စက်တင်ဘာ ၁၉ အားကစားသတင်းများ

စက်တင်ဘာ၊ ၁၉ ၊
M-Media
ကိုလေး စုစည်းတင်ဆက်သည်။

အာဆင်နယ်အနိုင်ရ၊ ဘာကာဂိုးမြူးခဲ့ပြီး ချယ်ဆီးရှုံးပွဲတွေ့ခဲ့သည့် ချန်ပီယံလိဂ် အဖွင့်ပွဲ ဗုဒ္ဓဟူးနေ့ညပွဲစဉ်များ

ချန်ပီယံလိဂ်အုပ်စု E၊ F၊ G၊ H  တို့၏ အုပ်စုအဖွင့် ပွဲစဉ်များကို ယနေ့နံနက်က ယှဉ်ပြိုင်ကစားခဲ့ရာ ဘာစီလိုနာ၊ အေစီမီလန်၊ အာဆင်နယ်၊ ရှော်လ်ကာတို့အနိုင်ရရှိခဲ့ကြပြီး ချယ်ဆီး၊ ဒေါ့မွန်နှင့် ဇင်းနစ်အသင်းတို့ ရှုံးပွဲတွေ့ခဲ့ကြသည်။

အုပ်စု E

ချယ်ဆီး ၁-၂ ဘေဆယ်
ရှော်လ်ကာ ၃-၀ စတူအာဘူခါရက်

စတမ်းဖို့ဒ်ဘရစ်ခ်ျတွင်ကစားခဲ့သည့် ချယ်ဆီးနှင့် ဘေဆယ်တို့ပွဲစဉ်တွင် ဘေဆယ်အသင်းက အနိုင်ရရှိခဲ့ပြီး ချယ်ဆီးနည်းပြမော်ရင်ဟို၏ ယခုနှစ်ရာသီ ဒုတိယမြောက်ရှုံးပွဲလည်းဖြစ်ခဲ့သည်။ ဦးဆောင်ဂိုးကို ချယ်ဆီးက ၄၅ မိနစ်တွင် အော်စကာ၏ခေါင်းတိုက်ဂိုးဖြင့်ရရှိခဲ့သော်လည်း ၇၁ မိနစ်တွင် မိုဟာမက် ဆလာဟ်နှင့် ၈၁ မိနစ်တွင် မာကို စထရယ်လာတို့က ဘေဆယ်အတွက် ချေပဂိုးနှင့် အနိုင်ဂိုးများကိုသွင်းယူပေးခဲ့သည်။ ယခုပွဲတွင်ချယ်ဆီးကစားသမား မာတာအား အရန်ခုံတွင်ထိုင်ခိုင်းမှုကြောင့် ချယ်ဆီးပရိတ်သတ်များမှာ မာတာအားထည့်သွင်းကစားရန် ပိုစတာများကိုင်ဆောင်ကာ တောင်းဆိုခဲ့သည်။

ဂျာမန်မြေတွင်ကစားခဲ့သည့် ရှော်လ်ကာနှင့် စတူအာဘူခါရက်တို့ပွဲစဉ်တွင် ရှော်လ်ကာအသင်းက ၃ ဂိုး ဂိုးမရှိဖြင့်ပြတ်ပြတ်သားသား အနိုင်ရရှိခဲ့သည်။ ရှောလ်ကာ အသင်းက ပွဲကိုစိုးမိုးရန်ကြိုးစားခဲ့သော်လည်း စတူ အာဘူခါရက်အသင်းက အတင်းဝင် အတင်းဖျက်ကစားခဲ့၍ ပွဲမှာအကြိတ်အနယ်ရှိခဲ့သည်။ ဒုတိယပိုင်း ၆၇ မိနစ်မှ ရှော်လ်ကာတို့ အဖွင့်ဂိုးရခဲ့ပြီး ယူချီဒါကသွင်းယူပေးခဲ့သည်။ ထို့နောက် ၇၈ မိနစ်တွင် ဘိုအာတင်းက ဒုတိယဂိုးသွင်းယူပေးခဲ့ပြီး ၈၅ မိနစ်တွင် ဒရာစလာက နောက်ဆုံးပိတ် အနိုင်ဂိုး သွင်းယူပေးခဲ့ကာအိမ်ရှင်အား မျက်နှာပန်းလှစေခဲ့သည်။
………………………………………………
အုပ်စု F

