စိတ်နဲ့ ဆေးလိပ်

လူတွေဘာ့ကြောင့် ဆေးလိပ်ဖြတ်ဖို့ လက်တွန့်နေကြတာလဲ???

ဒီမေးခွန်းကို  ကျွန်တော့်အဖေနဲ့ဆွေမျိုးတွေအပါအ၀င် ကျွန်တော့်ပတ်ဝန်းကျင်က ဆေးလိပ်သောက်နေတဲ့လူတွေတော်တော်များများကို မေးခဲ့ဖူးပါတယ်။ အဖြေတွေကတော့အမျိုးမျိုးပြောကြတယ် ဒါပေမယ့် နောက်ဆုံးနိဂုံးကတော့ သူတို့ ဆေးလိပ်ကိုစွဲမှန်းမသိ စွဲနေတာဆိုတာနဲ့ မဖြတ်နိုင်ဘူးဆိုတာနဲ့ပဲ ပြီးသွားကြတယ်။ ဆေးလိပ်နဲ့ပတ်သတ်တဲ့ အန္တရာယ်တွေ နောက်ဆက်တွဲဖြစ်လာမဲ့ဆိုးကျိုးတွေ မသိလို့လားဆိုတော့လဲ မဟုတ်ပါဘူး  ဆေးလိပ်သောက်တဲ့လူတွေ အကုန်လုံးနီးပါးလိုလို သိကြပါတယ်။

မီဒီယာတွေ ဂျာနယ်တွေနဲ့ စာစောင်တွေထဲမှာလဲ အမျိုးမျိုး ဖော်ပြထားကြပါတယ်။ ယုတ်စွအဆုံးသူတို့ သောက်မဲ့ဆေးလိပ်ဗူးပေါ်မှာကို ဖြစ်လာတတ်နဲ့ နောက်ဆက်တွဲဆိုးကျိုးရဲ့ ပုံတွေနဲ့ ကိုရောင်းနေတာပဲ။အဲ့ဒါလဲ တစ်ရှိုက်မက်မက် သောက်နေကြတုန်းပါပဲ။ လူတွေက အခုဆိုရင် ဖြစ်လာမှသာ ဖြစ်တော့ဆိုတဲ့ပုံစံနဲ့ ဆေးလိပ်ကို မဖြတ်တော့ပဲ ဖြတ်ဖို့ မကြိုးစားတော့ပဲ စိတ်အလိုကိုလိုက်ပြီး သောက်နေကြပါတယ်။ ကြော်ငြာတွေ ပညာပေးတွေမတိုးတော့ဘူးဆိုတဲ့ ( advertisement desensitization) ဆိုတာကို ဆေးလိပ်သောက်တဲ့လူတော်တော်များများမှာ တွေ့နေရပါတယ်။

အဲ့ဒီတော့ ဘာ့ကြောင့် သူတို့ကိုယ်သူတို့ မပြောင်းလဲ ချင်ရတာလဲ ဆိုတဲ့ ကိစ္စနဲ့ပတ်သတ်ပြီး smoking and psychology ဆိုတဲ့ အကြောင်းတွေကို လိုက်ဖတ်မိပါတယ်။ ဆေးလိပ်သောက်ခြင်းက လူတစ်ယောက်ရဲ့ စိတ်ကို ဘယ်လောက်လွှမ်းမိုးနိုင်လဲနဲ့ စိတ်ကရော အဲ့ဒီဆေးလိပ်သောက်ခြင်းကို ဘယ်လို ပြန်ပြီးတွန်းလှန်နိုင်လဲ ဆိုတာနဲ့ပတ်သတ်ပြီး ဖတ်မိတဲ့အခါ ကျွန်တော် ဒီအကြောင်းလေးကိုရေးဖို့ စိတ်ကူးမိသွားတယ်။ ကြော်ငြာတွေ ရောဂါအမျိုးမျိုးတွေ ပြပြီး ခြောက်ပြီး ဖြတ်ခိုင်းတာထက်စာရင် ကိုယ့်စိတ်ကိုယ် ကိုယ်နားလည်ပြီး ဘာဆက်လုပ်သင့်တယ်ဆိုတာကို အကောင်းဆုံးဆုံးဖြတ်ကြည့်မယ်ဆိုရင် အကျိုးပိုရှိနိုင်မလားပိုပြီး အထောက်အကူဖြစ်နိုင်မလားဆိုပြီး ကျွန်တော် ဒီစာလေးကို ရေးမိလိုက်တာပါ။ ကျွန်တော် လက်လှမ်းမီသလောက် ဥာဏ်မီသလောက် ရေးထားတာဖြစ်တဲ့အတွက် အမှားများပါရင် ခွင့်လွှတ်ပေးကြပါ လို့ ကြိုပြီးတောင်းပန်ချင်ပါတယ်။

