Facebook အသုံးပြုသူတို့၏ အချက်အလက်များကို ပေးအပ်ရန် အမေရိကန်အစိုးရ တောင်းဆို

သြဂုတ်လ- ၂၈ ရက်၊ ၂၀၁၃
M-Media

အမေရိကန်အစိုးရသည် Facebook သုံးစွဲသူ အနည်းဆုံး လူပေါင်း ၂၀,၀၀၀ ၏ ကိုယ်ရေးအချက်အလက်များအား ပေးအပ်ရန်တောင်းဆိုခဲ့သည် ဟု အင်္ဂါနေ့တွင် Facebook မှ ဖွင့်ဟဖော်ပြခဲ့သည်။

၎င်း၏ ပထမဆုံး အများသိတင်ပြချက်တွင် Facebook ကုမ္ပဏီသည် လူအယောက်ပေါင်း ၂၀,၀၀၀ မှ ၂၁,၀၀၀ ၏ အချက်အလက်များကိုပေးအပ်ရန် အမေရိကန်အစိုးရထံမှ ၁၁,၀၀၀ မှ ၁၂,၀၀၀ နီးပါးထိ တောင်းဆိုစာများ ရရှိခဲ့သည် ဟု ပြောကြားထားသည်။

Facebook က ဆက်လက်ပြောကြားသည်မှာ သူတို့ထံ ရာဇ၀တ်ပြစ်မှုဆိုင်ရာ အပြင် နိုင်ငံတော်လုံခြုံရေးဆိုင်ရာ တောင်းဆိုစာများကိုပါ လက်ခံရရှိခဲ့ပြီး၊ ၄င်းစာများအား ပြည်နယ် ဥပဒေ ထိန်းသိမ်းရေးအရာရှိများ နှင့် နိုင်ငံတော်လုံခြုံရေး ဌာနများမှ ရေးသားပေးပို့ခဲ့သည် ဟု ဆိုသည်။

Facebook မှ ယင်းတောင်းဆိုချက်၏ ၇၉ ရာခိုင်နှုန်းကို လိုက်လျောခဲ့ရသည်ဟု ထုတ်ဖော်ပြောကြားခဲ့သည်။
“ တောင်းဆိုချက်တိုင်းကို မတုံ့ပြန်မှီ ကျွန်တော်တို့ရဲ့ စည်းမျဉ်းများ၊ ဥပဒေကြောင်းအရစာပေးစာယူ ပြဋ္ဌာန်းချက်တွေနဲ့ ကိုက်ညီမှုရှိမရှိကို သေချာ စစ်ဆေးပြီးမှ ပေးအပ်ခဲ့ခြင်းဖြစ်ပါတယ်။ တောင်းဆိုချက်တိုင်း အတွက် တရားဝင်ခြင်းနဲ့ကြောင်းကျိုးပြ အသေးစိပ် ရှင်းလင်းချက်တွေကို ပေးဖို့လိုအပ်ပါတယ် ” ဟု Facebook ၏ အတိုင်ပင်ခံ ကောလင်း စထရက်ခ်ျ (Colin Stretch) က ဆိုသည်။

“ တောင်းဆိုချက်များကို ကျွန်တော်တို့ တတ်နိုင်သမျှငြင်းဆိုခဲ့ပါတယ်။ ထို့အတူ ဥပဒေနဲ့အကျုံးမ၀င်တဲ့၊ ရှင်းလင်းစွာဖော်ပြမှု မရှိတဲ့ တောင်းဆိုချက်များ ကို ပြန်ပို့ခြင်းအားဖြင့် တော်တော် များများ တုန့်ပြန်ခဲ့ကြရပါတယ်။ ကျွန်တော်တို့ဆီ တောင်းဆိုချက်တစ်ခုရောက်လာလို့ ပေးရမယ်ဆိုယင် အသုံးပြုသူရဲ့ အမည်နာမ စတဲ့ အခြေခံအချက်အလက်များကိုသာပေးအပ်လေ့ရှိပါတယ် ” ဟု စထရက်ခ်ျ ၏ ပြောကြားချက်ကို The Hill မှ ဖော်ပြခဲ့သည်။

Facebook သည် အမေရိကန်ထံမှ ရရှိသော ပြည်ပထောက်လှမ်းရေး နှင့် နိုင်ငံတော်လုံခြုံရေးဆိုင်ရာ အချက်အလက်များကို ဖွင့်ချဖော်ပြခွင့်မရှိကြောင်း ဥပဒေမှ တားမြစ်ထား၏။

အမေရိကန်လူမျိုးသတင်းပေး အက်ဒ်ဝါဒ် စနိုးဒန် (Edward Snowden) မှ နိုင်ငံတော်လုံခြုံရေးဌာန၏ သူလျှိုလုပ်ငန်းအကြောင်း ဖော်ထုတ်ခဲ့ပြီးနောက် အင်တာနက် နှင့် ဆက်သွယ်ရေးဆိုင်ရာကုမ္ပဏီအသီးသီးတို့သည် ယခုအခါတွင် ဖိအားပေးမှုများစွာကို ခံနေကြရသည်။

အလားတူစွာပင် နည်းပညာ နှင့် အင်တာနက်ဆိုင်ရာ အခြားကုမ္ပဏီများဖြစ်သော Google ၊ Microsoft နှင့် Twitter တို့သည်လည်း ထိုကဲ့သို့သော တောင်းဆိုမှုနှင့် ပတ်သက်သည့် သတင်းများအား ထုတ်ပြန်ခဲ့သည် ဟု သိရသည်။

AT/HJ