မာဆေးလ် ၁-၂ အာဆင်နယ်
နာပိုလီ ၂-၁ ဒေါ့မွန်

Stade Vélodrome ကွင်းတွင်ကစားခဲ့ကြသည့် မာဆေးလ်အသင်းနှင့် အာဆင်နယ်အသင်းတို့ပွဲတွင် အာဆင်နယ်က ဝေါ့လ်ကော့၊ ရမ်ဆေးတို့၏သွင်းဂိုးဖြင့် အိမ်ရှင်မာဆေးလ်အားအနိုင်ရရှိခဲ့သည်။ ယခုပွဲအနိုင်ကြောင့် အာဆင်နယ်မှာ အဝေးကွင်း ၁၀ ပွဲဆက်တိုက် အနိုင်ရရှိသည့်စံချိန်ရရှိခဲ့သည်။ အာဆင်နယ်အတွက်ဂိုးများကို ၆၅ မိနစ်နှင့် ၈၃ မိနစ်တို့တွင် သွင်းယူခဲ့ပြီး မာဆေးလ်အတွက် နှစ်သိမ့်ဂိုးကို ဒုတိယပိုင်းနာကျင်အချိန်ပိုတွင် အန်ဒရီ အယွီ က ပင်နယ်တီမှတစ်ဆင့် သွင်းယူပေးခဲ့သည်။

အပြောင်းအရွှေ့ရာသီတွင် ငွေးကြေးအမြောက်အများသုံးစွဲကာ အသင်းအားတောင့်တင်းအောင်တည်ဆောက်ထားသည့် နာပိုလီအသင်းမှာ ဂျာမန်ကလပ်ဒေ့ါမွန်အသင်းအား အိမ်ကွင်းတွင်အနိုင်ရရှိခဲ့သည်။ ၂ ဂိုး ၁ ဂိုးဖြင့်အနိုင်ရရှိခဲ့သောအဆိုပါပွဲတွင် နာပိုလီအတွက်ဂိုးများကို တိုက်စစ်မှူးသစ် ဟီဂူအင်က ပထမပိုင်း ၂၉ မိနစ်နှင့်၊ ဖရီးကစ်မှတစ်ဆင့် အင်ဆစ်နီက ဒုတိယပိုင်း ၆၇ မိနစ်တို့တွင် အသီးသီးသွင်းယူပေးခဲ့သည်။ ဒေါ့မွန်၏ ဂိုးမှာ နာပိုလီကစားသမား ဇူနီဂါက ၈၇ မိနစ်တွင် ကိုယ့်ဂိုးကိုယ်သွင်းခဲ့ခြင်းကြောင့် ရရှိခဲ့ခြင်းဖြစ်ပြီး အာဆင်နယ်အသင်းက အဝေးဂိုးကွာခြားချက်ဖြင့် အုပ်စုပထမနေရာတွင်ရှိနေသည်။
…………………………………………………
အုပ်စု G

အက်သလက်တီကိုမက်ဒရစ် ၃-၁ ဇင်းနစ်
သြစတြီးယားဝီအန် ၀-၁ ပေါ်တို

၄၅ လကြာ ချန်ပီယံလိဂ်ပြိုင်ပွဲနှင့် ကင်းကွာနေခဲ့ရသည့် အက်သလက်တီကိုမက်ဒရစ်အသင်းမှာ အိမ်ကွင်းတွင် ရုရှားထိပ်သီးဇင်းနစ်အားအနိုင်ယူကာ ချန်ပီယံလိဂ်စာမျက်နှာကို လှပစွာဖွင့်လှစ်နိုင်ခဲ့သည်။ ဇင်းနစ်အား ၃ ဂိုး ၁ ဂိုးဖြင့်အနိုင်ရရှိခဲ့ခြင်းဖြစ်ပြီး အက်သလက်တီကိုအတွက်ဂိုးများကို ၄၀၊ ၆၄၊ ၈၀ မိနစ်တို့တွင် မီရန်ဒါ၊ အာဒါ တူရန်၊ ဘက်ပ်တစ္စတာ တို့က အသီးသီးသွင်းယူပေးခဲ့ကာ ဇင်းနစ်အတွက် တစ်လုံးတည်းသောချေပဂိုးကို ဟုလ်က်က ၅၈ မိနစ်တွင် သွင်းယူပေးခဲ့သည်။ ဘောလုံးပိုင်ဆိုင်မှုပိုင်းတွင် ဇင်းနစ်ကအသာရခဲ့သော်လည်း အက်သလက်တီကိုက ဂိုးပေါက်ကန်သွင်းခွင့် ၁၁ ကြိမ်အထိရရှိခဲ့သည်။