လူတွေ ဘာ့ကြောင့် ဆေးလိပ်သောက်ကြလဲ?                                                                      

လူတိုင်းမှာ ဆေးလိပ်သောက်ရတဲ့ အကြောင်းအမျိုးမျိုးရှိကြပါတယ်။

–       စိတ်ဖိစီးမှုများလို့ စိတ်ထွက်ပေါက်ရှာခြင်း

–       မိမိ အသိုင်းအ၀ိုင်း ပတ်ဝန်းကျင်တွင် ဆေးလိပ်သောက်သူများရှိသောကြောင့်လိုက်လျောညီထွေဖြစ်ရန် သောက်ရခြင်း

( peer pressure)

–       အရသာကို ကြိုက်နှစ်သက်ခြင်း

–       ဆေးလိပ်ကိုင်ထားလျှင်( သို့မဟုတ်) သောက်နေလျှင် မိမိကိုယ်ကိုယ် စတိုင်ကျသည် ဆွဲဆောင်မှုရှိသည်ဟု ထင်မြင်နေမိခြင်း

–       မိမိ ချစ်ခင်လေးစားသောသူများ(admire persons)မှာ ဆေးလိပ်သောက်ကြသဖြင့် အားကျကာ လိုက်လံအတုယူခြင်း စသဖြင့် အကြောင်းအရင်းအမျိုးမျိုးနဲ့ ဆေးလိပ်ကို သောက်ကြပါတယ်။ ဒါတွေက ယေဘုယျ ဖြစ်ပျက်နေကြတဲ့ ဆေးလိပ်သောက်ရတဲ့ အကြောင်းအရင်းတွေပဲ ဖြစ်ကြပါတယ်။ အဲ့ဒီလို အကြောင်းတစ်ခုခုနဲ့လူတစ်ယောက်က ဆေးလိပ် စသောက်မိလိုက်ပြီဆိုရင်  စပြီး ပထမဆုံး ဆေးလိပ် တစ်လိပ်ကို ကုန်အောင်သောက်လိုက်တဲ့အချိန်ကစ လို့ သူ့မှာ ဆေးလိပ် စွဲဖို့အတွက် အခွင့်အရေးက သာမာန်လူတွေထက် ပိုများသွားလေ့ရှိပါတယ်။

Nicotine (နီကိုတင်း) ၏ စွမ်းဆောင်ချက်များ                       

 ၁ ။ ဆေးလိပ်၏ ဇာတ်လိုက် Nicotine (နီကိုတင်း)  

ဆေးလိပ်ထဲမှာ ပါတဲ့ လူစွမ်းကောင်းကြီး nicotine (နီကိုတင်း)  ရဲ့စွမ်းဆောင်ချက်တွေပါ။ လူတော်တော်များများသိကြပါတယ် နီကိုတင်းက ကျန်းမာရေးကို ထိခိုက်စေတယ် မကောင်းဘူးဆိုတာ ဒါပေမယ့် သူက ဘယ်လိုတွေလုပ်ဆောင်လို့ လူတွေကို ဒုက္ခပေးနေလဲ ဆိုတာကို တော့ မသိကြတာ များပါတယ်။ လူတစ်ယောက်က ပထမဆုံးဆေးလိပ် စသောက်လိုက်တဲ့ အခါမှာ ပထမဆုံးတစ်ရှိုက်မှာထဲကိုက အဲ့ဆေးလိပ်ထဲမှာ ပါတဲ့ နီကိုတင်းဓာတ်က ဦးနှောက်ထဲကို ၇ စက္ကန့်ကနေ ၁၀ စက္ကန့်အတွင်း ရောက်သွားပါတယ်။

