စက်တင်ဘာလ ၃ ၊ ပြည်တွင်းနှင့် နိုင်ငံတကာ သတင်းအကျဉ်းစုစည်း

M-Media
စက်တင်ဘာလ- ၃ ရက် ၂၀၁၃

ရဲအချင်းချင်း မန္တလေးတွင် ပစ်ခတ်မှုဖြစ်

မန္တလေး မှုခင်းအကူတပ်ဖွဲ့ရုံးအတွင်း တာဝန်ကျနေသည့် ရဲအုပ်မောင်တင့်အား ဒုရဲအုပ်သိန်းသန်းစိုးမှ တာဝန်ကျရာ အခန်းတွင်းဝင်ရောက်ပြီး ခြောက်လုံးပြူးသေနတ်ဖြင့် နားထင်သို့ ပစ်ခတ်ခဲ့သဖြင့် ရဲအုပ်မောင်တင့် သေဆုံးသွားခဲ့သည်။ (ဧရာဝတီ)
…………………………………………..
သမ္မတ ဦးသိန်းစိန်နှင့် တရုတ်နိုင်ငံ ၀န်ကြီးချုပ် မစ္စတာ လီကာကျန်း နန်နင်းမြို့တွင် တွေ့ဆုံဆွေးနွေး

တရုတ်နိုင်ငံသို့ ရောက်ရှိနေသော မြန်မာနိုင်ငံ သမ္မတ ဦးသိန်းစိန်နှင့် တရုတ်ပြည်သူ့သမ္မတနိုင်ငံ ၀န်ကြီးချုပ် မစ္စတာ လီကာကျန်းတို့သည် နန်နင်းမြို့ လီယွမ် အပြည်ပြည်ဆိုင်ရာ အစည်းအဝေးခန်းမတွင် တွေ့ဆုံ၍ နှစ်နိုင်ငံဘက်စုံ မဟာဗျူဟာမြောက် ပူးပေါင်းဆောင်ရွက်ရေး၊ မိတ်ဖက်နိုင်ငံများနှင့် ဆက်ဆံရေးတို့ကို အမြင်ချင်းဖလှယ်၍ ဆွေးနွေးခဲ့ကြသည်။
(နိုင်ငံတော် သမ္မတရုံး)
…………………………………………..
ရခိုင်အမျိုးသား သမဂ္ဂ ၂၅-နှစ်မြောက် ကျင်းပခွင့်မရသော်လည်း တွေ့ဆုံပွဲအဖြစ် ပြောင်းလဲ ကျင်းပ

ရခိုင်အမျိုးသားသမဂ္ဂရဲ့ ၂၅-နှစ်မြောက် နှစ်ပတ်လည်နေ့ကို ယနေ့ နေ့လည်က တော်ဝင်နှင်းဆီမှာ ပြုလုပ်ခဲ့ပါတယ်။ ရခိုင်အမျိုးသားသမဂ္ဂအနေနဲ့ တရားဝင် မှတ်ပုံတင်မရှိတာကြောင့် အစိုးရဘက်က ခွင့်မပြုခဲ့သော်လည်း ရခိုင်တိုင်းရင်းသားများ တွေ့ဆုံပွဲဟု အမည်ပြောင်းကာ ကျင်းပခဲ့ပါတယ်။ (RFA)
…………………………………………..
ဆီးရီးယားပဋိပက္ခကြောင့် ဒုက္ခသည် ၂ သန်းအထိရှိလာ

ဆီးရီးယားတွင်ဖြစ်ပွားနေသည့် ပြည်တွင်းစစ်ကြောင့် ဒုက္ခသည်ဦးရေ နှစ်သန်းအထိရှိလာပြီဟု သိရသည်။ ထိုပမာဏမှာ လွန်ခဲ့သည့်တစ်နှစ်ကထက် ၁၀ ဆ တိုးလာခြင်းဖြစ်သည်။ ထို ၂ သန်းမှာ အိမ်နီးချင်းနိုင်ငံများရှိ ဒုက္ခသည်စခန်းများတွင်နေထိုင်နေရသူများဖြစ်ပြီး ဆီးရီးယားနိုင်ငံအတွင်း အိုးအိမ်စွန့်ခွာ ထွက်ပြေးရသူများမှာ ၄.၂၅ သန်းခန့်ရှိသည်ဟု ကုလသမ္မဂ္ဂက ထုတ်ပြန်သောကြေညာချက်တွင်ဖော်ပြထားသည်။ ၂၀၁၁ ခုနှစ်မတ်လကတည်းက စတင်ဖြစ်ပွားခဲ့သော ဆီးရီးယားပြည်တွင်းစစ်ကြောင့် လူပေါင်း ၁ သိန်းကျော် သေဆုံးခဲ့ပြီးဖြစ်သည်။
http://www.aljazeera.com/news/middleeast/2013/09/20139364935830495.html
…………………………………………..
နယူးယောက် ရဲအရာရှိတစ်ဦးအားတိုက်ခိုက်မှုဖြင့် ဗြိတိန် စစ်သားခြောက်ဦး စွဲချက်တင်ခံရ

