စက်တင်ဘာ ၁၀ အားကစားသတင်းများ

စက်တင်ဘာ၊ ၁၀
M-Media

မိုယက်စ်က မိမိအားမန်ယူ၌ ဆက်ရှိနေစေခဲ့သည်ဟု နာနီဆို

မကြာသေးခင်က မန်ယူအသင်းနှင့် ၅ နှစ်သက်တမ်းတိုး စာချုပ်ချုပ်ဆိုလိုက်သည့် ပေါ်တူဂီ ကွင်းလယ်လူ နာနီက အသင်း နည်းပြသစ် ဒေးဗစ်မိုယက်စ်မှာ ၎င်းအား မန်ယူအသင်းတွက် ဆက်ရှိနေစေရန် စည်းရုံးခဲ့သည်ဟု ပြောကြားလိုက်သည်။

နာနီမှာ ပြီးခဲ့သည့်နွေရာသီအပြောင်းအရွှေ့တွင် ထွက်ခွာမည်ဟု သတင်း ထွက်လာခဲ့သေးသည်။

၎င်းနှင့်ပက်သက်သည့်မိုယက်စ်၏ ဆုံးဖြတ်ချက်ကို ကြားသိပြီးနောက် သူ့အားကမ်းလှမ်းလာသည့် အသင်းအားလုံးကို ပယ်ချခဲ့သည့် နာနီက “မန်ယူနဲ့ စာချုပ်သစ်အတွက် ကျနော်ကျေနပ် အားရမိပါတယ်။

ဒီနွေရာသီဟာ လွယ်ကူတဲ့နွေရာသီတော့မဟုတ်ခဲ့ပါဘူး။ ဒါပေမယ့် မိုယက်စ်နဲ့တွေ့ဆုံဆွေးနွေးပြီးတဲ့နောက်ပိုင်းမှာ အဲဒါ(သက်တမ်းတိုးတာ)ဟာ အကောင်းဆုံးအဖြေပဲလို့ ကျနော်ယုံကြည်ခဲ့ပါတယ်” ဟု Daily Mirror သတင်းစာသို့ပြောကြားခဲ့သည်။
Ref:skysports
______________________________
အိုဇေးလ်မှာ အာဆင်နယ်တွင်တောက်ပလာမည်ဟု ဖာဘရီဂတ်စ်ဆို

အာဆင်နယ်အသင်း၏ ကွင်းလယ်လူဟောင်းဖြစ်ခဲ့ပြီး လက်ရှိဘာစီလိုနာအသင်းတွင်ကစားနေသည့် ဖာဘရီဂတ်စ်က အာဆင်နယ်အသင်းသို့ ကလပ်စံချိန်တင်ပြောင်းရွှေ့ကြေးဖြင့် ရောက်ရှိလာသည့် ဂျာမန်ကွင်းလယ်လူ မီဆုအိုဇေးလ်မှာ အာဆင်နယ်တွင် တောက်ပလာလိမ့်မည်ဟု မှတ်ချက်ပေးပြောဆိုခဲ့သည်။

အိုဇေးလ်၏အပြောင်းရွှေ့နှင့်ပက်သက်ပြီး ဖာဘရီဂတ်စ်က “ကောင်းပါတယ်။ သူရဲ့ကစားပုံဟာ အာဆင်နယ်နဲ့ အံဝင်ခွင်ကျပါပဲ။ ပရီးမီးယားလိဂ်ဆိုတာ အဝေးဘောတွေကို အားပြုကစားတဲ့ လိဂ်တစ်ခုဖြစ်ပြီး သူဟာ အဲဒီလို ကောင်းကောင်းကစားတတ်သူပါ။
ခင်ဗျားတောင် သေသွားပါလိမ့်မယ်။ ဒါ(သူ့ရဲ့ကစားပုံကို) ကို ရီးယဲလ်အသင်းမှာ ကျနော်တွေ့ပြီးပါပြီး သူဟာ ဂိုးသွင်းဖို့ဘောလုံးအပို့ကောင်းသူပါ။ ပရီးမီယားလိဂ်မှာ သူဟာပိုပြီး ဘောလုံးပေးပို့မှုတွေလုပ်နိုင်မှာပါ” ဟု Al Primer Toque သတင်းစာနှင့် အင်တာဗျူးတွင် ပြောကြားခဲ့သည်။
Ref: Goal.com
______________________________
မန်ယူအသင်းမှာ ဟွေမင်ဆန်အား လိုချင်ခဲ့သည်ဟု အေးဂျင့်ဖြစ်သူပြော