အဲ့ဒီဦးနှောက်ထဲမှာ ( Dopamine) လို့ ခေါ်တဲ့ ဦးနှောက်ထဲမှာ စိတ်ပိုင်းဆိုင်ရာနဲ့ပတ်သတ်တဲ့ အလုပ်တွေကို လုပ်ဆောင်နေတဲ့ messenger (ပို့ဆောင်သူ) သဘောမျိုးဆောင်တဲ့ ဒိုပါမင်းရဲ့ လုပ်ဆောင်မှုစွမ်းရည်တွေကို သူက အစားထိုးယူဖို့ကြိုးစားတယ်။ ဒိုပါမင်းက စိတ်သာယာမှုတွေ တက်ကြွမှုတွေ ( mood, pleasure) အစရှိတာတွေနဲ့ပတ်သတ်တဲ့ ဦးနှောက်ရဲ့ ဓာတုဗေဒဖြစ်စဉ် ( brain chemistry) ကို ထိန်းသိမ်းပေးတဲ့ အရာတစ်ခုဖြစ်တယ်။

နီကိုတင်းက ဒိုပါမင်းပေးတာထက်ကိုပိုတဲ့ စိတ်ခံစားမှုမျိုး( pleasure) ကို အခိုက်အတန့်လေး ပိုကြာရှည်ပေးလိုက်တယ်။ အဲ့ဒီအခါမှာ လူတွေက အဲ့ဒီအရသာကိုနှစ်သက်လာတယ် ပြီးတော့ထပ်ပြီး သောက်ကြည့်ဖို့ကြိုးစားကြတယ်။ နီကိုတင်းက နောက်ပိုင်းမှာ ဦးနှောက်ထဲမှာ လုံးလုံးလျားလျားနေရာယူဖို့အထိဖြစ်လာတယ်။ မသောက်ရင် မနေနိုင်တဲ့အထိ ဖြစ်လာအောင် သူက ကြိုးပမ်းတယ်။သွေးထဲမှာ နီကိုတင်းဓာတ်နည်းလာပြီဆိုတာနဲ့ နောက်ထပ်ဆေးလိပ်သောက်ဖို့ကို ပုံစံအမျိုးမျိုးနဲ့ အချက်ပေးလာခဲ့တယ်။

ခံတွင်းချဉ်တာတို့ လက်တွေတုန်လာတာလို့ ဘာမှမလုပ်ချင် မကိုင်ချင်ဖြစ်နေတာတို့နဲ့ စလာခဲ့တယ်။ အဲ့ဒါနဲ့တစ်လိပ်သောက်ကြည့်တယ်သက်သာမလား ပေါ့ ပြိးတော့ နောက်တစ်လိပ်သောက်ကြည့်တယ် အဲဒီလိုနဲ့ပဲ ဆေးလိပ်စွဲရတဲ့ဘ၀အထိ ရောက်သွားကြတယ်။ တစ်ချို့တွေက ဖြတ်ဖို့ကြိုးစားကြတယ် ဒါပေမယ့် နီကိုတင်းရဲ့ စွမ်းအင်ကိုက ဆေးလိပ်ဖြတ်လိုက်တဲ့အခါ အလုံအလောက်မရတဲ့အခါမှာ စိတ်ဝင်စားမှုစွမ်းအင်ကျလာတာ(loss of concentration), စိတ်ကျရောဂါဆန်ဆန်ခံစားလာရတာ ( depression)စတဲ့လက္ခဏာတွေပြလာတဲ့အခါမှာ လူတွေက မလွန်ဆန်နိုင်ကြတော့ဘူး ခံစားရမှာ ကြောက်လာတယ်။ နောက်မှ ရောဂါဖြစ်လို့ ခံစားရမှာထက် လောလောလတ်လတ် ခံစားနေရတာကို အဆင်သင့်သလိုပဲ ဖြေရှင်းကြတယ်။ ဒီလိုနဲ့ ဆေးလိပ်စွဲတဲ့လူတွေ တစ်နေ့ထက် တစ်နေ့ များများလာခဲ့ကြတယ်။

