အိုင်ယာလန်တွင် အကြီးဆုံးဗလီ တည်ဆောက်ခွင့်ရရှိ

စက်တင်ဘာ- ၃ ၊၂၀၁၃
M-Media

ဗလီဝတ်ကျောင်း အကျိုးဆောင်သူများက မွတ်စ်လင်မ် မဟုတ်သူများပါ ကြိုဆိုမည့် ပွင့်လင်း အသိုင်းအ၀ိုင်း တစ်ရပ် ထူထောင်ရန် မျှော်လင့်ထားကြသည်။

လူနည်းစုမွတ်စ်လင်မ်တို့၏ဘာသာရေးလိုအပ်ချက်အား ဖြည့်စွမ်းပေးရန်အလို့ငှာ ဒဗ်လင် စီမံရေးရာအာဏာပိုင်များက ဒဗ်လင်မြို့မြောက်ပိုင်း ကလုန်းဂရစ်ဖင် (Clongriffin) မြို့တွင် အိုင်ယာလန်၏အကြီးဆုံးဗလီဝတ်ကျောင်းတော် တည်ဆောက်ရန် လက်ခံခွင့်ပြုလိုက်ပြီဖြစ်သည်။

“ နေရာတိုင်းမှာ အဆိုးမြင်မှုနဲ့တင်းမာမှုတွေ ဖြစ်နေတဲ့ကြားက ဒါဟာ အိုင်ယာလန်မွတ်စ်လင်မ်အသိုင်းအ၀ိုင်းအတွက်ရော အရှေ့အလယ်ပိုင်းအတွက်ပါ အကောင်းမြင်မှုကို ဖြစ်ထွန်းစေပါတယ်။ ကျွန်တော်တို့ကို နေရာပေးခြင်းတစ်ရပ် ဖြစ်ပါတယ် ” ဟု ကလုန်းဂရစ်ဖင်ဗလီတည်ဆောက်ရေး ပရောဂျက်အကျိုးဆောင် အဗ်ဒုလ် ဟစီးဗ် မှ The Irish Times သို့ ပြောကြားခဲ့သည်။

အိုင်ယာလန်အာဏာပိုင်များမှ ကမကထပြုသည့် စီမံကိန်းဘုတ်အဖွဲ့မှ ဗလီတည်ဆောက်ခွင့်ပြုကြောင်း ဆုံးဖြတ်ထုတ်ပြန်ခဲ့သည်။

၅၅၇၃ မီတာပတ်လည်ပေါ်တွင် အထပ် ၃ ထပ်ရှိ ဗလီကိုတည်ဆောက်ရန် လျာထားသည်။ ယင်းအဆောက်အဦတွင် သောကြာနေ့ဝတ်ပြုသူပေါင်း ၅၅၀ ၀င်ဆန့်ပြီး ပွဲလမ်းအခမ်းအနားအတွက် လူ ၃၀၀၀ အထိ တက်ရောက်နိုင်မည်ဟု ခန့်မှန်းကြသည်။ တည်ဆောက်ရေးကုန်ကျစားရိတ်မှာ ပေါင်စတာလင် သန်း ၄၀ ၀န်းကျင် ဖြစ်၍ စွယ်စုံအသုံးချအစ္စလာမ့်စင်တာတစ်ခုအနေနှင့် ရည်မှန်းထားကြသည်။ ဗလီတွင် ၀တ်ပြုရေးဖိတ်ခေါ်မျှော်စင် ၂ ခု၊ ယဉ်ကျေးမှုဌာနတစ်ခု နှင့် ၀တ်ပြုခန်းမတစ်ဆောင် ပါဝင်မည်ဟု သိရသည်။

ယင်းစီမံကိန်း၌ ရုံးခန်းများ၊ နေ့ကလေးထိန်းကျောင်း၊ စာအုပ်ဆိုင်၊ စာကြည့်တိုက်၊ ဈာပနဆိုင်ရာအခန်း၊ ထိုင်ခုံ ၆၀၀ ဆန့် စည်းဝေးခန်းမ၊ စားသောက်ဆိုင်၊ မူလတန်းနှင့်အလယ်တန်းကျောင်းအပြင် ရေကူးကန်၊ အားကစားရုံ၊ ရေနွေးငွေ့သုံးအပူပေးခန်း စသည်တို့ပါဝင်သည့် လေလုံမိုးလုံ ၂ ထပ်ဆောင်ကျန်မာရေးစင်တာတစ်ခုလည်း ထည့်သွင်းအကောင်အထည်ဖော်မည်ဖြစ်သည်။

