စက်တင်ဘာ ၂၄၊ အားကစားသတင်းများ

စက်တင်ဘာ ၂၄၊ ၂၀၁၃
M-Media

မန်ယူပြန်လာမည်ဟု ဗီဒစ်ဆို

မန်ချက်စတာ ယူနိုက်တက်အသင်း၏ နောက်ခံလူဖြစ်သူ ဗီဒစ်က မန်စီးတီးအသင်းအား ၄-ဂိုး ၁-ဂိုးဖြင့် ရှုံးနိမ့်ခဲ့သည့်ပွဲတွင် အသင်း၏ကစားပုံမှာ ညံ့ဖျင်းခဲ့သော်လည်း လာမည့် လီဗာပူးလ်အသင်းနှင့်ပွဲတွင် နည်းပြနှင့် ကစားသမားများမှာ အမှားများအား ပြန်လည် ပြင်ဆင်နိုင်လိမ့်မည်ဟု ပြောကြားခဲ့သည်။

သိုသော်လည်း နည်းပြအား အပြစ်တင်ရန်မသင့်ဟု ထင်မြင်သည့် ဗီဒစ်က “ဒါဘီပွဲမှာ ရှုံးတာဟာ ဆိုးရွားပါတယ်။ ပြီးတော့နာလည်း နာကျင်စရာပါ။ ဒါပေမယ့်ဘယ်သူမှ ဒါကိုမှတ်မထားချင်ပါဘူး။ နိုင်တာ ရှုံးတာကိစ္စမရှိပေမယ့် နည်းပြကြောင့်လား။ ကစားသမားကြောင့်လား ဆိုတဲ့မေးခွန်းကို အမြဲတမ်းမေးကြပါတယ်။ ကျွန်တော်ကတော့ ဒီလိုမမြင်ပါဘူး။ မန်ယူဟာသမိုင်းရှိတဲ့အသင်းပါ။ ကစားသမားတွေဟာလည်း နိုင်ငံ့လက်ရွေးစင်တွေဖြစ်ပြီး ဆုဖလားများစွာရရှိခဲ့သူပါ။ ဒီအရှုံးက နာကျင်စေခဲ့ပါတယ်။ ဒါပေမယ့် နည်းပြအဟောင်းရော၊ နည်းပြအသစ်ပါ ပြောတဲ့စကားကတော့ နောက်ပွဲမှာ အကောင်းဆုံးနဲ့ အနိုင်ကစားဖို့ လိုတယ်ဆိုတာပါပဲ” ဟု Sky Sports သို့ ပြောကြားခဲ့သည်။
goal
____________________

နာပိုလီနှင်ပွဲတွင် ပြုမူခဲ့သည့် အပြုအမူကြောင့် ဘာလော့တယ်လီ ပွဲစဉ် ၃-ခု ပယ်ခံရ

အေစီမီလန်အသင်း၏ တိုက်စစ်မှူး ဘာလော့တယ်လီမှာ နာပိုလီအသင်းအား ရှုံးနိမ့်ခဲ့သည့်ပွဲတွင် ပြသခြင်းခံခဲ့ရသည့် အနီကတ်ကြောင့် ၃-ပွဲ ပွဲပယ်ပြစ်ဒဏ်ချမှတ်ခြင်းခံခဲ့ရသည်ဟုသိရသည်။ ထို့ကြောင့် လာမည့်သီတင်းပတ်တွင် ကစားမည့် ဂျူဗင်တပ်စ်အသင်းနှင့် ပွဲစဉ်တွင် ပါဝင်နိုင်မည်မဟုတ်ပေ။ ဘာလော့တယ်လီမှာ နာပိုလီအသင်းနှင့်ပွဲစဉ် အပြီးတွင် ဒိုင်လူကြီးအား ပြင်းပြင်းထန်ထန် စောဒကတက်ခဲ့သောကြောင့် ဒုတိယအကြိမ် အ၀ါကတ် ပြသခြင်းခံခဲ့ရသည်။