၂ ။ မိမိနှင့်မသက်ဆိုင်သော ကုမ္မဏီများ၏ လောဘ

ဆေးလိပ်ကိုအဓိက တင်သွင်းနေကြတဲ့ ကုမ္ပဏီတွေရဲ့ လောဘပါ။ စီးကရက် ရောင်းနိုင်အားမြှင့်လာဖို့အတွက် နီကိုတင်းရဲ့ စွမ်းအားကို သိနေကြတဲ့ ထုတ်လုပ်သူတွေက စီးကရက်ထဲမှာ နီကိုတင်းပမာဏကို ပိုထည့်လာကြပါတယ်။ Havard school က public health researchers တွေ လုပ်ခဲ့တဲ့ study အရဆိုရင် ၁၉၉၈ ခုနှစ် နဲ့ ၂၀၀၅ ခုနှစ်အတွင်းမှာ ဆေးလိပ်ကုမ္ပဏီတွေရဲ့ နီကိုတင်းပမာဏ ထည့်သွင်းမှုနှုန်းဟာဆိုရင်  စီးကရက်တစ်လိပ်ကို ၁၁% အထိ ပိုမြင့်လာခဲ့ပါတယ်။ နီကိုတင်းပမာဏများလေ စီးကရက် ဖြတ်နိုင်တဲ့နှုန်းထားက ပိုမိုကျဆင်းလာပြီး ဆေးလိပ်စွဲသူတွေ ပိုမိုများပြားလာခဲ့ပါတယ်။

၃ ။ အကျင့်ပြုလုပ်ခြင်း ။

မိမိကိုယ်ကိုယ် အကျင့်လုပ်ခြင်းပါ။ တစ်ချို့တွေက မိုးလင်းတာနဲ့ကော်ဖီလေးနဲ့  ဆေးလိပ်လေးနဲ့တွဲသောက်လိုက်ရမှ ၊ တစ်ချို့ကျတော့ စာအုပ်တို့ စာစောင်ဖို့ဖတ်နေတဲ့အချိန် ဆေးလိပ်သောက်လိုက်ရမှ ၊ တစ်ချို့ကျတော့ ထမင်းစားပြီးတာနဲ့ဆေးလိပ်သောက်လိုက်ရမှ အဲ့လိုမျိုးတွေ နဲ့မိမိကိုယ်ကိုယ်ဆေးလိပ်စွဲအောင် အကျင့်လုပ်တတ်ကြပါတယ်။ အဲ့လို အကျင့်လုပ်တတ်ခြင်းဟာဆိုရင် ကြာလာတဲ့အခါမှာ မိုးလင်းမှာ ကော်ဖီနဲ့တွဲသောက်တဲ့အဆင့်မဟုတ်တော့ပါဘူး ကော်ဖီဆိုတာကိုမြင်တာနဲ့ ဆေးလိပ်ကို သောက်ချင်လာပါတော့တယ်။ စာစောင်ကို ကိုင်လိုက်တာနဲ့ ဆေးလိပ်သောက်ချင်တဲ့ အာသီသ ပြင်းပြလာပါတော့တယ်။ အဲ့ဒီလိုမျိုးနဲ့ မိမိကိုယ်ကိုယ် အကျင့်ဖျက်ပြိး ဆေးလိပ်ကို စွဲစေကြတာပါ။

