စက်တင်ဘာ ၈ အားကစားသတင်းများ

စက်တင်ဘာ ၈ ရက်၊ ၂၀၁၃
M-Media

 ရူနီမပါဝင်သော အင်္ဂလန်အသင်းမှာ အရှုံးနှင့်ကြုံတွေ့ရလိမ့်မည်ဟု ယူကရိန်း တိုက်စစ်မှုးပြော

ယူကရိန်းအသင်း၏တိုက်စစ်မှူးဖြစ်သူ ယေ့ဗ်ဟန် ကိုနိုပလီယန်ကာက လာမည့်အင်္ဂါနေ့ ယူကရိန်းအသင်းနှင့် ကစားမည့် ရူနီမပါဝင်သော အင်္ဂလန်အသင်းမှာ အရှုံးနှင့်ကြုံတွေ့ရလိမ့်မည်ဟုပြောကြားခဲ့သည်။

အင်္ဂလန်အသင်း၏နည်းပြ ဟဒ်ဆန်ကလည်း ရူနီမပါဝင်ပါက ယူကရိန်းအားရင်ဆိုင်ရန်ခက်ခဲမည်ဟု အသင်းသားများအား သတိပေးထားသည်။

ကိုနိုပလီယန်ကာမှာ ပြီးခဲ့သည့် စက်တင်ဘာက ၀င်ဘလေကွင်းတွင်ကစားခဲ့သည့် အင်္ဂလန်အသင်းနှင့် ယူကရိန်အသင်းတို့ ၁ ဂိုးစီသရေကျခဲ့သည့်ပွဲတွင် ယူကရိန်းအတွက် ဦးဆောင်ဂိုးသွင်းပေးခဲ့သူဖြစ်သည်။ “ကျနော်တို့ကံမကောင်းလို့ လန်ဒန်မှာ အင်္ဂလန်ကိုမနိုင်ခဲ့တာပါ။ တကယ်တော့ ကျနော်တို့နိုင်ခဲ့သင့်ပါတယ်။ တစ်ပွဲလုံးကိုကျနော်တို့ထိန်းချုပ်ကစားနိုင်ခဲ့ပြီး နောက်ကျမှပေးခဲ့ရတဲ့ပင်နယ်တီကြောင့်သာ သူတို့ကွင်းမှာ သရေကျခဲ့တာပါ။ အဲဒီပွဲတုန်းကလည်း ရူနီမပါခဲ့ပါဘူး။

လာမယ့်ပွဲမှာ ရူနီမပါဘူးဆိုတော့ကျနော်တို့အတွက် သတင်းကောင်းပါ။ အင်္ဂလန်ကတော့မလွယ်ပါဘူး။ ကျနော်တို့နိုင်မယ်လို့ ယုံကြည်နေပါတယ်။” ဟု ကိုနီပလီယန်ကာက ပြောကြားခဲ့သည်။

လာမည့် အင်္ဂါနေ့တွင် ကမ္ဘာ့ဖလားခြေစစ်ပွဲအဖြစ် ယူကရိန်းအသင်းနှင့်ကစားရမည့် အင်္ဂလန်အသင်းတွင် ရူနီမှာ ဒဏ်ရာပြဿနာကြောင့်ပါဝင်နိုင်မည်မဟုတ်ဘဲ ၀ဲလ်ဘတ်မှာလည်း ပွဲပယ်ပြစ်ဒဏ်ကြောင့် ပါဝင်နိုင်မည်မဟုတ်ချေ။
……………………………………………………..
အင်္ဂလိပ်ကစားသမားများ ရှားပါးလာခြင်းက ပရီးမီးယားလိဂ်အား သိက္ခာကျစေသည်ဟု ဖာဒီနန်ဆို

မန်ချက်စတာယူနိုက်တက်အသင်း၏ အင်္ဂလန်လက်ရွေးစင်နောက်ခံလူဟောင်း ဖာဒီနန်က ပြည်တွင်းကစားသမားများအား မြေတောင်မြှောက်ပေးရန် ပရီးမီးယားလိဂ်တွင်အင်္ဂလိပ်ကစားသမားများ အချိုးကျပါဝင်စေသည့်စနစ်ကို ပြုလုပ်သင့်ကြောင်းပြောဆိုလိုက်သည်။