“ပြိုက်ဘက်တွေကို သိက္ခာကျစေမှု၊ ပွဲတာဝန်ရှိသူတွေကို စောဒကတက်မှုနဲ့ ဒိုင်လူကြီးကို ခြိမ်းခြောက်စော်ကားတဲ့ အပြုအမှုတွေလုပ်တဲ့အတွက် ဒီလိုပြစ်ဒဏ်ချမှတ်လိုက်တာပါ” ဟု အီတလီဘောလုံးအဖွဲ့ချုပ်၏ တရားသူကြီးက ဆုံးဖြတ်ချက်နှင့်ပက်သက်ပြီး ပြောကြားခဲ့သည်။
goal
____________________

ရှဝိုင်းစတိုင်ဂါမှာ ဘိုင်ယန်အတွက် အသက်ဖြစ်လာသည်ဟု ရော်ဘင်ဆို

ဘိုင်ယန်မြူးနစ်အသင်း၏ ကွင်းလယ်လူ အာဂျန်ရော်ဘင်က အသင်းဖော် ရှဝိုင်းစတိုင်ဂါနှင့် ဖိလစ်လမ်းတို့အား ချီးကျူးပြောဆိုလိုက်သည်။ ရှဝိုင်းစတိုင်ဂါမှာ ဒဏ်ရာကြောင့် အသင်းမှ အနားယူနေရသူဖြစ်ပြီး ဒဏ်ရာသက်သာကာ အသင်းတွင် ပြန်လည်ပါဝင်လာခြင်းမှာ ဘိုင်ယန်အတွက် အရေးပါသည်ဟု ရော်ဘင်က ခံစားနေရသည်။ ရှဝိုင်းစတိုင်ဂါမှာ ခြေချင်းဝတ်ဒဏ်ရာကြောင့် ချယ်ဆီး၊ ဟန်နိုဗာအသင်းတို့နှင့် ကစားခဲ့သည့်ပွဲများတွင် ပါဝင်နိုင်ခဲ့ခြင်းမရှိပဲ စီအက်စ်ကေအေ မော်စကိုအသင်းနှင့် ချန်ပီယံလိဂ်ပွဲတွင် မိနစ်-၂၀ ပါဝင်ကစားခဲ့ပြီး ပြီးခဲ့သည်တစ်ပါတ်က ကစားခဲ့သည့် ရှော်လ်ကာအသင်းနှင့် ကစားသည့်ပွဲတွင် ပထမကစားသမားအဖြစ် ပါဝင်ခွင့်ရခဲ့သည်။

“ရှဝိုင်းစတိုင်ဂါပြန်ပါလာတာဟာ ကျွန်တော်တို့ အတွက် အရေးကြီးပါတယ်။ ကျွန်တော်တို့မှာ အဓိကကျတဲ့ကစားသမားတွေရှိနေပြီး ဘက်စတီယန် (ရှဝိုင်းစတိုင်ဂါ)ဟာ အဲဒီထဲကတစ်ယောက်ပါပဲ။ သူဟာ ကျွန်တော်တို့အသင်းရဲ့ ဒုတိယ အသင်းခေါင်းဆောင်တစ်ယောက်ပါ။ ပြီတော့ ရှော်လ်ကာကို ၁-ဂိုး ဂိုးမရှိနဲ့နိုင်တဲ့ပွဲမှာ သူသွင်းခဲ့တဲ့ဂိုးဟာ သိပ်ကို အရေးပါပါတယ်” ဟု ရော်ဘင်က TZ သို့ပြောကြားခဲ့သည်။ ထို့ပြင် ဘိုင်ယန်အသင်းခေါင်းဆောင် ဖိလစ်လမ်းမှာ နေရာစုံကစားနိုင်ကြောင်း၊ နည်းစနစ်ပိုင်းကောင်းမွန်ပြီး ဥာဏ်ရည်ပြည့်ဝသောကစားသမားဖြစ်ကြောင်း ရော်ဘင်က ပြောကြားခဲ့သည်။
goal

