စက်တင်ဘာ ၉ အားကစားသတင်းများ

စက်တင်ဘာ ၉
M-Media
ကိုလေးစုစည်း တင်ဆက်သည်။

ဘေးလ်၏ပြောင်ရွှေ့ကြေးမှာ နားမလည်နိုင် စရာဖြစ်သည်ဟု ဇီဒိန်းပြော

ရီးယဲမက်ဒရစ်အသင်း၏ ဂန္တ၀င်ကစားသမား ဇီနဒင်းဇီဒိန်းက ရီးယဲလ်မှ ဘေးလ်အတွက်ပေးခဲ့ရသည့် ပြောင်းရွှေ့ကြေးအား နားမလည်နိုင်စရာတစ်ခုအဖြစ်ဖေါ်ပြခဲ့ပြီး မည်သည့်ကစားသမားမှ ထိုပြောင်းရွှေ့ကြေးနှင့် မထိုက်တန်ဟု ပြောကြားခဲ့သည်။ ဂါရက် ဘေးလ်မှာ ပရီးမီးယားလိဂ်ကလပ် စပါးအသင်းမှ ပြောင်းရွှေ့ကြေး ပေါင် ၈၅.၃သန်း(ယူရိုသန်း ၁၀၀ ၀န်းကျင်) ဖြင့် ရီးယဲလ်သို့ ၆ နှစ်စာချုပ်ဖြင့် ယခုအပြောင်းအရွှ့ရာသီပိတ်ခါနီးတွင် ပြောင်းရွှေ့လာခဲ့ခြင်းဖြစ်သည်။

ရီးယဲလ်မက်ဒရစ်အသင်း၏ လက်ထောက်နည်းပြအဖြစ်တာဝန်ထမ်းဆောင်နေသည့် ဇီဒိန်းမှာ ၂၀၀၁ခုနှစ်က ရီးယဲလ်သို့စံချိန်တင်ပြောင်းရွှေ့ကြေး ယူရို ၇၅ သန်းဖြင့်ပြောင်းရွှေ့လာခဲ့သူဖြစ်သည်။ ထိုစဉ်ကလည်း ဇီဒိန်းမှာ ထိုပြောင်းရွှေ့ကြေးအား မြင့်မားသည်ဟု ခံစားခဲ့ရပြီး လက်ရှိဈေးကွက်အရ ဘေးလ်ကဲ့သို့ ကစားသမားမျိုးအား ဤကဲ့သို့ပြောင်းရွှေ့ကြေးမြင့်မားစွာပေးဆောင်ရသည်ကို နားလည်ရန် ခက်ခဲကြောင်း ဖွင့်ဟခဲ့သည်။

ဘေးလ်မှာထိုပြောင်းရွှေ့ကြေးဖြင့် ထိုက်တန်ပါရဲ့လားဟု Canal Plus တီဗီချန်နယ်မှ မေးမြန်းရာတွင် “ခင်ဗျားအနေနဲ့ဒီမေးခွန်းကို နှစ်အလိုက်မေးဖို့လိုပါတယ်။ လွန်ခဲ့ဆယ်နှစ်ကဆို သူတို့(ရီးယဲလ်)က ကျနော့်ကို ယူရို ၇၅ သန်းနဲ့ခေါ်ခဲ့တယ်။ အဲလောက်မတန်ပါဘူးလို့ ကျနော်ပြောခဲ့ပါတယ်။ ဒီနေ့တော့ သူ့(ဘေးလ်) ကို မတန်ဘူးလို့ပြောရပါတော့မယ်။ ဈေးနှုန်းကို ကလပ်အသင်းနှစ်ခုက သဘောတူပြီးဆောင်ရွက်ကြတာဖြစ်လို့ အဲဒီလိုမလုပ်ပါနဲ့လို့ ဘယ်သူကမှ အတင်းအကျပ်ပြောလို့မရဘူး။

ဒါဟာ ဘောလုံးလောကပါ။ ကံမကောင်းစွာနဲ့ ဒီနေ့ခေတ်မှာ မတန်တဆဈေးတွေပေးနေရတာ နားမလည်နိုင်စရာပါပဲ” ဟု ဇီဒိန်းက ဖြေကြားခဲ့သည်။