ဆေးလိပ်ဖြတ်ရန်စိတ်ပိုင်းဆိုင်ရာပြင်ဆင်မှု

လူတွေက ဆေးလိပ်ဖြတ်ချင်တယ် ဆေးလိပ်မသောက်မှဖြစ်တော့မယ် ဆိုပြီး ပါးစပ်က ပြောကြပါတယ်။ တကယ်လက်တွေ့လုပ်ဆောင်ဖို့ကိုတော်တော်များများ မလုပ်ကြပါဘူး။ တစ်ချို့ကတော့လုပ်ကြပါတယ် ဆေးလိပ်ဖြတ်လိုက်တယ် မသောက်တော့ဘူး ဒီနေ့ဆို ဒီနေ့ပဲ ချက်ခြင်းကိုမသောက်တော့ပဲနေလိုက်တယ်။ ဒါပေမယ့် ကိုယ့်ကိုယ်ကိုယ် ကြိုတင်ပြင်ဆင်ပြီးမှ ဖြတ်တာ မဟုတ်တဲ့အခါကျရင် ဆုံးဖြတ်ချက်က မတည်မြဲပဲ အကြောင်းအရာ ခိုင်ခိုင်လုံလုံမရှိပဲ ကို အလိုလို ဆေးလိပ် ပြန်သောက်တတ်ကြပါတယ်။ ဒီနေရာမှာ ကျွန်တော်တို့ ဒုတိယနှစ် psychology သင်တုန်းက Dr.James Bell ရဲ့ ကိုယ့်ကိုယ်ကိုယ် ထိန်းချုပ်နည်း အချက် ၈ ချက် (8 steps of self control) ဆိုတာလေးကို ဒီနေရာလေးမှာ သုံးချင်ပါတယ်။ ဒီသီအိုရီက အရက်ဖြတ်တာ ဆေးလိပ်ဖြတ်တာတင်မဟုတ်ပါဘူး မိမိကိုယ်တိုင် တစ်ခုခု ကို လုပ်ဆောင်ချင်ပြီ ဒါမှမဟုတ် စနစ်တကျ အကောင်အထည်ဖော်ချင်ပြီ ဆိုတဲ့အခါကျရင် သုံးစွဲလို့ရတဲ့ သီအိုရီလေးပါ။ ဒီနေရာမှာတော့ ဆေးလိပ်နဲ့ပတ်သတ်ပြီး ကိုယ့်စိတ်ကိုယ်ကိုယ်ဘယ်လိုများ နိုင်အောင်ထိန်းမလဲ ဘယ်လောက်အောင်မြင်အောင်လုပ်ကြည့်မလဲ ကြိုးစားကြည့်မလဲဆိုတာကိုဖော်ပြချင်ပါတယ်။

၁.မိမိ ဖြေရှင်းချင်တဲ့ လုပ်ဆောင်ချင်တဲ့ ပြသနာကို အရင်ရွေးချယ်ပါ။ (Select the problem)

မိမိက ဆေးလိပ်ဖြတ်ချင်တယ်လို့ ရည်ရွယ်ထားရင် ကိုယ်ကိုယ်တိုင် တကယ်ဖြတ်ချင်တာလား ? တကယ်ရော ရှေ့ဆက်ပြီးလုပ်ဆောင်နိုင်မှာလား? စိတ်ဓာတ်ရော ခိုင်ခိုင်မာ မာရှိရဲ့လား နဲ့ အချိန်အတိုင်းအတာ တစ်ခုကို ကိုယ့်ဘာသာ သတ်မှတ်ပြီး ဆုံးဖြတ်ချက် အရင်ချကြည့်ပါ။

၂။ မိမိ ဖြစ်စေချင်တဲ့ ရလဒ်ကို စာရွက်ပေါ်မှာပဲ ဖြစ်ဖြစ် ချရေးကြည့်ပါ။ ( Choose your target behavior)

ဆေးလိပ်ကို လုံးဝ ပြတ်သွားချင်တာမျိုးလား? ကိုယ့်စိတ်က မသေမချာတွေနဲ့ ခေတ္တပဲ ဖြတ်ဖို့ ကြိုးစားကြည့်တာလား၊

ဘယ်လိုမျိုးအတိအကျ ရည်မှန်းချက်ထားပြီး ဆေးလိပ်စွဲနေတာကို ဖြတ်အောင် ကြိုးစားရမလဲ? ဆိုတာတွေကိုမိမိကိုယ်ကိုယ်မေးခွန်းပြန်ထုတ်ပြီး ချရေးကြည့်ပါ။

၃။ မိမိကိုယ်မိမိ လေ့လာပါ ၊စောင့်ကြည့်ပါ. (Self –Observation)

ဒီအချက်မှာတော့ မိသားစုတွေ သူငယ်ချင်းတွေရဲ့ အကူအညီကိုယူနိုင်ပါတယ်။ ကိုယ့်ရဲ့ ပြောင်းလဲ လာတဲ့အပြုအမူနဲ့ပတ်သတ်ပြီး သူတို့ရဲ့ထင်မြင်ချက်တွေနဲ့ ပိုကောင်းလာနိုင်မဲ့နည်းလမ်းတွေကို အကြံဥာဏ်ယူသင့်ပါတယ်။ မိမိကိုယ်ကိုယ်လဲ ကိုယ်ထားတဲ့ရည်မှန်းချက်နဲ့ပတ်သတ်ပြိး record လေးဖြစ်ဖြစ်ထားသင့်ပါတယ်။ ဘယ်လိုတွေပြောင်းလဲလာလဲဆိုတာ မိမိကိုယ်ကိုယ်သုံးသပ်နိုင်အောင်လို့ပါ။

