အပြည်ပြည်ဆိုင်ရာ ငြိမ်းချမ်းရေးနေ့ကို ကွန်ရက်များ စုပေါင်းပြုလုပ်မည်

စက်တင်ဘာ ၁၇၊ ၂၀၁၃
M-Media
လင်းလင်း

ရန်ကုန် ။        ။        ၂၀၁၃-ခုနှစ် စက်တင်ဘာလ ၂၁-ရက်နေ့တွင် ကျရောက်မည့် အပြည်ပြည်ဆိုင်ရာ ငြိမ်းချမ်းရေးနေ့အား ကွန်ရက်များစုပေါင်း၍ ရန်ကုန်မြို့တွင် အထိမ်းအမှတ် လူထုလှုပ်ရှားမှုများ ပြုလုပ်မည်ဖြစ်ကြောင်း သတင်းစာရှင်းလင်းပွဲကို ယနေ့နံနက် ၁၁-နာရီတွင် မြန်မာဂျာနယ်လစ်ကွန်ရက်ရုံးခန်း၌ ကျင်းပပြုလုပ်ခဲ့သည်။

ယနေ့ပြုလုပ်တဲ့ သတင်းစာရှင်းလင်းပွဲတွင် ၂၁-ရက်နေ့မှာပြုလုပ်မယ့် အပြည်ပြည်ဆိုင်ရာ ငြိမ်းချမ်းရေးနေ့ လူထုစုဝေးပွဲအစီအစဉ်များ နှင့် ပက်သက်ပြီး အသေးစိတ်ရှင်းလင်းတင်ပြခဲ့ပါတယ်။ ၂၁-ရက်နေ့ မှာပြုလုပ်မယ့် အစီအစဉ်တွေရဲ့ ရည်ရွယ်ချက်ကတော့ တစ်နိုင်ငံလုံး ပြန်လည် သင့်မြတ်ဖို့အတွက်နှင့် လွတ်လပ်ငြိမ်းချမ်းမျှတလမ်းသို့ မတူလက်များတွဲကြဖို့ အတွက်ဖြစ်တယ်။ ဆက်လက်ပြီး ၂၁-ရက်နေ့မှာ ပြုလုပ်မယ့် အစီအစဉ်နဲ့ပတ်သက်ပြီး
တက်ရောက် လာသူများမှ မေမြန်းချက်ကို ပြန်လည် ဖြေကြားပေးခဲ့ကြသည်။
အပြည်ပြည်ဆိုင်ရာ ငြိမ်းချမ်းရေးအခမ်းအနား ကျင်းပမယ့် ရည်ရွယ်ချက်က ငြိမ်းချမ်းရေးအတွက်ဆိုတော့ သက်ရောက်မှုက အတိုင်းတာ ဘယ်လောက်အထိ မျှော်မှန်းထားလဲဆိုသည့် မေးခွန်းအား “ရည်ရွယ်ချက်ကတော့ ၃-ခုပေါ့ တစ်နိုင်ငံလုံးမှာရှိတဲ့ စစ်ပွဲတွေ၊ ဖိနှိပ်မှုတွေ၊ အကြမ်းဖက်မှုတွေ ပပျောက်စေဖို့ အတွက်က ပထမရည်ရွယ်ချက်။ကျွန်တော်တို့ ဒီအကြမ်းဖက်မှု ပပျောက်စေရေးအတွက် ပြည်သူတွေအားလုံးက အကြမ်းမဖက်ဘဲနဲ့ ဘယ်လိုကိစ္စဘဲဖြစ်ဖြစ် တစ်ယောက်နဲ့ တစ်ယောက် သင့်သင့်မြတ်မြတ် ဖြေရှင်းတတ်ကြရင် ဒါဟာ ပြည်သူတွေရဲ့တာဝန်၊ ဒါပေမဲ့ စစ်ပွဲတွေရပ်ဖို့ဆိုတာ လက်ရှိအစိုးရနဲ့ အများကြီးဆိုင်တယ်၊ တပ်မတော်နဲ့လည်း အများကြီးဆိုင်တယ်။ တိုင်းရင်းသားလက်နက်ကိုင်တွေနဲ့လည်းဆိုင်တယ်။