အာဆင်နယ်ကို အလွတ်ကြေးဖြင့် ပြောင်းရွှေ့ခဲ့သင့်ဟု အိုဇေးလ်ပြော

အာဆင်နယ်အသင်းသို့ ကလပ်စံချိန်တင်ပြောင်းရွှေ့ကြေးဖြင့်ရောက်ရှိလာသည့် ကွင်းလယ်လူသစ်အိုးဇေးလ်က အာဆင်ဝင်းဂါးနှင့်စကားပြောပြီးနောက်ပိုင်းတွင် ရီးယဲလ်ရှိ သူ၏အခြေအနေအား အမှန်အတိုင်းမြင်လာခဲ့သည်ဟုပြောဆိုလိုက်သည်။

အိုဇေးလ်က အာဆင်နယ်အသင်းသို့အလွတ်ပြောင်းရွှေ့ကြးဖြင့်ပြောင်းခဲ့ရမည်ဟုဆိုပြီး၊ ရီးယဲလ်တွင် ပွင့်လင်းမြင်သာမှု၊ ယုံကြည်မှုနှင့် လေးစားမှုများ ပျောက်ဆုံးခဲ့သည်ဟု ၀န်ခံလိုက်သည်။

အပြောင်းအရွှေ့ဈေးကွက်နောက်ဆုံးနေ့တွင် ယူရို ၄၇ သန်းဖြင့်ရောက်ရှိလာခဲ့သည့် အိုဇေးလ်က ” ပြောရရင် အဲဒီ(အပြောင်းအရွှေ့အတွက် ၀င်းဂါးနဲ့) စကားပြောဆိုမှုက ကျနော့်ကို လှုပ်နှိုးလိုက်ပြီး ရီးယဲလ်မှာ ပွင်းလင်းမြင်သာမှု ယုံကြည်မှုနဲ့ လေးစားမှုတွေပျောက်နေတယ်ဆိုတာ ကျနော့်ကို အသိတရား ရစေခဲ့ပါတယ်။ ကျနော့်ကိုဘယ်လိုမြင်လဲ၊ ဘယ်လိုသုံးချင်လဲ၊ ကျနော်နဲ့ပက်သက်ပြီး ဘာတွေမျှော်လင့်ထားသလဲဆိုတာတွေကို သူ(၀င်းဂါး)က ကျနော့်ကိုပြောခဲ့ပါတယ်။

ပြောင်းရွှေ့ကြေးနဲ့ပက်သက်ပြီး ကျနော်ဘာမှလုပ်လို့မရပါဘူး။ အလွတ်ပြောင်းရွှေ့ကြေးနဲ့ ပြောင်းခဲ့ရမှာပါ” ဟု ဂျာမန်နေ့စဉ်သတင်းစာ Die Welt သို့ပြောကြားခဲ့သည်။

hippy crack မူးယစ်ဆေးရှူခဲ့သော အင်္ဂလန်ခံစစ်မှူး ဝေါလ်ကာ ပြန်လည်တောင်းပန်

hippy crack မူးယစ်ဆေးရှုနေသည့် ၎င်း၏ ဓာတ်ပုံ သတင်းစာတွင်ပါလာပြီးနောက် အင်္ဂလန်လက်ရွေးစင် အသင်း၏ နောက်ခံလူဖြစ်သူ ကီလီဝေါလ်ကာက ၎င်း၏လုပ်ရပ်အတွက် ပြန်လည်တောင်းပန်လိုက်သည်။

အင်္ဂါနေ့တွင် ကမ္ဘာ့ဖလားခြေစစ်ပွဲအဖြစ် ယူကရိန်းအသင်းနှင့် ကစားမည့်ပွဲအတွက် အင်္ဂလန်အသင်းနှင့်အတူ ယူကရိန်းနိုင်ငံ ကိဗ်မြို့သို့ရောက်ရှိနေသည့် ဝေါလ်ကာမှာ ညဘက် လမ်းထွက်လျှောက်စဉ် ဘောလုံးကဲ့သို့ အရာဝတ္ထု တစ်ခုဖြင့် ထို hippy crack မူးယစ်ဆေးအား ရှူနေခဲ့ခြင်းဖြစ်ပြီး ထိုပုံမှာ ယမန်နေ့ထုတ် သတင်းစာများတွင် ပါဝင်ခဲ့ကာ အင်္ဂလန်အသင်းအတွက် အရှက် ရစရာဖြစ်ခဲ့သည်။