ပရီးမီးယားလိဂ်ကလပ်အသင်းများမှာ အင်္ဂလိပ်ကစားသမားများအပေါ် လုံလောက်သောယုံကြည်မှုမရှိဟု ယူဆနေသည့်ဖာဒီနန်က “မကြာခင်က ကစားသွားတဲ့ မန်စီးတီးအသင်းနဲ့ နယူးကာဆယ်တို့ရဲ့ပွဲကိုကြည့်ပါ။

ပွဲထွက်ကစားသမား ၂၂ ယောက်မှာ အင်္ဂလိပ်ကစားသမားတစ်ယောက်ပဲပါဝင်ပါတယ်။ ဒါဟာ သိက္ခာကျစရာပါ။

အဲဒါကိုကြည့်ပါ။ ပြီးရင် အင်္ဂလိပ်ကစားသမား အနည်းဆုံး ဘယ်လောက်ထည့်သင့်တယ်ဆိုတဲ့စည်းကမ်းချက် ရှိသင့်လားဆိုတာ ဆန်းစစ်ကြည့်ပါ။ ကျနော်ကတော့ ဒါမျိုးရှိသင့်တယ်လို့ထင်ပါတယ်။” ဟု Daily Mail သတင်းစာသို့ပြောကြားခဲ့သည်။
…………………………………………………………….
အကောင်းဆုံးပုံစံအား ပြန်လည်ရရှိမည်ဟု ကာကာယုံကြည်နေ

အေစီမီလန်အသင်းသို့ပြောင်းရွှေ့သွားသည့် ရီးယဲလ် တိုက်စစ်မှူးဟောင်း ကာကာက ယခင် ကမ္ဘာ့အကောင်းဆုံး ကစားသမားအဖြစ် သတ်မှတ်ခံခဲ့ရစဉ်က အရည်အသွေးများ ပြန်လည် ရယူနိုင်လိမ့်မည်ဟုယုံကြောင်း ပြောဆိုလိုက်သည်။

ကာကာမှာ စနေနေ့က Chiasso အသင်းအား ၄ ဂိုး ဂိုးမရှိဖြင့်အနိုင်ရရှိခဲ့သော ခြေစမ်းပွဲတွင်ပါဝင်ကစားခဲ့ပြီး အန်တိုနီယို နိုစီရီနိုသွင်းယူခဲ့သည့် ဂိုးအား ဖန်တီးပေးနိုင်ခဲ့သည်။

ရီးယဲလ်မက်ဒရစ်တွင် လေးနှစ်တာ ရုန်းကန်ခဲ့ရပြီး အသင်းဟောင်း အေစီမီလန်သို့ အလွတ်ပြောင်းရွှေ့ကြေးဖြင့်ပြောင်းရွှေ့ လာခဲ့သည့် ကာကာ က “ကောင်းမွန်တဲ့ ပွဲတစ်ခုပါ။

အေစီဟာ တိုးတက်ဖို့လိုအပ်နေပြီး တိုးတက်ဖို့ အတွက်လည်း အခွင့်အရေးရှိနေပါတယ်။ ကျနော့်ကိုယ်ပိုင် အမြင်အရပြောရရင် အသက် ၃၁ နှစ်ဆိုတာ အများကြီးသင်ယူပြီးခဲ့တဲ့အရွယ်ပါ။

ပြီးတော့ အခုကျနော်ဘောလုံးပေးပို့တဲ့အခါ အကောင်းဆုံး ပုံစံကိုရွေးချယ်ပြီး ပေးပို့ပါတယ်” ဟု စနေနေ့ပွဲအပြီးတွင် သတင်းထောက်များအား ပြောကြားခဲ့သည်။
……………………………………………………..
ရော်နယ်ဒိုနှင့်ဘေးလ်တို့မှာ အတူကစားနိုင်သည်ဟု အန်ဆယ်လော့တီဆို

