စက်တင်ဘာ ၁၆ နိုင်ငံတကာ သတင်းတို စုစည်းမှု

ကုလ ဓာတုလက်နက်စစ်ဆေးသူ ဆီးရီးယားအစီရင်ခံစာအား ဘန်ကီမွန်လက်သို့ အပ်နှံ

ဓာတုလက်နက်သုံးခဲ့ခြင်းရှိမရှိ ဆီရီးယားနိုင်ငံ ဒမတ်စကတ်မြို့သို့သွားရောက်စစ်ဆေးခဲ့သည့် ကုလသမဂ္ဂ၏ ဓာတုလက်နက်ဆိုင်ရာစုံစမ်းစစ်ဆေးရေးမှူးက သူ၏ ဆီးရီးယားအစီရင်ခံစားအား ကုလအတွင်းရေးမှူးချုပ် ဘန်ကီမွန်ထံ လွှဲပြောင်းပေးခဲ့သည်ဟုသိရသည်။

ဒမတ်စကတ်မြို့ဆင်ခြေဖုံးဒေသတွင် ဓာတုလက်နက်သုံးစွဲကာ တိုက်ခိုက်ခဲ့သောကြောင့် လူပေါင်း ၁၄၀၀ကျော်သေဆုံးခဲ့သည်ဟုသတင်းထွက်ပေါ်လာမှုများအား သွားရောက်စုံစမ်းခဲ့ခြင်းဖြစ်ပြီး အဆိုပါအစီရင်ခံစာကို ယနေ့နှောင်းပိုင်းတွင် ထုတ်ပြန်မည်ဟုသိရသည်။
ယနေ့နံနက်ပိုင်းတွင်ပြုလုပ်မည့် ကုလသမဂ္ဂလုံခြုံရေးကောင်စီအဖွဲ့ဝင်များ၏ တံခါးပိတ်ဆွေးနွေးပွဲတွင် ထိုအစီရင်ခံစားအားအကျဉ်းချုပ်တင်ပြမည်ဖြစ်ပြီး ယနေ့နှောင်းပိုင်းတွင် အဖွဲ့ဝင် ၁၉၃ နိုင်ငံစလုံးအား တင်ပြသွားမည်ဟု ကုလပြောရေးဆိုခွင့်ရှိသူ မာတင် နီစီရ်ကီက ပြောကြားခဲ့သည်။

…………………………………………….
အစားအသောက်များ ဘေးမကင်းမှုက အမေရိကန်၏ပြဿနာဖြစ်လာ

အမေရိကန်နိုင်ငံတွင်အစားအသောက်များ ဘေးမကင်းမှုက နိုင်ငံတစ်ဝှမ်းရင်ဆိုင်နေရသည့်ပြဿနာဖြစ်လာသည်ဟု အစီရင်ခံစာများအရသိရသည်။

အမေရိကန်စိုက်ပျိုးရေးဌာနမှထုတ်ပြန်သော အစီရင်ခံစာတွင် နိုင်ငံတစ်ဝှမ်းအမေရိကန် အိမ်ထောင်စုများ၏ ပျမ်းမျှစစ်တမ်းကောက်ယူမှုများအရ အစားအသောက်ဘေးမကင်းမှုမှာ ၂၀၁၀ ခုနှစ်မှ ၂၀၁၂ ခုနှစ်အတွင်း ၁၄.၇ရာခိုင်နှုန်းတိုးလာသည်ဟု သိရသည်။

ထိုပမာဏမှာ သုံးနှစ်အတွင်း ၁ ရာခိုင်းနှုန်းတိုးလာခြင်းဖြစ်သည်။ စိုက်ပျိုးရေးဌာန၏ အချက်အလက်များအရ နီဗာဒါပြည်နယ်မှာ အစားအသောက်ဘေးမကင်းမှု ၁၆.၆ ရာခိုင်းနှုန်းဖြင့်အဆိုးဆုံးဖြစ်ပြီး ၎င်း၏နောက်တွင် ကယ်လီဖိုးနီးယား၊ ၀ါရှင်တန်၊ အီဒါဟိုနှင့် အော်ရီဂွန်ပြည်နယ်တို့က အသီးသီးရှိနေသည်။

Ref: Press TV
…………………………………………………
နျူးကလီးယားထိပ်ဖူးတပ်ဆင်နိုင်သည့် ဒုံကျည်အား အိန္ဒိယစမ်းသပ်လွှတ်တင်