____________________

KDB Korea Open အမျိုးသမီးတင်းနစ်ပြိုင်ပွဲတွင် ရဒ်ဝန်စကာဗိုလ်စွဲ

တောင်ကိုရီးယားနိုင်ငံ ဆိုလ်းမြို့တွင်ကျင်းပခဲ့သည့် KDB Korea Open တင်းနစ်ပြိုင်ပွဲ ဗိုလ်လုပွဲကို တနင်္ဂနွေနေ့ကကျင်းပပြုလုပ်ခဲ့ပြီး ပိုလန်တင်းနစ်မယ် အဂ်နစ်ဇ်ကာ ရဒ်ဝန်စကာက ရုရှားတင်းနစ်မယ် အန်နက်စ်တာစီယာ ပက်ဗလူချင်ကိုဗာအား အနိုင်ရ ဗိုလ်စွဲခဲ့သည်ဟု သိရသည်။

၂-နာရီနှင့် ၄၈-မိနစ်ကြာမြင့်ခဲ့သည့် အဆိုပါပွဲစဉ်တွင် နိုင်ခြေအဆင့်-၁ ရ ရဒ်ဝန်စကာမှာ နိုင်ခြေအဆင့်-၃ ရ ပက်ဗလူချင်ကိုဗာအား အကြိတ်အနယ်ကစားကာ ၆-၇(၆-၈)၊ ၆-၃ ဖြင့်အနိုင်ရရှိခဲ့သည်။ “ဒီပွဲဟာ တော်တော်လေးခက်ခဲတဲ့ပွဲစဉ်ပါ။ ဒါပေမယ့် ကျွန်မဟာ အရေးကြီးတဲ့ အချိန်တွေမှာ ပိုကောင်းခဲ့ပါတယ်” ဟု ရဒ်ဝန်စကာက ပွဲအပြီးတွင် ပြောကြားခဲ့သည်။
skysports

____________________

ပြင်သစ် ပထမတန်း(PSG) ဘောလုံးအသင်းအား ပံ့ပိုးကူညီမည့် Ooredoo ကုမ္ပဏီ

ဒိုဟာအခြေစိုက် ဆက်သွယ်ရေးကုမ္ပဏီ တစ်ခုဖြစ်သည့် Ooredoo ကုမ္ပဏီသည် ပြင်သစ် ပထမတန်း ဘောလုံးကလပ် Paris Saint – Germain (PSG) ဘောလုံးအသင်းအား ပံ့ပိုး ကူညီသွားမည်ဖြစ်ကြောင်း သိရသည်။

အဆိုပါ ပံ့ပိုးကူညီရခြင်း၏ အဓိကရည်ရွယ်ချက်မှာ လူငယ်များနှင့် လူ့အဖွဲ့အစည်း၏ ဖွံ့ဖြိုးတိုးတက်မှုကို ကူညီထောက်ပံ့ပေးရန် အတွက်ဖြစ်ပြီး Ooredoo ၏ လုပ်ငန်းများဆောင်ရွက်နေသည့် အရှေ့ အလယ်ပိုင်း၊ မြောက် အာဖရိကနှင့် အရှေ့တောင် အာရှနိုင်ငံများမှ လူငယ်များအတွက် ဘောလုံး လေ့ကျင့်ရေး စခန်းကျောင်း အပါအ၀င် လူ့အဖွဲ့အစည်းဆိုင်ရာ လမ်းညွှန်မှု အစီအစဉ်များကို မိတ်ဆက် လုပ်ဆောင်သွားမည် ဖြစ်ကြောင်းလည်း သိရသည်။

Ooredoo ကုမ္ပဏီ အမှတ်တံဆိပ်ကို Paris Saint – Germain (PSG) အသင်း၏ တီရှပ်နောက်ကျောနှင့် လေ့ကျင့်ရေး ပစ္စည်းများပေါ်တွင် ရိုက်နှိပ်မည်ဖြစ်ပြီး အသင်း၏ လေ့ကျင့်ရေး အဆောက်အဦးကိုလည်း Ooredoo Training Center ဟု ပြောင်းလဲ ခေါ်ဆိုမည်ဖြစ်ကြောင်းလည်း သိရသည်။
ooredoo