ရီးယဲလ်မက်ဒရစ်အသင်း၏နည်းပြဖြစ်သူ အန်ဆယ်လော့တီက အသင်းရှိတိုက်စစ်မှူး ခရစ္စတီယာနိုရော်နယ်ဒိုနှင့် နွေရာသီအပြောင်းအရွှေ့ကာလတွင် ယူရိုသန်း ၁၀၀ ဖြင့်ပြောင်းရွှေ့လာခဲ့သည့် တိုက်စစ်မှူးသစ် ဂါရတ်ဘေးလ်တို့မှာ အတူတကွ ကစားနိုင်သည်ဟု ပြောဆိုလိုက်သည်။

အန်ဆယ်လော့တီအနေဖြင့် ထိုကစားသမားနှစ်ဦးအား အတူတကွထုတ်သုံးရန် ဖြစ်နိုင်မည်လားဟု ပူပန်မှုများ မြင့်တက်လာချိန်တွင် အန်ဆယ်လော့တီက ထိုကဲ့သို့ ပြောကြားလိုက်ခြင်းဖြစ်သည်။

“ကစားသမားနှစ်ယောက်လုံးရဲ့အကောင်းဆုံးအရည်အသွေးတွေကို ပြသနိုင်မယ့် ကစားကွက်တစ်ခုကို ရှာဖွေရမယ်လို့ကျနော်ထင်ပါတယ်။

ထိပ်တန်းကစားသမားတွေကို သက်တောင့်သက်သာခံစားရလာအောင်လုပ်ဖို့လိုအပ်ပါတယ်။ အရာရာတိုင်းဟာ ကောင်းမွန်သွားမှာပါ။ ရီးယဲလ်မက်ဒရစ်အသင်းဟာ အသင်းကြီးဖြစ်ပြီး၊ စနစ်တကျဖွဲ့စည်းထားတဲ့အသင်းပါ။” ဟု အန်ဆယ်လော့တီက Uefa.com သို့ ပြောကြားခဲ့သည်။
……………………………………………………..
ဂျူဗင်တပ်စ်၌သာ ကစားသမားဘ၀ကုန်ဆုံးမည်ဟု ဘူဖွန်ဆို

ဂျူဗင်တပ်စ်အသင်း၏ ၀ါရင့်ဂိုးသမားဖြစ်သူ ဘူဖွန်က ၎င်းအနေဖြင့် မည်သည်အသင်းကိုမှ ပြောင်းရွှေ့ရန် အစီအစဉ် မရှိဘဲ ဂျူဗင်တပ်စ်အသင်း၌သာ ကစားသမားဘ၀အား ကုန်ဆုံးမည်ဟု ပြောကြားလိုက်သည်။

ဘူဖွန်မှာ ၂၀၀၁ ခုနှစ်တွင် ပါးမားအသင်းမှ ယူရို ၅၁ သန်းဖြင့် ဂျူဗင်တပ်စ်အသင်းသို့ပြောင်းရွှေ့လာခဲ့ပြီး အသင်းအတွက် ပွဲပေါင်း ၄၃၀ ကျော်ကစားပေးခဲ့သူဖြစ်သည်။

အီတလီအသင်းက ဘူလ်ဂေးရီးယားအား ၁ ဂိုး ဂိုးမရှိဖြင့်အနိုင်ရရှိခဲ့သော ကမ္ဘာ့ဖလား ဥရောပဇုန်ခြေစစ်ပွဲတွင် လက်စွမ်းပြခဲ့သည့် ဘူဖွန်က “ကျနော့်ကစားသမားဘ၀ကို ဂျူဗင်တပ်စ်မှာပဲအဆုံးသတ်မှာပါ။

ဂျူဗီကကျနော့်ကို မငြီးငွေ့သ၍ ဂျူဗီကနေထွက်ခွာမယ်လို့ မစဉ်းစားမိပါဘူး။” ဟု ထိုပွဲအပြီးတွင် သတင်းထောက်များအား ပြောကြားခဲ့သည်။
……………………………………………………..
ဝင်းဂါးအား အာဆင်နယ် သက်တမ်းတိုးမည်