နျူးကလီးယားထိပ်ဖူးတပ်ဆင်နိုင်သည့် ပြည်တွင်းဖြစ်  Agni-V ဒုံးကျည်ကို အိန္ဒိယနိုင်ငံက စနေနေ့တွင် နိုင်ငံအရှေ့ဘက်ရှိ အိုဒီရှာပြည်နယ် ၀ှီးလားကျွန်းတွင် အောင်မြင်စွာ စမ်းသပ်ပစ်လွှတ်ခဲ့သည်ဟုသိရသည်။

“ထိုဒုံးကျည်အား ဒေသစံတော်ချိန် နံနက် ၈ နာရီ ၄၅ မိနစ်တွင်အောင်မြင်စွာလွှတ်တင်နိုင်ခဲ့ပြီး မိနစ် ၂၀ ကြာပြီးတဲ့နောက် သတ်မှတ်ထားတဲ့ပစ်မှတ်ကို ထိမှန်ခဲ့ပါတယ်။

ဒီဒုံးကျည်ဟာ နိုင်ငံပိုင် ကာကွယ်ရေးသုသေသနဖွံ့ဖြိုးရေးအသင်း(DRDO)က ဒုတိယအကြိမ်ပစ်လွှတ်ခဲ့တဲ့ တာဝေးပစ်ဒုံကျည်ဖြစ်ပါတယ်” ဟု သတင်းများက ဖေါ်ပြခဲ့ကြသည်။
Ref: ဆင်ဟွာ
……………………………………………
အင်ဒိုနီးရှား ဆူမားတြားတွင် မီးတောင်လှုပ်ရှားမှုဖြစ်ပွား

အင်ဒိုနီးရှားနိုင်ငံ ဆူးမားတြားတွင် ယမန်နေ့နံနက်ပိုင်းက မီးတောင်လှုပ်ရှားမှု အနည်းငယ်ဖြစ်ပေါ်ခဲ့သောကြောင့် ဒေသခံများ နေအိမ်များကို စွန့်ခွာကာ ဘေးကင်းရာ နေရာများသို့ လာရောက်ခိုလှုံကြသည်ဟုသိရသည်။

ယမန်နေ့နံနက် ဒေသစံတော်ချိန် ၂ နာရီ ၅၁ မိနစ်တွင် အနောက်ဆူမားတြားပြည်နယ် ကာရိုခရိုင်ရှိ ဆီနာဘန်မီးတောင် လှုပ်ခတ်ရာမှ ပြာများ၊ ကျောက်ခဲများ ထွက်လာခဲ့သောကြောင့် အနီးအနားရှိ ရွာများမှ ပြည်သူ ၆၀၀၀ နီးပါးမှာ ဘေးကင်းရာသို့ရွှေပြောင်းခဲ့ကြသည်ဟု အမျိုးသားသဘာဝဘေး အန္တရာယ်စီမံ ခန့်ခွဲရေးအေဂျင်ဆီမှ ပြောရေးဆိုခွင့်ရှိသူ Sutopo Purwo Nugroho ကပြောကြားခဲ့သည်။
Ref: ဆင်ဟွာ
…………………………………………
ဆီးရီးယားတွင် ဖမ်းဆီးခံထားရသည် ပြင်သစ်ဂျာနယ်လစ်နှစ်ဦးမှာ အသက်ရှင်လျက်ရှိနေ

လွန်ခဲ့သည့်သုံးလခန့်က ဆီးရီးယားနိုင်ငံတွင်ဖမ်းဆီးခံခဲ့ရသည့် ပြင်သစ် ဂျာနယ်လစ်နှစ်ဦးမှာ အသက်ရှင်လျက်ရှိနေကြောင်း သိရှိရသည်ဟု ပြင်သစ်သမ္မတ ဖရန်အိုအစ် ဟော်လန်က ယမန်နေ့ကပြောကြားခဲ့သည်။