“ကျနော့်ရဲ့လုပ်ရပ်တွေဟာ ကျနော့်ရဲ့ ဆင်ခြင်တုံတရား ညံ့ဖျင်းမှုကြောင့်ဆိုတာ ကျနော်လက်ခံပါတယ်။ ဒါတွေဟာ တခြားသူတွေကို အားပေးသလိုမျိုးဖြစ်သွားပြီး သူတို့ကိုကျန်းမာရေး အန္တရာယ်တွေနဲ့ ကြုံတွေ့ရမှာမျိုး မဖြစ်ဘူးလို့ ကျနော်မျှော်လင့်ပါတယ်” ဟု ဝေါလ်ကာ၏ကလပ် စပါး အသင်းကထုတ်ပြန်ခဲ့သည့် သူ၏ ကြေညာချက်တွင်ရေးသားထားပြီး၊ ထိုကြေညာချက် ထဲတွင် ဝေါလ်ကာက သူ၏ ထိုလုပ်ရပ်မှာ အင်္ဂလန်အသင်းအား ထိခိုက်စေသည့်ဟု ရေးသားထားကြောင်း အင်္ဂလန် အားကစား သတင်းစာ Sportsmail တွင် ဖော်ပြခဲ့သည်။ ယမန်နေ့ ညနေကလည်း ဝေါလ်ကာက သူ၏ တွစ်တာစာမျက်နှာတွင် “ယနေ့ဖြစ်ခဲ့တဲ့ ကျနော်ရဲ့အဖြစ်အပျက်တွေအပေါ်မှာ မြန်မြန်ဆန်ဆန် မှတ်ချက်မပေးခဲ့တဲ့ အတွက် ကျနော်တောင်းပန်ပါတယ်။

လာမည့် အင်္ဂါနေ့ အင်္ဂလန်ပွဲစဉ်အတွက် အာရုံစူးစိုက်ပြီး လေ့ကျင့်ခန်း ဆင်းနေပါတယ်” ဟု ရေးသားခဲ့သည်။ hippy crack မူးယစ်ဆေးမှာ နိုက်ထရတ်အောက်ဆိုက် ဓာတ်ငွေ့ဖြစ်ပြီး တနည်းအားဖြင့် ရယ်ရွှင်မှုစေရန်လှုံ့ဆော်သော ဓာတ်ငွေ့(laughing gas)ဖြစ်သည်။
ထိုဓာတ်ငွေ့မှာ မူးယစ်စေသော ဂုဏ်သတ္တိ အနည်းငယ်ရှိသောကြောင့် အပျော့စားမူးယစ်ဆေးဝါးအဖြစ်အသုံးပြုကြပြီး အလွန်အကျွံအသုံးပြုမိပါက အသက်အန္တရာယ်နှင့်ရင်ဆိုင်ရနိုင်သည်ဟု သိရသည်။
dailymail

အလ်ဘာမှာ ရောဘတ်တို ကားလို့စ်ထက်ပိုကောင်းလာမည်ဟု ကပ်ဒဗီလာပြော

စပိန်အသင်း၏နောက်ခံလူ ဂျိုအန် ကပ်ဒဗီလာက ဘာစီလိုနာအသင်း၏ ဘယ်နောက်ခံလူဖြစ်သူ တစ်နိုင်ငံတည်းသား ဂျော်ဒီအလ်ဗာမှာ ကမ္ဘာကျော်ဘရာဇီးလ် ဘယ်နောက်ခံလူဟောင်း ရော်ဘတ်တို ကားလို့စ်ထက် ပိုမိုကောင်းမွန်လာကာ၊ ကမ္ဘာ့အကောင်းဆုံး ဘယ်နောက်ခံလူ တစ်ယောက်အဖြစ် တိုးတက်လာ လိမ့်မည်ဟု ပြောဆိုလိုက်သည်။

အသက် ၂၄ နှစ်အရွယ်ရှိသည့် အလ်ဘာမှာ သောကြာနေ့က ဖင်လန်အသင်းအား ၂ ဂိုး ဂိုးမရှိဖြင့် အနိုင်ရရှိခဲ့သော ကမ္ဘာ့ဖလား ဥရောပဇုန်ခြေစစ်ပွဲတွင် စပိန်အတွက် တစ်ဂိုး သွင်းယူပေးခဲ့ပြီး စပိန်အသင်းအတွက် သူ၏ ငါးဂိုးမြောက်ဂိုးဖြစ်ခဲ့ကာ သူ၏ ကောင်းမွန်သော စွမ်းဆောင်ရည်အား ကပ်ဒဗီလာက ချီးကျူးခဲ့သည်။

“ဂျော်ဒီ(အလ်ဘာ) ဟာ အင်မတန်ပါရမီရှိတဲ့ ကစားသမားတစ်ဦးပါ။ သူဟာ ကမ္ဘာ့အကောင်းဆုံးဖြစ်လာမယ့် လမ်းကြောင်းပေါ်ရောက်နေပါတယ်။ သူဟာ ရော်ဘတ်တိုကားလို့စ်ထက်တောင်ပိုကောင်းလာပါလိမ့်မယ်” စပိန်အားကစားသတင်းစာ တစ်စောင်ဖြစ်သည့် မာကာသို့ ပြောကြားခဲ့သည်။

