အိုင်းစတိုင်းထက် IQ မြင့်သော အိန္ဒိယသူ

သြဂုတ် ၃၀၊ ၂၀၁၃
M-Media Knowledge ကဏ္ဍ
ရှာဖွေတင်ဆက်သူ – မိုးတိမ်

UK မှာ နေထိုင်တဲ့ အိန္ဒိယသူ တစ်ဦးရဲ့ IQ စမ်းသပ်ချက်မှာ မယုံနိုင်စရာကောင်းလောက်အောင် ၁၆၂ မှတ်ရရှိခဲ့ပြီး လူတိုင်းကို အံ့အားသင့်စေခဲ့ပါတယ်။ ဒီအမှတ်ဟာ ဘီလ်ဂိတ်၊ စတီဗင်ဟော့ကင်းနှင့် အိုင်းစတိုင်းတို့ထက်ပင် ပိုများနေပါတယ်။ အိန္ဒိယဒေါက်တာ မိဘနှစ်ပါးရဲ့သမီး Neha Ramu ဟာ Mensa IQ စမ်းသပ်ချက် တစ်ခုမှာ သူ့အသက်အတွက် အမှတ်အမြင့်ဆုံးဖြစ်နိုင်တဲ့ ၁၆၂ မှတ် အပြည့်ရရှိခဲ့ပါတယ်။

ဒီအမှတ်က ဆယ်ကျော်သက်အရွယ် ကောင်မလေးကို UK ရဲ့ ဥာဏ်အထက်မြက်ဆုံး ၁ ရာခိုင်နှုန်းစာရင်းထဲကို ရောက်စေပြီး အမှတ် ၁၆၀ ပိုင်ရှင်တွေဖြစ်တဲ့ ရူပဗေဒပညာရှင် စတီဗင်ဟော့ကင်း နဲ့ သိပ္ပံပညာရှင် အိုင်းစတိုင်းတို့ထက် ပိုတော် ပိုထက်တယ်လို့ ဆိုလိုနေပါတယ်။

British Mensa ရဲ့ပြောရေးဆိုခွင့်ရှိသူက “Neha ဟာ Cattell IIIB မေးခွန်းမှာ ၁၆၂ မှတ်ရရှိခဲ့ပြီး နိုင်ငံရဲ့ ထိပ်ဆုံး ၁ ရာခိုင်နှုန်းထဲကို ရောက်စေပါတယ်” လို့ဆိုပါတယ်။ Neha ရဲ့မိဘတွေဟာ အရင်က အိန္ဒိယမှာနေခဲ့ပြီး သူတို့သမီးလေး ၇ နှစ်အရွယ်မှာ ဗြိတိန်ကို ပြောင်းရွှေ့ခဲ့တယ်လို့ ‘The Telegraph’ သတင်းစာမှာ ဖော်ပြထားပါတယ်။

ကိုးကား – The Telegraph