ပေါ်တူဂီထိပ်သီးပေါ်တိုအသင်းမှာ ချန်ပီယံလိဂ်အစဉ်အလာနည်းသည့် သြစတြီးယားဝီအန်အသင်းအား လူချိုဂွန်ဇာလက်၏ ၅၅ မိနစ် သွင်းဂိုးဖြင့်အနိုင်ရရှိခဲ့သည်။ ပွဲတစ်ပွဲလုံးကို ပေါ်တိုကပင် ဖိကစားနိုင်ခဲ့ပြီး ထိုက်တန်စွာအနိုင်ရရှိခဲ့ခြင်းဖြစ်သည်။
…………………………………………….
အုပ်စု H

ဘာစီလိုနာ ၄-၀ အေဂျက်
အေစီမီလန် ၂-၀ ဆဲလ်တစ်

ဘာစီလိုနာသင်းမှာ အိမ်ကွင်းနျူးကမ့်တွင် ဟော်လန်ကလပ် အေဂျက်အား မက်ဆီ၏ ဟက်ထရစ်သွင်းဂိုးများဖြင့်အနိုင်ရရှိခဲ့သည်။ ဘာကာအတွက်ဂိုးများကို ၂၂၊ ၅၅၊ ၇၅ မိနစ်များတွင် မက်ဆီက ဟက်ထရစ်နှင့် ၆၉ မိနစ်တွင် ပီကေးတို့က အသီးသီးသွင်းယူပေးခဲ့သည်။

ဆန်စီရိုတွင်ကစားခဲ့သည့် အေစီမီလန်နှင့် ဆဲလ်တစ်တို့ပွဲတွင် အေစီမီန်လန်အသင်းက နောက်ကျဂိုးများဖြင့် အနိုင်ရရှိခဲ့သည်။ ၈၂ မိနစ်တွင်ဆဲလ်တစ်ကစားသမား အီဇာဂူရီ၏ ကိုယ့်ဂိုးကိုယ်သွင်းမိခဲ့မှုကြောင့် အေစီမီလန်အဖွင့်ဂိုးစရခဲ့ပြီး၊ ၈၆ မိနစ်တွင် မွန်တာရီက ဒုတိယဂိုးသွင်းယူပေးခဲ့သည်။
………………………….
မီလန်မှာ ကံကောင်းခဲ့သည်ဟု အီမန်နျူယဲလ်ဆင်ဆို

အေစီမီလန်အသင်း၏နောက်ခံလူဖြစ်သူ အာဘီ အီမန်နျူယဲလ်ဆင်က ချန်ပီယံလိဂ်တွင် အေစီအနိုင်ရခဲ့ခြင်းမှာ ကံကောင်း၍ သာဖြစ်သည်ဟု ပြောဆိုလိုက်သည်။

အေစီမီလန်အသင်းမှာ ချန်ပီယံလိဂ်တွင် ဆဲလ်တစ်အသင်းအား ၂ ဂိုး ဂိုးမရှိဖြင့်အနိုင်ရရှိခဲ့သည်။ အနိုင်ဂိုးများကို ပွဲပြီးကာနီးမှ ရရှိခဲ့ခြင်းဖြစ်ပြီး ဆဲလ်တစ်အသင်းမှ ကိုယ့်ဂိုးကိုယ်သွင်းမိခဲ့၍ အဖွင့်ဂိုးရရှိခဲ့ကာ ၈၆ မိနစ်တွင် မွန်တာရီက အနိုင်ဂိုးသွင်းယူပေးခဲ့ခြင်းဖြစ်သည်။

“ဒါဟာ မီလန်ရဲ့ပုံမှန်နိုင်ပွဲလို့ ခင်ဗျားပြောနိုင်ပါတယ်။ ကျွန်တော်တို့ကံကောင်းလို့ ၁ ဂိုးရခဲ့ပြီး ဒီပွဲဟာကျွန်တော်တို့အတွက် ခက်ခဲတဲ့ပွဲပါ။ ကျွန်တော်တို့အစကောင်းခဲ့ပေမယ့် နောက်ပိုင်းမှာဆိုးရွားခဲ့ပါတယ်။ အရေးအကြီးဆုံးကတော့ ကျွန်တော်တို့ အုပ်စုအဖွင့်ပွဲစဉ်မှာ အနိုင်ရခဲ့တာပါပဲ” ဟု ပွဲအပြီးတွင် သတင်းထောက်များအား ပြောကြားခဲ့သည်။