တောင်ကိုရီးယားတိုက်စစ်မှူး ဟွေမင်ဆန်၏ အေးဂျင့်ဖြစ်သူက ပရီးမီးယားလိဂ်ထိပ်သီး မန်ယူအသင်းမှာ ဟွေမင်ဆန်အား ခေါ်ယူလိုခဲ့သော်လည်း ဟမ်းဘတ်အသင်းတွင်ကစားနေသည့် ဟွေမင်ဆန်မှာ မန်ယူ၏ ကမ်းလှမ်းမှုကိုပယ်ချခဲ့ပြီး ၎င်း၏တိုးတက်မှုအတွက်လေဗာကူဆင်အသင်းသို့ပြောင်းရွှေ့သွားခဲ့ခြင်းဖြစ်သည်ဟု ၎င်းက ထည့်သွင်းပြောကြားခဲ့သည်။

“မန်ယူက ဆန်နီ(ဟွေမင်ဆန်) ကို ခေါ်ယူချင်ခဲ့ပါတယ်။ တော်တော်ကိုနှစ်နှစ်ကာကာရှိခဲ့ပြီး ဟမ်းဘတ်အသင်းနဲ့လည်းဆွေးနွေးပြီးခဲ့ပါပြီး။ မန်ယူရဲ့စိတ်ဝင်စားမှုက သူ့(ဟွေမင်ဆန်)ကို ဂုဏ်တက်စေပါတယ်။

ဒါပေမယ့် လေဗာကူဆင်က ပိုကောင်းတဲ့ကမ်းလှမ်းမှုဖြစ်ခဲ့ပါတယ်။ အခုတော့ အဲဒါ(လေဗာကူဆင်ရဲ့ကမ်းလှမ်းမှု)ဟာ သူ့အတွက် အဆင်ပြေခဲ့ပါတယ်” ဟု ဂျာမန်သတင်းစာ Bild သို့ ပြောကြားခဲ့သည်။
Ref: Goal.com
______________________________
ပရိတ်သတ်တွေ ဖယ်လ်ကာအိုကိုမေ့အောင်လုပ်ဖို့ ကျနော်ဒီရောက်လာတာမဟုတ်ပါဘူး (ဒေးဗစ်ဗီလာ)

အက်သလက်တီကိုမက်ဒရစ်အသင်း၏တိုက်စစ်မှူးသစ် ဒေးဗစ်ဗီလာက အက်သလက်တီကိုသို့ရောက်ရှိလာခြင်းမှာ အသင်းအား တိုးတက်စေရန်အတွက်ဖြစ်ပြီး အသင်းအား အကောင်းဆုံး အကူအညီပေးခဲ့သည့် တိုက်စစ်မှူးဟောင်း ဖယ်လ်ကာအို နေရာအား အစားထိုးရန် ရောက်ရှိလာခြင်းမဟုတ်ဟု ပြောဆိုလိုက်သည်။

ကိုလံဘီယာတိုက်စစ်မှူး ဖယ်လ်ကာအိုမှာ အက်သက်လက်တီကိုတွင် ၂ ရာသီအတွင်း ပွဲပေါင်း ၉၀ ကစားခဲ့ပြီး ၇၁ ဂိုးအထိသွင်းယူပေးနိုင်ခဲ့သူဖြစ်သည်။