ထိုဂျာနယ်လစ်နှစ်ဦးမှာ ဒီဒီရာ ဖရန်အိုအစ်နှင့် အလွတ်ဓာတ်ပုံသမား အဒူဝါဒ် အီလီယာစ်တို့ဖြစ်ကြပြီး ပြင်သစ်အခြေစိုက် Europe1 ရေဒီယိုဌာနတွင် အလုပ်လုပ်နေကြသူများဖြစ်ကာ ဆီးရီးယားနိုင်ငံ အလက်ပိုမြို့တွင် ပြီးခဲ့သည် ဇွန်လက ဖမ်းဆီးခံခဲ့ရခြင်းဖြစ်သည်။
“သူတို့လွတ်မြောက်ဖို့ ဘာမဆို လုပ်ဆောင်သွားမှာပါ။ ဒါပေမယ့်သူတို့ကို လွှတ်ပေးဖို့အတွက် ဆက်သွယ်ပြောဆိုရတာ တော်တော်ကြာမှာပါ” ဟု ဟော်လန်က TF1 ရုပ်သံချန်နယ်သို့ပြောကြားခဲ့သည်။
Ref: ဆင်ဟွာ
………………………………………………
မြောက်ကိုရီးယားသို့ ၀င်ရောက်ရန်ကြိုးစားသည့် တောင်ကိုးရီးယား နိုင်ငံသားတစ်ဦး ပစ်သတ်ခံရ

မြောက်ရီးယားစစ်မဲ့ဇုန်အတွင်းရှိ မြစ်တစ်ခုအားဖြတ်ကူးကာ မြောက်ကိုရီးယားသို့ဝင်ရောက်ရန်ကြိုးစားခဲ့သည့် တောင်ကိုရီးယားနိုင်ငံသားတစ်ဦးမှာ ယနေ့နေ့လည်ပိုင်းက ပစ်သတ်ခံ ခဲ့ရသည်ဟု ကာကွယ်ရေးဝန်ကြီးဌာနက သတင်းထုတ်ပြန်ခဲ့သည်။

“နေ့လည် ၂ နာရီ ၂၃ မိနစ်လောက်မှာ သာမန်အ၀တ်အစားကိုဝတ်ဆင်ထားတဲ့ လူတစ်ယောက်ဟာ အင်ဂျင် မြစ်ထဲကို ခုန်ချခဲ့ပါတယ်။ မြောက်ကိုရီးယားကိုကျော် ၀င်လာဖို့ပါ” ဟု ကာကွယ်ရေးဝန်ကြီးဌာနမှ တာဝန်ရှိသူတစ်ဦးက ဖုန်းဖြင့်ဖြေကြားခဲ့သည်။

မြောက်ကိုရီးယားမှ စီးဆင်းသော အဆိုပါမြစ်မှာ ဆိုးလ်မြို့၏ အနောက်မြောက်ဘက် ကီလိုမီတာ ၅၀ အကွာရှိ ပါဂျူးဒေသတွင်ရှိသည်။ အဆိုပါ အမျိုးသားအား တောင်ကိုရီးယားသို့ပြန်သွားရန် သတိပေးခဲ့သော်လည်း နာခံမှုမရှိခဲ့သောကြောင့် ပစ်သတ်ခဲ့ခြင်းဖြစ်ပြီး မည်သူမည်ဝါဖြစ်ကြောင်းမသိရှိရဟု တာဝန်ရှိသူတစ်ဦးက ပြောကြားခဲ့သည်။
Ref: ဆင်ဟွာ
………………………………………………
ဂျပန်နိုင်ငံ အလယ်ပိုင်းတွင် ပြင်းထန်သောတိုင်ဖုန်း မုန်တိုင်းတစ်ခု ၀င်ရောက်

အင်အားပြင်းထန်သောတိုင်ဖုန်းမုန်တိုင်းကြောင့် ဂျပန်နိုင်ငံအလယ်ပိုင်းတွင် မြေပြိုမှုများ၊ ရေကြီးမှုများဖြစ်ပေါ်ကာ လူပေါင်း များစွာ ဘေးကင်းရာ နေရာများသို့ပြောင်းရွှေ့ခဲ့ ရသည်ဟု သိရသည်။

တိုင်ဖုန်း မန်ယီဟု အမည်ရသည့် အဆိုပါမုန်းတိုင်းကြောင့် ပြည်နယ်လေးခုမှ အနည်းဆုံး လူပေါင်းလေးသိန်းခန့်မှာ အိုးအိမ်များအားစွန့်ခွာခဲ့ရပြီး မုန်တိုင်းမှာ တစ်နာရီ ၃၄ မိုင်နှုန်းဖြင့်ဆက်လက်ရွေ့ရှားနေသည်ဟု တာဝန်ရှိသူများက သတင်းထုတ်ပြန်ခဲ့သည်။

BBC