……………………………
ကာဆီးလက်မှာ ၎င်းအားသတ်ချင်သည်ဟု ရာမို့စ်အရွှန်းဖောက်

ရီးယဲလ်မက်ဒရစ်အသင်း၏နောက်ခံလူ ဆာဂျီယိုရာမို့စ်က ဂိုးသမား အီကာကာဆီးလက်မှာ ၎င်းအား သတ်ချင်ခဲ့သည်ဟု ဂါလာတာစာရေးအား ၆ ဂိုး ၁ ဂိုးဖြင့်အနိုင်ရရှိခဲ့သောချန်ပီယံလိဂ်ပွဲအပြီးတွင် အရွှန်းဖောက်ပြောကြားလိုက်သည်။

ပွဲအစ ၁၄ မိနစ်တွင် ကာဆီးလက်မှာ ရာမို့စ်နှင့် ထိခိုက်မိပြီး ဒဏ်ရာရရှိသွားခြင်းကို ရည်ညွှန်းပြောဆိုလိုက်ခြင်းဖြစ်သည်။ ကာဆီးလက်မှာ ပြီးခဲ့သည့် ဇန်န၀ါရီလ ကတည်းက အသင်းတွင်ပါဝင်ခွင့်မရခဲ့ဘဲ ယခုပွဲတွင်မှ ပထမဦးဆုံး အကြိမ်အဖြစ်ပါဝင်ခွင့်ရခဲ့သော်လည်း ဒဏ်ရာရရှိသွားသောကြောင့် ဒီယေဂိုလိုပက်ဇ်နှင့် လူစားလဲခဲ့ရသည်။

“ဒီနေ့တစ်ယောက်ယောက်ကကျွန်နော့်ကို သတ်ချင်နေပါတယ်။ ကံကောင်းစွာပဲ သူရဲ့ဒဏ်ရာဟာ မပြင်းထန်ဘဲ မကြာခင်အသင်းမှာ ပြန်ပါလာမှာပါ” ဟု ရာမို့စ်က ၎င်း၏ ဖေ့ဘုတ်စာမျက်နှာတွင် ရေးသားခဲ့သည်။

………………………………………
အန်ဒါဆန်မှာ လာဇီယို၏အနာဂတ်ဖြစ်သည်ဟု အေးဂျင့်ဆို

ဘရာဇီးကလပ် ဆန်းတို့စ်အသင်းမှ လာဇီယိုသို့ ပြောင်းရွှေ့ကြေးယူရို ၈ သန်းဖြင့် ငါးနှစ်စာချုပ်ချုပ်ဆိုကာရောက်လာခဲ့သည့် ဘရာဇီးလူငယ်ကစားသမား ဖီလစ်ပ်အန်ဒါဆန်မှာ လာဇီယိုအသင်း၏ လက်ရှိနှင့် အနာဂတ်၏ ကြယ်ပွင့်တစ်ပွင်ဖြစ်လာမည်ဟု အန်ဒါဆန်၏ အေးဂျင့်ဖြစ်သူက စတီဖာနို ကတ်စ်တဂ်နာ ပြောကြားလိုက်သည်။ အသက် ၂၀ အရွယ်ရှိအန်ဒါဆန်မှာ လာဇီယိုအသင်းသို့ရောက်ရှိလာခဲ့သော်လည်း အသင်းနှင့်ပွဲထွက်ခွင့်မရရှိသေးပေ။ “သူခံစားနေရတဲ့ဒဏ်ရာဟာ ဆိုးရွားပါတယ်။ ဒါပေမယ့် သူဟာတစ်ကြိမ်တော့ သူရဲ့အကောင်းဆုံးပုံစံနဲ့ အသင်းမှာပါဝင်ခွင့်ရမှာပါ။ အခုတော့သူဟာ ဘရာဇီးကနေသူ့ကိုခေါ်ယူခဲ့တဲ့အသင်းရဲ့ ယုံကြည်မှုကို ပြန်လည်ပေးဆပ်ဖို့ အဆင်သင့်ဖြစ်နေပြီး စိတ်အားလည်ထက်သန်နေပါတယ်” ဟု ကတ်စ်တဂ်နာက Radio Mana Mana ရေဒီယိုသတင်းဌာနသို့ပြောကြားခဲ့သည်။
http://www.goal.com/en/news/10/italy/2013/09/18/4271887/anderson-is-the-future-of-lazio-claims-agent?ICID=OP
……………………………………..
ပထမနေရာအတွက် ဘေးလ်နှင့်ယှဉ်ပြိုင်ရန် အဆင်သင့်ရှိသည်ဟု ဒီမာရီယာဆို

