တစ်နိုင်ငံလုံးအတိုင်းအတာ လူထုလှုပ်ရှားမှုများ ပြုလုပ်ခဲ့တဲ့ အပြည်ပြည်ဆိုင်ရာ ငြိမ်းချမ်းရေးနေ့

စက်တင်ဘာ ၂၁၊ ၂၀၁၃
M-Media
လင်းလင်း

ရန်ကုန် ။       ။       ဒီနေ့မှာကျရောက်တဲ့ အပြည်ပြည်ဆိုင်ရာ ငြိမ်းချမ်းရေးနေ့ကို တစ်နိုင်ငံလုံး အတိုင်းအတာနဲ့ ကျင်းပနေသလို ရန်ကုန်မြို့မှာလည်း ရပ်ဖက်လူမှုအဖွဲ့အစည်း ၆၀-ကျော်ပါဝင်ပြီး ဒီနေ့ မနက် ၉-နာရီကနေ ညနေ ၆-နာရီထိ ရန်ကုန်မြို့ ပြည်သူ့ရင်ပြင်မှာ ပြုလုပ်ခဲ့ကြပါသည်။

ငြိမ်းချမ်းရေးနေ့ လူထုလှုပ်ရှားမှု ပွဲတော်ကို မနက် ၉-နာရီမှစတင်ကာ ပြခန်းများ၊ သီဆိုဖျော်ဖြေမှုများ၊ ဥာဏ်စမ်းဂိမ်းကစားခြင်း၊ ကဗျာရွတ်ခြင်းများ ပြုလုပ်ကာ၊  ဆူးလေ-မြို့တော်ခန်းမရှေ့မှ စတင်ခဲ့သော လူအင်အား ၁၀၀၀-ကျော်မှ ငြိမ်းချမ်းရေးနေ့ လမ်းလျှောက်လာကြပြီး ပူးပေါင်းကာ ငြိမ်းချမ်းရေး သရုပ်ဖော်မှုများကို ပြုလုပ်ခဲ့ကြသည်။

အရပ်ဖက်လူမှုအဖွဲ့အစည်း ၆၀-ကျော်မှ စုပေါင်း၍ ငြိမ်းချမ်းရေးနေ့ လူထုလှုပ်ရှားမှု ကြေညာချက်တစ်စောင်ကိုလည်း အဆိုပါ ပွဲတော်တွင် ထုတ်ပြန်ကြေညာခဲ့သည်။

အဆိုပါပွဲတော်သို့ ပြည်ထောင်စုဝန်ကြီး ဦးအောင်မင်းအပါအ၀င်၊ ၀န်ကြီး ဦးခင်ရီ၊ ၀န်ကြီး ဦးစိုးသိမ်းနှင့် အစိုးရ ၀န်ကြီးဌာနများမှ ၀န်ကြီးများ၊ ရှစ်လေးလုံး မျိုးဆက် ကျောင်းသားများအဖွဲ့မှ ကိုဋ္ဌေးကြွယ်၊ ဒေါက်တာမြင့်သိန်း(ငြိမ်းချမ်းလုလင်)တို့လည်း ပါဝင်တက်ရောက် အားပေးခဲ့ကြသည်။

တက်ရောက်သော ပြည်ထောင်စုဝန်ကြီး ဦးအောင်မင်းက ကြိုးပမ်းတည်ဆောက်နေတဲ့ ငြိမ်းချမ်းရေးတည်ဆောက်မှုသည် မြန်မာနိုင်ငံသားများအတွက်သာမက ကမ္ဘာ့လူထုတစ်ရပ်လုံးအတွက်ပါ ကောင်းကျိုးပြုမည့်ဖြစ်စဉ်တစ်ရပ်ဖြစ်ကြောင်း၊ ပြည်တွင်းငြိမ်းချမ်းရေးကို တာဝန်ယူ အကောင်ထည်ဖော်ဆောင်နေရသူတစ်ဦးဖြစ်တဲ့ မိမိအနေနဲ့ တင်ပြလိုသည်မှာ လက်ရှိငြိမ်းချမ်းရေးတည်ဆောက်မှုဟာ မတူညီတဲ့အမြင်များ၊ ကွဲလွဲသည့် အယူအဆများအပြင် ခြားနားတဲ့ ရပ်တည်များ အမျိုးမျိုး ရှိကြသည့်အတွက် ငြိမ်းချမ်းရေးကို ရှုမြင်တဲ့ပုံစံ အမျိုးစုံရှိကြောင်း လက်တွေ့အရှိတရားဖြင့် လက်ခံထားကြောင်း ပြောကြားခဲ့သည်။

၎င်းကပင် ဆက်လက်၍ အခိုင်အမာပြောဆိုနိုင်သည့်အချက်မှာ ယနေ့ရရှိထားသည့် ငြိမ်းချမ်းရေးတည်ဆောက်မှု အဆင့်ဆင့်သည် ဆွေးနွေးဘက်အားလုံး၏
စိတ်ရင်း စေတနာကို အခြေခံတည်ဆောက်ထားတာ ဖြစ်သည့်အတွက် အာမခံချက်ရှိသော အခွင့်အလမ်းများ ပေါ်ပေါက်နေပြီဖြစ်ကြောင်း၊ ဤကာလသည် အနာဂတ် ကာလအတွက် ဘုံသဘောတူညီထားသော ငြိမ်းချမ်းရေးအတွက် ခိုင်ခိုင်မာမာတည်ရှိနေပြီဖြစ်ကြောင်း ထပ်လောင်းပြောဆိုခဲ့ပါသည်။

