တူရကီတွင် လူသန်းပေါင်းများစွာ အတွက် ကုရ်အာန် သင်ရိုးများကို စီစဉ်နေ

စက်တင်ဘာ၊ ၅ ၊ ၂၀၁၃
M-Media

အန်ကာရာ။       ။ တူရကီ၏ခေတ်ပညာရေးစံနစ်၌ အစ္စလာမ့်အနှစ်သာရ များပြန်လည် ရရှိလာရန်  နိုင်ငံတစ်ဝှန်းရှိ ကျောင်းသား ၃ သန်းကျော်အတွက် ရည်ရွယ်ပြီး သာသနာရေးညွှန်ကြားမှုဦးစီးဌာနမှ ကုရ်အာန်သင်ရိုးများကို စီစဉ်လျက်ရှိသည်။

“ ကျမ်းမြတ်ကုရ်အာန်စောင်ရေ ၅ သိန်း နဲ့ လွယ်ကူရိုးရှင်း သာသနာ့ အခြေခံရေးရာ စာအုပ်စာတမ်းပေါင်း ၁၀ သန်းကို ကျောင်းသားတွေဆီ ဖြန့်ဝေလိုက်ပြီဖြစ်တယ်။ အသက်အရွယ်မရွေး ပညာအဆင့်အတန်း မရွေး ဖတ်ရှုလေ့လာနိုင်တဲ့ စာအုပ်တွေဖြစ်ပြီး၊ ကျောင်းသားကျောင်းသူ သာမက သူတို့မိဘတွေအတွက်ပါ အခမဲ့ဖြန့်ဖြူးခဲ့တယ်။ မူကြိုနဲ့ကျောင်းနေအရွယ် ကလေးများအတွက်လည်း နွေရာသီသင်တန်းတွေကို ဆက်လက် တိုးမြှင့်ဆောင်ရွက်သွားဦးမှာ ဖြစ်ပါတယ် ” ဟု သာသနာရေးညွှန်ကြားမှုဦးစီးဌာန၏ သင်တန်း အကျိုးဆောင်ဦးစီးမှူး အလီ အာဘတ်စ်မှ စက်တင်ဘာ ၂ ရက်၊ တနင်္လာနေ့တွင် Anadolu Agency သို့ ပြောကြားခဲ့သည်။

ယမန်နှစ်နွေရာသီကာလ၌ “ နှလုံးသားဖြင့် ကုရ်အာန်ကိုရေးသားဖို့ နွေရာသီသင်တန်းတက်ရောက်စို့ ” ဟူသော ဆောင်ပုဒ်ဖြင့် သင်တန်းများကို စီစဉ်ဆောင်ရွက်ခဲ့ကြသည်။

အစ္စလာမ့်အခြေခံ အသိပညာ သင်တန်းများကို နေရာအသီးသီးရှိ သင်တန်းဌာနပေါင်း ၇၂၄၃၉ ခုတွင် သင်တန်းဆရာပေါင်း ၁၁၅၁၈၃ ဦးဖြင့် သင်ကြားပေးကြခြင်းဖြစ်သည်။

နွေရာသီအကုန်တွင် တူရကီနိုင်ငံ တစ်ဝှန်းမှ ကျောင်းသူကျောင်းသားပေါင်း ၃ သန်းကျော်မှ တက်ရောက်နိုင်သည်အထိ် စီစဉ်ဆောင်ရွက်ခဲ့ကြသည်။ ယင်းအရေအတွက်အထိရောက်ရန် ဆောင်ရွက်ရသည်မှာ လွယ်ကူသည့်အလုပ် မဟုတ်ခဲ့ချေ။

သာသနာရေးညွှန်ကြားမှု ဦးစီးဌာနသည် အစ္စလာမ်နှင့်ကလေးငယ်များ ရင်းနှီးထိတွေ့စေမည့် ၄င်းအစီအစဉ်၌ ဖွင့်ပွဲအခမ်းအနားများ၊ ရင်သွေးပွဲတော်များ၊ အချက်အလက်ပေါင်း၂ သိန်းခွဲခန့်ရှိသည့် ပြခန်းများလည်း ပါဝင်ရန် အကောင်အထည်ဖော်သွားမည်ဟု အတ်ဘာ့စ်မှ ဆိုသည်။ ကလေးငယ်များအဖို့ တစ်နေ့တာအတွင် အနည်းဆုံး တစ်ကြိမ်ဝတ်ပြုမှုဆောင်ရွက်နိုင်စေရန် သင်တန်းအချိန်များကို အဆင်ပြေချောမွေ့အောင် စီစဉ်ထားသည်ဟုလည်း ထည့်သွင်းပြောကြားသွားသည်။

တူရကီနိုင်ငံ၏လူဦးရေ ၉၉ ရာခိုင်နှုန်းမှာ မွတ်စ်လင်မ်များဖြစ်ကြသည်။ သို့သော် ခရစ်ယာန်နှင့် ဂျူးလူ့အဖွဲ့အစည်းများလည်း အနည်းငယ်ရှိသည်။

ကျမ်းမြတ်ကုရ်အာန်တွင် အကြောင်းအရာအမျိုးမျိုးအတွက် ဖော်ပြထားသော ကဏ္ဍပုဒ်ရေပေါင်း ၁၁၄ ပါး ပါဝင်သည်။ ကလေးငယ်များကို သိတတ်စအရွယ်မှစပြီး ကျမ်းမြတ်ကုရ်အာန်နှင့်အစ္စလာမ့်စည်းမျဉ်းများကို သင်ကြားပေးရမည်မှာ မိဘတိုင်းအတွက် တာဝန်ဖြစ်သည်။ ထိုအရွယ်သည် အစ္စလာမ့်ကျင့်ဝတ်များကို မျိုးစေ့ချပေးရန် အကောင်းဆုံးကာလ ဖြစ်သောကြောင့်ဖြစ်၏။

ကျမ်းမြတ်ကုရ်အာန်ကို အာဂုံဆောင်ခြင်းသည် ဖန်ဆင်းရှင်၏ဗျာဒိတ်သတင်းများကိုထိန်းသိမ်းရန် အခရာအကျဆုံးနည်းလမ်းတစ်ခုအဖြစ်ပါဝင်သည်။

အခြားသောနည်းလမ်းများမှာ ပြင်ပတွင်လည်းကောင်း အင်တာနက်ပေါ်တွင်လည်းကောင်း ကျမ်းဂန် ကျမ်းချက်များကို ပြုစုရေးသား ထုတ်ဝေဖြန့်ချိခြင်း၊ တစ်ပါးသူများထံ ဖတ်ရွတ်သရဇ္ဈာယ်ပြခြင်း စသည်တို့ ဖြစ်ကြသည်။

“ အသင်တို့အနက် အကောင်းဆုံးလူသားမှာ ကျမ်းမြတ်ကုရ်အာန်ကို လေ့လာဆည်းပူးသင်ယူ၍ အများကို ပြန်လည် သင်ကြားဖြန့်ဖြူးပေးသူပင်ဖြစ်၏ ” ဟု တမန်တော် မုဟမ္မဒ် (ငြိမ်းချမ်းသာယာခြင်းနှင့်မင်္ဂလာအပေါင်းသက်ရောက်ပါစေ) မှ မိန့်ကြားတော်မူခဲ့ပေသည်။