သံတွဲမြို့တွင် အကြမ်းဖက်မှုဖြစ်ပွားရန် ဖန်တီးသည်ကို ယနေ့ တားဆီးနိုင်ခဲ့သော်လည်း သံတွဲမြို့ခံများ စိတ်ပူလျက်ရှိ

သြဂုတ် ၂၇၊ ၂၀၁၃
M-Media

သံတွဲ ။ ။ သံတွဲမြို့တွင် အကြမ်းဖက်မှုများဖြစ်ပေါ်စေရန် အကြမ်းဖက်သမားများမှ ရန်စလှုံ့ဆော်ခဲ့၍ ပြဿနာဖြစ်ပွားမည့်အခြေအနေတစ်ရပ် ယနေ့ညနေ ၄-နာရီခွဲခန့်က စတင် ဖြစ်ပွားခဲ့သော်လည်း ည ၇-နာရီခန့်တွင် အချိန်မှီ ထိန်းသိမ်းနိုင်ခဲ့ပြီဖြစ်ကြောင်းသိရသည်။

သင်္ချိုင်းအတွင်း ၀င်ရောက်၍ ဆိတ်ကျောင်းနေသူအား သင်္ချိုင်းအတွင်းနေထိုင်သော စိတ်မနှံ့သူ ဘုန်းကြီးမှ သင်္ချိုင်းအတွင်း လာ၍ ဆိတ်မကျောင်းရန်ပြော၍ ဆိတ်ကျောင်းနေသူမှ “ဘုန်းဘုန်း ယခုအရွက်များ ဆိတ်မစားလျှင် ဘယ်သူစားမလဲ”ဟုပြောရာ ဘုန်းကြီးမှ မကျေနပ်၍ ရဲစခန်းသို့ တိုင်ရာ၊ ရဲစခန်းမှ ဆိတ်ကျောင်းနေသူအား လာရောက်ဖမ်းဆီးသွားခဲ့သည်။ ဆိတ်ကျောင်းသူအား ဖမ်းဆီးထားသည့် သံတွဲ မြို့မရဲစခန်းအား ရခိုင်ကွန်ရက်မှ လူဦးရေ ၅၀-ကျော်က လာရောက်ဝိုင်းရံရာမှ လူအစုအဝေးဖြင့် အကြမ်းဖက်မှုဖြစ်ပွားရန် စတင်ဖန်တီးခဲ့ကြောင်း သိရသည်။

အဆိုပါဖြစ်စဉ်နှင့်ပတ်သက်၍ သံတွဲမြို့တွင် အကြမ်းဖက်မှုများ မဖြစ်စေလိုတဲ့ သံတွဲမြို့ခံတစ်ဦးကို M-Media မှ ဆက်သွယ်မေးမြန်းထားတာဖြစ်ပါတယ်။