အပြောင်းအရွှေ့နောက်ဆုံးနေ့တွင် ရီးယဲလ်မက်ဒရစ်အသင်း၏ ကွင်းလယ်လူ မီဆု အိုဇေးလ်အားခေါ်ယူနိုင်ခဲ့ပြီးနောက် အာဆင်နယ်အသင်းသည် အသင်းနည်းပြ အာဆင်ဝင်းဂါးအား စာချုပ်သက်တမ်းတိုးတော့မည်ဟုသိရသည်။ ၀င်းဂါးနှင့် အာဆင်နယ်တို့၏ စာချုပ်သက်တမ်းမှာ ယခုနှစ်ဘောလုံးရာသီအကုန်တွင် ကုန်ဆုံးမည်ဖြစ်ပြီး ရာသီအစ အက်စတွန်ဗီလာအားရှုံးနိမ့်ခဲ့ပြီးနောက် အာဆင်နယ်အားပေးသူများအဖွဲ့မှ ၀င်းဂါးအားသက်တမ်းတိုးစာချုပ်ချုပ်ဆိုရန်ကိစ္စအား ဘေးဖယ်ထားရန်ကြေညာချက်ထုတ်ခဲ့သည်။ သို့ရာတွင် အာဆင်နယ်အသင်း၏ ပိုရှင်နှင့် အသင်းအမှုဆောင် ဥက္ကဌတို့က ၀င်းဂါးအား သက်တမ်းတိုးရန် ဆန္ဒရှိနေသည်။
………………………………………………..
ယူအက်စ်အိုးပင်းဖိုင်နယ်တွင် နာဒယ်လ်နှင့် ဂျိုကိုဗစ်တို့တွေ့ဆုံမည်

အမေရိကန်နိုင်ငံ၌ ကျင်းပပြုလုပ်နေသည့် ယူအက်စ်အိုးပင်းတင်းနစ်ပြိုင်ပွဲ အမျိုးသား ဆီးမီးဖိုင်နယ်ပွဲစဉ်များကို ယမန်နေ့ကကျင်းပပြုလုပ်ခဲ့ရာ ကမ္ဘာ့အဆင့် ၁ တင်းနစ်သမား နိုဗက်ဂျိုကိုဗစ်နှင့် ကမ္ဘာ့အဆင့် ၂ ရာဖေးနာဒယ်တို့ အသီးသီးအနိုင်ရရှိခဲ့သည်ဟု သိရသည်။

ဂျိုကိုဗစ်မှာ ကွာတားဖိုင်နယ်တွင် လက်ရှိချန်ပီယံအန်ဒီမာရေးအား အနိုင်ရရှိခဲ့သည့် ဆွဇ်တင်းနစ်သမား စတာနစ္စလတ်စ် ၀ါဝရင်ကာအား အကြိတ်အနယ်ကစားကာ ၂-၆၊ ၇-၆(၇-၄)၊ ၃-၆၊ ၆-၃၊ ၆-၄ အနိုင်ရရှိခဲ့သည်။ ယခုပွဲအနိုင်ရရှိမှုကြောင့် ဂျိုကိုဗစ်မှာ ယူအက်စ်အိုးပင်းဖိုင်နယ်သို့ လေးနှစ်ဆက်တိုက်တက်ရောက်နိုင်ခဲ့ခြင်းဖြစ်သည်။ “ကျနော်အသက်ရှင်နေတာ၊ ကျနော်လေ့ကျင့်ခဲ့တာ ဒီပွဲတွေအတွက်ပါ။ စတန်(ဂတ်စ်ကတ်)ဟာ ကြိုးကြိုးစားစား ကစားခဲ့တယ်ဆိုတာ ထင်ရှားပါတယ်။ သူဟာ ပိုကောင်းအောင်ကစားခဲ့ပါတယ်။ ကျနော်ဟာ တောင့်ခံနိုင်ဖို့အတွက် ကြိုးစားခဲ့ရပြီး ပျာယာခတ်ခဲ့ပါတယ်။ ကျနော်ကစားချင်သလောက် ကောင်းကောင်းမကစားနိုင်ခဲ့ပါဘူး။ ဒါပေမယ့် ကျနော်လိုအပ်တဲ့အချိန်မှာ အကောင်းဆုံးကစားနိုင်ခဲ့တဲ့အတွက် ကံကောင်းခဲ့ပါတယ်။” ဟာ ဂျိုကိုဗစ်က ပွဲအပြီးတွင်ပြောကြားခဲ့သည်။