————————————————–

ကာဗာနီမှာ ပီအက်စ်ဂျီအသင်းအား တောင့်တင်းစေသည်ဟု မိုရာဆို

ကာဗာနီအား အသင်းသို့ရောက်ရှိစေခဲ့သည့် ပဲရစ်စိန့်ဂျာမိန်းအသင်း၏ နွေရာသီခေါ်ယူမှုအား ကွင်းလယ်လူ လူးကပ်စ်မိုရာက ချီးကျူးပြောဆိုလိုက်သည်။

ဥရုဂွေးတိုက်စစ်မှူး ကာဗာနီမှာ အီတလီကလပ်နာပိုလီမှ ပြင်သစ်စံချိန်တင်ပြောင်းရွှေ့ကြေး ယူရို ၆၄ သန်းဖြင့် ပီအက်စ်ဂျီသို့ ပြောင်းရွှေ့လာခဲ့ခြင်းဖြစ်ပြီး မိုရာက ကာဗာနီမှာ  လာဘ်မြင်သောကစားသမားတစ်ဦးဖြစ်သည်ဟု ယုံကြည်နေသည်။

“ပီအက်စ်ဂျီဟာ အသင်းကောင်းတစ်သင်းပါ။ ပြီးတော့ သူတို့ဟာ အသင်းပိုမိုတောင့်တင်းဖို့အတွက် ကာဗာနီလိုကစားသမားမျိုးကို ခေါ်ယူနိုင်ခဲ့ပါတယ်။” ဟု မိုရာက ပြောကြားခဲ့သည်။

————————————-

ဘာကာကွင်းလယ်ဖန်တီးရှင် အင်နီယေစတာ အသင်းနှင့်သက်တမ်းတိုးတော့မည်

ဘာစီလိုနာအသင်း၏ ကွင်းလယ်လူ အန်ဒရီယက်စ် အင်နီယေစတာမှာ အသင်းနှင့်စာချုပ်သက်တမ်းတိုးတော့မည်ဟု ဘာစီလိုနာအသင်း၏ ဥက္ကဌဖြစ်သူ ဆန်ဒရိုရော့ဆဲလ်က ပြောကြားလိုက်သည်။

TV3 ပရိုဂမ်တစ်ခု၏ အင်တာဗျူးတွင် ရော့ဆဲလ်က လာမည့်သီတင်းပတ်အများအတွင်း အင်နီယေစတာ၏ သက်တမ်းတိုးစာချုပ် ချုပ်ဆိုမှုအား ကြေငြာနိုင် လိမ့်မည်ဟု မျှော်လင့်ကြောင်း ပြောကြားခဲ့သည်။

“အင်နီယေစတာဟာ ကျနော်တို့အတွက် အဓိကကစားသမားတစ်ယောက်ပါ။ ဘာစီလိုနာအသင်းအတွက် နောက်ထပ်သတင်းကောင်းတစ်ခုကတော့ အင်နီယေစတာ စာချုပ်သက်တမ်းတိုးမယ့် သတင်းပဲဖြစ်ပါတယ်” ဟုပြောကြားခဲ့သည်။

အသက် ၂၉ နှစ်အရွယ်ရှိ အင်နီယေစတာမှာ ဘာစီလိုနာအသင်းနှင့် ၂၀၀၅ ခုနှစ်တွင် စတင်ပွဲထွက်ခဲ့ပြီး ဘာကာအတွက် ပွဲပေါင်း ၂၄၂ ပွဲ ပွဲထွက်ခွင့်ရခဲ့သည်။
Ref: Goal.com
——————————————–

အီတူးရောက်ရှိလာခြင်းမှာ အသင်းတွက် အားသစ်ဖြစ်စေသည်ဟု ချယ်ဆီး နည်းစနစ်ဒါရိုက်တာဆို

ချယ်ဆီးအသင်း၏ နည်းစနစ်ဒါရိုက်တာဖြစ်သူ မိုက်ကယ် အီမီနာလိုက အသင်းသို့ အီတူးရောက်ရှိလာခြင်းမှာ အသင်း၏တိုက်စစ်ကို အားအင်သစ်ဖြစ်စေသည်ဟု ပြောဆိုခဲ့သည်။ ချယ်ဆီးအသင်းမှာ မန်ယူတိုက်စစ်မှူး ၀ိန်းရူနီအားခေါ်ယူရန်ကြိုးစားခဲ့သော်လည်း မခေါ်ယူနိုင်ခဲ့ပေ။