ဘာစီလိုနာအသင်းမှ အက်သလက်တီကိုသို့ ယူရို ၂.၁ သန်းဖြင့်ပြောင်းရွှေ့လာခဲ့သည့် ဗီလာက “ဖယ်လ်ကာအိုဟာ အက်သလက်တီကိုအသင်းပရိတ်သတ်တွေရင်ထဲမှာအမြဲတမ်းရှိနေမယ့် အချစ်ဆုံးကစားသမားတစ်ဦးလို့ ကျနော်ယူဆပါတယ်။

ဒါပေမယ့် သူနဲ့ကျနော်ဟာ ကစားတဲ့ ပုံစံချင်းခြားနားပါတယ်။ ကျနော့်ရဲ့အလုပ်က အသင်းကို တိုးတက်အောင် လုပ်ဆောင်ဖို့ဖြစ်ပြီး ဘယ်ကစားသမားကိုမှ (ပရိတ်သတ်တွေ)မေ့သွားအောင်လုပ်ဖို့မဟုတ်ပါဘူး” ဟု ပြောကြားခဲ့သည်။
______________________________
ကာတာအား ၂၀၂၂ ကမ္ဘာ့ဖလားပြိုင်ပွဲကျင်းပခွင့်ပေးခဲ့ခြင်းမှာ ဖီဖာ၏ မှားယွင်းမှုတစ်ခုဖြစ်သည်ဟု ဘလတ္တာဝန်ခံ

ကာတာနိုင်ငံအား ၂၀၂၂ ကမ္ဘာ့ဖလားပြိုင်ပွဲကျင်းပခွင့်ပေးခဲ့ခြင်းမှာ ဖီဖာ၏ မှားယွင်းမှုတစ်ဖြစ်သည်ဟု ကမ္ဘာ့ဘောလုံးအဖွဲ့ချုပ်(ဖီဖာ)၏ ဥက္ကဌဖြစ်သူ ဆပ်ဘလတ္တာက ပထမဦးဆုံးအကြိမ်ဝန်ခံလိုက်သည်။

ထိုကမ္ဘာ့ဖလားပြိုင်ပွဲအား အပူချိန် ၅၀ ဒီဂရီထက်ပိုသည့် နွေရာသီတွင်ကျင်းပရန်စီစဉ်ထားပြီး ဆောင်းရာသီတွင်ပြောင်းလဲကျင်းပရန် ပြိုင်ပွဲစီစဉ်သူများအား ဖျောင်းဖြနိုင်မည်ဟု မျှော်လင့်မိကြောင်း ဘလတ္တတာက ထည့်သွင်းပြောကြားခဲ့သည်။

ကမ္ဘာ့ဖလားအားဆောင်းရာသီတွင်ပြောင်းရွှေ့ကျင်းပရန်အကြံပြုချက်ကို ဖီဖာအမှုဆောင်ကော်မတီသို့ တင်သွင်းသွားမည်ဖြစ် လာမည်အောက်တိုဘာလတွင် ဆုံးဖြတ်ချက်ချမည်ဖြစ်သည်။
Ref : skysports
______________________________
ရိုးမားတိုက်စစ်မှူး ရော့စီ စီးရီးအေ၏ ၀င်ငွေအကောင်းဆုံးဖြစ်လာ

ရိုးမားအသင်း၏တိုက်စစ်မှူးဖြစ်သူ ဒန်နီယဲလ် ဒီ ရော့စီမှာ စီးရီးအေ၏ ၀င်ငွေအကောင်းဆုံးဘောလုံးသမားဖြစ်လာခဲ့သည်ဟု သိရသည်။

အသက် ၃၀ အရွယ်ရှိ ရော့စီမှာ တစ်နှစ်လုပ်ခ ယူရို ၆.၅ သန်းဝင်ငွေဖြင့် ပထမနေရာတွင်ရပ်တည်နေပြီး၊ နာပိုလီတိုက်စ်စမှူး ဂွန်ဇာလိုဟီဂူအင်က ၅.၅ သန်းဖြင့် ဒုတိယနေရာ၌ ရှိနေသည်။
Ref: Goal.com
______________________________
ဒဏ်ရာမှ သက်သာလာသည့် တိုက်စစ်မှူး ကားရိုးလ် အသင်းနှင့်ပထမဦးဆုံး လေ့ကျင်ခန်းတွင် ပြန်လည်ဒဏ်ရာရ

