှားရဲတပ်ဖွဲ့ဝင်နှစ်ဦးအား သေနတ်သမားများက ပစ်ခတ်သတ်ဖြတ်တစ်ခုဖြစ်ပွားခဲ့သည်ဟုသိရသည်။ ဂျာကာတာအနောက်တောင်ပိုင်းရှိ ရဲစခန်းတစ်ခုတွင် ဆိုင်ကယ်စီးလာသောသေနတ်သမားနှစ်ဦးက ရဲတပ်ဖွဲ့ဝင်တစ်ဦးအား ပစ်ခတ်သတ်ဖြတ်ခဲ့သည်။ ၎င်းနောက် ရဲတပ်ဖွဲ့ဝင်လေးဦးပါသည့် ရဲကားမှ ထိုသေနတ်သမားများအား လိုက်လံဖမ်းဆီးရာတွင် မော်တော်ကားမောင်းနှင်သူ ရဲတပ်ဖွဲ့ဝင်တစ်ဦးမှာ ထပ်မံပစ်သတ်ခံလိုက်ရပြီး သေနတ်သမားနှစ်ဦးမှာ ထွက်ပြေးလွတ်မြောက်သွားသည်ဟု ရဲတပ်ဖွဲ့ ပြောရေးဆိုခွင့်ရှိသူက ပြောကြားခဲ့သည်။
________________________________
တရုတ်နိုင်ငံတွင် ရေးကြီးမှုဖြစ်ပွား လူ ၂၅ ဦးသေဆုံး

ပြီးခဲ့သည့်သီတင်းပတ်ကစ၍ တရုတ်နိုင်ငံ အရှေ့မြောက်ပိုင်းဒေသတွင် ရေကြီးရေလျှံမှုများဖြစ်ပေါ်နေပြီး အနည်းဆုံး ၂၅ ဦးသေဆုံးခဲ့သည်ဟု သိရသည်။ မိုးသည်းထန်စွာရွာသွန်းမှုကြောင့်ဖြစ်ပေါ်ခဲ့သော ရေကြီးရေလျှံမှုများကြောင့် ပျက်စီးဆုံးရှုံးမှုတန်ဖိုး ကန်ဒေါ်လာ ၁.၂ ဘီလျံရှိနေပြီး လူပေါင်း ၁သိန်း ၄သောင်းကျော်အားပြောင်းရွှေ့ပေးခဲ့ရသည်ဟု တရုတ်သတင်းဌာနများက ဖေါ်ပြကြသည်။
________________________________
မောင်းသူမဲ့လျှပ်စစ်မော်တော်ကား စင်ကာပူတွင်စမ်းသပ်ပြေးဆွဲ

စင်ကာပူနိုင်ငံတွင် ပထမဦးဆုံးမောင်းသူမဲ့ လျှပ်စစ်မော်တော်ကားအား စမ်းသပ်အသုံးပြုနေပြီဟုသိရသည်။ နန်းယန်း နည်းပညာတက္ကသိုလ်(NTU)နှင့် JTC ကုမ္ပဏီတို့ပူးပေါင်းထုတ်လုပ်သည့် အဆိုပါ လျှပ်စစ်မော်တော်ကားမှာ လူရှစ်ဦးလိုက်ပါစီးနင်းနိုင်မည်ဖြစ်ပြီး တစ်နာရီတွင် ကီလိုမီတာ ၂၀ အထိ ရောက်ရှိနိုင်မည်ဖြစ်ကာ နန်ယန်းနည်းပညာတက္ကသိုလ်နှင့်  JTC CleanTech Park အကြားမကြာမီပြေးဆွဲနိုင်တော့မည်ဖြစ်သည်။ လျှပ်စစ်မော်တော်ကားများကို အမေရိကန်နှင့် ဥရောပနိုင်ငံများတွင်အသုံးပြုနေပြီး NTU က အားသွင်ချိန်လျှော့ကျစေရန်နှင့် စွမ်းဆောင်ရည်ပိုမိုမြင့်မားလာစေရန် မွမ်းမံခဲ့ကာ စမ်းသပ်မှုအောင်မြင်ပါက စီးပွားဖြစ်ထုတ်လုပ်ဖွယ်ရှိနေသည်။
________________________________
ဆိုးရွားသော ရာသီဥတုကြောင့် ကယ်ဆယ်ရေးလုပ်ငန်းများ ရပ်ဆိုင်းရ

ဆိုးရွားသော ရာသီဥတုကြောင့် ဖိလစ်ပိုင်ခရီးသည်တင်သင်္ဘောနစ်မြုပ်ရာတွင် ပျောက်ဆုံးနေသောသူများအား ရှာဖွေကယ်ဆယ်ရေးလုပ်ငန်းများကို ရပ်ဆိုင်းလိုက်ရသည်ဟုသိရသည်။ စိန့်သောမတ်စ် အကွီနတ်စ်ဟု အမည်ရသည့်ခရီးသည်တင်သင်္ဘောမှာ ခရီးသည် ၈၃၁ဦးတင်ဆောင်ကာ စီဘူးဆိပ်ကမ်းမှ ထွက်ခွာလာပြီးနောက် ကုန်တင်သင်္ဘောတစ်စီးနှင့်တိုက်မိကာ သောကြာနေ့ညပိုင်းက နစ်မြုပ်ခဲ့ရသည်။ ခရီးသည်များမှ ၃၁ ဦးသေဆုံးခဲ့ပြီး ၆၂၉ ဦးအား ကယ်တင်နိုင်ခဲ့ကာ ၁၇၁ ဦးမှာပျောက်ဆုံးနေသည်။ မိုးသည်းထန်စွာရွာသွန်းနေပြီး လေပြင်းများတိုက်ခတ်နေကာ ရေစီးများအလွန်သန်နေသောကြောင့် ကယ်ဆယ်ရေးလုပ်ငန်းများကို ယနေ့နေ့လည်ပိုင်းမှစတင်ရပ်နားခဲ့ရကြောင်း ဖိလစ်ပိုင်ရေတပ် ပြောရေးဆိုခွင့်ရှိသူက ပြောကြားခဲ့သည်။