အီတူးမှာ ယခုချယ်ဆီးနည်းပြ မော်ရင်ဟို စီးရီးအေကလပ်အင်တာအသင်းအားကိုင်တွယ်ခဲ့စဉ်က မော်ရင်ဟိုနှင့်အတူ လက်တွဲခဲ့ဖူးသူဖြစ်သည်။

……………………………………………………………..
ယူအက်စ်အိုးပင်းငါးကြိမ်မြောက်ချန်ပီယံဖြစ်လာတဲ့ဆရီနာ

ယူအက်စ်အိုးပင်းတင်းနစ်ပြိုင်ပွဲအမျိုးသမီးတစ်ဦးချင်း ဗိုလ်လုပွဲစဉ်များကို ယမန်နေ့က ယှဉ်ပြိုင်ကစားခဲ့ရာ အမေရိကန်နာမည်ကြီးတင်းနစ်မယ် ဆရီနာဝီလံယံက ကမ္ဘာ့အဆင့် ၂ ဘီလာရုဇ်တင်းနစ်မယ် ဗစ်တိုးရီးယား အဇာရန်ကာအား အနိုင်ရရှိခဲ့သည်ဟုသိရသည်။

၂ နာရီနှင့် ၄၅ မိနစ်ကြာမြင့်ခဲ့သည့် အဆိုပါဗိုလ်လုပွဲတွင် ဆရီနာမှာ အဇာရန်ကာအား ၇-၅၊ ၆-၇(၆-ဂ)၊ ၆-၁ ဖြင့်အနိုင်ရရှိခဲ့ပြီး ယူအက်စ်အိုးပင်းချန်ပီယံဘွဲ့အား ၅ ကြိမ်မြောက်ဆွတ်ခူးနိုင်ခဲ့သည်။ အသက် ၃၁ နှစ်အရွယ်ရှိပြီဖြစ်သည့် ဆရီနာမှာ ၁၉၇၃ ခုနှစ်က ဗိုလ်စွဲခဲ့သည့် သြစေတးလျတင်းနစ်မယ် မာဂရတ် ကောတ့် ထက် ၂၉၃ ရက်အသက်ပိုကြီးခဲ့ပြီး ယူအက်စ်အိုးပင်းတင်းနစ်ပြိုင်ပွဲသမိုင်းတစ်လျှေက် ဗိုလ်စွဲခဲ့သည့် အသက်အကြီးဆုံးတင်းနစ်မယ်ဖြစ်လာခဲ့သည်။ တင်းနစ်ကစားသမားသက်တမ်းတစ်လျှောက် ၁၇ ကြိမ်မြောက် ဂရန်းစလမ်းဆုဖလားအား ဆွတ်ခူးနိုင်ခဲ့သည့် ဆရီနာက “ဗစ်တိုးရီးယား(အဇာရန်ကာ) ဟာ မယုံကြည်နိုင်လောက်အောင်ကစားခဲ့ပြီး ပွဲကောင်းတစ်ပွဲပါပဲ။ သူဟာ ပြိုင်ဘက်ကောင်းတစ်ဦးပါ။ ဒါ့ကြောင့်လည်း သူဟာ ဂရန်းစလမ်းဆုဖလားများစွာကို ရယူနိုင်ခဲ့တာပါ။ ဒါကြောင့်နောက်ဆုံးပွဲပြီးတဲ့အချိန်အထိ အရှုံးအနိုင်ပြောလို့မရခဲ့ပါဘူး” ဟု ပြောကြားခဲ့သည်။

ချန်ပီယံဆုဖလားအား လက်တစ်ကမ်းအကွာမှ လက်လွှတ်လိုက်ရသည့် အဇာရန်ကာကလည်း “ခက်ခဲတဲ့ရှုံးနိမ့်မှုတစ်ခုပါပဲ။ ကျမ အိတ်သွန်ဖာမှောက်ကို ကစားခဲ့တာပါ။ ကျမတို့နှစ်ယောက်စလုံးဟာ ကျမတို့ရဲ့ရင်ကိုဖွင့်ပြီး ယှဉ်ပြိုင်ခဲ့တာပါ။ ဒါပေမယ့် ထိုက်တန်တဲ့ရလဒ်တခုဖြစ်ခဲ့ပြီး…………. ဂုဏ်ယူပါတယ် ဆရီနာ……” ဟု ပြောကြားခဲ့သည်။