ဗြိတိန်စစ်သားခြောက်ဦးမှာ နယူးယောက်ရဲအရာရှိတစ်ဦးအား တိုက်ခိုက်မှုအတွက် တရားစွဲဆိုခြင်းခံရပြီး ယခုတစ်ပါတ်အတွင်း တရားရုံးသို့ရုံးတင်ဖွယ်ရှိသည်ဟု ရဲတပ်ဖွဲ့ ပြောရေးဆိုခွင့်ရှိသူက ပြောကြားခဲ့သည်။ မက်ဟန်တန် Murray Hill neighborhood ရှိ အရက်ဘားအပြင်ဘက်၌ အသက် ၃၀ အရွယ်ရဲအရာရှိတစ်ဦးဒဏ်ရာရမှုနှင့် ပက်သက်ပြီး စစ်သား ၆ ဦးကို သောကြာနေ့ နံနက်ပိုင်းက ဖမ်းဆီးခဲ့သည်ဟု နယူးယောက် ရဲဌာန၏ ပြောရေးဆိုခွင့်ရှိသူ ဆာဂျင် သောမတ်စ် အန်တိုနက်တီက ပြောကြားခဲ့သည်။
http://edition.cnn.com/2013/09/02/justice/new-york-british-soldiers-arrested/index.html?hpt=ieu_c2
……………………………………………..
လစ်ဗျားထောက်လှမ်းရေးအရာရှိဟောင်း၏ သမီး ပြန်ပေးဆွဲခံရ

ကဒါဖီလက်ထက်က တာဝန်ထမ်းဆောင်ခဲ့သည့် လစ်ဗျားထောက်လှမ်းရေးအကြီးအကဲဟောင်း၏ သမီးဖြစ်သူမှာ ထရီပိုလီမြို့တွင် ပြန်ပေးဆွဲခံခဲ့ရသည်ဟုသိရသည်။ ထောက်လှမ်းရေးအကြီးအကဲဟောင်း အဗ်ဒူလာ အလ် ဆီနော့စ်ဆီ၏ သမီးဖြစ်သူ အနွတ်မှာ သူမ၏ ဖခင်အား တွေ့ဆုံရန် ထရီပိုလီမြို့ရှိ အလ် ရေယိုမီအကျဉ်းထောင်သို့ရောက်ရှိလာခဲ့ပြီး ထောင်မှအပြန်တွင်ပြန်ပေးဆွဲခံခဲ့ရခြင်းဖြစ်ကာ ထိုကိစ္စနှင့်ပက်သက်၍ ရဲတပ်ဖွဲ့က စုံစမ်းစစ်ဆေးနေသည်ဟု လစ်ဗျားအကျဉ်းဦးစီးဌာန အကြီးအကဲက ပြောဆိုခဲ့သည်။
http://www.aljazeera.com/news/middleeast/2013/09/20139301541688628.html
……………………………………………..
ဆီရီးယားရှိ ၎င်းတို့၏နိုင်ငံသားများအား ခေါ်ယူရန် အင်ဒိုနီးရှားဆောင်ရွက်မည်

အင်ဒိုနီးရှားနိုင်ငံသည် ပြင်ပနိုင်ငံများမှ ၀င်ရောက်တိုက်ခိုက်ရန် အခြေအနေရှိနေသည့် ဆီးရီးယားနိုင်ငံရှိ ၎င်းတို့၏ နိုင်ငံသားများအား ကာကွယ်ရန်နှင့် နေရပ်သို့ပြန်လည်ခေါ်ဆောင်ရန် ဦးစားပေးလုပ်ဆောင်သွားမည်ဟု ယမန်နေ့က ထုတ်ပြန်ကြေညာလိုက်သည်။ သြဂုတ်လတွင်း အင်ဒိုနီးရှားသည် ဆီရီယားရှိ အင်ဒိုနိုင်ငံသား ၅၀၀၀ အားပြန်လည်ခေါ်ယူရန် လေကြောင်းခရီးစဉ်ပေါင်း ၁၇၈ ခုကို စီစဉ်ပေးခဲ့ပြီး ၃၅၀၀ ကျော်မှာ ဌာနေသို့ပြန်လည်ရောက်ရှိခဲ့ကြသည်။ ဆီရီးယားအစိုးရ၏ ထုတ်ပြန်ချက်အရ ဆီးရီးယားနိုင်ငံတွင် အင်ဒိုနီးရှားနိုင်ငံသား ၁၂၅၀၀ ကျော်ရှိပြီး ယခုအချိန်တွင် ၃၈၀၀ ကျော်သာ ကျန်ရှိတော့သည်ဟု သိရသည်။
http://news.xinhuanet.com/english/world/2013-09/02/c_132685398.htm
………………………………………………..
တူနီးရှားနိုင်ငံတွင် ထောင်ဖောက်မှုဖြစ်ပွား

အာဖရိကနိုင်ငံတစ်ခုဖြစ်သည့် တူနီးရှားနိုင်ငံတွင် တနင်္ဂနွေနေ့ညက ထောင်ဖောက်မှုတစ်ခုဖြစ်ပွားခဲ့သည်ဟုသိရသည်။ တူနီးရှားနိုင်ငံအရှေ့တောင်ဘက် ဂါဘီဒေသတွင်ဖြစ်ပွားခဲ့ခြင်းဖြစ်ပြီး ထိုထောင်ဖောက်မှုအတွင်း ထွက်ပြေးခဲ့သည့် အကျဉ်းသား ၁၃ ဦးအား ထိန်းသိမ်းထားနိုင်ခဲ့ပြီး ၄၉ ဦးလွတ်မြောက်သွားသည်ဟု ရဲတပ်ဖွဲ့က ပြောကြားခဲ့သည်။
http://edition.cnn.com/2013/09/02/world/africa/tunisia-prison-break/index.html?hpt=iaf_c2