မလေးရှားနိုင်ငံ တစ်ဝှမ်း တရားမဝင် နေထိုင်သူများကို အထူးစီမံချက်ဖြင့် စီစစ်ဖမ်းဆီးနေ (ဓါတ်ပုံသတင်း)

စက်တင်ဘာ ၁ ၊ ၂၀၁၃
M-Media
ဓါတ်ပုံ – Myo Kyaw Myaing FB

ယနေ့ စက်တင်ဘာ ၁ ရက်နေ့တွင် မလေးရှားနိုင်ငံ ကွာလာလမ်ပူမြို့တွင် မလေးရှားအာဏာပိုင်များမှ ယခင် အပတ်များအတွင်း ကြိုတင် သတင်းထုတ်ပြန်ကြေညာထားသည့် အတိုင်း တရားဝင်နေထိုင် အလုပ်လုပ်သူများ ကို စတင် စီစစ်ဖမ်းဆီးနေပြီဖြစ်ပါသည်။

ဖမ်းဆီးရမိသူများအားလုံးကို တရားမဝင်နေထိုင်သူများကို ထိမ်းသိမ်းမည့် လဝက ထိန်းသိမ်းရေး စခန်းများ၁၂ ခုသို့တိုက်ရိုက်ပို့သွားမည်ဖြစ်ကြောင်းကို လည်း သြဂုတ်လ ၂၈ ရက်နေ့ထုတ် The Star သတင်းစာတွင် အစိုးရ တာဝန်ရှိသူ တစ်ဦးဖြစ်တဲ့ Datuk Alias Ahmad ပြောကြားချက်ကို ဖော်ပြထားပါသည်။

ဖမ်းဆီးခံရသော တရားမဝင် အလုပ်သမားများကို မိခင်နိုင်ငံသို ချက်ခြင်းပြန်ပို့မည်ဖြစ်ကြောင်း မလေးရှားနိုင်ငံထုတ် သတင်းစာများတွင် ရေးသားဖော်ပြထားသည်။

ဓါတ်ပုံ ရှင်းလင်းချက်- ယနေ့မနက် ကွာလာလမ်ပူ တရုတ်တန်းရှေ့ SM ကုန်တိုက်ရှေ့တွင် မလေးရှားအာဏာပိုင်များ တရားမဝင်အလုပ်သမား ဖမ်းဆီးရေး အထူးစီမံချက် ဖြင့် ဖမ်းဆီးနေပုံ ဓါတ်ပုံများဖြစ်ပါသည်။