ဗလီတည်ဆောက်ခွင့်ပြုလိုက်ခြင်းအပေါ် အိုင်ယာလန်မွတ်စ်လင်မ်များမှ အလွန်ကြည်နှူးဝမ်းမြောက်လျက်ရှိသည်။

“ ၀မ်းမြောက်ခြင်းနဲ့အတူတစ်ချိန်တည်းမှာဘဲ  သိမ်ငယ်မှုကို ကျွန်တော်တို့ ခံစားလိုက်ရတယ်။ ဘာဖြစ်လို့လဲဆိုတော့ ဒီစီမံကိန်းက သိပ်ကြီးပြီး လုပ်စရာတွေ ဒုနဲ့ဒေး ဖြစ်သွားလို့ပါ ”။

ဗလီဝတ်ကျောင်းအကျိုးဆောင်သူများက မွတ်စ်လင်မ်မဟုတ်သူများပါကြိုဆိုမည့် ပွင့်လင်းအသိုင်းအ၀ိုင်းတစ်ရပ် ထူထောင်ရန် မျှော်လင့်ထားကြသည်။
“ မည်သူမဆို ပါဝင်နိုင်အောင် ကျွန်တော်တို့ ကြိုးစားသွားပါမယ်။ စိန်ခေါ်မှုများစွာ ရှိဦးမယ်ဆိုတာ ကျွန်တော်တို့ သိထားပါတယ်။ ဒေသတွင်း လူ့အဖွဲ့အစည်းခေါင်းဆောင်နဲ့ဒေသခံတွေကို ဖိတ်ခေါ်ပြီး အတူတစ်ကွ ဆွေးနွေးပြောဆိုရဦးမှာ ဖြစ်တာကြောင့်ပါဘဲ။ ကျွန်တော်တို့က မွတ်စ်လင်မ်အသိုင်းအ၀ိုင်းအတွက်ပဲ အဓိက ရည်ရွယ်ထားခဲ့တာဖြစ်ပေမယ့် အခုအခါမှာတော့ ဒေသခံတွေအားလုံးကိုလည်း ဖိတ်ခေါ်ပါဝင်စေမှာဖြစ်ပါတယ် ” ဟု ပရောဂျက်အကျိုးဆောင် အဗ်ဒုလ် ဟစီးဗ် မှ ဆိုသည်။

ဒေသခံများကလည်း အလုပ်အကိုင်အခွင့်အလမ်းများပြားလာသဖြင့် ဤစီမံကိန်းပြုရန်ဆုံးဖြတ်ချက်ကို ကြိုဆိုလိမ့်မည်ဖြစ်ကြောင်း လုပ်သားတစ်ဦးဖြစ်သူ TD Sean Kenny က ပြောပြ၏။

အိုင်ယာလန်လူဦးရေ ၄.၅ သန်းအနက် မွတ်စ်လင်မ်တို့မှာ ၁.၁ ရာခိုင်နှုန်းရှိသည်။ လွန်ခဲ့သော နှစ် ၂၀ က မွတ်စ်လင်မ်ဦးရေမှာ ၄၀၀၀ ခန့်သာရှိခဲ့သည်။ ပြောင်းရွှေ့အခြေချသူများ၊ မွေးဖွားမှုများ နှင့် ကူးပြောင်းသက်ဝင်လာသူများအားဖြင့် များပြားလာကြသည်။ ၂၀၁၁ ခုနှစ်စစ်တမ်းအရ ကျောင်းနေအရွယ်ကလေးငယ် တစ်သောင်းနှစ်ထောင်အပါအ၀င် မွတ်စ်လင်မ်လူဦးရေ ၄၉၂၀၄ ဦး ရှိပြီး ၂၀၀၆ ခုနှစ်မှစ၍ ၅၁ % ထိ တိုးတက်လာခဲ့သည်။

Ref : OnIslam