ဝက်စ်ဟမ်းအသင်း၏ အင်္ဂလန်တိုက်စစ်မှူး အန်ဒီကားရိုးလ်မှာ ယမန်နေ့က အသင်းနှင့် လေ့ကျင့်ခန်း ဆင်းစဉ် ဒဏ်ရာရရှိသွားခဲ့ပြီး ဒဏ်ရာအခြေအနေကို သိရှိရန် ဓါတ်မှန် အဖြေကိုစောင့်ဆိုင်းနေရသည်ဟုသိရသည်။

ကားရိုးလ်မှာ ပြီးခဲ့သည့်နှစ်က လီဗာပူးလ်အသင်းမှ ၀က်စ်ဟမ်းအသင်းသို့ အငှားဖြင့်ပြောင်းရွှေ့လာခဲ့ပြီး ယခုနွေရာသီအပြောင်းအရွှေ့ကာလတွင် ၀က်စ်ဟမ်းက ပေါင် ၁၅ သန်းဖြင့် အပြီးသတ်ခေါ်ယူခဲ့သည်။

မေလကလည် ခြေဖ၀ါးရိုးကျိုးသည့်ဒဏ်ရာရရှိခဲ့ကာ ယမန်နေ့ကမှ အသင်းနှင့်လေ့ကျင်ခန်းပြန်ဆင်းခဲ့သည့် ကားရိုးလ်၏ ဒဏ်ရာနှင့်ပက်သက်၍ “ယနေ့(တနင်္လာနေ့) အသင်းနဲ့အတူ လေ့ကျင့်ခန်းပြန်ဆင်းတဲ့ ကားရိုးလ် ညာဘက်ခြေထောက်မှာ ဒဏ်ရာရသွားတယ်ဆိုတာကို အသင်းက အတည်ပြုပါတယ်။ ယခင်ဒဏ်ရာရခဲ့တဲ့ခြေထောက်ဖြစ်ပေမယ့် နေရာဟောင်းမှာမဟုတ်ဘဲ နေရာသစ်မှာဖြစ်တာပါ။ ဒါ့ကြောင့် အထူးကုနဲ့ မပြရသေးခင် ရောဂါရဲ့အခြေအနေကို မပြောနိုင်သေးပါဘူး” ဟု ၀က်စ်ဟမ်းအသင်းက ကြေညာချက်ထုတ်ခဲ့သည်။
Ref: www.mirror.co.uk
______________________________
လူမျိုးရေးခွဲခြားမှုက ဘိုအာတင်းအား အီတလီမှ ထွက်ခွာစေ ခဲ့သည်ဟု ရှော်ကာ အသင်း ဒါရိုက်တာဆို

အေစီမီလန်အသင်း၏ ကွင်းလယ်လူဟောင်းဖြစ်သူ ကီဗင် ပရင့်စ် ဘိုအာတင်းမှာ အသင်း ပရိတ်သတ်များ၏ လူမျိုးရေးခွဲခြားမှုများကြောင့် ဂျာမန်သို့ပြောင်းရွှေ့လာခြင်းဖြစ်သည်ဟု ရှော်လ်ကာအသင်း၏ ဒါရိုက်တာဖြစ်သူ ပီတာ ပီတားစ် ကပြောဆိုလိုက်သည်။

နွေရာသီအပြောင်းအရွှေ့တွင် အေစီမီလန်မှ ရှော်လ်ကာအသင်းသို့ ယူရို ၁၀ သန်းဖြင့်ပြောင်းရွှေ့လာခဲ့သည့် ဘိုအာတင်းမှာ ပြီးခဲ့သည့် ဂျွန်လက အေစီမီလန်အသင်းနှင့် ပရိုပက်ထရီယာအသင်းတို့ ကစားခဲ့သည့် ခြေစမ်းပွဲ တစ်ခုတွင် ပရိုပက်ထရီယာ ပရိတ်သတ်များ၏ လူမျိုးရေးခွဲခြားမှုများကို ဆိုးရွာစွာ ခံခဲ့ရသောကြောင့် ပွဲကစားနေစဉ် ကွင်းအတွင်းမှ ထွက်ခွာခဲ့သည်အထိ ဖြစ်ခဲ့ရသည်။

