နှစ်ပွဲဆက်တိုက် ရှုံးပြီး နိုင်ပွဲပြန်တွေခဲ့တဲ့ လီဗာပူး ၊ ယခုတပတ် (၉)ပွဲတွင် ဧည်သည်အသင်းတွေ (၅) ပွဲထိနိုင်ပြီး ခြေစွာခဲ့

စက်တင်ဘာ၊ ၃၀
M-Media

ပရီးမီးယားလိဂ်ပွဲစဉ် ၆ ပွဲစဉ်များအဖြစ် စတုတ်စီးတီးအသင်းနှင့် နော့ဝစ်ခ်ျအသင်းတို့လည်းကောင်း၊ ဆန်းဒါးလန်းအသင်းနှင့် လီဗာပူးလ်အသင်းတို့လည်းကောင်း ယမန်နေ့က ယှဉ်ပြိုင်ကစားခဲ့ကြရာ နောဝစ်ခ်ျနှင့် လီဗာပူးလ်အသင်းတို့ အသီးသီးအနိုင်ရရှိခဲ့ကြသည်ဟု သိရသည်။

ပြီးခဲ့သည့်တစ်ပတ်က ဆောက်သက်တမ်အသင်းအားရှုံးနိမ်ခဲ့ပြီး လိဂ်ဖလားတွင်လည်း မန်ယူအသင်းကိုရှုံးနိမ့်ခဲ့ကာ နောက်ဆုံးနှစ်ပွဲဆက်နိုင်ပွဲပျောက်ခဲ့သည့် လီဗာပူးလ်အသင်းမှာ ဆန်ဒါးလန်းအသင်း၏ အလင်းရောင်ကွင်းတွင် အမှားအယွင်းမရှိ ၃ မှတ်ရယူနိုင်ခဲ့သည်။ ဆန်းဒါးလန်းအသင်းအား ၃ ဂိုး ၁ ဂိုးဖြင့် အနိုင်ရရှိခဲ့ခြင်းဖြစ်ပြီး အဖွင့်ဂိုးကို ၂၈ မိနစ်တွင် ဒန်နီယယ် စတားရစ်ခ်ျက သွင်းယူပေးခဲ့ပြီး ၃၆ မိနစ်နှင့် ၈၉ မိနစ်တို့တွင် လူးဝစ်ဆွာရက်ဇ်က ဒုတိယဂိုးနှင့် တတိယဂိုးတို့ကို အသီးသီးသွင်းယူပေးခဲ့သည်။ ဆန်းဒါးလန်းအသင်းအတွက် တစ်လုံးတည်းသောချေပဂိုးကို ၅၂ မိနစ်တွင် အီမန်နျူယဲလ် ဂျာရှရီနီက သွင်းယူပေးခဲ့သည်။ ယခုပွဲအနိုင်ကြောင့် လီဗာပူးလ်အသင်းမှာ ၆ ပွဲကစား ၁၃ မှတ်ဖြင့် အာဆင်နယ်၏အောက် ၂ နှစ်မှတ်အကွာ ဒုတိယနေရာတွင်ရှိနေသည်။

စတုတ်ရဲ့ အိမ်ကွင်းမှာ အနိုင်ရခဲ့တဲ့ နော်ဝစ်ခ်ျ
——————————————-
စတုတ်အသင်း၏အိမ်ကွင်း ဘရစ်တန်းနီးယားတွင်ကစားခဲ့ကြသည့် စတုတ်စီးတီးနှင့်နော်ဝစ်ခ်ျတို့ပွဲစဉ်တွင် ဧည့်သည်နော်ဝစ်ခ်ျအသင်းက ပထမပိုင်းသွင်းဂိုးဖြင့်အနိုင်ရရှိခဲ့သည်။ နော်ဝစ်ခ်ျအသင်းအတွက် တစ်လုံးတည်းသောအနိုင်ဂိုးကို ပထမပိုင်း ၃၃ မိနစ်တွင် ဂျိုနသန် ဟောင်ဆန်က သွင်းယူပေးခဲ့ခြင်းဖြစ်သည်။ နှစ်သင်းစလုံးမှာ ပြီးခဲ့သည့်သတင်းပတ်များက ပရီးမီးယားလိဂ် နှစ်ပွဲဆက်တိုက် နိုင်ပွဲပျောက်ခဲ့သောအသင်းများဖြစ်ကြသည်။

ပရီးမီးယားလိဂ်ပွဲစဉ် ၆ အနိုင်အရှုံး

မန်ယူ ၁-၂ ၀က်စ်ဘရွန်း
ဆွမ်ဆီး ၁-၂ အာဆင်နယ်
ဖူလ်ဟမ် ၁-၂ ကာဒစ်ဖ်
အက်စတွန်ဗီလာ ၃-၂ မန်စီးတီး
စပါး ၁-၁ ချယ်ဆီး
ဆောက်သက်တမ် ၂-၀ ခရစ္စတယ်ပဲလေ့စ်
ဟားလ်စီးတီး ၁-၀ ၀က်စ်ဟမ်း
စတုတ်စီးတီး ၀-၁ နော့ဝစ်ခ်ျ
ဆန်းဒါးလန်း ၁-၃ လီဗာပူးလ်