၎။ မိမိနဲ့ကိုက်ညီမဲ့ ဖြေရှင်းနိုင်မဲ့နည်းလမ်းကိုရှာပါ။ ( Analyze observations and brainstorm possible solutions)

ဒီနေရာမှာ နည်းအမျိုးမျိုးရှိပါတယ်။ ဆေးလိပ်ဖြတ်နည်းဆိုတာမှာလဲ လူတွေတဲ့ခံယူချက်နဲ့ လုပ်ဆောင်ချက်ဖော်မူတည်ပြီးပုံစံအမျိုးမျိုးကွဲသွားပါတယ်။ တစ်ချို့က တကယ်ကို ပြင်းပြတဲ့ အာသီသနဲ့ဖြတ်ချင်တာဆိုရင် မိမိစိတ်ကိုနိုင်တဲ့အခါမှာ ဘာဆေးအကူအညီမှမလိုပဲနဲ့လဲ ဖြတ်နိုင်ပါတယ်။ ဥပမာ အစားထိုးပေါ့ ခံတွင်းချဉ်လာတဲ့အခါ ပီကေစားတာတို့။ သကြားလုံးငုံတာတို့ လိုနည်းမျိုးတွေပေါ့။ နောက်တစ်နည်းကတော့ ခုခောတ်စားနေတဲ့nicotine pad လို့ခေါ်တာလေးတွေနဲ့ nicotine addiction ကို ဖြေဖျောက်ကြတာပါ။ ဒါကတော့ ကိုယ်ရွေးချယ်တဲ့နည်းလမ်းပေါ်မှာမူတည်ပါတယ်။ ကိုယ့်ရှေ့က တကယ်ဆေးလိပ်ဖြတ်သွားတဲ့လူတွေရဲ့အတွေ့အကြုံတွေကိုမေးကြည့်ပါ။ ဘယ်လို အပြုအမူမျိုးက ကိုယ့်အတွက် သင့်တော်မလဲ ဆိုတာ ရွေးကြည့်ပါ။ ဆေးလိပ်ဖြတ်ရင် ဖြစ်လာမဲ့ နောက်ဆက်တွဲခံစားရမှုအတွက်လဲ စိတ်ထဲက ကြိုတင်ပြင်ဆင်ထားကြည့်ပါ။

၅။ ဆေးလိပ်ဖြတ်ဖို့ကို မိမိနဲ့သင့်တော်မဲ့နည်းလမ်းကို ဆုံးဖြတ်ပြီး အစီအစဉ်ဆွဲလုပ်ဆောင်ကြည့်ပါ။ ( Designing a plan)

ဒီအချိန်က နည်းနည်းခက်ခဲတဲ့အချိန်ဖြစ်တတ်ပါတယ်။ မိမိရှေ့က ဆေးလိပ်ဖြတ်သွားတဲ့သူတွေရဲ့အတွေ့အကြုံတွေနဲ့  မိမိကိုယ်တိုင်ခံစားလာရမှာတွေက ခြောက်လှန့်နေတတ်ပါတယ်။အဲ့ဒီအတွက် ဆေးလိပ် ဖြတ်ခြင်းရဲ့ ကောင်းခြင်းတွေကိုပဲ အရင်တွေးပါ။ တွေဝေမနေပဲ မိမိကိုယ်တိုင် ဆုံးဖြတ်ချက်ကို ခိုင်ခိုင်မာမာချပါ။ တကယ်ခံစားလာရတဲ့အချိန်ကျရင် ကိုယ့်ကိုယ်ကိုယ်ဘယ်လိုပြင်ဆင်ထားမလဲဆိုတာ ရယ် အဲ့ဒီအချိန်မှာ တခြား နည်းလမ်းတွေနဲ့ ဆေးလိပ် သောက်တာကို ဖြစ်မလာနိုင်အောင်ဘယ်လိုတားမလဲ ဆိုတာတွေရယ်ကို ကြိုတင်စဉ်းစားထားပါ။ ဒီအချက်မှာပဲ နောက်တစ်ခုက  မိမိရဲ့လုပ်ဆောင်နေကျ အကျင့်တွေ ကော်ဖီသောက်တာနဲ့ဆေးလိပ်သောက်ချင်တာတို့ စာအုပ်ဖတ်တာနဲ့ ဆေးလိပ်ကိုတောင့်တလာတာတို့ အဲ့လိုမျိုးအကျင့်တွေကို အတတ်နိုင်ဆုံး ရှောင်ကြဉ်ကြည့်ပါ။ မိမိ ပတ်ဝန်းကျင်မှာ လည်း ဆေးလိပ်ပြန်သောက်လာနိုင်အောင်စေ့ဆော်တဲ့အရာတွေ လူတွေ နဲ့ တတ်နိုင်သမျှ ဝေးဝေးနေကြည့်ပါ။ နောက်ဆုံးအချက်ကတော့ မိမိကို အားပေးမဲ့ မိသားစုတွေနဲ့ သူငယ်ချင်းတွေရဲ့အကူအညီကိုယူပါ။ ဆေးလိပ်ဖြတ်တဲ့အခါ လူက အလိုလိုနေရင်း အထီးကျန်ဆန်နေတတ်တာ ( loneliness), အားငယ်နေတတ်တာတွေဖြစ်နေတတ်တဲ့ အခါမှာ မိမိပတ်ဝန်းကျင်မှာ အားပေးမဲ့လူတွေ ရှိနေဖို့လိုအပ်ပါတယ်။