အနာဂတ်တွင်လည်း နိုင်ငံသားတစ်ဦးချင်းစီ၏ လူ့အဖွဲ့အစည်းတစ်ရပ်လုံးတွင် ယခုရရှိထားသည့် အခွင့်အလမ်းများအား လက်လွှတ်မခံပဲ အမိအရ ဆုပ်ကိုင်ပြီး
စိတ်ရှည်သည်းခံခြင်းနှင့် ညှိနှိုင်းမှုများအား လုပ်ဆောင်သွားကြမည်ဆိုပါက အားလုံးတောင့်တနေကြသည့် ပြည်တွင်းငြိမ်းချမ်းရေးနှင့် အမျိုးသား ပြန်လည် စည်းလုံး ညီညွတ်ရေး လုပ်ငန်းစဉ်များကို နိုင်ငံသားအားလုံး အောင်မြင်စွာ လုပ်ဆောင်နိုင်ကြမည်ဖြစ်ကြောင်း၊ လက်ရှိ ပြည်တွင်းငြိမ်းချမ်းရေး လုပ်ငန်းစဉ်များသည် သိမ်မွေ့နက်နဲပြီး စိမ်ခေါ်မှုများနှင့် ပြည့်နှက်နေသော်လည်း မြန်မာပြည်လူငယ်ထုအနေနှင့် ပြည်တွင်းငြိမ်းချမ်းရေးကို စိတ်ဝင်စားတက်ကြွစွာ ပါဝင်သည်ကို
သိရသည့်အတွက် ငြိမ်းချမ်းရေးလုပ်ငန်းစဉ်များကို ပုခုံးပြောင်း တာဝန်ယူမည့် မျိုးဆက်သစ်များကို မြင်ရသည့်အတွက် ၀မ်းမြောက်မိကြောင်း၊ မှန်ကန်သည့်
နိုင်ငံရေး ရည်မှန်းချက်များကို ပုဂ္ဂလိက အကျိုးအမြတ် တစ်စုံတစ်ရာ မပါရှိပဲ မွန်မြတ်သည့် ရည်မှန်းချက်များဖြင့် အမျိုးသားရေးတာဝန်ကို လုပ်ဆောင်နေသည်ကို မြင်ရသည့်အတွက် လေးစားဂုဏ်ယူကြောင်း၊ ငြိမ်းချမ်းရေးအတွက် လူငယ်ထုအနေနဲ့ ကြိုက်ရာအခန်းကဏ္ဍမှ ပါဝင်ရန် တိုက်တွန်းကြောင်း၊ ပြုပြင် ပြောင်းလဲရေး လုပ်ဆောင်နေသော မိမိတို့ နိုင်ငံရဲ့ ကြုံတွေ့နေရတဲ့ အခက်အဲများကို အရှိတရားများဖြင့် လက်ခံပေးထားရမည်ဖြစ်ကြောင်း ကိုလည်း ဦးအောင်မင်းမှပင် ဆက်လက်
ပြောကြားသွားခဲ့ပါသည်။

ပွဲတော်ကို တက်ရောက်လာသူတချို့ကတော့ “ကျွန်တော်တို့က ငြိမ်းချမ်းရေးကို လိုလားလို့ လုပ်တာပါ။ နောက်ပိုင်းကျရင်လည်း ကျွန်တော်တို့ လိုလားတဲ့ငြိမ်းချမ်းရေး အတွက် ဖော်ဆောင်မှုတွေလုပ်မှာပါ”

“ဟိုအရင် နိုင်ငံရေးတုန်းက လွတ်လပ်ရေးသည် ပထမ၊ လွတ်လပ်ရေးသည် ဒုတိယ၊ လွတ်လပ်ရေးသည် တတိယလို့ အော်ခဲ့ကြတာ၊ အခုက ဒီမိုကရေစီရေးသည် ပထမ၊ ငြိမ်းချမ်းရေးသည် ပထမ၊ လူမှုစီးပွားတိုးတက်ရေးသည် ပထမ ဖြစ်သွားပြီ။ ဒါကြောင့် အမိမြန်မာပြေ ငြိမ်းချမ်းပါစေ၊ လူတိုင်းငြိမ်းချမ်းပါစေပေါ့ဗျာ”ဟု M-Media ကို ပြောပြခဲ့ပါတယ်။

မနက်ပိုင်းကတည်းမှ ပြုလုပ်ခဲ့တဲ့ ငြိမ်းချမ်းရေးနေ့ လူထုလှုပ်ရှားမှုပွဲတော်ကို ညနေ ၆-နာရီကျော်တွင် ပြီးဆုံးခဲ့ကြပါသည်။

ရန်ကုန်မြို့တွင် ကျင်းပသည့်နည်းတူ မန္တလေးမြို့နှင့် အခြားမြို့များတွင်လည်း ကျင်းပပြုလုပ်ခဲ့ကြကြောင်းလည်း သိရှိရပါသည်။

ဓါတ်ပုံများ ကြည့်လိုပါက >>  အပြည်ပြည်ဆိုင်ရာငြိမ်းချမ်းရေးနေ့မြင်ကွင်းဓါတ်ပုံ