အခြားဆီးမီးဖိုင်နယ်ပွဲစဉ်တစ်ခုဖြစ်သည့် နာဒယ်လ်နှင့် နိုင်ခြေအဆင့် ၈ ရှိ ပြင်သစ်တင်းနစ်သမား ရစ်ချက်ဂတ်စ်ကတ်တို့ပွဲတွင် နာဒယ်လ်က သုံးပွဲပြတ်ဖြင့် အနိုင်ရရှိခဲ့သည်။ ၂ နာရီနှင့် ၂၁ မိနစ်ကြာမြင့်ခဲ့သည့် အဆိုပါပွဲစဉ်တွင် နာဒယ်လ်က ၆-၊ ၇-၆၊ ၆-၂ ဖြင့်အနိုင်ရရှိခဲ့ပြီး ဂတ်စ်ကတ်နှင့် ၁၁ ကြိမ်တွေ့ဆုံမှုအတွင်း ၁၁ ကြိမ်မြောက်အနိုင်ရရှိခဲ့ခြင်းလည်းဖြစ်သည်။ “သိပ်ကိုအံ့အားသင့်စရာပါပဲ။ ယူအက်စ်အိုးပင်းဖိုင်နယ်ပွဲမှာကစားခွင့်ရတာဟာ ကျတော့်အတွက်တော့ အိပ်မက်တစ်ခုပါပဲ။” ဟု ပြောကြားခဲ့ပြီး “နိုဗက်(ဂျိုကိုဗစ်)ဟာ ထူးခြားတဲ့ ပြိုင်ဘက်တစ်ယောက်ပါ။ သူဟာ ဖိုင်နယ်ကိုအကြိမ်တော်တော်များများတက်ရောက်ဖူးပါတယ်။ သူဟာ ချန်ပီယံကောင်းတစ်ယောက်ဖြစ်ပြီး ကျနော့်အတွက်တော့ ခက်ခဲမယ့် ဖိုင်နယ်ပွဲတစ်ခုဖြစ်လာပါလိမ့်မယ်” ဟု ဖိုင်နယ်တွင်တွေ့ဆုံရမည့် ဂျိုကိုဗစ်နှင့်ပက်သက်၍ မှတ်ချက်ပေးပြောကြားခဲ့သည်။

ယူအက်စ်အိုးပင်းတင်းနစ်ပြိုင်ပွဲ အမျိုးသားနောက်ဆုံးဗိုလ်လုပွဲကို တနင်္လာနေ့ညပိုင်းတွင် ကစားမည်ဖြစ်ပြီး ဂျိုကိုဗစ်နှင့် နာဒယ်လ်တို့ တွေ့ဆုံယှဉ်ပြိုင်ရမည်ဖြစ်သည်။
…………………………………………………….
၂၀၂၀ အိုလံပစ်ပြိုင်ပွဲကျင်းပခွင့် တိုကျိုရရှိ

ဂျပန်နိုင်ငံ တိုကျိုမြို့သည် ၂၀၂၀ ခုနှစ်အိုလံပစ်ပြိုင်ပွဲ ကျင်းပခွင့်အား ရရှိသွားခဲ့ပြီဟု သိရသည်။ အာဂျင်တီးနားနိုင်ငံ ဗျူနိုအေရီးစ်မြို့တွင်ကျင်းပသည့် နိုင်ငံတကာအိုလံပစ်ကော်မတီအစည်းအဝေးတွင် မဲပေးရွေးချယ်ခဲ့ခြင်းဖြစ်ပြီး အိုလံပစ်ပြိုင်ပွဲကျင်းပရန်လျှောက်ထားခဲ့ကြသည့် မက်ဒရစ်နှင့် အစ္စတန်ဘူလ်တို့အား ကျော်ဖြတ်ကာ တိုကျိုက ကျင်းပခွင့်ရရှိခဲ့ခြင်းဖြစ်သည်။ ကျင်းပခွင့်ရသည့်နိုင်ငံအားကျေညာပြီးသည့်နောက်ပိုင်းတွင် တိုကျိုမြို့လမ်းမပေါ်ရှိ ဂျပန်ပြည်သူထောင်ပေါင်းများစွာတို့မှာ ပျော်ရွှင်စွာအောင်ပွဲခံခဲ့ကြသည်။