၆။ မိမိရဲ့ ရည်မှန်းချက်အတိုင်း စတင်လုပ်ဆောင်ပါ။ ( Put your plan to action)

ဒီအဆင့်မှာ ပထမ ငါးဆင့်လုံးမှာ လုပ်ခဲ့တာတွေ ပြင်ဆင်ခဲ့တာတွေအကုန်လုံးနဲ့ စပြီး ဆေးလိပ်ကို ဖြတ်ဖို့ ကြိုးစားကြည့်ပါ။ ကိုယ့်မှာလဲ လုံလောက်တဲ့ အချက်အလက်တွေနဲ့ ခိုင်မာတဲ့စိတ်ဓာတ်ရှိနေပြီဆိုရင် ဒီအဆင့်က လွယ်လွယ်ကူကူနဲ့ ဖြတ်သန်းသွားနိုင်မှာပါ။ အပေါ်က အချက်တွေနဲ့စိတ်ပိုင်းဆိုင်ရာ ပြင်ဆင်မှုတွေက ဖြတ်တဲ့အခါမှာလွယ်ကူလာစေပါတယ်။ အဓိကက နီကိုတင်းကို တောင့်တနေတဲ့ စိတ်ကို တွန်းလှန်နိုင်ဖို့ပါပဲ။ အဲ့ဒီအတွက် မိမိမှာ ခိုင်မှာတဲ့စိတ်ဓာတ်နဲ့ ယုံကြည်ချက် ရှိနေဖို့လိုအပ်ပါတယ်။

၇။ မိမိရဲ့အပြုအမူတွေ အကုန်လုံးကို အမြဲ သုံးသပ်နေပါ။ ( evaluate and revise your plan)

ဒီအချက်မှာ ဆိုရင် ဆေးလိပ်ဖြတ်နေတဲ့ကာလအတွင်းမိမိကိုယ်ကိုယ်ယုံကြည်မှုရှိနေဖို့နဲ့ ကိုယ့်အပြုအမူတွေ မှားမသွားအောင် လုပ်ခဲ့တာတွေ သဲထဲရေသွန်မဖြစ်အောင် ကိုယ့်ကိုယ်ကိုယ်သုံးသပ်နေဖို့အတွက်လိုအပ်ပါတယ်။ ကိုယ်လုပ်ခဲ့တာ ဘယ်နေရာမှာများ မှားနေလဲ ဘယ်လိုများ ပြောင်းလဲ ပစ်လိုက်ရင် အကောင်းဆုံးဖြစ်လာမလဲ ဆိုတဲ့ စိတ်တွေနဲ့ မိမိယုံကြည်မှုကို အကောင်းဆုံးဖြစ်အောင် တည်ဆောက်ကြည့်ပါ။

၈။ မိမိရဲ့ ပြောင်းလဲလာမှုကို ထိန်းသိမ်းထားပါ ( maintain the changes that you have developed)