ရီးယဲလ်အသင်း၏ အာဂျင်တီးနားကွင်းလယ်လူ ဒီမာရီယာက နေရာရရှိရန်အတွက် အသင်းသို့ ကမ္ဘာ့စံချိန်တင်ပြောင်းရွှေ့ကြေးဖြင့် ရောက်ရှိလာခဲ့သည့် ဂါရက်ဘေးလ်နှင့် ယှဉ်ပြိုင်ရန်အတွက် အဆင်သင့်ဖြစ်နေသည်ဟု ပြောကြားလိုက်သည်။ ဂါလာတာစာရေးအား အနိုင်ရရှိခဲ့သောချန်ပီယံလိဂ်ပွဲတွင် ဒီမာရီယာမှာ ပွဲထွက်ကစားသမားအဖြစ် ပါဝင်ခွင့်ရခဲ့ပြီး ဘေးလ်မှာ အရန်ခုံတွင်ထိုင်ခဲ့ရသည်။

အသက် ၂၅ နှစ်အရွယ်ရှိ ဒီမာရီယာမှာ ယမန်နှစ်မော်ရင်ဟိုလက်ထက်တွင် ပွဲထွက်ကစားသမားအဖြစ် ၂၂ ပွဲပါဝင်ကစားခဲ့ရခဲ့သည်။ “ကျွန်တော်ဟာ ဆုဖလားတွေကိုဆွတ်ခူးချင်လို့ ရီးယဲလ်မှာ ရှိနေတာပါ။ နည်းပြက ကျွန်တော့်ကိုကစားလို့ပြောတဲ့အခါ ကျွန်တော်ကစားမှာပါ။ သူက အရန်ခုံမှာထိုင်စေချင်ရင်လည်း ကျွန်တော်ထိုင်နေမှာပါ။ ဒါပေမယ့် ပွဲထွက်ကစားသမားအဖြစ်ကျွန်တော်ပါဝင်ချင်ပါတယ်” ဟု ဒီမာရီယာက သတင်းထောက်များအား ပြောကြားခဲ့သည်။

………………………………………
ဗီဒယ်မှာ ဘေးလ်ကဲ့သို့ ကောင်းသည်ဟု ဂျူဗီဒါရိုက်တာဆို

ဂျူဗင်တပ်စ်အသင်း၏ အထွေထွေဒါရိုက်တာဖြစ်သူ ဂျီဆက်ပီ မာရော့တာက အသင်းရှိ ကွင်းလယ်ကစားသမား အာတူရို ဗီဒယ်လ်မှာ ဂါရက်ဘေးလ်၏ပြောင်းရွှေ့ကြေး ကဲ့သို့ထိုက်တန်ကြောင်းပြောကြားခဲ့သည်။ “တကယ်လို့ ဘေးလ်းဟာ ပြောင်းရွှေ့ကြေး ယူရို သန်း ၁၀၀ တန်တယ်ဆိုရင် ဗီဒယ်ကလည်း အဲဒီလောက်တန်ပါတယ်။

ရီးယဲလ်က ဒီနှစ်ဗီဒယ်ကိုခေါ်ဖို့ စိတ်ဝင်စားပါတယ်။ ဒါပေမယ့် သူ့ကိုကျနော်တို့မရောင်းပါဘူး။ ဒါ့ကြောင့် ရီးယဲလ်ကစိတ်ဝင်စားမှုက အဆုံးသတ်သွားပါတယ်” ဟု မာရော့တာက Mediaset သို့ ပြောကြားခဲ့သည်။ ထို့ပြင် ဂျုဗင်တပ်စ်အသင်း၏ ပြင်သစ်ကွင်းလယ်သမား ပေါလ် ပေါ့ဘာကိုလည်း ချီးကျုးခဲ့သည်။