“လူမျိုးရေးခွဲခြားတဲ့ အပြုအမူတွေကြောင့် ဘိုအာတင်းဟာ အီတလီကနေ ထွက်ခွာချင်ခဲ့တာပါ။ အေစီမီလန် ချန်ပီယံလိဂ် အုပ်စုအဆင့်ကို ၀င်ရောက်ခွင့်ရရင် အသင်းကထွက်ခွာဖို့ ဘိုအာတင်းနဲ့ ဘာလူစကိုနီ(အေစီဥက္ကဌ) တို့ သဘောတူညီထားတာလည်း ရှိပါတယ်။” ဟု ဂျာမန်အားကစားစာစောင် SportBildPlus သို့ ပီတားစ်က ပြောကြားခဲ့သည်။
Ref: Goal.com
______________________________
၁၃ ခုမြောက် ဂန်းစလမ်းဖလားအဖြစ် ယူအက်စ်အိုးပင်း ချန်ပီယံဖလားကို ဒုတိယအကြိမ်မြောက် ကိုင်မြှောက်ခွင့်ရခဲ့တဲ့ နာဒယ်လ်

ယခုနှစ် ဂရန်းစလမ်း ပြိုင်ပွဲများ၏ နောက်ဆုံးပြိုင်ပွဲ တစ်ခုဖြစ်သည့် ယူအက်စ်အိုးပင်း တင်းနစ်ပြိုင်ပွဲ အမျိုသားဗိုလ်လုပွဲစဉ်များကို အမေရိကန်ပြည်ထောင်စု နယူးယောက်မြို့ရှိ Flushing Meadows တင်းနစ်ကွင်းတွင်ယမန်နေ့ညက ယှဉ်ပြိုက်ကစားခဲ့ပြီး စပိန်တင်းနစ်သမား ရာဖေးလ်နာဒယ်လ်က ဆားဘီးယားတင်းနစ်သမား နိုဗက်ဂျိုကိုဗစ်အား အနိုင်ရဗိုလ်စွဲခဲ့သည်ဟုသိရသည်။

ကမ္ဘာ့အဆင့် ၂ ရာဖေးလ်နာဒယ်လ်မှာ ကမ္ဘာ့အဆင့် ၁ နိုဗက်ဂျိုကိုဗစ်အား အကြိတ်အနယ်ကစားကာ ၆-၂၊ ၃-၆၊ ၆-၄၊ ၆-၁ ဖြင့်အနိုင်ရရှိခဲ့ခြင်းဖြစ်ပြီး ၂၀၁၀ ခုနှစ်က ယူအက်စ်အိုးပင်းချန်ပီယံဖြစ်ခဲ့ပြီးနောက်ပိုင်း ယခု ဒုတိယအကြိမ်မြောက် ချန်ပီယံဖြစ်လာခြင်းဖြစ်သည်။

“သိပ်ကိုစိတ်လှုပ်ရှားစရာကောင်းပါတယ်။ ဒီလိုဗိုလ်စွဲတာဟာ ကျနော့်အတွက် ဘယ်လောက်အဓိပ္ပါယ်ရှိလဲဆိုတာ ကျနော့်အဖွဲ့သားတွေ အားလုံးသိကြပါတယ်” နာဒယ်လ်က ပွဲအပြီးတွင်ပြောကြားခဲ့သည်။

ယခုပွဲတွင်ဗိုလ်စွဲခဲ့ခြင်းမှာ နာဒယ်လ်၏ ကစားသမားသက်တမ်း တစ်လျှောက်ရရှိခဲ့သည့် ၁၃ ခုမြောက် ဂရန်းစလမ်းဆုဖလားဖြစ်သည်။

Ref:Sky Sports
Photo: Getty Images