ဒီအချက်ကလဲ အရေးကြီးတဲ့အချက်ပါ။ မိမိ ရှေ့က ပြောင်းလဲလာသမျှကို ထိန်းသိမ်းထားဖို့ အတွက် လိုအပ်ပါတယ်။ ဒါမှမဟုတ်ရင် ဒီနေ့ဖြတ် နောက်နေ့ကျ ပြန်သောက်ဆိုတာမျိုးတွေ ဖြစ်လာမှာပါ။ အဲ့ဒီတော့ ရှေ့က ကိုယ်လုပ်ခဲ့သမျှတွေ အရာထင်အောင် ပြောင်းလဲလိုက်တဲ့အပြုအမူကိုထိန်းသိမ်းထားဖို့အတွက်လိုအပ်ပါတယ်။ ..

ဒီအချက်တွေကတော့ ဆေးလိပ်ဖြတ်ဖို့အတွက်အသုံးဝင်မယ်ထင်ဖို့ တင်ပြလိုက်တာလေးတွေပါ။ မိမိ ဆေးလိပ်သောက်တော့မယ် ဆိုရင် အရင်ဆုံး ကိုယ့်ကိုယ်ကိုယ်ထိခိုက်မှာရယ်နဲ့ ကိုယ့်ပတ်ဝန်းကျင်က လူတွေ ထိခိုက်မှာရယ်ကို အရင်ဆုံးတွေးကြည့်ပါ။ ခု ကမ္ဘာပေါ်မှာ သေဆုံးမှု အများဆုံးက ဆေးလိပ်ကိုယ်တိုင်သောက်တဲ့လူတွေထက် တစ်ဆင့်ခံ ဆေးလိပ်ငွေ့ရတဲ့ လူတွေပါ ( secondary smoker)။ သူတို့တွေထဲမှာ ကလေးငယ်ငယ်လေးတွေပါတယ် ကိုယ်ဝန်သည်တွေပါတယ် နာမကျန်းဖြစ်နေတဲ့လူတွေပါတယ် ကိုယ်ခံအား အားနည်းနေတဲ့လူတွေပါတယ်။ ဒါကြောင့် မိမိဆေးလိပ်သောက်တော့မယ်ဆိုရင် ပထမဆုံး ပတ်ဝန်းကျင်ကို အရင် စာနာ ကြည့်ပါလို့ ပြောချင်ပါတယ်။

ကျွန်တော် ဒီစာကိုရေးရတယ်ဆိုတာက ကျွန်တော်ကိုယ်တိုင်က anti-smoker ဖြစ်နေလို့မဟုတ်ပါဘူး။ ဆေးလိပ်သောက်ပြီးဖြတ်ဖို့မလွယ်ဘူးဆိုတာလဲ နားလည်ပါတယ်။ ဆေးလိပ်သောက်သူတွေရဲ့ ခံစားချက်ကိုလဲ ကိုယ်ချင်းစာမိပါတယ်။ ဒါပေမယ့် လူဆိုတာ စိတ်ဆောင်ရင် အရာရာဖြစ်ပါတယ်။ မိမိမှာ တကယ်ပဲ ဆေးလိပ်ကိုဖြတ်ချင်တဲ့အာသီသရှိမယ်ဆိုရင် ကျွန်တော် ခုရေးပေးတဲ့ နည်းလမ်းလေးတွေနဲ့ ကြိုးစားကြည့်ပါ။ ဆေးလိပ်သောက်နေတဲ့လူတွေကို ဆေးလိပ်ဖြတ်ဖို့ ကျွန်တော် မတိုက်တွန်းသလို ဆေးလိပ်သောက်ဖို့လဲ မတိုက်တွန်းပါဘူး။ မိမိဘာသာ ကိုယ်ပိုင်အသိနဲ့ဆုံးဖြတ်ပြီးတော့ အကောင်းဆုံးကိုလုပ်ဆောင်နိုင်ကြပါစေလို့ပဲ အားပေးချင်ပါတယ်။

စူးရှအိမ် (6:33pm.15-Oct-2011)

ကိုးကား

http://www.netdoctor.co.uk/smoking/psychologicalinfluences_000509.htm

http://www.scientificpsychic.com/health/smoking-psychology.html

http://www.livestrong.com/article/99211-psychological-problems-caus…

http://quitsmoking.about.com/od/nicotine/a/nicotineeffects.htm