ကျွန်တော်တို့က သူတို့ ရပ်စေချင်တယ်။ စစ်ပွဲတွေ မတိုက်ပါနဲ့တော့ ကျွန်တော်တို့ တိုင်းပြည်နှစ်နာလှပြီ ဆိုတာ ကျွန်တော်တို့ပြောနိုင်တယ်၊ ဒါပေမယ့် ကျွန်တော်တို့မှာ ပါးစပ်ပဲရှိတယ်၊ သူတို့ပစ်ရင် ကျွန်တော်တို့ သေရမှာပဲ။ အဲဒါကသူတို့ကို ရည်ရွယ်ပါတယ်၊ နောက်ဒီစစ်ပွဲတွေရပ်ဖို့၊ ဖိနှိပ်မှုတွေပျောက်ဖို့အတွက် အစိုးရနဲ့တကွ ပါဝင်ပတ်သတ်နေတဲ့ နိုင်ငံရေး အင်အားစုအားလုံးကိုရည်ရွယ်ပါတယ်၊ နောက်ပြည်သူတွေကြားမှာ ငြိမ်းချမ်းရေးအနှစ်သာရတွေ ပြန့်ပွားဖို့ဆိုတာ
ပြည်သူတွေကြားမှာ အမျိုးသားပြန်လည် သင့်ပြန့်ရေးလိုအပ်တယ်ဆိုတဲ့အကြောင်း၊ တစ်ဦးနဲ့တစ်ဦး မတူကွဲပြားမှုတွေ ကြားထဲမှာ ကျွန်တော်တို့ သင့်သင့်မြတ်မြတ် နေထိုင်ဖို့ လိုအပ်တယ်ဆိုတဲ့အကြောင်း၊ ပြောမယ်ဆိုရင်လို့ရှိရင်တော့ ပြည်သူလူထုကိုရော၊ လက်ရှိအစိုးရကိုရော၊ နောက်ပြီးနိုင်ငံရေးအင်အားစု၊ တိုင်းရင်းသားအင်အားစု အားလုံးကို ရည်ရွယ်ပြီးပြောတာဖြစ်ပါတယ်။”

လမ်းလျှောက်မယ့်အစီအစဉ်ကို မေးရာ “ကျွန်တော်တို့ ကျောက်တံတားကနေ မြို့တော်ခန်းမ ပြီးတော့ ဒဂုံမြို့နယ်ကနေလျှောက်ပြီး ပြည်သူ့ရင်ပြင်မှာ အဆုံးသတ်မှာဖြစ်တယ်။ မြို့နယ်တွေအရ ကျောက်တံတား၊ ပန်းဘဲတန်း၊ လသာ၊ လမ်းမတော်၊ အလုံ၊ ကျင်းမတိုင်၊ စမ်းချောင်း၊ ဒဂုံတို့ဖြစ်တယ်။ ခွင့်ပြုချက်မရခဲ့ရင်လည်း ရတဲ့နည်းနဲ့ ကျွန်တော်တို့ လုပ်လို့ရသလောက်တော့ လုပ်သွားမှာဖြစ်ပါတယ်။ ဘာကြောင့်လဲဆိုတော့ ကျွန်တော်တို့ရဲ့ငြိမ်းချမ်းစေလိုတဲ့ တစ်နိုင်ငံလုံး ပြန်လည်သင့်ပြန့်စေလိုတဲ့ ကျွန်တော်တို့စိတ်ဓါတ်လေးကို ကျွန်တော်တို့ရတဲ့နည်းနဲ့ဖော်ထုတ်သွားမှာဖြစ်ပါတယ်။”လို့ ရှင်းလင်းပြောကြားခဲ့ကြပါတယ်။
အပြည်ပြည်ဆိုင်ရာ ငြိမ်းချမ်းရေးနေ့အထိမ်းအမှတ်ကို ရန်ကုန်မြို့ ပြည်သူ့ရင်ပြင်တွင် ပြုလုပ်ရန်အတွက် သက်ဆိုင်ရာဌာနများသို့ ခွင့်ပြုမိန့် တောင်းခံထားပြီ ဖြစ်ကြောင်းနှင့် လမ်းလျှောက်ခြင်း၊ ပန်းချီ၊ ကာတွန်း၊ ကဗျာရွတ်ပွဲများကို ပြုလုပ်မည်ဖြစ်ကြောင်းလည်းသိရသည်။